John of Ephesus: Ecclesiastical History (3.1.3-3.1.9)

[ ܪܘܓܙܐ ]

ܕܐܠܗܐ ܐܬܬ̣ܥܝܪ: ܗ̇ܢܘ ܕܝܢ ܣܕ̈ܩܐ ܘܚ̣ܪ̈ܝܢܐ ܗܠܝܢ ܟܠܗܘܢ ܘܦ̇ܠܓܘ̈ܬܐ: ܘܥܡ ܗܠܝܢ ܪ̈ܕܘܦܝܐ ܣܒ̣̈ܝܣܐ ܘܡ̇ܪ̈ܝܪܐ: ܘܚܒ̈ܘ̣ܫܝܐ ܘܐܣ̣ܘܪ̈ܐ ܩܫ̣̈ܝܐ ܚ̇ܙܝܢ ܚܢܢ܆ ܕܐܦ ܗܠܝܢ ܟܠܗܝܢ܆ ܡܢܗܘܢ ܐܝ̣ܬܝܗܝܢ ܕܚܒ̈ܠ̣ܐ ܕܚܪܬܐ: ܐܦ ܓܝܪ ܗ̣ܘ ܦܪܘܩܢ܆ ܗܐ ܡܢ ܗ̇ܝ ܕܝܢ ܡ̇ܟܪܙ ܗܘܐ ܘܐܡ̇ܪ܆ ܬܘܒܘ̣ ܩܪܒ̣ܬ݀ ܠܗ̇ ܥܠܝܟܘܢ ܡ̇ܠܟܘܬܐ ܕܫܡܝܐ.܀.܀. ܘܬܘܒ ܬܚܘ̈ܝܬܐ ܢܗܝܪ̈ܬܐ ܝܗ̇ܒ ܟܕ ܐܡ̇ܪ ܓܠܝ̣ܐܝܬ܆ ܕܡܐ ܠܡ ܕܚ̣ܙܝܬܘܢ ܗܠܝܢ ܟܠܗܝܢ ܕܗ̈ܘ̣ܝܢ܆ ܕܥܘ̣ ܕܡ̣ܛܬ ܠܗ̇ ܠܬܪܥܐ. ܘܬܘܒ ܘܐܦ ܥܠ ܗܠܝܢ ܕܗܫܐ ܒܢ ܡܣܬ̇ܥܪ̈ܢ: ܩ̣̇ܕܡ ܐ̇ܠܦ ܘܐ̇ܘ̣ܕܥ ܠܬܠܡܝ̈ܕܘܗܝ܆ ܠܘ ܒܠܚܘܕ ܠܗ̇ܝ ܓܘܕܐ ܪܒܬܐ ܕܫܠܝ̣ܚܘܬܐ܆ ܐܠܐ ܐܦ ܠܟܠܗܘܢ ܬܠܡ̈ܝܕܐ ܕܡܢ ܒܬܪܗܘܢ ܘܥܕܡܐ ܠܝܘܡܢܐ. ܟܕ ܐܡ̇ܪ̣ ܗܟܢܐ. ܕܐܙܕ̣ܗܪ̈ܘ ܡܢ ܒܢܝ̈ܢܫܐ. ܡ̇ܫܠܡܝܢ ܠܟܘܢ 2 ‍ܘܢ ܓܝܪ ܠܒܝܬ ܕܝ̇ܢ̈ܐ. ܘܒܟ̈ܢ̣ܘܫܬܗܘܢ̣ 2 ‍ܟ̈ܢ̣ܘܫܬܗܘܢ̣ ܢܢ̇ܓܕܘܢܟܘܢ. ܘܩܕܡ ܗܓܡ̣̈ܘܢܐ ܘܡ̈ܠ̇ܟܐ ܡ̇ܩܪܒܝܢ ܠܟܘܢ ܡܛܠܬܝ܆ ܠܣܗܕܘܬܐ ܕܝܠܗܘܢ̣ ܘܕܥܡ̈ܡܐ. ܐܡܬܝ ܕܝܢ ܕܢܫܠܡ̣ܘܢܟܘܢ܆ ܠܐ ܬܐܨ̣ܦܘܢ ܐ̇ܝܟܢܐ ܐ̇ܘ ܡ̇ܢܐ ܬܡ̇ܠܠܘܢ. ܡܬ̇ܝ̣ܗܒ ܠܟܘܢ ܓܝܪ ܒܗ̇ܝ ܫܥ̣ܬܐ ܡܐ ܕܬܡ̇ܠܠܘܢ. ܠܐ ܗܘܐ ܓܝܪ ܐܢܬܘܢ ܡ̇ܡܠܠܝܢ܆ ܐܠܐ̣ ܪܘܚܐ ܕܐܒܘܟܘܢ ܡ̇ܡ̣ܠܠܐ ܒܟܘܢ. ܢܫ̇ܠܡ ܕܝܢ ܐ̇ܚܐ ܠܐ̇ܚܘܗܝ ܠܡ̇ܘܬܐ̣ ܘܐܒܐ ܠܒܪܗ. ܘܢܩ̣ܘܡܘܢ ܒ̈ܢܝܐ ܥܠ ܐܒܗ̈ܝܗܘܢ̣ ܘܢܡܝ̣ܬܘܢ ܐܢܘܢ. ܘܬܗܘܘܢ ܣܢ̈ܝ̣ܐܝܢ ܡܢ ܟܠܢܫ̣ ܡܛܠ ܫܡܝ. ܗܠܝܢ ܕܗܐ ܚ̇ܙܝܢ ܚܢܢ ܓܠܝ̣ܐܝܬ܆ ܕܐܦ ܗܫܐ ܥܠ ܟܠܗܘܢ ܒܢ̈ܝ ܥܕܬܐ ܒܙܒܢܐ ܗܢܐ ܡ̇ܛܝ ܘܫ̣ܠܡ܆ ܟܕ ܩܪ̈ܒܐ ܗܠܝܢ ܘܒ̈ܝܫ̣ܬܐ܇ ܠܘ ܡܢ ܒ̇ܪ̈ܝܐ ܘܚ̈ܢ̇ܦܐ ܣ̇ܒܠܝܢܢ܇ ܐܠܐ ܡܢ ܗ̇ܢܘܢ ܕܟܪ̈ܣܛܝܢܐ ܚܫ̣ܝܒܝܢ ܘܐܦ ܗ̣ܢܘܢ܇ ܘܥ̇ܒ̈ܕܐ ܕܚܢܦܘܬܐ ܠܘܬ ܟܪ̈ܣܛܝܢܐ ܚܒܪ̈ܝܗܘܢ ܫ̣ܪܝܐܝܬ ܕܠܐ ܦ̈ܓ̣ܘܕܐ ܕܕܚܠ̣ܬ ܐܠܗܐ ܘܕܠܐ ܪ̈ܚ̣ܡܝܢ ܣ̇ܥܪܝܢ܇ ܚ̇ܪܡܐܝܬ ܘܒ̇ܥܪܝܪܐܝܬ ܕܠܐ ܟܠ̣ܝܢ.܀.܀. ܕܡܛܠ ܗܟܝܠ ܗܠܝܢ ܟܠܗܝܢ܇ ܡܢ ܒܬܪ ܡ̇ܟܬܒܢܘܬܐ ܩܕܡܝܬܐ ܕܒܬܪ̈ܬܝܢ ܕ[ܒܗ̇] ܒܬܪ̈ܬܝܢ ܦܠܓܘ̈ܢ܇ ܡܢ ܩܕܝܡ ܣܝܟ̣ܢܢ ܒܥ̣ܡܠܐ ܣܓܝܐܐ ܕܙܒܢܐ ܡܬܝ̣ܚܐ܇ ܬܫ̈ܥ̣ܝܬܐ ܕܥܕܬܐ ܐܝܟ ܡܐ ܕܐܬܡ̣ܨܝܢ ܒܣ̣ܦܪ̈ܐ ܬܪ̈ܥܣܪ܇ ܕܡܬ̇ܝܕܥܝܢ ܒܟܠܗܘܢ ܪ̈ܝܫܐ ܡܫ̣̈ܚܠܦܐ܀ ܟܕ ܡܢ ܙܒ̈ܢܘܗܝ :ܕܝܘܠܝܘܣ ܩܣܪ ܘܫܪܟܐ ܕܡ̈ܠ̇ܟܐ ܩܕ̈ܡܝܐ ܕܪ̈ܗܘܡܝܐ ܫ̇ܪܝܢܢ܆ ܘܗܝ̇ܕܝܢ ܒܬܪ ܒܬܪ ܟ̇ܢ̣ܫܢ ܘܣ̣ܕܪܢ ܐ̈ܢܝܢ ܠܬܫ̣ܥ̈ܝܬܐ ܥܕ̈ܬܢܝܬܐ܇ ܥܕܡܐ ܠܫܢܬ ܫ̣ܬ ܕܡ̇ܠܟܘܬܗ ܕܝܘܣܛܝܢܐ ܗܢܐ ܐܚܪܝܐ ܒܪ ܚܬܗ ܕܝܘܣܛܝܢܝܢܐ. ܟܕ ܐܦ ܥܠ ܚܦ̣ܝܛܘܬܗ ܘܝܨ̇ܝܦܘܬܗ ܕܝܠܗ ܕܡ̇ܠܟܐ ܝܘܣܛܝܢܐ ܕܡܛܠ ܚܕܝܘܬܐ ܕܥܕܬܐ܇ ܕܡܢ ܫ̇ܘܪܝ ܡ̇ܠܟܘܬܗ܆ ܘܥܕܡܐ ܠܫܢܬ ܫܬ ܕܝܠܗ. ܟܕ ܐܦ ܣ̇ܗܕܝܢܢ ܠܗ̇ ܠܗܕܐ ܐ̇ܟܝ̣ܦܐܝܬ ܘܚܦܝ̣ܛܐܝܬ܇ ܟܕ ܢܩ̇ܦܝܢܢ ܠܫܪܪܐ ܒܫܪ̈ܒܝܢ ܒܫܪ̈ܒܝܢ܇ ܕܡܢ ܩܕܝܡ ܐ̇ܘ̣ܕܥܢ.܀.܀.܀. ܕܗܫܐ ܕܝܢ ܬܘܒ ܡܛܠ ܕܚ̣ܙܝܢܢ ܕܡܢ ܫܠ̣ܝ ܥ̇ܙܝܙܐܝܬ ܘܬ̇ܩܝܦܐܝܬ: ܙܩ̣ܦ ܟܝ̣ܡܘܢܐ ܩܫ̣ܝܐ ܟܕ ܡܬ̇ܪܥܡ ܒܬ̇ܩܝܦܘܬ ܓܠܠ̣ܘ̈ܗܝ ܣܒ̈ܝ̣ܣܐ ܘܣ̈ܓܝܐܐ ܒܝܕ ܚ̈ܛܗܝܢ: ܥܠ ܐܠܦ̣ܐ ܚܠܝ̣ܡܬܐ ܕܟܠܗ̇ ܥܕܬܐ ܕܬܪ̈ܝܨܝ ܫܘܒܚܐ܆ ܡܛܠ ܗܕܐ ܗܘ ܐܬ̣ܬܙܝܥܢ ܘܐܦ ܚܢ̣ܢ ܕܠܘܬ ܪܘܫܡ̣ܐ ܕܥܘܗ̈ܕܢܐ܇ ܐܦܢ ܙܥܘܪ̈ܝܬܐ ܕܡܢܗܝܢ ܢܝ̇ܬܐ܇ ܐܦܢ ܗ̣ܘ ܙܒܢܐ ܡܢ ܟܠ ܓ̇ܒ̈ܝܢ ܬܟ̇ܣ ܠܢ ܘܡ̇ܥܟܪ ܒܣܓ̈ܝܐܬܐ܇ ܘܟ̇ܠܐ ܕܐܝܟ ܕܡ̣ܨܝܐ̣ ܐܦܢ ܒܙܥܘܪ̈ܝܬܐ ܢܬ̇ܚܫܚ ܒܬ̇ܘܢܝܗܝܢ ܕܬܫ̈ܥ̣ܝܬܐ ܥܕ̈ܬܢܝܬܐ܇ ܕܐܦ ܗܫܐ ܬܢ̣ܝܢܘܬ ܡܣܬ̇ܥܪ̈ܢ. ܟܕ ܐܦ ܡܢܗܝܢ ܩܠܝܠ ܡܢ ܣ̇ܓܝ܆ ܒܥܘ̈ܗܕܢܐ ܣ̇ܝܡܝܢܢ. ܘܐܦ ܒܗ̇ ܬܘܒ ܒܡ̇ܟܬܒܢܘܬܐ ܗܕܐ ܬܠܝܬܝܬܐ ܢܝ̇ܬܐ ܐܝܟ ܕܠܝܕܥ̣ܬܐ ܕܐܝܠܝܢ ܕܡܢ ܒܬܪܢ܆ ܐܦܢ ܠܐ ܛܥ̣ܬܢܝ ܛܥ̣ܬ 2 ܕܙܒ̈ܢܝ ܥܠܡܐ ܐܘܦ̣ܝܘ ܠܗܘܢ ܡܢ ܟܕܘ ܘܛܠܩ̣ܘ܆ ܐܝܟܢܐ ܕܢܗ̣̈ܘܝܢ ܝܕ̣ܝ̈ܥܢ ܓܠܝ̣ܐܝܬ ܘܚ̇ܬܝܬܐܝܬ̣ ܘܐܦ ܠܟܠܗܘܢ ܕܫܪܟܐ ܕܡܢ ܒܬܪܟܢ܆ ܐܦܢ ܒܗ ܒܙܒܢܐ ܙܥܘܪܐ܇ ܕܫ̇ܪܟ ܕܫ̇ܪ 1 ܠܗ ܠܥܠܡܐ ܗܢܐ ܡܕܘܕܐ ܡܕܘ 2 ܗܕܐ ܗܘ̣ܬ܆ ܒܝܕ ܥܘܗ̈ܕܢܐ ܙܥܘܪ̈ܐ ܪܫܡ̣ܢ ܕܪܫܡ̣ܢ ܚܢܢ܇ ܐܝܟ ܕܠܐܝܕܥܬܐ ܕܐܝܠܝܢ ܕܡܢ ܒܬܪܟܢ.܀.

[*]

ܠܫܘܪܝ ܬܫ̈ܥܝܬܗ ܗܟܝܠ ܗܫܐ ܕܟܬܒܐ ܗܢܐ܆ ܩ̈ܠܐ ܚ̈ܢ̣ܝܓܐ ܕܐܘ̈ܠܝܬܗ ܕܐܪܡܝܐ ܢܒܝܐ ܚ̇ܫܝܫܐ ܚ̇ܫܚܝܢ ܗܘܘ܇ ܗܠܝܢ ܕܒܙܒܢ ܥܠ ܐܘܪܫܠܡ ܘܐܦ ܥܠ ܥܡܗ̇ ܕܢܦ̣ܠ ܒܚܪܒܐ ܐ̇ܠܐܐ ܗܘܐ ܘܡ̇ܒܟܐ. ܕܗܟܢܐ ܘܐܦ ܚ̣ܢܢ ܗܫܐ ܢܐܠܐܐ ܘܢܒܟ̣ܐ܇ ܥܠ ܐܝܠܝܢ ܕܡܢ ܥܠ̣ܬ݀ ܥܘ̣̈ܠܝܢ ܘܚ̈ܛܗܝܢ ܣܓ̈ܝܐܐ܇ ܓ̣ܕܫ ܒܙܒܢܐ ܗܢܐ ܒܥܕܬܗ ܕܐܠܗܐ. ܐܝܟܢܐ ܬܘܒ ܕܐܦ ܡ̇ܫܒܚ̣ ܒ̣ܢܒ̈ܝܐ ܐܫܥܝܐ܇ ܘܐܦ ܗ̣ܘ ܢܩ̣ܥܐ ܗܘܐ ܒܓܓܪܬܗ ܘܠܐ ܢܚ̣ܘܣ܇ ܘܢܪ̣ܝܡ ܩܠܗ ܐܝܟ ܫܝ̣ܦܘܪܐ܇ ܟܕ ܚ̇ܙܐ ܡ̇ܪܕܘܬܐ ܗܕܐ ܩܫ̣ܝܬܐ ܕܐܕܪܟ̣ܬ̇ܗ̇ ܠܥܕܬܗ ܕܐܠܗܐ. ܟܕ ܐܦ ܬܘܒ ܢܘ̇ܣܦ ܗܘܐ ܘܢܬ̣ܢܐ ܟܕ ܐܡ̇ܪ܆ ܕܟܠ ܠܡ ܪܝܫ̣ ܠܟܐ̣ܒܐ. ܘܟܠ ܠܒܐ̣ ܠܟܪܝܘܬܐ. ܡܢ ܦܣ̣ܬܐ ܕܪܓܠܐ ܘܥܕܡܐ ܠܡܘܚܐ܆ ܠܝܬ ܒܗ ܕܘܟܬܐ ܕܫܪܝܪܐ. ܐܠܐ ܨܘ̈ܠܦܬܐ ܘܫܘܡ̈ܬܐ ܘܡ̇ܚ̈ܘܬܐ ܕܥ̇ܒ̈ܝܐ. ܠܐ ܠܡܨ̣ܡܕ̣ ܐܦܠܐ ܠܡܥ̣ܨܒ. ܘܐܦ ܠܐ ܠܡ̇ܪܟܟܘ ܠܡ̇ܪܟܘ [*] ܒܡܫ̣ܚܐ. ܘܬܘܒ̣ ܕܬ̇ܢܐ ܒܚܫܐ ܘܐܡ̇ܪ܇ ܐܠ̣ܬ݀ ܐܠ̣ܬ݀ܝ ܘܝܬܒ̣ܬ݀ ܒܐܒ̣ܠܐ ܐܪܥܐ܇ ܐܠ̣ܬ݀ ܐܠ̣ܬ݀ܝ ܘܝܬܒܬ݀ ܘܐܬܐܒ̣ܠܬ݀ ܬܒܝ̣ܠ. ܐܠ̣ܐܐ ܪܘܡ̇ܗ̇ ܕܐܪܥܐ܇ ܘܐܪܥܐ ܐܬܕܡ̣ܝܬ݀ ܠܥܡ̇ܘܪ̈ܝܗ̇. ܠܩ̈ܕܝܫܐ ܗܟܝܠ ܕܐܝܟ ܗܠܝܢ ܦܐܝܐ ܗܘܬ ܕܢܚ̣ܫܘܢ ܥܡܢ ܚܢ̣ܝܓܐܝܬ܇ ܥܠ ܪܘܓܙܐ ܪܒܐ ܗܢܐ ܕܡܢ ܥ̣ܠܬ݀ ܚܛ̈ܗܝܢ܇ ܡܢ ܓܘ ܫܠ̣ܝܐ ܥܠ

ܥܕܬܗ ܕܐܠܗܐ ܐܫܬ̇ܕܪ܇ ܐܝܟ ܡܐ ܕܒܙܒܢ ܥܠ ܐܘܪܫܠܡ.܀.܀. ܥܠ ܓܘܢ̈ܚܐ ܕܚܝ̈ܠ̣ܐ ܕܡܢ ܫ̣ܠܝ ܫ̣ܠܝ܇ ܢܗ̣ܡܘ ܘܐܙܝ̣ܥܘ ܘܕܘ̇ܕܘ ܠܟܠܗ ܥܡܐ ܕܡܗ̈ܝܡܢܐ܇ ܗܠܝܢ ܕܒܫܠ̣ܡܐ ܘܒܫܠ̣ܝܐ ܫ̣ܪܝܢ ܗܘܘ ܘܡܬ̇ܒܣܡܝܢ܇ ܗܐ ܡܢ ܙܒ̈ܢܐ ܡ̈ܬܝܚܐ ܒܡܕܝܢܬ ܡ̇ܠܟܘܬܐ ܘܒܟܠܗܘܢ ܚ̇ܕܪ̈ܝܗ̇܇ ܥܕܡܐ ܠܫܢܬܐ ܫܬܝܬܝܬܐ ܕܡ̇ܠܟܘܬܗ ܕܙܟ̇ܝܐ ܝܘܣܛܝܢܐ܇ ܘܡܢ ܓܘ ܫܠ̣ܝܐ ܨ̇ܦܚܬܐ ܕܪܘܓܙܐ ܨ̇ܦܚ̣ܬ݀ ܠܟܠܗܘܢ ܟܢ̈ܫ̣ܝܗ̇ ܕܥܕܬܐ ܕܐܪ̈ܬܕܟܣܘ܇ ܘܣܚܦ̣ܬ݀ ܘܕܪ̣ܬ ܘܕܕܬ݀ ܐܢܘܢ ܒܟܠ ܪܘܚ܇ ܗܠܝܢ ܕܥܠܝܗܢ ܙܥܘܪ ܗܘ ܠܝ ܙܒܢܐ ܠܡܟ̣ܬܒ ܘܠܡ̇ܣܝܟܘ.

ܟܕ ܓܝܪ ܙܒ̈ܢܐ ܡ̣̈ܬܝܚܐ ܕܝܬܝܪ ܡܢ ܐܪ̈ܒܥܝܢ ܫ̈ܢܝܢ܆ ܟܠܗܘܢ ܟܢܘ̣̈ܫܝܐ ܕܟܠܗ̇ ܥܕܬܐ ܕܐܪ̈ܬܕܟܣܘ: ܒܫܠ̣ܝܐ ܘܒܫܝܢܐ ܫ̇ܪ̣ܝܢ ܗܘܘ ܒܡܕܝܢܬܐ ܗܕܐ ܪܒܬܐ ܕܡ̇ܠܟܘܬܐ ܘܒܟܠܗܘܢ ܘܕܒܟܠܗܘܢ ܚ̇ܕܪ̈ܝܗ̇: ܘܒܦܪܗܣܝܐ ܣܓܝܐܬܐ ܦܬܝ̣ܐܝܬ ܘܡ̇ܫܪܬ̣ܚܐܝܬ ܘܕܠܐ ܕܚ̣ܠܬܐ: ܟܠܗܘܢ ܟܢܘ̣̈ܫܝܐ ܕܡܗ̈ܝܡܢܐ ܒܟܠ ܕܘܟܐ ܟܢ̣ܝܫܝܢ ܗܘܘ: ܘܡ̇ܫܡܠܝܢ ܗܘܘ ܟܠܗܘܢ ܪ̈ܐܙܐ ܘܛܟ̣ܣ̈ܐ ܥܕܬ̈ܢܝܐ܆ ܡܢ ܓܘ ܫܠ̣ܝܐ ܒܝܘܡ̈ܬܐ ܩ̈ܕܝܫܐ ܕܨܘܡܐ ܕܐܪ̈ܒܥܝܢ܆ ܒܫܒܬܐ ܕܢܓ̇ܗ ܚܕ ܒܫܒܐ ܕܐܘ̈ܫܥܢܐ: ܡܢ ܚܦܝ̣ܛܘܬܗ ܘܥ̇ܙܝܙܘܬ ܒܝܫ̣ܘܬܗ ܕܗ̇ܘ ܕܐ̇ܚ̣ܝܕ ܗܘܐ ܥܕܬܐ ܕܡܕܝܢܬ ܡ̇ܠܟܘܬܐ: ܗ̇ܢܘ ܕܝܢ ܝܘܚܢܢ [*] ܗ̇ܘ ܕܡܢ ܣ̣ܪܡܝܢ ܩܪܝܬܐ ܕܣܘܪܝܐ: ܘܡܐ̣ܟܠ ܩܪ̈ܨܘܗܝ ܣܓ̈ܝܐܐ ܕܥܠ ܟܠܗ ܓܒܐ ܕܬܪ̈ܝܨܝ ܫܘܒܚܐ: ܐܬܬ̣ܥܝܪ ܒܪܘܓܙܐ ܩܫ̣ܝܐ ܙܟ̇ܝܐ ܝܘܣܛܝܢܐ܆ ܘܒ̇ܓܙܡܐ ܕܚܡܬܐ ܪܒܬܐ܇ ܦܩ̣ܕ ܕܢܬ̇ܬܚܕܘܢ ܟܠܗܘܢ ܒܝܬ ܟܢܘ̣̈ܫܝܐ ܕܟܠܗܘܢ ܡܗ̈ܝܡܢܐ. ܘܢܬ̇ܥܩܪܘܢ ܟܠܗܘܢ ܡ̈ܕܒܚܐ ܕܒܟܠܗܘܢ܆ ܘܢܬܠܒ̣ܟܘܢ ܟܠܗܘܢ

ܟܗ̈ܢܐ ܘܪ̈ܝܫܝ ܟܗ̈ܢܝܗܘܢ܆ ܘܢܬ̣ܪܡܘܢ ܒܒܝܬ ܐ̇ܣܝܪ̈ܐ ܘܢܬ̣ܕܚܘܢ ܘܢܬ̇ܕܚܩܘܢ ܟܠܗܘܢ ܐܝܠܝܢ ܕܡܬ̇ܟܢܫܝܢ ܗܘܘ ܒܗܘܢ܆ ܕܠܐ ܬܘܒ ܢܟ̣ܢܫܘܢ. ܘܫܪܟܐ ܕܕܐܝܟ ܗܠܝܢ܇ ܕܡܢ ܪܘܓܙܐ ܪܒܐ ܐܬܦ̣ܩܕܘ ܘܐܬ̇ܬܚܡܘ. ܘܟܕ ܛܒ ܕܡܢ ܩܕܝܡ ܥܕܡܐ ܠܗܝ̇ ܕܝܢ܇ ܡܫܝܢܐܝܬ ܘܒܗܝܠܐܝܬ ܒܟܘܠܗ̇

ܪܝܫܐ ܕܬܫܥܐ.

ܥܡ ܗܠܝܢ ܕܫ̣ܕܪܘܢܝ ܠܘܬܟ܆ ܡ̇ܢܐ ܝܬ̇ܒ ܐܢܬ ܐܝܟ ܟܪܣܛܝܢܐ܇ ܘܠܥܒ̈ܕ̣ܘܗܝ ܕܐܠܗܐ ܕܐ̇ܢ ܐܢܬ ܚܢܦܐܝܬ. ܠܝܬܝܟ ܒܒ̈ܢܝ ܐܢܫܐ ܕܚ̇ܝ̣ܝܢ܇ ܐܢ ܠܐ ܒܥܓܠ ܡ̇ܘܩܕ ܐܢܬ ܠܝ ܠܣܒܐ ܡܚ̣ܝܠܐ܇ ܘܐ̇ܟܠ ܐܢܬ ܠܝ ܒܛܘ̇ܝܐ.܀.܀. ܐ̣ܝܟܢܐ ܕܟܕ ܗܠܝܢ ܫܡ̣ܥ ܗܘܦܪܟܐ. ܘܙܥ̣ ܡܢ ܝܘܩܪܐ ܕܣܝܒܘܬܗ: ܘܦܩ̣ܕ ܘܐ̇ܦ̣ܩܘܗܝ ܡܢ ܩܕܡܘܗܝ: ܘܐ̇ܘܒ̣ܠܘܗܝ ܠܐܦܝܣܩܘܦܐ܆ ܘܗ̣ܘ ܡܢ ܡܢܝܐ ܡܢܝܐ [*] ܕܝܠܗ܆ ܫ̣ܕܪ ܚܒ̣ܫܗ ܒܗܪܩ̣ܠܝܐ̣ ܡܕܝܢܬܐ ܕܬܪܩ̣ܝܐ. ܘܗ̣ܘܐ ܬܡܢ ܙܒܢܐ ܕܬܪ̈ܬܝܢ ܫ̈ܢܝܢ ܟܕ ܠܐ ܡܫܬܒܩ ܕܢܚ̣ܙܐ ܐܢܫ ܡܢ ܝ̇ܕܘ̈ܥܘܗܝ. ܐ̣ܝܟܢܐ ܕܟܕ ܠܐ ܐܬ̣ܝܗܒ ܠܗ ܬܚܠܘܦܐ ܕܠܒܘ̣ܫܗ: ܘܪܦܝ̇ܬ ܗܘܐ ܒܩ̇ܠ̈ܡܐ ܕܠܐ ܣܟ̣ܐ܆ ܢܦ̣ܩ ܚܕ ܡܢ ܬܠܡ̈ܝܕܘܗܝ ܘܐܦ̣ܩ ܠܗ ܬ̇ܚ̣ܠܘܦܐ܆ ܘܠܐ ܐܫܬ̣ܒܩ ܬܘܒ ܕܐܦ ܒܝܕ ܐܚܪܢܐ ܢܬܝ̣ܗܒ ܠܗ. ܘܒܬܪܟܢ ܐܬܟܪܗ ܕܢܡ̣ܘܬ. ܘܐܚܪܡ ܕܐܢ ܢܬܩ̣ܒܪ ܡܢ ܣܘܢܗ̈ܕܝܛܐ܇ ܐ̇ܘ ܕܐܢ ܚܕ ܡܢܗܘܢ ܢܫ̇ܡܫ ܐ̇ܘ ܢܥ̣ܒܕ ܨܠܘܬܐ ܥܠܘܗܝ. ܘܗܟܢܐ 3 ܪ̈ܒܝܒܢ̈ܝ ܚ̇ܝܠܐ ܕܪ̈ܗܘܡܝܐ ܐܪ̈ܬܕܟܣܘ2 ܬܕܟܣܘ ܕܐܫܬ̣ܟܚܘ. 3 ܬܡܢܗ̣ܢܘܢ ܐ̇ܦ̣ܩܘ ܩ̇ܒܪܘܗܝ ܒܩ̣ܪ̈ܝܘܢܐ̣ ܘܒܣ̣̈ܡܐ ܣܓ̈ܝܐܐ. ܟܕ ܐܝܟ ܕܠܣܗܕܐ ܪܒܐ ܡ̇ܥܦܝܢ ܗܘܘ ܘܡ̇ܙܝܚܝܢ ܦܓܪܗ. ܘܡܬ̇ܥܕܠܝܢ ܗܘܘ ܕܝܢ܆ ܘܡ̇ܓܕܦܝܢ ܥܠ ܪܕܘܦ̣ܝܐ ܕܐ̈ܢܫܐ ܕܕܐܝܟ ܗܠܝܢ. ܐܬ̇ܚܫܒܘ ܕܝܢ ܐ̈ܢܫܐ ܡܢ ܡܗ̈ܝ̣ܡܢܐ ܕܒܡܕܝܢܬܐ܆ ܕܢ̇ܦܩܘܢ ܘܢ̇ܣܒܘܢ̣ܝܗܝ ܠܦܓܪܗ ܕܩܕܝܫܐ.