Commonitorium (1-5)

Qui credit esse duas naturae diuersis principiis existentes,
unam bonam. quod est deus, alteram malam, quam non creauit
deus, (habentem principes suos et mala sua, quae non creauit
deus), anathema sit.

Qui credit duas naturas bellum inter se gessisse et partem
naturae dei in eodem bello principibus tenebrarum et omnibus
generibus ad malam naturam pertinentibus fuisse permixtam ab
eis teneri conligatam, obpressam, inquinatam, per quod et credi
facit dei naturam esse mutabilem et coinquinabilem, anathema sit.

Qui credit partem dei ligatam et inquinatam teneri in daemonibus
et in omnibus animalibus fruticumque generibus et per
escas Manichaeorum electorum solui atque purgari, ut credatur
pars dei polluta teneri in cucumeribus et melonibus et radicibus
et porris et quibuscumque uilissimis herbulis, et ei subueniri, cum
ab electis Manichaeorum ista comeduntur, anathema sit.

Qui credit hominem primum, qui est appellatus Adam, non
a deo factum, sed a principibus tenebrarum genitum, at pars dei,
quae in eorum membris captiua tenebatur, copiosius et abundantius
in terra teneatur, et isto modo creatum, cum masculi et
feminae principes tenebrarum concubuissent et fetus suos maiori
principi tenebrarum dedissent t, et ille omnes comedisset et cum
sua coniuge concubuisset atque ita ex illa Adam generasset, ligans
in illo magnam partem dei, quae ligata fuerat in omnibus fetibus
principum tenebrarum. quos ei manducandos dederunt, anathema sit.

Qui credit principes tenebrarum ligatos esse in caelo habentes
in se conligatam in angustiis atque angoribus uitalem substantiam,
hoc est partem dei, et eo modo liberari de membris eorum, cum [*]