Dictiones (23)

Postquam, indices, abdicatus filius in iusti executionem
doloris patris factum, matris consensum gladio uindicauit,
turbare se aestimat innocentiam cognitorum et aliquid de
manifesti facinoris absolutione subripere. nescimus quae in
defensione sui uerba commendaticia sceleratus inueniat, ad
cuius nos confutationem uulnus ostendimus. malo psrseuelorantiae
perditus filius, postquam necauit patrem, opinionem
matris contendit extinguere: dolens quod euasimus pugionem,
telo famam insequitur, cui pro sexus uerecundia plus timemus.
nos ruptam, patri ce〈ruice〉m, nos scelerati iter ostendimus. ille
contra rem uerba conponit et, me quod nobis fidum uideatur extitisse
subsidium, ad sententiam suam traxit paruulum nostrum,
. quem fuci nescium fabricata uerborum arte subuertit, faciens
et illum perire, qui putabatur esse residuus. quid praestigiis
nudam desideras uelare iustitiam P nec odiosus parcere potuit
nec quem mentiris amasse percutere. numquid argumentis
opus est, ubi factum suum ueritas propria uoce testatur? perdidisti
spem defensionis, cum genetricis ferro membra describeres.
sed licet procurator formosus et nitidus, nos ad haec
inspicienda oculos non habemus. [*] [*]