The Goddesse of Surrye (31-35)

And with inne, the temple is not oon, but in it is mad an other chambre, to the which is an other weye up, that is but schort. That chambre is not dight with dores but liggeth alle open ayens thee. In to the grete temple comen alle men, but in to the litylle chambre the prestes only, and not alle the prestes, but only thei that ben most nyghe to the Goddes and han in governaunce alle the servys of the temple. And in that chambre arn throned the ydoles, that oon Iuno and that other that is Tove, algates thei clepen him be another name.[*] And both ben of gold, and both sytten, but lyouns beren Iuno, and that other sytt on boles.[*]

And certeynely the symulacre of Iove ressembleth Iove in alle pointes, as heed and garnements and throne; and thou mightest not lyknen him unto no thing elles, and thou wolde.

But whan thou lokest on Iuno, sche wil schewe thee grete dyversitee of semblauntz; for al be it that the hool, trewely considered, be luno, natheles it conteyneth some dele of Minerve and Venus and Luna and Cibella and Deane and Fortune and Parcas.[*] And in that oon hond sche holt a troncheon, and in that other a distaf; and on hir hede sche bereth rayes, and a tour, and that ceynt that men arayen with Venus Celestial allone. And abouten hir sche hath mo gold and precious stones right costlewe, some whyte and some watry, and manye lyk wyn and manye lyk fuyr; and therto sardoynes withouten nombre and berylles and emeraudes. Thise stones bryngen men of Egypte and Inde and Ethyope and Medye and Ermonye and Babyloyne. But I schal devyse you a thyng that is yit mo to speke of. Sche bereth on hir hede a ston that hight Lampe and hath his name after that that it doth. That ston schyneth in the nyght with grete claretee and serveth all the temple with light, right as it were of lampes. In the daye his schyninge is feble but

And betwene hem stont a symulacre of gold, not lyk the othere symulacres in no kynde, that hath no propre schap but bereth the qualitees of the other goddes. And the Assuriens hem selve clepen it Tokene, for thei han not goven him no propre name; in sothe thei mowe not seyn whens it cam ne what maner thyng it is. But some beleven, it is of Bachus, and othere that it is of Deucalioun, and othere that it is of Semiramys. And for sothe a dowve of gold stont on his hede, and so thei devisen that it is Semiramys Tokene. And it doth iorney twyes eech yeer to the See, for to fecchen that water aforseyde.[*]

In the temple himself on the left syde in entrynge is first a thron of Elye the sonne, but noon ymage of him sytt there on. For of Sonne and Mone only schewen thei non symulacres, and I lernede wherfore thei folwen this usaunce. Thei seyn that of othere goddes it is leful to lete make symulacres, for that

And ther nyghe this throne is sett a symulacre of Apollo, not lyk as he is wont to ben formed. For alle othere Jeven Apollo yong and formen him as a stripling, but thise allone schewen a symulacre of Apollo berded. And doynge this thei preisen hem selve and repreven Grekes and alle othere men that worschippen Apollo in lyknesse of a child. And the resoun is, for it semeth hem gret folye to maken schappes of Goddes inperfyt, and al that is yong thei demen yit inperfyt. And here Apollo hath other novelrye; for thei allone arayen him with clothynges.[*]