De Rebaptismate (2)

Igitur adgredientibus tractatum salutaris et noui hoc est spiritalis
et euangelici baptismatis in primis occurrit notissima omnibus praedicatio
celebrata atque coepta ab Ioanne baptista, qui aliquantum desciscens
a lege id est Moysi antiquissimo baptismate et uiam nouae et
uerae gratiae praesternens [et] baptismate quod interim exercebat
aquae et paenitentiae sensim aures Iudaeorum praeueniebat et occupabat
spiritalis baptismatis futuri annuntiatione, adhortans eos et
dicens: qui post me uenit fortior me est, cuius ego non
sum dignus corrigiam calciamenti soluere. ipse uos
baptizabit in spiritu sancto et igni. propter quod nobis
quoque huius sermonis orsus hinc incipere debebit. nam et Dominus
hanc eandem uocem Ioannis post suam resurrectionem in actis [*] [*]

apostolorum confirmans praecepit eis ab Hierosolymis non
discedere, sed exspectare illam promissionem patris
quam audistis a me, quia Ioannes quidem baptizau it it
aqua, uos autem baptizabimini spiritu sancto non post
multos hos dies. itemque Petrus eadem uerba Domini percensuit,
rationem pro se apud apostolos reddens dicendo: cum autem
inciperem loqui ego, irruit spiritus sanctus super
eos, sicut et super nos in principio, et recordatus sum
sermonem Domini sicut dicebat: Ioannes quidem baptizauit
aqua, uos autem baptizabimini spiritu sancto.
si ergo aequale donum dedit eis sicut et nobis credentibus
Dominum legum Christum, ego quis eram qui
possem probibere Domino? et iterum: uiri fratres, scitis
quia a diebus antiquis in nobis Deus elegit per os
meum audire gentes uerbum euangelii et credere et
qui corda nouit Deus testimonium perhibuit dans eis
spiritum sanctum sicut et nobis. ac propterea huius
sententiae quae sit uis et potestas considerare debemus. ait enim Dominus
eis qui postmodum baptizari haberent, quia crederent, baptizandos
esse, non quemadmodum a se in aqua in paenitentiam, sed in
spiritu sancto. de qua praedicatione cum utique nemo nostrum possit
ambigere, manifestum est qua ratione homines in spiritu sancto
baptizati sint. nam et proprie in ipso solo sancto spiritu baptizati
sunt qui crediderunt, quia Ioannes discreuit et dixit dicens se quidem
in aqua baptizare, uenturum autem qui in spiritu sancto baptizet.
gratia et uirtute Dei sunt t et hoc et occulta largiente et operante,
nihilominus autem etiam in baptismate spiritus et aquae, praeterea
etiam in baptismate spiritus in sanguine proprio uniuscuiusque, sicut
declarant nobis sanctae scripturae , quarum per singula quaeque
eorum quae enarrabimus adferemus perspicuas probationes.