De Benedictionibus Patriarcharum Liber Unus (20-23)

habes ergo incarnationem, accipe passionem.
recumbens inquit dormisti ut leo, quando iacuit in
sepulchro uelut quodam corporis sui somno quietus, sicut
ipse ait: ego dormiui et requieui et surrexi, quoniam
dominus suscipiet me. unde et Iacob ait: quis suscitabit [*] [*]

ideo, donec ille ueniat, non
deficiet dux ex Iuda. ut usque ad eius ortum regalis
successionis fides incorrupta seruetur. postea enim. ut docuimus
tractatu habito in euangelium, per Herodem adulterata successio[*]
praerogatiuam dignitatis amisit. etenim quia uerum regem
negarunt, falsos habere coeperunt. ergo hoc dicit patriarcha:
seruabitur in iudicibus uel regibus Iudaeorum intemeratae
successionis hereditas ducta per reges, donec ueniat cui
repositum est, ut ecclesiam dei congreget ex conuentu
nationum omnium et gentilium deuotione populorum, hoc est
ipsum manet, ipsi debitum reseruatur, ipsi tantae gratiae
praerogatiua defertur.

Et ipse est expectatio gentium. plus dixit quam si [*]
dixisset: ipsum expectant gentes, quod omnis spes ecclesiae
in ipso recumbat. ideo dicitur Moysi: solue calciamentum
pedum tuorum, ne ipse sponsus ecclesiae crederetur, qui
dux plebis eligebatur. ideo soluit calciamentum suum Iesus
Naue, ut uenturo tanti muneris gratiam et ipse seruaret. ideo
dicit Iohannes: post me uenit uir, cuius non sum
dignus soluere corrigiam calciamenti eius, ideo
dicit: qui habet sponsam sponsus est; amicus autem
sponsi, qui stat et audit eum, gaudio gaudet, hoc [*] [*]

hic est ille alligans ad
uitem asinum suum et cilicio pullum asinae suae, [*]
ut feruorem spiritus sancti congregatio habeat nationum ante
remissa et neglegens, set iam deuota per Christum et uiti
illi perpetuae, hoc est domino Iesu, qui ait: ego sum uitis,
pater meus agricola, uelut fructuosi palmitis quibusdam
inexsolubilis fidei uinculis alligemur. hoc est illud mysterium,
quod pullum asinae solui iussit in euangelio et ipse dominus
Iesus sedit eum, ut alligatus ad uitem perpetua sanctorum
suauitate requiesceret.