The Goddesse of Surrye (51-55)

And in thise dayes Galles ben made. For whan tho floyten and perfourmen here rytes, that folye sone entreth into manye, and manye ther ben that camen for to seen and thanne wroghten in thilke manere. And I shal descryve what thei don. ‘The yong man to whom Fortune hath goven this adversitee, he casteth offe his clothinge and cometh in to the myddes, cryinge in a grete voyce, and taketh up a swerd that hath stode there thise manye yeeres, I wene. Thanne he geldeth him right anon and renneth throghe the Cytee berynge in his hondes tho parties therof he gelt him. And that house into the whiche he schalle casten thise, he

And Galles at here dyenge ben not enterred in lyk manere as other men, but gif a Galle dye, his felawes liften him up and carryen him in to the skirtes of the Cytee and sette doun the man himself and the fertre on the whiche thei broghte him, and easten stones aboven;[*] and whan this is don, thei wenden hoom ayen. And thei wayten for the nombre of 7 dayes or that thei entren in to the temple; for if thei entren before, thei misdon.

And the customes that thei folwen therto ben thise. If so be that ony of hem seeth a dede man, he cometh not in to the temple that day; but on the nexte daye, aftre that he hath pured him, thanne he entreth. And tho that ben of the dede mannes kyn wayten for the space of 30 dayes and lette schaven here hedes or thei entren; but before that this hath ben don, it is not leful for to entren.[*]

Thei sacrificen boles and kyn and gotes and schepe. Swyn only thei ne sacrificen not nouther eten be cause that thei demen hem unclene.[*] But othere men demen hem not unclene but holy. And amonges briddes the dowve semeth hem wondur holy thing,

And I schal telle you what the pilgrimes alle don. Whan that a man wole faren for the firste sythe (time) to the Holy Cytee, he schaveth his heed and his browes,[*] and after that, he sacrificeth a schep; and than he kerveth it and eteth it alle, saf only the flees that he leyeth on the erthe and kneleth ther on, and taketh the bestes feet and heed and putteth upon his owne heed. Ther with alle he preyeth, askynge that this present sacrifise be resceyved and behotynge (promising) a grettere that nexte sythe.[*] And whan alle this is atte ende, he putteth a gerlond on his owne heed and on the hedes of his felawes that wolle gon that ilke pilgrimage. Thanne levynge his owne contree he doth iorney; and he useth cold watre bothe for to wasschen with and to drynken, and slepeth alle weyes on the erthe; for he ne may not liggen in no maner bedde un to tyme that his pilgrimage be fulfilled and he be comen ayen to his owne contree.[*]