Anonymus: Martyrium und Wundertaten des Heiligen Konon aus Isaurien (Ms s) (1)

В ь врѣменехъ ст꙯ꙑи҅хъ а҅постолъ· ѥ҅гда
словоу божь҆сва и҅ въплъштениꙗ о̑у
сꙿмоштрениѥ чловѣкомъ проповѣдаꙿ
ше сꙙ тъгда вь҆сел҄енѣи҆ проповѣдьни
къ и҅ а҅постолъ паулъ· походꙙ ѧ҅ꙁꙑ
кꙑ· дои҅де и҅ къ странамъ и҅сауръскꙑ
мъ· и҅ о̑услꙑшавъ· ꙗ҅ко вь҆си гради и҅
мъ и҅ мѣста паче и҅нѣхъ ѧ҅ꙁꙑкъ бѣсꙑ
имѫтъ· къ коумирьскꙑимъ прѣль
стемь҆· хотѣа҅ше и҅ти къ горьн҄иїмъ
мѣстомъ· нъ въꙁбрани ѥ҅моу ст꙯ꙑи҆
дх꙯ъ· многааго ради їхъ ради и҅хъ не
вѣрь҆ства· ꙗ҅ко не и҅мѫтъ приѧ҅ти про
повѣданиꙗ· по реченоуо̑умоу о҅тъ г꙯а·
не помештате бисъра вашего свиниꙗ҅
мъ· о̑уклони сꙙ о҅ть н҄̑ихъ· ноуждѫ се
бѣ сътворивъ· и҅ їнѣмъ прѣжде жь҆
дѫштиїмъ· проповѣдати слово бе съ
блаꙁна· по о҅тъкръвению̑ дх꙯а ст꙯ааго·
потомь҆ же несторъ кꙿто вь тѣхъ мѣстѣ
хъ· добрааго корене о҅брѣтъ сꙙ· нада
нарицаѥ҅мѫ и҅мꙑ женѫ· живѫшта вь
вь҆си нарицаѥ҅мѣ видана· сѫшти о҅тъ
града и҅саурь҆скаа҅го· и꙯ї· попь҆риштъ·
и҅ проꙁꙙбоста плода благовѣрънааго·
и҅ нарекошꙙ и҅мꙙ ѥ҅моу кононъ· семоу
же въꙁдрастомъь съвръшеноу бꙑвъ
шоу· родител҄ѣ ѥмоу съвѣштаста сꙙ
женити ї дѣвицеѭ̑ именемь а҅нꙿна·
дошедъшоу же врѣмени бракоу· ꙗ҅ви сꙙ
кононоу· а҅рꙿхагꙿг҄елъ михаи҅лъ· а҅кꙑ мѫ
жь҆ въ о҅дежди свѣть҆лѣ· и҅ бесѣдоуѧ
сь҆ н҄имъ о҅глашааше и҅стинь҆нꙑѧ таи҅
нꙑ· о҅нъ же о̑увѣштавъ сꙙ· и҅ тоу а҅биѥ҆
срьдь҆це въдавъ прошаа҅ше кръштени
ꙗ· молꙗше же сꙙ а҅кꙑ мѫжоу а҅рхагꙿг҄е
лоу· мнꙙ сего чловѣка сѫшта· а҅рхагꙿг҄е
лъ же раꙁоумѣвъ конона о̑увѣштавъ
ша сꙙ· и҅ вь҆сѣмъь о̑умомъь приїмъшь сло
во· и҅ просꙙшта кръштениꙗ· веде ѥ҅го
къ водѣ· и҅ сьведъ ѥго· въ ст꙯ѫѭ̑ и҅ бла
женѫѭ̑ трои҅цѫ· и҅ давъ ѥ҅моу комъка
ниѥ и҅ ꙁнаменавъ ѥ҅го· и҅ свꙙтивъ о҅ти
де невидимо· видимо бо прѣбꙑваа҅
ше сь҆ н҄имь дои҅жде ст꙯и сꙙ· и҅ їсплънь бꙑ
стъ ст꙯ааго дх꙯а· родител҄ꙗ же ѥ҅моу сего
не вѣдѫшта сьвѣтъ о҅ брацѣ твораста·
и҅ приведъша о҅жениста· о҅нъ же въпрь҆
воѥ вь҆ꙁемъ въжьженѫ свѣштѫ· поло
живъ подъ спѫдомь҆· и҅ рече къ женѣ
своѥ҅и҆ сѫшти ѥ҅и дѣвици· чꙿто ѥ҅стъ
слажде свѣтъ ли и҅ли тъма· о҅на же о҅ть҆
вѣшта свѣтъ ѥ҅стъ слажде· и҅ їна при
ложивъ о҅тъ ст꙯ааго дх꙯а данꙑѧ ѥ҅моу
благодѣти словеса каꙁанию̑· о҅брати
о̑умъ о҅троковици· и҅ чиста прѣбꙑвъ
ша· троудиста сꙙ и҅ꙁвѣсто въ вꙿсеи чи
стотѣ съхранивъша свои тѣлесѣ· вь҆ не
и҅стьлѣниї· о̑услꙑша же мати правь҆дь҆
ноуо̑умоу· и҅ рада бꙑстъ и҅ въсхвали ѭ̑·
и҅ въ тои҆ жиꙁни прѣбꙑста· потомь же
и о҅т ⸯца своѥ҅го а҅рꙿхагꙿг҄еловꙑ ради благо
дѣти· о҅братив блага о̑угодь҆ника по
каꙁа бо꙯у· ꙗ҅коже и҅ ха꙯ ради мѫчениѥ съ
връши· о̑умеръши же ст꙯ааго конона же
нѣ чистѣи҆· и҅ съ материѭ̑ ѥ҅го· въ ѥ҅дно
мь҆ гробѣ положи ї· о҅ста же о҅ себѣ ѥ҅ди
нъ растꙑ· вь вь҆семъ трь҆пѣниї и҅ троу
дѣ· даноѥ ѥ҅моу съкровиште о҅тъ бла
годѣти доуховь҆нꙑѧ· до врѣмене ꙗ҅вь҆е҅
ниꙗ ѥ҅моу съхран҄ь· Великъ же день тво
рꙙште а҅постоллѡ̑ноу· вь҆ пештерѣ коѥ҅и
страшьнѣ и҅ темь҆нѣ· и҅жде по о҅бꙑча
ю̑ и҅мъ бѣаше творити съборъ исаурь҆
скоуо̑умоу градоу· и҅деже многꙑ тъ
мꙑ мѫжь и҅ женъ· о҅тъ и҅сауриѧ съби
раа҅хѫ сꙙ· ѥ҅стъ же въ прѣгꙑн҄ѣхъ мѣ
сто то· и҅ вь҆ непрѣходънꙑи҆хъ горахъ·
растоѧ о҅тъ града попришть четꙑрь·
въ тъ о̑убо день҆ сь҆бираѭ̑штоу сꙙ наро
доу· и҅ хотꙙште и҅ꙁꙿ града иꙁлѣсти· въ
неꙁаа҅пъ пристѫпивъ ст꙯ꙑи҆ кононъ·
покаꙁа сꙙ и҅мъ вь томь҆ градѣ· и҅ видѣ
въ ѧ въо҅рѫжьшѧ сꙙ и҅ о̑уготовьшꙙ сꙙ·
на прѣдьлежꙙштаꙗ нечь҆стиꙗ· свои
мъь и҅мъ ѧ҅ꙁꙑкомъ въскрича глаголꙙ·
мѫжи потрьпите· да васъ въпрошѫ·
рече же имъ· на чꙿто обраꙁъ сьвьпльчени
ю̑ о̑устръ҆мили сꙙ ѥ҅сте· ѥ҅да каꙗ рать ва
съ ноуждьна ꙁоветъ· о҅ни же рѣшꙙ ні· нъ
трѣбѫ богоу а҅полоноу творимъ дьне
сь· ст꙯ꙑи҅ же къ н҄имъ· да кꙿто ѥ҅стъ сіи҆
а҅полонъ хотѣлъ бꙑхъ о̑увѣдѣти·
чꙿто же ѥ҅стъ мошть҆ ѥ҅моу· и҅ли чꙿто ѥ҅го
сила· о҅ни же рѣшꙙ ѥ҅моу· тъ нꙑ строи҅
тъ и҅ крѣпитъ въ рати ꙗ҅коже и҅ о҅тцꙙ
нашꙙ· о҅ни бо и҅ прѣдашꙙ намъ сиї обꙑ
чаи҆· ст꙯ꙑи҅ же кононъ въпрашааше и҅хъ
рѫгаѧ сꙙ· слꙑшасте ли о̑убо о҅тъ н҄его
гласъ· ли дасте ѥ҅моу слово· о҅ни же рѣ
шꙙ· ни нъ о҅бꙑчаи҆ отецъ нашихъ о̑увѣ
ри насъ· о҅нъ же кь҆ н҄имъ· нъ о҅тꙿци ваші
а҅кꙑ бесловесънаꙗ животъна о̑у прѣль҆
сти бѣа҅хѫ· не сѫште въ раꙁоумѣ и҅сті
нꙿнаа҅го бога· а҅ште бо бꙑшꙙ ѥ҅го вѣдѣ
ли· не бꙑшꙙ къ глоухоу и҅ неподвижь҆
ноу камꙑкоу толико творили тьшта
ниѥ· Дадите же ми на н҄ь власть· и҅ по
кажѫ вамъ кого чь҆тете и҅ кꙿто ѥ҅стъ бо
гъ вашъ· да покажѫ ѥ҅го чрь҆ниломъ·
да виждѫ може ли и҅ꙁмꙑти себе· и҅ да
дите ми мꙿлатъ желѣꙁнъ и҅ съкроушѫ
ѥ҅го· и҅ видимъ може ли пакꙑ въ о҅бра
ꙁѣ своѥ҅мъ бꙑти· подамъ же ѥ҅моу бра
шъно· и простеръ рѫкѫ вьꙁемъ да ꙗ҅стъ·
доколи беꙁоумь҆л҄и ѥ҅сте· сего не раꙁоу
мѣѭ̑ште· нъ нꙑн҄ꙗ послоушаи҅те мене·
ꙗ҅ко и҅ а҅ꙁъ ѥ҅смъ вашего племене· штоу
ждъ же васъ дѣломъ· о҅станѣте сꙙ о҅тъ
сихъ и҅ нао̑учѫ васъ кого бꙑ чисти· и҅
клан҄ꙗти сꙙ богоу и҅же въ вꙑшь҅н҄иїхъ
сѣдꙙи҆· бога сѫшта крѣпа· невиди
ма вь҆се же видꙙшта· творьца небоу
и҅ ꙁеми· и҅ морю· и҅ вь҆сѣмъ и҅же сѫтъ вь҆
н҄ихъ· цр꙯ь ѥ҅стъ крѣпькъ и҅ силенъ· и҅
съпасаѧ въ рати своѧ· погоубь҆ꙗѧ же
врагꙑ· и҅ коумиромъ слоугоуѭ̑шти
їмъ· и҅ бѣсомъ жьрѫштꙙѩ а҅ не богоу·
тацѣмъ врагъ ѥ҅стъ дръꙁъ· тъ не про
ситъ жрътвъ кръвавъ· нъ бе събла
ꙁна хоштетъ да сꙙ поꙁнаѥ҅тъ о҅тъ
приходꙙштиїхъ къ н҄емоу· беꙁ лѫ
кꙑ и҅ бе ꙁълобꙑ· вѣровати же ѥ҅моу ꙗ҅
ко богъ и҅стинънꙑи҆· и҅ о҅тець҆ сн꙯оу и҅но
чꙙдоу· бо꙯у сѫштоу и҅стинъноуо̑умꙋ·
го꙯у нашемоу їс꙯ хс꙯оу· и҅же о҅тъ отꙿца не
раꙁлѫченъ ѥ҅стъ· ѥ҅гоже ради и вѣкꙑ
сътвори· ҅Обьшть҆никъ же бж꙯ьствоу·
и҅ цѣсарь҆ствоу ѥ҅го· и҅ сн꙯оу ѥ҅моу ѥ҅стъ
дх꙯ъ ст꙯ꙑи҆· и҅же о҅тъ о҅тꙿца и҅сходитъ
благотворꙙи҆· и҅же ѥ҅стъ надъ вьсѣ
ми дѣлаѥ҅мо· си о̑убо триїмень҆наꙗ
ѥ҅дꙿно сѫтъ бж꙯ьство· ѥ҅динъ ѥ҅стъ б꙯ъ·
ревь҆нивъ сꙑ· и҅ о҅гн҄ь попал҄ѣѧ врагꙑ
своѧ· и҅же коумирꙙ чьтѫтъ а҅кꙑ бг꙯ꙑ·
и҅ бѣсомъ жьрѫтъ· и҅ попалꙗѧ вь҆ н҄и
хъ вь҆ дь҆ни гнѣвоу· и҅ о҅тъмь҆стивъ·
милосръдъ же ѥ҅стъ лише къ вь҆сѣмъ·
приꙁꙑваѭ̑штиїмъ ї и҅ вѣроуѭ̑шти
мъ кꙿ н҄емоу· паче же и҅же о҅тъ нечь҆сти
ꙗ о҅братꙙтъ сꙙ къ н҄ѥмоу· любитъ же
и҅ любꙙштꙙѧ ѥ҅го· славитъ же и҅ славꙙ
штꙙѩ ѥ҅го· радоуѥ҅тъ сꙙ о҅ мирѣ· ѥ҅же
дроугъ дроуга любитъ· веселитъ сꙙ
пакꙑ о҅ чистости житиꙗ· и҅ о҅ сь҆мѣре
ниї и҅же о̑убо ꙁъла ненавидитъ· и҅ о҅ добрѣ
порадоуѥ҅тъ сꙙ· а҅ште ѥ҅го не любите· ꙗ҅
вѣ ѥ҅стъ ꙗ҅ко ꙁь҆ли ѥ҅сте· и҅ мꙙтежь҆ни
ци· и҅ не и҅мате мошти сътрьпѣти гнѣ
ва ѥ҅го· Нъ послоушаи҅те и҅ не о҅жесточи
те вꙑѧ вашеѧ кꙿ н҄емоу· пон҄еже ꙗ҅ко
рѣхъ не и҅мате мошти сътрь҆пѣти ꙗ҅
рости гнѣва ѥ҅моу· на такꙑѧ бо напра
сно ꙗ҅ритъ сꙙ· а҅ ѥ҅же нꙑн҄ѣ а҅кꙑ беꙁоу
мь҆ли ѥ҅сте· на слоужь҆бѫ блаꙁнꙙштоу
васъ диꙗ҅волоу· нъ о҅ставивъше и҆ о҅тъ
стѫпите о҅тъ н҄его· и҅ о҅братите сꙙ къ
го꙯у нашемоу їс꙯ хс꙯оу· и҅ вь҆сѣхъ васъ бла
гꙑи҅хъ насꙑтитъ· о̑учꙙштоу же ѥ҅мꙋ
сихъ· о҅тъ такого беꙁоумиꙗ о҅тъстѫ
пити· и҅ на съпасъноѥ҆ прѣи҅ти пропо
вѣданиѥ· о҅ни же прѣбꙑваа҅хѫ непо
корꙙште сꙙ ѥ҅моу· ꙗ҅коже и҅ на гнѣвъ о҅
братити сꙙ и҅мъ на н҄ь· въꙁвраштаѭ̑
штоу ѧ ѥ҅моу о҅тъ трѣбъ и҅мъ паче же бъ
шъѭ̑ ставꙙштоу· мꙙтежоу же бꙑвъ
шоу вь҆ н҄ихъ· о҅ви о̑устрь҆мишꙙ сꙙ о̑уби
ти ї· о҅ви же ставь҆ꙗ҅хѫ ѧ҅ въꙁбран҄ꙗѭ̑ште
и҅мъ· ꙗ҅ко мало сладъко слꙑшꙙште· и҅ о
братити сꙙ хотꙙште· нъ ѥ҅дꙿначе съврь
шениꙗ не и҅мѣа҅хѫ· ѥ҅дꙿва же ставишꙙ
мꙙтежь҆· и҅же сꙙ мнѣа҅хѫ о҅браштаѭ̑
ште сꙙ· начꙙшꙙ глаголати къ праведꙿ
ноуо̑умоу· како можеши о̑увѣрити на
съ ꙗ҅ко ѥстъ богъ· вꙙштиї нашего бо
га· нами чь҆сть҆ноу сѫштоу· Много
же ѥ҅моу глагол҄ѫштоу къ н҄имъ и҅ оучꙙ
штоу· никакоже покорѣахѫ сꙙ· нъ и҅
паче не вѣроваахѫ· ꙗ҅коже на то и҅мъ
прити и҅ чоудесъ о҅тъ н҄его просити· и҅
глаголашꙙ ѥ҅моу· что можетъ сътво
рити ѥ҅гоже тꙑ чьтеши· да вѣроуѥ҅мъ
ѥ҅моу· покажи о̑убо намъ понѣ ѥ҅дно
ꙁнамениѥ҆· и҅ вѣроуѥ҅мъ ѥ҅моу и҅ тебѣ·
ст꙯ꙑи҆ же кононъ видѣвъ и҅хъ толико
невѣрь҆ство· ꙗ҅ко и҅ ꙁнамениꙗ просꙙтꙿ·
рече къ н҄имъ о҅слабите ми мало· и҅ се съ
творимъ· нѣ ли ю̑нотъ въ васъ и҅ благо
голѣненъ· дроуꙁии҅ же бол҄ьши и҅ни
же на кон҄ихъ· да пои҅демъ о̑убо вь҆си
на мѣсто вашемоу събороу· вꙑ же варі
те а҅ꙁъ же а҅кꙑ старъ вь҆слѣдоуѭ̑· и҅ да
димъ слово дроугъ дроугоу· и҅же варивꙿ
доидетъ мѣста того· того ѥ҅стъ силенꙿ
б꙯ъ· а҅ и҅же послѣжде придетъ да месть҆
приїметъ б꙯ъ и҅мъ· ꙗ҅ко не съштоу ѥ҅мꙋ
б꙯оу· о҅ни же видѣвъше старость ѥ҅моу
порѫгашꙙ сꙙ и҅ о҅бѣшташꙙ сꙙ· о̑упꙿваѭ̑
ште кон҄ьскꙑи҅мъ ходомъ· и҅ голѣнь҆
ми свои҅ми· глаголаа҅хѫ бо дроугъ къ дрꙋ
гоу· ꙗко не и҅матъ дои҅ти мѣста· до че
тꙑрь҆ дь҆ниї· како бо и҅матъ сътръпѣ
ти толикъ пѫть҆· бѣдꙿноу сѫштоу и҅ го
ръноу· Ст꙯ꙑи҅ же бж꙯ии кононъ· раꙁоу
мѣвъ ꙗ҅ко о҅тъчаашꙙ ѥ҅го· ꙗ҅ко не могѫ
штоу ѥ҅моу сего о̑устава съконьчати·
подвиже сꙙ паче· и҅ ѥ҅динъ молитвѫ тво
рꙙ глаголааше· владꙑко г꙯и б꙯е о҅тче вь҆
седръжителю· г꙯и їсоу х꙯е· ѥ҅гоже ради
миръ бꙑстъ· о̑укрѣпи мꙙ· и҅ съблаꙁні
вьсе множь҆ство се· да навꙑкнѫтъ ꙗко
блаꙁнꙙтъ сꙙ о н҄ихъже вѣроуѭ̑тъ· и҅
спльни ѧ да раꙁоумѣѭ̑тъ ꙗ҅ко тꙑ ѥ҅си
б꙯ъ· и҅ раꙁвѣ тебе и҅ного нѣстъ· и҅ да прі
и҅метъ мꙙ ст꙯ꙑи҆ а҅рꙿхагꙿг҄елъ михаи҅лъ·
и҅же приведе мꙙ на раꙁоумъ твои҆· и҅ по
ꙁнати мꙙ сътвори таи҅нѫ твоѭ̑ и҅ꙁ дѣ
тъска въꙁдраста· и҅ а҅биѥ҅ приде ст꙯ꙑи
михаи҅лъ· и҅ ст꙯ааго о̑укрѣпивъ дове
де бес троуда на мѣсто· а҅ сиѧ съблаꙁні
невидимѣ· наченъше пѫть҆ походꙙ
ште и҅ ломꙙште сꙙ бѣа҅хѫ въ горахъ
върѫштаѭ̑ште сꙙ вь стѣнахъ вьсь҆ дь
нъ тъ и҅ тѫ ношть҆· ꙗ҅коже не и҅мѣти и҅
мъ силꙑ ни тѣла цѣла ни кости· ни
мѣста о҅тъ мѣста прѣи҅ти не можаа҅хѫ·
Ст꙯ꙑи҅ же кононъ варивъ на дроугꙑѧ дь҆
ни ꙁао̑утра въставъ о҅брати сꙙ· и҅ о҅брѣ
те ѧ на мѣстѣ и҅жде и҅хъ бѣ о҅ставилъ·
видѣвъше же ѥ҅го вь҆неꙁаапь о̑ужасъ
нѫшꙙ сꙙ· о҅нъ же приближивъ сꙙ къ н҄і
мъ· нападе на н҄ꙙ поѥ҅мь҆ ѧ и глагол҄ꙙ·
что се сътвористе· о҅ставивъше мꙙ
доселѣ а҅ а҅ꙁъ о҅жидаѭ̑ васъ· да въстѫ
живъ пакꙑ о҅братихъ сꙙ къ вамъ·
о҅ни же троудьни и҅ доушꙙ не и҅мѫште·
повѣдаахѫ ѥ҅моу бꙑвъшеѥ҆ молаал҄ꙗа
хѫ ѥ҅го наставити їѧ на пѫть҆· о҅номоу
же оувѣштавъшоу сꙙ· и҅ молитвѫ съ
творивъ· о҅ть҆нꙙ о҅тъ н҄ихъ невидѣ
ниѥ҅мъь а҅рꙿхагꙿг҄еловомъь· да вьси бꙑвь себѣ бꙑ
въшиїе пои҅дошꙙ вьслѣдъ ѥ҅го· прише
дъшемъ же и҅мъ на мѣсто· глагола и҅
мъ ст꙯ꙑи҆· покористе ли сꙙ о̑убо по о̑уста
воу вашемоу сътворите о҅бѣтъ вашъ·
се бо о҅тъпадосте вꙑ и҅ бг꙯ъ вашъ· да
дите о̑убо да мьштѫ бг꙯оу вашемоу·
о҅ни же прѣбꙑваа҅хѫ беꙁокоуѭ̑ште·
невѣрь҆ствиїмъь· и҅ глаголаа҅хѫ не и҅
маши напꙿсати винꙑ бг꙯оу нашемꙋ·
мꙑ бо ѥ҅смъ повинь҆ни съблаꙁнивъ
ше сꙙ на пѫти· тъ бо не о҅тъпаде· и҅ насі
льѥ сътворишꙙ ѥмоу· не съконь҆чати
ѥже о҅бѣшташꙙ сꙙ· Пакꙑ о̑убо рече и
мъ· чꙿто о̑убо хоштете моѥ҅моу ли вѣ
роуѥте богоу и҅ли вашемоу· о҅ни же
рѣшꙙ своѥ҅моу· и҅ рече и҅мъ· и҅же о̑убо
речетъ лъжеи҅менънъи҆ богъ покори
те ли сꙙ ѥ҅моу· и҅ вь҆си о̑уставомъ вьꙁь҆
пишꙙ· о̑увѣришꙙ же ѥ҅го о҅ семь· и҅ ра
ждегъ сꙙ ст꙯ꙑи҆ доухомь тече къ коу
мироу· на вꙑсоцѣ же стоѧштоу коу
миру· въспрѣтивъ ѥ҅моу рече къ н҄емꙋ·
тебѣ глагол҄ѫ велитъ ти їс꙯ х꙯с мои сьлѣ
сти· страхомъь же клонꙙ сꙙ и҅ ꙁапрѣште
ниѥ҅мъ сь҆паде коумирь҆ съ мѣста сво
ѥ҅го· и валꙙ сꙙ приде блиꙁъ ст꙯ааго· и҅ ста
простъ· о̑ужаснѫшꙙ же сꙙ вь҆си о҅тъ стра
ха· вьꙁдивь҆ше же сꙙ о҅тъ чоудесъ вь҆
скричашꙙ велми· поманѫвъ же и҅мъ
рѫкоѭ̑ рече къ н҄имъ· покористе ли сꙙ
понѣ нꙑн҄ѣ· и҅ли ни е҅дначе· видѣшꙙ
бо коѥго рѫгаѭ̑шта сꙙ· да о҅ви о҅бѣшта
ваа҅хѫ сꙙ· дроуꙁиї же не покораа҅хѫ сꙙ·
глаголѫ̑ште а҅кꙑ нѣстъ велико чоудо·
о҅нъ же не о҅слабь҆ꙗ҅ше имъ· нъ прѣбꙑ
вааше кажꙙ и҅ глагол҄ꙙ·
҆Ѡ толикоу вашемоу беꙁоумию̑· доколѣ
прѣбꙑвате въ беꙁоумиї· и҅же ѥ҅стъ б꙯ъ·
не тацѣхъ хоштетъ да бѫдѫтъ и҅же
ѥ҅моу сѫтъ свои҆· и҅ чътѫштиї ѥ҅го· нъ та
ка срьдꙿца и҅мѣти· ꙗ҅коже ѥ҅стъ самъ
и҅стиненъ и҅ благъ сꙑ· и҅ свои҅мъ благо
мъ велитъ бꙑти· правь҆дивъ сꙑ· и҅ сво
и҅мъ такожде велитъ бꙑти· и҅ тацѣ
мъ такожде велитъ бꙑти· ꙗ҅къ же и҅
самъ ѥ҅стъ мои҆ б꙯ъ· вашь҆ же б꙯ъ камѣ
нъ сꙑ о҅камени ваша срь҆дьца· и҅ прѣль
сть҆никъ сꙑ· и҅ диꙗволъ прѣль҆стити
хоштетъ васъ· и҅ невѣренъ сꙑ невѣр
нъі и҅ васъ сътвори· да не прѣбꙑваи҅те
о̑убо о҅ сихъ· нъ послоушаи҅те мене и҅ о҅тъ
стѫпите о҅тъ бѣсованиꙗ· и҅ о҅тъ прѣль҆
сти и҅хъ ꙗ҅ко не сѫтъ бꙁ꙯и· нъ ѥ҅стъ б꙯ъ ѥ҅
же мноѭ̑ повѣданъ вамъ· хоштете ли
и҅ о҅тъ камꙑка сего о̑услꙑшати· и҅же ва
ми чьстенъ ꙗ҅ко прѣльштаѥ҅те сꙙ· при
ближите сꙙ къ мнѣ и҅ о̑услꙑшите· о҅ні
же приближивъше сꙙ прилежь҆нѣ ꙁьрѣꙿ
хѫ къ н҄емоу· видѣти нѣчꙿто бол҄е бꙑ
ваѭ̑штиїхъ о҅ть҆ н҄его· Ст꙯ꙑи҅ же кононъ
съ многомъь прѣштениѥ҅мъь· въсꙿпрѣті
въ коумиру стоѧштоуо̑умоу рече· гла
гол҄и ми тꙑ кꙿто ѥ҅стъ б꙯ъ· тꙑ ли· и҅ли
ѥ҅же мꙿноѭ̑ проповѣдаѥ҅мъ· тъгда съ
многомъ страхомъь камѣнꙑи б꙯ъ· рѫ
цѣ простеръ на небо· чловѣчь҆скомъь гла
сомъ и҅ꙁвѣшта глагол҄ꙙ· ѥ҅динъ ѥ҅стъ
б꙯ъ ѥ҅динъ ѥ҅стъ х꙯с· и҅же тобоѭ̑ проповѣ
данъ· семоу же бꙑвъшоу чоудеси· вьсь҆
тъмами народъ великомъ гласомъь
вь҆скрича глагол҄ꙙ· ѥ҅динъ б꙯ъ кононовꙿ
о҅делѣ· сии҅ же гласъ до дь҆несь҆н҄ѣаго
вь҆пиѭ҄тъ събираѭ̑ште сꙙ· въ прѣсла
вънъи҆ тъ день памꙙти ст꙯ааго конона·
вꙿса и҅сауриꙗ и прѣдѣли ѥ҅и҆· сь свѣшта
ми и҅сходꙙште и҅ꙁ домовъ свои҆хъ· съ
вечера и҅дѫште вь съборънѫѭ̑ ѥ҅моу црь҆
къве· вь҆ видѣнѣ нарицаѥ҅мѣ вь҆си·
прѣбꙑваѭ̑ште же кричꙙште о҅ прѣ
славь҆нѣѣмь чоудеси· потрꙙсъ и҅мъ
рѫкоѭ̑ ѥ҅ꙿдва ѧ стави глагол҄ꙙ· понѣ нꙑ
н҄ѣ и҅сповѣдите о҅тъпадениѥ҆ б꙯оу ваше
моу· дадите о̑убо да мь҆штѫ ѥ҅моу· на
родоу же многоу вѣровавъшоу· о̑устръ
мишꙙ сꙙ и҅ съкроушишꙙ коумирꙙ· и҅ крꙿ
стишꙙ сꙙ· прокъ же и҅хъ ѥ҅дначе не поко
рꙙште сꙙ· по диꙗ҅воловѣ силѣ· и҅ тꙙжь
ко си сътворивъше о҅ съкроушениї коу
мира своѥ҅го· дроугоѥ҆ чꙿто примꙑслишꙙ·
лѫкава коѥ҅го бѣса приложити силѫ
на прѣподобьнааго· и҅же и҅мъ бѣа҅ше
въ съкровѣ вь҆ пештерѣ· страшенъ кꙿ
то мꙿнꙙ сꙙ ратꙿникъ и҅мъ сꙑ и҅ гоуби
тел҄ь· ѥ҅моуже и҅ подараа҅хѫ трѣбами·
не на о̑успѣхъ· нъ да не бѫде о҅тъ н҄его
врѣда· вѣровавъше же молꙗхѫ сꙙ· ꙗ҅
ко да бꙑ шелъ и҅ о҅тъгъналъ лѫкаваꙿго
того бѣса· дроуꙁии҅ же и҅скоушаѭ̑ште
ꙗ҅коже не и҅матъ съдолѣти· а҅ вѣровавъ
шеи҆ жь҆дѣахѫ ꙗ҅ко и҅ томоу ꙁьлоу о҅делѣ
ти и҅матъ ст꙯ꙑи҆ кононъ· и҅ о҅бѣштавꙿ
сꙙ и҅мъ пои҅де сь н҄ими на мѣсто· вь҅сь҅ же
народъ и҅дѣа҅ше· и҅ свѣштꙙ въжегъше
сьнидошꙙ въ камѣнѫѭ̑ тѫ распалинѫ
ѭ̑· съ многомъь страхомъ сѫмнꙙште сꙙ·
о҅нъ же видѣвъ ѧ тако сѫмнꙙштѧ сꙙ·
вь҆скрича глагол҄ꙙ не бои҅те сꙙ· нꙑнꙗ бо
о̑уꙁрите конець҆· и҅ пристѫпивъ на ра
спалин̓ нѫѭ̑ тѫ пештерѫ· и҅ вьспрѣти не
чистоуо̑умоу томоу дх꙯оу· ꙗ҅коже о҅чи
висть҆ вь҆сѣмъ покаꙁати сꙙ ѥ҅моу· и҅ꙁѫ
три же вь҆пиѧ поуштааше гласꙑ моли
твънꙑѧ· да ѥ҅моу не о҅бличитъ скврьна
вааго ѥ҅моу о҅браꙁа· ҅Ономоу же вь҆спрѣ
тивъшоу ѥ҅моу· съ многомъь страхомь҆
и҅ꙁлѣꙁъ о҅тъ ск вожьн҄ꙙ коѥ҅ѧ҆ и҅дѣа҅ше·
валꙙ сꙙ· и҅ а҅ви сꙙ вьсѣмъ а҅кꙑ старица
растрьꙁана тѣломь· и҅ вь҆скрича весь на
родъ вь҆пиѧ прь҆вꙑи҆мъь гласомь҆· ѥ҅динꙿ
б꙯ъ кононовъ· б꙯ъ кононовъ о҅долѣ· и҅ въ
спрѣтивъ лѫкавоуо̑умоу томоу бѣсоу·
ꙁарече ѥ҅моу да никꙿдеже сꙙ не ꙗ҅витъ·
ни пакости сътворитъ комоу· тъгда
ст꙯ꙑи҆ кононъ въꙁдъхнѫ на н҄ꙙ глагол҄ꙙ
и҅ кажꙙ и҅мъ· видите кꙿто вами съвла
детъ· видите коѥ҆ сѫтъ ваши боꙁи· ваа҅хѫ ноудꙙште ѥ҅го· и҅ съ многоѭ̑ ноужде
ѭ̑ поведошꙙ и҆· да и҅жде блиꙁъ бꙑшꙙ ꙗ҅ко
ѥ҅дино пь҆пь҆риште· мꙑшлꙗа҅хѫ како бꙑ
вь҆лѣсти къ ст꙯оуо̑умоу· онъ же въ мльча
ниї сꙑ· вь҆ꙁь҆рѣвъ видѣ кꙑи҅хъ бѣсъ сьсѫ
мнꙙште сꙙ ѥ҅го· и҅ ꙁастѫпаѭ̑штꙙ о҅тъ
страха· и҅ повелѣвъ и҅мъ прити къ себѣ·
и҅ пришедъше сташꙙ прѣдь҆ н҄имь҆· въпра
шаа҅ше же ѧ глагол҄ꙙ· чьсо ради придосте·
о҅ни же рѣшꙙ чꙿто велиши намъ творити·
о҅нъ же властьѭ̑ повелѣ рекъ и҅мъ· нико
моуже о҅тъ чловѣкъ да не творите пако
сти ни на коѥ҅же ꙁъло дѣло и҅ скврънаво пꙋ
стити· ҅Они же рѣшꙙ· мꙑ о҅ сихъ бѣхомꙿ
и҅ о҅ сихъ радоуѥ҅мъ сꙙ· ѥ҅же на чловѣкъи
бꙑти и҅спрьва· и҅ного бо ничесоже твори
ти не и҅мамъ· да а҅ште о̑убо хоштеши на
съ о҅тъ сихъ о̑упраꙁнити· а҅ште ли хоште
ши и҅но повели намъ и҅ сътворимъ· нъ не
и҅ждени насъ тъчь҆ѭ̑ гнѣвомъь и҅ти въ
поустаꙗ мѣста· рече же и҅мъ· и҅дѣте на
дѣло е҅се о҅нꙑ н҄ивꙑ противѫ не копа
нꙑ о҅стаѭ̑тъ· да и҅дѣте копаи҅те и҅ по
трѣбите· о҅ни же слꙑшавъше и҅дошꙙ
съ многомъь страхомъь сътворити пове
лѣноѥ· раꙁбои҅ници же ꙁѣло приближі
въше сꙙ къ мѣстоу· и҅ молѧште своѥ҅го
старѣи҅шинѫ копиа пристѫпити сь
н҄ими о̑увѣштати не могошꙙ· и҅ о҅стави
въше ѥ҅го о̑устрь҆мишꙙ сꙙ на мѣсто· копиї
же въ печали бꙑвъ о҅ сьвѣтѣ и҅хъ· ѥ҅динъ
о҅ставъ на мѣстѣ· тоу лѫштѫ своѭ̑ потъ
къ и҅ ножь҆ свои҆ повръгъ сѣде· и҅ положь гла
вѫ своѭ̑ на колѣноу плака по н҄ихъ· надѣ
ѧ҅ сꙙ ꙗ҅ко ничь҆соже добра и҅мъ бѫдетъ·
приближивъше же сꙙ къ домоу ст꙯аа҅го о҅уда
ришꙙ вь҆ двь҆ри· кононъ же мь҆нѣвъ ꙗко
кꙿто сѫтъ о҅тъ просꙙштиїхъ· и҅ли о҅тъ бо
лиї по о҅бꙑчаю приходꙙштиїхъ· о҅тврь҆
ꙁе и҅мъ двьри· и҅ видѣвъ ѧ въ о҅рѫжиї мь
нѣа҅ше ꙗ҅ко съ пѫти сѫ пришьли почиті·
кꙑъждо же тъкаше дроугъ дроуга въпра
шаѧ коѥ ѥ҅стъ мѣсто и҅ждеже и҅мѣниѥ
лежитъ· о҅нѣмꙿ же и҅штѫштеїмъ и҅мѣ
ниꙗ· кононъ тъштаа҅ше сꙙ о̑уготовиті
и҅мъ трепеꙁѫ· приносꙙ и҅мъ вино и҅ велꙙ
и҅мъ ꙗ҅сти молꙗа҅ше сѧ глагол҄ꙙ· Пои҅дѣ
те чꙙда да въкоусите· о҅ни же не полоу
чивъше ѥ҅гоже и҅скаахѫ на гнѣвъ о҅бра
тишꙙ сꙙ· и҅мъше же ѥ҅го о҅бнажишꙙ ме
чꙙ· и҅ простеръше на н҄ь своѧ рѫкꙑ ноужꙿ
даахѫ и҆ принести ѥ҅моу и҅мѣниѥ· прѣ
тꙙште ѥ҅моу и҅ о̑убити хотꙙште· многꙋ
же мꙙтежоу бꙑвъшоу· и҅ раꙁбои҅никомꙿ
готовомъ сѫштемъ о̑убити ст꙯ааго· вь҆
неꙁаапъ бѣсомъ многомъ сътекъшемъ
сꙙ· придошꙙ тъштаниѥ҅мъь ст꙯ааго мѫ
ченика конона· повелѣно бо и҅мъ бѣ· да овꙑ
⋯ пешти сѫште въ манастꙑри въжегъше·
дроуꙁии҅ же на раꙁбои҅никꙑ о̑устръмивъ
шꙙ сꙙ о̑устрашишꙙ· ꙗ҅коже о҅мрь҆твѣти
и҅мъ и҅ мечꙙ о҅упꙋстити· ти тако по ѥдно
моу и҅ по двѣма о҅браꙁоуѭ̑ште· влѣчаа
хѫ· и҅ доведъше пешти и҅ прилагаѭ̑ште
и҅мъ главꙑ пал҄ѣꙿхѫ· и҅ їсполоу о̑умрьтві
въше пометаахѫ на ꙁеми· ст꙯ꙑи же ко
нонъ помиловавъ ѧ повелѣ бѣсомъ о҅ста
ти сꙙ и҅хъ и҅ о҅сташꙙ сꙙ· видѣвъ же ѧ о҅тъ
немогъшꙙ молитвѫ сътвори о҅ н҄ихъ и҅
въꙁникошꙙ· бꙑвъше же въ о̑умѣ своѥ҅
мъь· въставъше припадошꙙ каѭ̑ште
сꙙ о҅ дръꙁости· и҅ плакаа҅хѫ сꙙ тѫжꙙште
о҅тъ болѣꙁни пал҄ениꙗ· и҅ лежꙙште прѣ
дъ ногама мол҄ꙗхѫ сꙙ ѥ҅моу да о҅слабитъ
и҅мъ о҅тъ многꙑѧ болѣꙁни· ҅Онъ же мо
литвѫ сътворивъ· беꙁ болѣꙁни сътворі
въ и҅ бес тѫгꙑ о҅тъпоусти ѧ· отъпоуште
номъ же и҅мъ бꙑвь҆шемъ· тако текѫ
ште бѣгаа҅хѫ а҅кꙑ огн҄емъь пакꙑ гони
ми· дои҅деже дои҅дошꙙ мѣста и҅деже бѣꙿ
копиї старѣи҅шина и҅мъ· вь҆ꙁь҆рѣвъ же
на н҄ꙙ и҅ видѣвъ о̑ужасе сꙙ· ꙗ҅ко ѥ҅дина
че живи сѫтъ· въ радости бꙑвъ· въ
ставъ цѣлова ихъ о҅ прѣславь҆нѣѣ҆мь҆
чоудеси· съповѣдавъшемъ же и҅мъ
ѥ҅же сꙙ и҅мъ събꙑ· похоули ѧ пон҄еже ѥ҅
го ꙁапръва не послоушашꙙ· въставъше
же
пои҅дошꙙ въ своѧ домꙑ· и҅ їсповѣдашꙙ
вьса вь҆сѣмъ ѥ҅же сꙙ сълоучи и҅мъ· ꙗко
же многоу страхоу напасти на вь҆сѣхъ
слꙑшꙙштии҅хъ· нъ и҅ досели нꙑнꙗ
прѣбꙑваатъ страхъ ст꙯ааго конона въ
вьсеи҆ тои странѣ· да а҅ште кꙿто прѣо҅бі
дитъ и҅мꙙ ѥ҅моу· недалече приїметъ
мь҆сть҆· толико же чь҆сть҆но ѥ҅стъ и҅мꙙ ѥ҅
моу о҅тъ благодѣти· данꙑѧ ѥ҅моу о҅тъ
ст꙯аа҅го дх꙯а· ꙗ҅коже и҅нъгда дьвѣма кꙑ
и҅ма лѫкавома· о҅тъ саврꙑ въ горахъ жі
вѫште· страшꙿномъь въꙁоромъь· и҅ сверѣ
па власꙑ и҅мѫшта· прѣо҅бидѣвъша и҅
мꙙ ѥ҅моу и҅ страха ѥ҅го небрь҆гꙿша· а҅биѥ҅
тоу о҅тъ бѣсовъ пришедъша на н҄ꙗ· ꙗ҅
коже прѣстѫпьшема и҅ма вь҆спрѣште
ниꙗ· и҅ ѥ҅мъше и҆ ꙁа власꙑ влѣчаахѫ ї пла
чѫшта ведѣа҅хѫ съвꙙꙁавъше къ нога
ма рабоу бж꙯ию̑· паче же ѥ҅ште растѣѣ҆
ше страхъ на нечь҆стивꙑи҅хъ доусѣхъ·
ꙗ҅коже и҅мъ и҅ н҄ивꙑ дѣлати и҅ пешти сꙙ
вь҆сѣмь садомь҆ и҅ н҄ивънꙑи҅мъь сѣтиѥ҅
мъь повелѣниѥмъь ѥ҅го· и҅ въ тѣхъ н҄ива
хъ ѥ҅дина бѣа҅ше о҅сѣта сланоутꙿкомъ·
пѫтꙿникъ же кꙿто мимои҅дꙑ· и҅ мь҆нꙙ бл҄ꙋ
домѫ видѣвъ н҄ивѫ добрѫ и҅ плодънѫ
и҅ съꙁь҆рѣвъшѫ· и҅ вь҆ꙁлюбивъ прѣклони
въ сꙙ вь҆ꙁꙙ на годѣ· видѣвъ же неблю
домѫ сѫштѫ н҄ивѫ· прѣклони сꙙ и҅ потрь҆
ꙁа не соумьнꙙ сꙙ· да а҅ко начꙙ снопꙑ вꙙ
ꙁати· о̑услꙑша гласъ глагол҄ѫшть до
вь҆л҄етъ ти и҅ мини· о҅нъ же въьꙁникъ
и҅ вь҆ꙁь҆рѣвъ не видѣ никогоже· и҅ начꙙ
пакꙑ тръꙁати хотꙙ брѣмꙙ накла
сти скотоу своѥ҅моу· гласъ же прѣбꙑ
ваа҅ше ꙁовꙑ· Довьл҄етъ ти не бѫди не
сꙑтъ· онъ же пакꙑ вь҆ꙁникъ не о̑уꙁь
рѣ никогоже· и҅ начꙙ ѥ҅дꙿначе тръꙁати·
насꙑтивъшоу же сꙙ· съвꙙꙁа брѣмꙙ
хотꙙ на скотъ въꙁложити· ѥдва въꙁꙿ
двигъ съ многѫ ноуждѫ въꙁложивъ
на плешти свои҆· а҅биѥ҅ же ꙁъвавꙑи ѥ҅го
бѣсъ вь҆ꙁлѣꙁе на брѣмꙙ· да ѥ҅го не повръ
жетъ· и҅ биѧ ѥ҅го сѣде на плештоу ѥ҅мꙋ·
и҅ гон҄ѣаше ҆и къ ногама ст꙯ааго конона·
троудна и҅ потъна о҅тъ тꙙгости· и҅ о҅тъ ранꙿ·
и҅ приведъ ѥ҅го къ ст꙯оуоумоу кононоу
съвꙙꙁавъ съ краденꙑи҆мъь сланоуѫтꙿкомꙿ
хоул҄ѣаше глагол҄ꙙ· виждь рабе бж꙯иї ꙗ҅ко
мꙑ нѣсмъ толꙿми виньни ꙗ҅коже непо
слоушь҆ливиї чловѣци и ꙁь҆лиї· и҅ нꙑн҄ꙗ
же ѥ҅же повелѣ сътворихомъ и҅ въкопа
хомъ н҄ивꙑ· и҅ насѣахомъ сланоутъка
и҅ съꙁьрѣвъшоу ѥ҅моу· ꙗ҅коже се видиші
самъ· и҅ мимои҅дꙑ сиї лакомꙑи и҅ прѣ
о҅бидѣвъ страха твоѥго· несꙑтомъь
срьдꙿцемь҆ трь҆ꙁа много· ꙁѣло же ꙁовѫштꙋ
ми ѥ҅го много и҅ глагол҄ѫштоу довь҆л҄етъ ті чловѣче· почꙿто тако твориши· и҅ не о҅ста сꙙ·
нъ и҅ мене прѣо҅бидѣ прѣбꙑваѧ вь несъи
тъствѣ своѥ҅мь҆· и погоуби нашꙙ плодъи·
толико крадъ ѥ҅динъ да что велиши·
Рабъ же бж꙯ии видѣвъ чловѣка съдръжи
ма и҅ събиѥ҅на· о҅тъ сълоучивъшиїхъ҅ ѥ҅мꙋ
ꙁълъ помилова҅ ѥ҅го· и҅ прѣжде повелѣвъ
нечистоуо̑умоу дх꙯оу о҅тити и҅ пешти сꙙ
дѣломь҆ о҅тъгꙿна и҆· о҅нъ же дрꙙхлъ о҅ти
де ѥ҅же не погꙿнѣва сꙙ на крадъшаа҅го· по
хоуливъ же крадъшааго о҅ несꙑтости ѥ҅
го· и҅ накаꙁавъ ѥ҅го не начинати о҅тъселі
тацѣхъ тать҆бинъ· ни прѣбꙑвати о҅ не
сꙑтости· о҅тъпоусти ї· се же до нꙑнꙗшꙿ
н҄ѣа҅го съхран҄енъ прѣбꙑваатъ въ стра
нахъ тѣхъ· ꙗ҅коже а҅ште и҅ кꙿто начь҆нетъ·
о҅тъ ꙁаградь҆нꙑи҅хъ· и҅ о҅тъ виноградъ·
не тꙿчиѭ̑ о҅тъ плода нъ и о҅тъ листвиꙗ· и҅ о҅
тъ коѥ҅го любо сѣмене кѫѭ̑ любо винѫ да
о̑украдетъ немошть҆но ѥ҅моу ѥ҅стъ· да не
тоу а҅биѥ҆ ранѫ вь҆ꙁьметъ· ти тако въ мно
ꙁѣ молитвѣ и҅сповѣданиѥ҅мъь тъчно кра
деноуо̑умоу съложивъ ꙁлатомь҆ и҅ли сь҆ребро
мъь принести· ти тъгда мѫкꙑ да и҅ꙁбѫ
детъ чловѣкъ тъ· такожде же и҅ о҅ пꙿти
цахъ ѧ҅же сѫтъ на ст꙯ѣѣмъь гробѣ много
мъ сѫштемь҆· и҅ скотоу и҅же пригонꙙтъ
и҅ приносꙙтъ о҅тъ лѣта на ст꙯ѫѭ̑ и҅ славь҆
нѫѭ̑ памꙙть· стада раꙁличь҆ воловъ· кобꙑлъ· коꙁꙑ о҅вь҆цꙙ многꙑ тъмами па
сомꙑ въ горахъ неблюдомѣ· блюдомѣ
же сѫтъ страхомь҆· ꙗ҅коже не сь҆мѣти
никомоуже начꙙти красти· и҅ли бъши
ѭ̑ беꙁ бѣдꙑ присꙙгнѫти· а҅ште бо се тъ
чьѭ̑ оуꙁь҆рꙙтъ ꙁълодѣи властель҆скоѥ
ѥ҅моу и҅мꙙ· и҅ли и҅ ꙁнамения҆ вꙑи҆ висꙙште
а҅биѥ поꙁнавъше блюдѫтъ сꙙ·
Тако ѥ҅моу житиѥ богъ почь҆те· ꙗ҅коже и҅
по съмрьти ѥ҅го славь҆нѣи҅ша сътвори·
ѥ҅ште же къ симь чоудесемъ и҅ се бꙑстъ·
въдовици коѥ҅и҆ о̑убоꙁѣ сн꙯ъ и҅ночꙙдъ ѥ҅дꙿ
наче съсꙑ· ѥ҅гоже носꙙшти въ паꙁоусѣ
мати ѥ҅моу· въ врѣмꙙ жꙙтвѣ шъдъши
да съберетъ класꙑ на пиштѫ себѣ· по
ложи на ꙁеми сн꙯а своѥ҅го· и҅ къ жꙙтел҄ѣ
немъ пристѫпивъши· и҅ берѫшти кла
сꙑ· вънеꙁаапъ влъкъ пришедъ о҅брѣ
те повръженъ дѣтишть҆· никомоуже
сѫштоу о̑у н҄его· и҅ въсхꙑтивъ и҅ о҅тиде·
жꙙтел҄ѣне же о̑услꙑшавъше плача
младеништа· и҅ мати почоувъши о҅
брати сꙙ· и҅ раꙁоумѣвъши своѥ҅го ꙁъла
въскрича съ вь҆сѣми· жꙙтел҄ѣне же о҅
ви клицаа҅хѫ о҅ви течаа҅хѫ вь҆ слѣдъь вль
ка· и҅ не постигъше ѥ҅го вратишꙙ сꙙ· ма
ти же ѥ҅го и҅ не испочивъши въꙁдѣвъши
рѫцѣ и҅ текѫшти и҅де плачѫшти сꙙ до
ст꙯ааго мѫжа· повѣдати ѥ҅моу своѭ̑ бѣ
дѫ·
и҅ дошьдьши манастꙑрѣ· вь҆скрича ма
ти дѣтишта велꙿми глагол҄ѫшти·
Ст꙯ꙑи҆ кононе даждь҆ ми сн꙯а моѥ҅го· о҅нъ
же о̑услꙑшавъ гласа плачоу въскочи къ
двь҆ремъ по о҅бꙑчаю̑· о҅на же видѣвъші
и҆· и҅ похвативъши ноꙁѣ ѥ҅го плака сꙙ го
рь҆ко· о҅нъ же въставивъ ѭ въпрашааше·
чꙿто ѥ҅стъ вина· о҅нои҅ же о҅тъ печали не мо
гѫшти и҅сповѣдати· съповѣдашꙙ
и҅же бѣшꙙ сь҆ н҄еѭ̑ пришь҆ли· и҅ о̑услꙑша
въ бꙑвъшеѥ҆· и҅ попече сꙙ съ матерь҆ѭ̑
дѣтишта· и҅ ставъ при вꙿсѣхъ· и҅ вь҆ꙁдѣ
въ на вꙑсотѫ о҅чи ї рѫцѣ помоли сꙙ· и҅ прі
ꙁъвавъ ст꙯оѥ҆ трии҅мень҆ноѥ и҅мꙙ· пове
лѣ бѣсомъ и҅ти и҅ о҅братити вль҆ка съ дѣ
тиштемь҆ цѣломъь· о҅ни же приꙁꙿвани
бꙑвъше и҅ невидими скоро пои҅дошꙙ·
и҅ постигошꙙ и҆ далече ꙁѣло· ѥ҅ште мла
деништь въ о̑устѣхъ носꙙшть҆· да о҅ви
похвативъше ꙁа о̑уши влѣчаа҅хѫ и҆·
дроуꙁии҅ же съꙁажда пориваа҅хѫ а҅ дроу
ꙁиї биꙗ҅хѫ· и҅ тако ведошꙙ влька къ но
гама ст꙯оуо̑умоу кононоу· и҅ падъ поло
жи дѣтиштъь прѣдъ вь҆сѣми· ꙗ҅коже
вь҆сѣмъ вьскричати гласомъ велиїмъь·
и҅ о҅тъ многꙑѧ радости просль҆ꙁивъше
мъ сꙙ· славити бога о҅ такои силѣ да
нѣи ѥ҅моу· и҅ вь҆ꙁемъ҆ дѣтишта о҅тъ ꙁвѣ
рѣ дастъ матери· и҅ молитвѫ сътворивъ отъпоусти вьсѣхъ съ влъкомъь· нечистиї
же доуси и҅ о҅тъ коумиръ и҅хъ и҅ꙁгънани
бꙑвъше и҆ о҅съпами начꙙ болѣти стра
на та· ст꙯ꙑи҆ же данѫѭ̑ ѥ҅моу силоѭ̑ отꙿ
ст꙯ааго дх꙯а· о҅тъ вь҆сѣхъ прѣдѣлъ тоѧ
странꙑ прогꙿна· дроугꙑѧ҅ же ѥ҅же на врѣ
дъ бѣаше чловѣкомъ о҅бличи· и҅ ꙁапрѣ
тивъ доухомь҆ приꙁъва и҅ сь҆вꙙꙁа· въ и҅
мꙙ и҅соу хрь҆стоса· въложивъ вь҆ три де
сꙙти кръчагъ· и҅ о̑утврь҆дивъ и҅ съвꙙꙁа и҅
печать҆лѣ о҅ловомъь· погребъ вь҆ своѥ҅мъь
домоу· се же о҅тъ многꙑи҆хъ ѥ҅моу чоу
десъ и҅цѣл҄ениꙗ· о҅ н҄ихъже величааше
сꙙ и҅мꙙ ѥ҅моу· ѥ҅же о҅ н҄емь҆ бѣа҅ше слоухꙿ·
вь҆ своѥ҅мъь житиї помꙙнѫхъ о҅тъ мꙿно
гꙑи҅хъ мало· Магнъ кꙿто воѥ҅вода вь҆
ꙁемъ власть҆ отꙿ цѣсарь҆скааго повелѣ
ниꙗ· и҅спль҆н҄енъ гнѣва на крь҆стиꙗнꙑ·
и҅ г꙯л҄ꙙ· и҅же да не о҅тъвръжетъ сꙙ и҅мене
хрисостова· да о̑убиѥ҅нъ бѫдетъ· и҅ гнѣ
ва и҅спльн҄енъ приде къ и҅кониїскоу гра
доу· и҅ вь҆ гнѣвѣ сꙑ начꙙ глаголати·
ѧ҅же вѣсте вь градѣ сь҆де и҅ли въ и҅нѣхъ
градѣхъ сѫштꙙ и҅ли нарицаѭ̑штꙙ
сꙙ крь҆стиꙗ҅нꙑ повѣдите· о҅ни же ви
дѣвъше ꙗ҅ко доушетъ гнѣвомъь· о̑у
чаа҅хѫ съ страхомъ глагол҄ѫште· слꙑ
шимъ сѫшта нѣкого въ горн҄иїхъ стра
нахъ и҅менемь конона· тоѧ вѣрꙑ·
о҅ н҄емже глагол҄ѫтъ велика чоудеса бꙑ
ваѭ̑тъ о҅тъ н҄его· ꙗ҅же вь҆сѣхъ насъ о̑ужаса
ѭ̑тъ· о҅нъ же рече глагол҄ꙗте кꙿде живетъ
въ градѣ· и҅ли въ вь҆си· и҅ градоу и҅мꙙ и҅ вь҆сі·
и҅ колико растоѧтъ междоу собоѭ̑· о҅ни
рѣшꙙ ꙗ҅ко вь҆сь҆ видѣна нарицаѥтъ сꙙ·
и҅ного коѥ҅го о҅тъ тоѧ вѣрꙑ слꙑшимъ и҅
менемь нисиї· о̑усоровѣ вь҆си· по томоу
жде пѫти сѫшта· и҅ се о̑увѣдѣвъ повелѣ
въ о̑устрь҆ми сꙙ на мѣсто· и҅ дошедъ о̑усо
ровꙑ вь҆си· и҅ а҅биѥ тоу ѧ ст꙯аа҅го нисиꙗ·
и҅ повелѣвъ блюсти ѥ҅го· о҅тътоли поу
сти беꙁ мꙙтежа приꙁъвати ст꙯аа҅го ко
нона· о҅тъ виданꙑ вь҆си· на и҅но о҅рѫди
ѥ҅· да не мꙙтежь҆ бѫдетъ вь҆ тѣхъ мѣстѣ
хъ ѥ҅го ради· боꙗ҅ше бо сꙙ тѣхъ мѣстъ
слꙑшавъ ꙗ҅ко дрь҆ꙁи и҅ которичи сѫтъ вь҆
н҄ихъ· на о̑утриꙗ҅ же прѣдъсѣдъ магнъ·
повелѣ привести ст꙯ааго нисиѭ̑· се по
мꙑсливъ· и҅ли да о̑увѣштаѭ̑ о҅тъврѣ
шти сꙙ христосова и҅мене· и҅ли да мѫ
читъ ѥ҅го донь҆жде приведенъ бѫдетъ
ст꙯ꙑи҆ кононъ· нисию̑ же приведеноу
бꙑвъшоу· начꙙ въпрашати ї г꙯л҄ꙙ· чꙿто
и҅мꙙ твоѥ и҅ чꙿто ти кобь҆· ꙗ҅когоже о҅бꙑ
чаꙗ нѣстъ кнꙙꙁемъ въпрашати о҅ вь҆се
мь҆· рече ст꙯ꙑи нисиї· крь҆стиꙗнъ ѥ҅
смъь· и҅ повелѣ ѥ҅го бити· ст꙯ꙑи҅ же нисиї
прѣтръпѣ о҅ добрѣѣмь и҅сповѣдании҆
христосовѣ· кротъкъ бо и҅ бе ꙁълобꙑ
бѣа҅ше и҅ рѣчиѭ̑ простѫѫ· не бо бѣѣше
о҅тъ н҄его съплетъка рѣчемъ· не бо и҅ вѣ
дѣѣ҆ше· нь҆ бѣѣше добь҆ вѣроѭ̑ и҅ трь҆пѣ
ниѥ҅мъ· и҅ їного ѥ҅моу о҅тъвѣта не да
стъ· нъ тъчь҆ѭ̑ кръстиꙗ҅нъ ѥ҅смъь· ма҅
гнъ же наи҆паче гнѣваѧ сꙙ хотꙙ ѥ҅мꙋ
о҅долѣти· повелѣ горь҆шꙙ въꙁложиті
на н҄ь ранꙑ· да вь тѣхъ оумьретъ даже
не придетъ кононъ· биѭ̑штиї же беꙁꙿ
милости биꙗ҅хѫ· о҅нъ же биѥ҅нъ и҅ прѣ
бꙑвъ многꙑ часꙑ вь҆ тѣхъ ранахъ беꙁъ
гласа прѣда доушѫ· и҅ тако добрѣ и҅ прѣпо
добь҆нѣ ѥ҅же х꙯а ради съповѣданиѥ҆ съко
нь҆ча ст꙯ꙑи҆ нисиї· о̑усоровѣ своѥ҅и ѥ҅моу вь҆
си· воѥ҅вода же магнъ ничꙿсоже ради потꙿ
шта сꙙ на сиѥ҆ старѣи҅шинъство прити·
нъ и҅ на пагоубѫ крь҆стиꙗ҅номъ· поусти
въ о̑убо къ видѣнѣ приꙁꙿвати ст꙯ааго ко
нона ль҆стиѭ҄· прѣбꙑстъ о̑усоровѣ вь҆си·
ничꙿсоже и҅ного ради· нъ о̑убити ст꙯аа҅го
съ нисиѭ҄ ѥ҅же и҅ сътвори· о̑уготовивъ
же кон҄ꙙ и҅ мѫжꙙ· поустивъ въскорѣ къ
видѣнѣ вь҆си· и҅ждеже бѣа҅ше ст꙯ꙑи ко
нонъ· и҅ а҅биѥ сѣдъ на сѫдишти повелѣ
ѥ҅го привести· вь҆сѣмъ же пришедъ
шии҅мъ повелѣниѥ҅мъь воѥ҅водꙑ· видꙙ
ште ст꙯ааго о҅браꙁоуѭ̑шта сꙙ мꙙтѣа҅
хѫ сꙙ· плачѫште сꙙ и҅ ничꙿсоже сьмѣѭ̑
ште решти· видѣа҅хѫ бо ѥ҅моу сѣдинꙑ
бѣлꙑ а҅кꙑ вльнѫ· благо тѣло· о҅скла
бьѥ҅нѣ о҅чи· лице въ старости веселоѥ҅· въведеноу же бꙑвъшоу прѣдъ воѥ҅водѫ·
многъ плачъ о҅тъ прѣстоѧштии҅хъ бꙑ
стъ ѥ҅го ради· Воѥ҅вода же хотꙙ ѥ҅го по
страшити· повелѣ прѣдь҆ н҄имь҆ поло
жити мѫкꙑ· и҅ начꙙ ѥ҅го словесꙑ льсті
ти г꙯л҄ꙙ· а҅ꙁъ тебе стара сѫшта и҅ тацѣми
сѣдинами о̑украшена сѫшта мьн҄ѫ и҅
мѫдрость и҅маши ꙁѣло· тѣмь противѫ
сѣдинамъ покажи и҅ раꙁоума и҅ прѣль҆
сти и҅ боуѥ҅сти· и҅мꙙ христосово· не
вѣдѣ о҅тъкѫдоу о҅брѣте сꙙ въ васъ· о҅
тъметавъ сꙙ о҅тъврь҆ꙁи сꙙ и҅ дроугъ
бѫдеши мноѭ̑ цр꙯оу· и вь҆сѣмъ старѣ
и҅шинамъ· и҅ о҅тъ н҄ихъ вь҆се добро тебѣ
дастъ сꙙ· и҅ ѥ҅лико тебѣ любо и҅ драго
тебѣ бѫдетъ· и҅ ѥ҅же вь҆сѣхъ вꙑше ве
ликꙑи҅хъ богъ и҅ѥ҅реи҅ство дастъ сꙙ те
бѣ· ꙗ҅коже и҅номоу никомоуже не лѣ
по ѥ҅стъ· нъ добротѣ твоѥ҅и и҅ чоудъна
мъ сѣдинамъ· мене же самого вѣдѣ
ꙗ҅ко любити и҅маши· не тъчиѭ̑ сихъ
ради нъ и҅нѣхъ многꙑи҆хъ ходатаю̑
тебѣ бꙑвъшоу· да а҅ште о̑убо о̑угодь҆
на тебѣ сѫтъ словеса моꙗ и҅ о҅бѣти· вь҆
ꙁникни и҅ о҅бѣштаи҅ сꙙ не стꙑди сꙙ·
и҅ о҅тъвръгъ наготѫ о҅блѣци сꙙ вь҆ чи
стотѫ· а҅ не противи сꙙ мь҆нѣ а҅кꙑ
о҅нисиї· робъ же бж꙯иї грь҆чь҆скомъ ѧ҅ꙁꙑ
комъ бѣа҅ше грѫбъ и҅ нео̑устроѥ҅нъ·
ст꙯аа҅го же дх꙯а текѫшти къ н҄емоу бла
годѣти· ꙗснѫ рѣчиѭ̑ и҅саврь҆скꙑи҅мꙿ
ѧ҅ꙁꙑкомъ о҅тъвѣшта глагол҄ꙙ· на се лі
точꙙ приде скоро троудивъ себе· и҅ слꙋ
гоуѭ̑штꙙѧ тебѣ· не вѣси ли ꙗ҅ко ні
кꙿтоже насъ не можетъ о҅тъ любьве хрꙿ
стовꙑ о҅тълѫчити ль҆штениї· ни
въспрѣштениѥ съмрьти ни о҅гн҄ь ні
мечь· Чꙿто же гл꙯ѫ о҅ сихъ· ѥ҅же положі
прѣдъ мноѭ̑· велꙿми мниши сꙙ мь҆
нѣ порѫгаѧ· нь҆ велꙿми самъ бѫдеші
порѫганъ· о҅ сихъ раꙁгнѣвавъ сꙙ ма
гнъ· повелѣ ѥ҅го мѫчити на многꙑ ча
сꙑ· и҅ повелѣвъ о҅слабити съ гнѣвомꙿ
въꙁъва и глагол҄ꙙ· о̑упваѧ къ мнѣ
глагол҄еши· и҅ мѫдриши сꙙ словесъи
свои҅ми мь҆нꙙ· ꙗ҅ко тацѣми словесꙑ
о̑убѣжати и҅маши мь҆сти· о҅стани сꙙ
о̑убо понѣ нꙑн҄ѣ о҅тъ боуѥ҅сти· и҅ о҅тꙿ
беꙁоумь҆на о̑упꙿваниꙗ крь҆стиꙗ҅нь҆ска·
и҅ о҅бѣштаи҅ ми сꙙ· о҅тъвѣштавъ же
ст꙯ꙑи҆ начꙙ противѫ магꙿноу глагола
ти· ѡ̑ беꙁбожь҆не· и҅ вь҆сѣкого ꙁвѣрѣ
тꙙжии҆· доколи прѣо҅бидиши бж꙯и
ѥ трь҆пѣниѥ· и҅ противиши сꙙ богоу·
богꙑ лъже· и҅менънꙑѧ поставл҄ѣѧ·
ѥ҅же сѫтъ дѣла рѫкоу чловѣчь҆скоу·
о҅тъ камени и҅ о҅тъ дрѣва творени·
хода не и҅мѫште· и҅ сиѧ ли поставьꙗ҅
ѥши противѫ вь҆са сътворьшоуо̑умꙋ
хо꙯у· ѡ̑ крамоль҆ниче бж꙯иї и҅ враже
и҅стинѣ· а҅кꙑ влъкъ пришедъ на ро
бꙑ ѥ҅моу ꙁаклатъ пои҅де· а҅кꙑ ст꙯аꙿго
нусиꙗ мѫчи и҅ и҅ о̑уби· и҅ мене тѣми жде
и҅ꙁбꙑти тъштиши сꙙ· кѫѭ̑ о҅бидѫ
намъ сътворивъше· тако мѫчиши·
и҅ прѣбꙑвааши биѧ· и҅ ноудиши о҅тъ
стѫпити о҅тъ бога живааго· о҅бѣшта
ваѧ цѣсарь҆скꙑѧ любьве· ꙁастѫпьѥ҅
ниѥ старѣи҅шинамъ· даа҅ниѥ҆ и҅мѣні
ю̑· и҅е҅реи҅ство сквръ҆наво· то ли прѣмѣ
ноуѥ҅ши ми противѫ бж꙯꙯иѥ҅мъ даромꙿ·
нъ беꙁъ о̑успѣха тебѣ да бѫдетъ о҅бѣ
тъ твои҆· и҅ а҅ште и҅ съвлѣче мꙙ о҅тъ о҅де
ждꙙ· нъ о̑убо х꙯а вь҆ н҄егоже ѥ҅смъ о҅бль҆че
нъ· не и҅маши мошти сьвлѣшти· мꙑ
бо х꙯а и҅мамъ и҅ ѥ҅дного б꙯а вѣмъ· и҅же мо
жетъ насъ и҅ꙁбавити робъ свои҅хъ о҅тъ
твоѥ҅ю̑ рѫкоу· да о̑уже ѥ҅же хоштеши тво
рити то твори· Се пакꙑ слꙑшавъ во
ѥвода раꙁгнѣва сꙙ ꙁѣло· и҅ повелѣ ѥ҅го
съвлѣшти и҅ съвꙙꙁавъше бити и҆· па
кꙑ же помꙑшл҄ѣше кꙑѧ и҅нꙑ мѫкꙑ
лютѣи҅шꙙ и҅ꙁъо҅брѣсти· да вь҆ тѣхъ
ѥ҅го погоубитъ· томоу же се помꙑшл҄ѣ
ѭ҄штоу· сего бь҆ѭ̑шта слꙑшавъше и҅
сауръска града людиѥ҆· ꙗ҅ко мѫчитъ
воѥ҅вода ст꙯ааго конона· въскорѣ събь҆
равъ сꙙ многъ народъ въ о҅рѫжиї пои҅
- дошꙙ на н҄ь· воѥ҅вода же раꙁоумѣвъ
множь҆ство мꙙтежа· и҅ ꙗ҅ко на н҄ь при
дошꙙ· на помошть ст꙯ааго конона· прѣ
жде бо вѣдѣа҅ше ꙗ҅ко семоу ѥ҅стъ бꙑ
ти· и҅ кон҄ꙙ о҅седъланꙑ о̑уготова· и҅ о҅
брѣтъ готовꙑ вь҆сѣдъ побѣже· и҅ дои҅
де и҅конии҅ска града и҅ тоу гонеꙁе· циї
же о҅тъ и҅савръ погꙿнашꙙ вь҆слѣдъ воѥ҅
водѫ ѧ҅ти ѥ҅го и҅ о̑убити· таже не пості
гъше о҅братишꙙ сꙙ· Мноꙁиї же о҅тъ
народа вь҆лѣꙁъше въ хлѣвинѫ и҅жде
мѫчааше воѥ҅вода роба христосова· о҅
брѣтошꙙ ст꙯аа҅го на ꙁеми ѥ҅дꙿного лежꙙ
шта распꙙта· и҅ о҅трѣшивъ ѥ҅го народꙿ
видѣа҅хѫ капл҄ѫштꙙ о҅ть҆ н҄его крь҆ви·
капл҄ѣми· и҅ вьпиꙗ҅хѫ плачѫште сꙙ
и҅ пекѫште сꙙ· о҅тъ тоѧ же крь҆ви къж
до подъи҅мъ помаꙁаахѫ своꙗ тѣлеса·
вѣроуѭ̑ште тѣмь҆ сꙙ о҅свꙙтити· и҅до
шꙙ же сь҆ н҄имъь въ манастꙑрь҆· и҅ мꙿно
гѫ тѫгѫ и҅мѣа҅хѫ вь҆сѣчь҆скꙑ пекѫ
ште сꙙ и҅мъь цѣлити ранꙑ· и҅ сътворі
въше ѥ҅го цѣла прилежаниѥ҅мъь· и҅ вѣ
рѫ своѭ̑ къждо прѣклан҄ѣѧ сꙙ· цѣловаꙿ
ше колѣнѣ праведꙿноуо̑умоу· и҅ тако
радоуѭ̑ште сꙙ и҅дошꙙ въ своѧ домꙑ·
По сихъ же троудѣхъ· и҅ х꙯а ради ѥ҅же прі
ѧ҅ мѫкꙑ· покаꙁавъ своѭ̑ вѣрѫ· жи
въ двѣ лѣтѣ въ добрѣ старости и҅ въ
славь҆нѣ· житию̑ конецъь съконь҆ча·
сѫштиї же тоу посълашꙙ къ вь҆семоу
прѣдѣлоу· прѣподобь҆наа҅го съмрь҆ть҆
повѣдаѭ̑ште· и҅ се о̑увѣдѣвъше сътеко
шꙙ сꙙ· плачѫште ст꙯ааго· и҅ погребъше ѥ҅
го· а҅кꙑ своѥго каꙁателꙗ и҅ о̑учителꙗ·
и҅мъ бꙑвъша· положишꙙ ѥ҅го въ ковъ
чеꙁѣ· и҅жде бѣа҅ста блаженѣи҆· мт꙯и ѥ҅
моу· и҅ блаженаꙗ нареченаꙗ жена ѥ҅моу·
присно дѣва бꙑвъши· по съмрь҆ти же
ѥ҅го домь҆ ѥ҅го на црь҆кꙿве о҅тълѫчишꙙ·
и҅ копаѭ̑ште корениѥ при е҅пп꙯ѣ и҅же
тъгда сълоучи сꙙ тоу· дои҅дошꙙ копа
ѭ̑ште до съждъ крь҆чажь҆нꙑи҅хъ·
и҅ видѣвъше ѧ съ многомъ о̑утврь҆жде
ниїмъь сь҆вꙙꙁанꙑ печати о҅ловѣнъи
и҅мѫштꙙ· числомъ л꙯· и҅ дивл҄ѣхѫ сꙙ
помꙑшл҄ꙗѭ̑ште чꙿто се бѫдетъ· и҅ по
дꙿвигнѫти хотꙙште о҅тъ н҄ихъ не въꙁꙿ
могошꙙ тꙙжь҆комъ сѫштемъ и҅мъ·
мнѣа҅хѫ бо ѧ ꙁлата пль҆нꙑ сѫштꙙ· и҅
ли нѣчꙿто и҅но· и҅ раꙁбивъше ѥ҅динъ о
тъ н҄ихъ· видѣшꙙ вь҆неꙁаапъ и҅скочі
въша и҅с кръчага· два мрачна люта·
и҅ вь҆сꙙ въкоупѣ прѣстоѧштꙙѧ тоу по
врь҆гошꙙ на ꙁемь҆ѭ̑· и҅ мрачь҆на и҅ тьмь҆
на вь҆ꙁдоуха сътвориста· ꙗ҅коже ꙁи
ждѫштиїмъ съсѫдꙑ· и҅ вса ѫ҅жа о҅тъ
вь҆сѫдоу о҅тътръгнѫти сꙙ· и҅ ѥ҅же бѣа҅
ше въꙁградилъ раꙁврати сꙙ· сами же
сꙙ вь҆сѣмь҆ кажѫште по въꙁдоухоу·
кричаа҅хѫ повѣдаѭ̑ште своя҆ и҅мена·
҅Овъ глаголааше а҅ꙁъ ѥ҅смъ диѡ̑мидіи҆·
дроугꙑи глаголааше а҅ꙁъ ѥсмъь коуто
нъ· ꙗ҅коже о҅тъ того въ страхъ многъ
въпасти тои҆ вь҆си· и҅ никомоу о҅тъто
ли сь҆мѣти по слънечьнѣѣмъ ꙁаходѣ
вь҆нѣ домоу своѥ҅го о҅брѣсти сꙙ· мно
гꙑ бо о̑удавишꙙ· дроугꙑѧ же прѣи҅ти
хотꙙштꙙ въꙁбранꙗа҅хѫ и҅мъ· ꙗ҅коже
не прѣходити моста· дроуꙁиї же съ
сѫди крь҆чажь҆нии҆ въ то мѣсто и҅жде
бѣа҅хѫ положени сѫтъ до дꙿнешь҆н҄ѣ
го· нъ а҅ште кꙿто чꙿто речетъ чесо ради
о҅тъвръгошꙙ сꙙ ꙁарока ѥ҅моу бѣси·
пон҄еже и҅ чловѣци· прѣстѫпишꙙ ꙁа
повѣдь ѥ҅моу· ѧ҅же присно о̑учꙙ вь҆сѣ
мъ глаголааше· не бѫдѣте несꙑти
нъ любои҅мѣнь҆ни· вѣдꙑ ꙗ҅ко сии дꙋ
хове лѫкави сѫтъ· симъ ꙁъломъ по
повинꙿни· ꙁатвори бо ѧ въ съсѫдѣхъ· о҅
ни же покорениї ст꙯ааго конона досели
прѣбꙑшꙙ· да пон҄еже прѣстѫпишꙙ
чловѣци ꙁаповѣди ѥ҅го· и҅ бѣси тако
жде прѣстѫпишꙙ· и҅ симъ бꙑвъшиї
мъ· прѣтръпѣвъшиїмъ въ а҅лꙿчь҆бахꙿ
и҅ молитвахъ· на длъгꙑ дь҆ни ѥ҅дꙿва
съкѫташꙙ о҅тъбѣгъшиїма бѣсова
ниѥ· се же о҅тъ многꙑи҅хъ мало на
мѣнихомъ· а҅ ѥ҅же цѣл҄ениꙗ въ жи
тии своѥ҅мъь сътвори· и҅ по съмрьти
ѥ҅го· никꙿтоже можетъ и҅сповѣдати
послоушъствоуѭ̑штоу о҅ томъ богоу· томоу бо хръстови и҅ бо꙯у нашемоу· слава
съ о҅тꙿцемъь и҅ съ ст꙯ꙑи҆мъь дх꙯омъь нꙑн҄ѣ
и҅ присно и҅ вь҆ вѣкꙑ вѣкомъ а҅минъ ⁘