Synagoge, Book 1 (1.9)

9 κ. Ἀλλὰ δὴ ἔστωσαν τρεῖς ἀριθμοὶ οἱ Α Β Γ, καὶ
ἔστω ἕκαστος αὐτῶν ἐλάσσων μὲν ἑκατοντάδος μετρούμενος δὲ ὑπὸ δεκάδος, ἕκαστος δὲ τῶν Ε Ζ ἔστω ἐλάσσων δεκάδος, καὶ ἔστωσαν τῶν Α Β Γ πυθμένες οἱ Η Θ Κ, καὶ εἰλήφθω ὁ ἐκ τῶν Η Θ Κ Ε Ζ στερεὸς καὶ ἔστω ὁ Ξ· ὅτι ὁ ἐκ τῶν Α Β Γ Ε Ζ στερεὸς ἴσος ἐστὶν χιλίοις
τοῖς Ξ.

Ἔστι φανερὸν διὰ τῶν ἀριθμῶν, τοῦ Α ὄντος λόγου χάριν μονάδων κ καὶ τοῦ Β μονάδων λ καὶ τοῦ Γ μονάδων μ καὶ τοῦ μονάδων β καὶ τοῦ Ε μονάδων γ καὶ τοῦ Ζ μονάδων δ, τοῦ δὲ Η μονάδων β καὶ τοῦ Θ μονάδων
γ καὶ τοῦ Κ μονάδων δ ὁ γὰρ ὑπὸ Α Β Γ Ε Ζ στερεός ἐστιν μυριάδων νζ ἁπλῶν καὶ μονάδων Ϛ, ὁ δὲ ὑπὸ τῶν Η Θ Κ πυθμένων καὶ τῶν Ε Ζ ἔσται μονάδων φοϚ, αὗται δὲ χιλιάκις γενόμεναι, τουτέστιν ἐκ πάντων στερεός, γίνεται μυριάδων ἁπλῶν νζ καὶ μονάδων Ϛ.