Itinerarium. Recensio Altera. (41-45)

De quibus locis uenimus Magdalo et Soccoth et a d) septuaginta
duas palmas et duodecim fontes et applicuimus ibi dies
duos, fatigati post tantum laborem et heremi uastitatem. In
quo loco est castellum modicum, qui uocatur Surandala. Est
etiam infra ipsum castellum ecclesia cum synodochium propter
transeuntes. Inde uenimus ad locum, ubi filii Israhel transeuntes
mare rubro castra metati sunt, et ibi similiter castellum
cum synodochio. Et in loco, quo exierunt de mare, est
oratorium Heliae. Et transcendentes uenimus in loco, ubi
intrarunt in mare, ubi est oratorium Moysi. Ibi est et
ciuitas parua, quae appellatur Clysma, ubi de India naues
ueniunt. In loco uero, ubi transierunt, fulgus exit de pelago
maiore et extenditur intus in multis milibus, qui accessa
recessaque habet. Recedente mare apparet omnis subuersio
Pharaonis et omnia arma in marmore mutata uidentur. Ibi
accepimus nuces uirides, quae de India uenerunt, quas de
paradiso credunt homines esse, et qui ex eis gustauerit, satiatur.

Intus autem in ipso pelago modica est insula, in qua est
petra uiua, ubi pendent molles ut carnei in modum dactalorum,
qui fundent unguentum, quod oleum petrinum appellant, qui [*]

Et inde uenimus per heremum ad speluncam beati Pauli
heremitae, quae uocatur syracumba. Qui fons locum ipsum irrigat.
Exinde pergentes uenimus ad caetractas Nili, ubi ascendit
aqua ad signum manu hominis facta, et habet gradus XII.
Ex utraque parte ipsarum caetractarum sunt duae ciuitates.
quas aedificasse dicunt filias Loth, et una earum dicitur
Babilonia. Tunc uenimus per campos Thaneos, et in Nymphy
ciuitate et Antino, in qua residebat pharao, ex qua filii Israhel
exierunt. In ipsis locis sunt orrea XII Ioseph plena.

In Nymphy fuit templum, quae est modo ecclesia, cuius
una porta se clausit ante Dominum nostrum, quando beata
Maria cum ipso fuit in Aegyptum, et adhuc non potest aperiri.
Ibi uidimus pallium lineum, in quo dicunt illum tempore illo
tersisse et idcirco ibi eius remansisse uestigia. Quae imago
singulis temporibus adoratur. Sed et nos adorauimus, sed
propter splendorem non potuimus in eum intendere. Quia
quantum in ipsam effigiem intendis, immutatur in oculis tuis. [*]

Descendentes per Aegyptum uenimus in ciuitatem Athlepi ad
sanctum Mennatum, qui multas uirtutes ibi operatur. Inde per
stagnum nauigantes Alexandriam uenimus. In ipso stagno uidimus
multitudinem corcodrillorum. Alexandria, ciuitas pulchra,
populus lenis, sed amatores peregrinorum, haereses multae; ibi
enim requiescit Athanasius ipsius ciuitatis episcopus, qui
contra Arrium presbyterum ipsius ciuitatis haereticum pro fide
Christi certando multa pericula mortis sustinuit temporibus
Constans imperatoris Constantini Helenae filio. Ibidem requiescit
sanctus Faustus et sanctus Epymachius et sanctus Antonius
uel sanctus Maurus et alia multa sanctorum corpora.