The Goddesse of Surrye (36-40)

Now of the wondres that he doth I can speke largely, but I wol telle only that that is most marveyllous; and first I schalle make mencioun of the oracle. Ther ben manye oracles amonges Grekes and manye amonges Egyptyens, and some in Libye, and also manye in Asye. But thise oracles speken not withouten prestes or prophetes; but

And I schalle seye you an other wonder that he wroghte in min owene presence. Whan the prestes wolde beren him up and carryen him, he lafte hem doun on the erthe and fleighe in the eyr al be him self.

There beside Apollo is a symulacre of Atlas, and there neer, of Mercure and of Lucine.[*]

Now have I devysed you how that the temple is aparaylled with innen. Withouten is set a gret awtere of brasse, and there nyghe ben othere symulacres of kynges and prestes withouten nombre ; and I schalle telle you tho that ben moste worthy of mencioun. At the lefte syde of the temple stont a symulacre of Semiramys schewinge the temple with hir righte hond, the whiche was sett up for this resoun. Sche made ordeynaunce unto alle that duelleden in Surrye that thei scholde worschippe hir as here goddesse, recchynge nought of the othere goddes and [uno hirself. And thei didde right so. But after, for als moche as syknesses and tribulaciouns and peynes weren leyde on hir by the goddes, sche cessed of that folye and knouleched that sche was mortalle and commaunded alle hir subgettes to tornen hem ayen un to Iuno. Wherfore sche stont yit in suche gyse, devysing to alle that comen that thei schulle worschippe luno, and knoulechynge that sche is not goddesse no more, but that other.[*]

And in that place saughe I also ymages of Eleyne and Ecube and Andromacha and Parys and Ector and Achilles. And I saughe Nireos ymage, that was sone of Aglaye, and Philomele and Progne, that weren yit wommen, and Tereus himself, that was a brid, and an other ymage of Semiramys, and of Combabe that that I spak of, and a right fayr of Stratonice, and oon of Alexaundre lyk as it were the verray man, and there beside him stont Sardanapalle in other schappe and other aparayl.[*]