De Tobia (86-90)

plus remissum est
ecclesiae, quae congregata est ex populo nationum, quoniam
plus debebat, sed et ipsa plus soluit non exigenti, sed donanti.
dedit aquam pedibus Christi, quia sua peccata mundauit,
osculata est pedes, ferens pacis insignia misit oleum [*]
in pedes eius misericordiam et ipsa in pauperes conferendo —
isti sunt pedes Christi; in his etenim innocentius ambulat
Christus — et capillis capitis sui tersit; Christo enim humiliatur
quicumque habet humilitatis affectum. et ideo inquit
dimissa sunt peccata eius multa, quoniam dilexit
multum.

aduerte quod dominus et misericordiam quasi
liberalis inpertit et iudicium cum miseratione dispensat. ante
donauit per gratiam, sed quibus donaret sciebat. non habet [*]
quod excuset Iudaeus. mihi quasi peccatori plura donauit,
illi quasi ingrato minora concessit. sciuit tamen quod et ille
quasi ingratus non posset quod accepisset exsoluere et
ecclesia memor gratiae eo plura solueret quo plura meruisset.

decipiunt defaeneratos, obligant [*]
fideiussores. sed non Tobias pignus quaesiuit aut fideiussorem
poposcit. currendum est igitur, ut fideiussorem requiras, ut
eum tuis nominibus obstringas. ecce paratur alter inimicus.
nam cum tu non habueris unde debitum soluas, ille pro te
tenebitur. inuenieris in eo circumuentor et fallas, qui amicum
deceperis. ille nudabitur, ille pro te in uincla ducetur, illum
grauiorem exactorem creditore patieris, qui alleget: \'stimula
ciuem tuum, quem spopondisti.\' ita fiet, ut ipse quoque esse [*]
incipias ingratus et praetereas illud quod scriptum est: gratiam
repromissoris ne obliuiscaris; dedit enim [*] [*]

ergo cane ne alieno te obhges
debito, ne hoc quoque uendidisse dicaris, ne si quid tibi, [*]
ut habet usus amicitiae, debitor dederit gratiae, te uideatur
emisse. aut si uis interuenire, moueris amici obsecratus oratis,
erubescis negare, ita interueni, ut si debito soluendo par
non fuerit, de tuo noueris esse soluendum. in haec paratus
accede. legisti enim: non spondeas super uirtutem
tuam; si enim spoponderis, quasi restituens cogita
et infra: recipe proximum secundum uirtutem tuam
et adtende tibi ne cadas, id est ne maiore te obliges [*]
nominis quantitate quam ferre possunt atque exsoluere tuarum
copiae facultatum. si enim quod habes tradas, amisisti opes, non
amisisti fidem. famae tuae damna non sentis, redemisti amicum
sine tua fraude. alibi quoque id te monent Prouerbia Solomonis
dicentis: spondens sponde amicos tuos, quemadmodum
qui obligat se sponsorem amicorum suorum. si
autem non habes, audi quid dicat Solomon: noli dare te
in sponsionem erubescens personam; si enim non [*]
habueris unde soluas, auferet stramentum desub [*] [*]