Interpretatio in Danielem (Ms U) (2)

Ὅρασις δευτέρα. Ἔχει τὰ ὑποτεταγμένα. Περὶ τοῦ ἐν τῷ δευτέρῳ ἔτει τῆς βασιλείας
Ναβουχοδονόσορ ὅτε εἶδε τὸ ἐνύπνιον καὶ ἐξέστη τὸ πνεῦμα αὐτοῦ. ἐνταῦθα μανθάνομεν ὡς εὐθὺς καὶ παραχρήμα
τῆς βασιλείας ἀρξάμενος 1 ἐπεστράτευσε τῇ Ἰουδαίᾳ. μαρτυρεῖ δὲ καὶ Ἱερεμίας ὁ Προφήτης τοῖς χρόνοις.

Περὶ[*]
τοῦ καλέσαι τὸν βασιλέα[*] τοὺς ἐπαοιδοὺς καὶ τοὺς μάγους καὶ τοὺς φαρμακοὺς καὶ τοὺς Χαλδαίους τοῦ ἀναγ
γεῖλαι αὐτῷ[*] τὸ ἐνύπνιον

καὶ μὴ εὑρόντων ἀναγγεῖλαι τὸ ἐνύπνιον, ἐκέλευσεν αὐτοὺς ἀποκτ έννεσθαι καὶ

εἰσῆλθε[*] [*] Δανιὴλ εἰς τὸν οἶκον αὐτοῦ[*] καὶ τῷ Ἀνανίᾳ καὶ τῷ Ἀζαρίᾳ καὶ τῷ Μισαὴλ τοῖς φίλοις αὐτοῦ[*] ἐγνώρισε
τὸ ῥῆμα. καὶ οἰκτιρμοὺς ἐζήτουν παρὰ τοῦ Θεοῦ τοῦ οὐρανοῦ ὑπὲρ τοῦ μυστηρίου τούτου ὅπως μὴ ἀπόλωνται
Δανιὴλ καὶ οἱ φίλοι αὐτοῦ μετὰ τῶν ἐπιλοίπων σοφῶν Βαβυλῶνος

καὶ εἶπε Δανιὴλ τῷ Ἀριὼχ τοὺς σοφοὺς
Βαβυλῶνος μὴ ἀπολέσῃς. καὶ εἰσῆλθε Δανιὴλ πρὸς τὸν βασιλέα καὶ ἀπήγγειλε τῷ βασιλεῖ τὸ ἐνύπνιον αὐτοῦ
καὶ τὴν σύγκρισιν αὐτοῦ καὶ τὴν ἑρμηνείαν τῶν βασιλέων τῶν μετ’ αὐτὸν ἑσομένων καὶ περὶ τοῦ προσκυνεῖσαι
τὸν βασιλέα τῷ Δανιὴλ καὶ[*] μαναὰ καὶ εὐωδίαν εἶπε σπεῖσαι αὐτῷ. Ἐν τῷ ἔτει τῷ δευτέρω τῆς βασιλείας Ναβουχοδονόσορ :-

Καὶ[*] ἐγένετο ἐν[*] ἀρχῇ τῆς βασιλείας αὐτοῦ Βαβυλών, Ὀρὲχ καὶ Χαλάνη, καὶ οἱ ἔξω δὲ βασιλεῖς[*] τοὺς βαβυλωνίους, Ἀσσυρίους
προσαγόρευσε[*]. καὶ μέχρι δὲ τοῦ παρόντος ὡς φασὶν Ἀσυρίοις[*] ὀνομάζουσι Πέρσαι. Οὐκ οὖν ἡμῖν ἡ πρώτη[*]
ὕλη, ἥτις ἐστὶν ὁ χρυσὸς τὴν Ἀσυρίων καὶ Βαβυλωνίων σημαίνει βασιλείαν. κεφαλὴν δὲ αὐτὴν ὀνομάζει, ὡς
πρώτην γεγενημένην. ἡ δὲ δευτέρα[*], ἥτις ἐστὶν ὁ ἄργυρος, Περσῶν[*] ἐστὶ καὶ Μήδων. Κύρος γὰρ ἑκατέρωθεν ὁρμώμενος
μητρόθεν μὲν ἐκ Μήδων, πατρόθεν δὲ ἐκ Περσῶν. κατέλυσε μὲν Ἀσσυρίων εἴτουν βαβυλωνίων τὴν βασιλείαν
μετέθηκε[*] δὲ τὴν βασιλείαν εἰς Πέρσας. στῆθος δὲ αὐτὸν προσηγόρευσε καὶ βραχίονας, ἵνα δείξῃ τὴν πρὸς τὰ δύο[*]
ἔθνη συγγένειαν. διὰ μὲν γὰρ τῆς δεξιᾶς τὸ πατρῶον αὐτοῦ σημαίνει γένος. τὸ μητρῶον[*] δὲ διὰ τῆς εὐωνύμου,
ὧν τὴν συνάφειαν τὸ στῆθος πεπίστευται, τὴν καρδίαν ἔχον τῶν λογισμῶν τὸ ταμεῖον. λογισμῷ δὲ καὶ τὰ γαμικὰ
τελεῖται συμβόλαια: Τὸν δὲ χαλκὸν προσηγόρευσε τὴν Μακεδονικὴν βασιλείαν μετὰ τὴν Περσικὴν ἀναφανεῖσαν
καὶ αὐτὴν ἁπάντων ὁμοίως[*] κρατήσασαν. τὴν κοιλίαν[*] δὲ αὐτῆς[*] καὶ τοὺς μηροὺς ἀπένειμε τήν τε μοναρχίαν τοῦ
Ἀλεξάνδρου διὰ τῆς κοιλίας μηνίων[*] καὶ διὰ τῶν μηρῶν, τὴν μετὰ τὴν ἐκείνου τελευτὴν γενομένην[*] τῆς βασιλείας
διαίρεσιν. σίδηρον δὲ τὴν ῥωμαϊκὴν προσηγόρευσε βασιλείαν, αὕτη δὲ τὴν μακεδονικὴν διεδέξατο.
ἀπένειμε δὲ αὐτῇ τὰς κνήμας. ἅτε δὲ[*] περὶ τὸ τέλος οὔσας τοῦ παντὸς σώματος καὶ φέρειν ἅπαντα[*] δυναμένας
τὸ σῶμα. τὰς δὲ τῶν ποδῶν βάσεις, σιδηρᾶς μὲν καὶ αὐτάς, ὀστράκῳ δὲ ἀναμεμιγμένας. διὰ δὲ τούτου
οὐχ ἑτέραν αἰνίττεται βασιλείαν, ἀλλὰ τὴν[*] αὐτήν. ἀσθενεστέραν ἑαυτῆς ἐσομένην καὶ τῇ τοῦ ὀστράκου ἀσθε
νείᾳ συμμεμιγμένην, τὴν δὲ τῶν ἄλλων διαφοράν[*], τοῦ μὲν[*] χρυσοῦ ὁ ἄργυρος στεγανώτερος, τοῦ δὲ ἀργύρου
στερρότερος ὁ χαλκός. ὁ δὲ σίδηρος καὶ αὐτοῦ τοῦ χαλκοῦ πολλῷ τῷ μέτρῳ στερεμνιώτερος. ἡ διαφορὰ τοίνυν
οὐκ ἐν τῇ στιγμῇ[*], ἀλλ’ ἐν τῇ ἰσχύι τὲ καὶ δυνάμει. ἀναγκαῖον δὲ ζητῆσαι τί δήποτε ἐν εἰκόνι τῶν ὑλῶν τούτων
ἐθεάσατο τὴν συνθήκην. οὐδὲν γὰς ἁπλῶς οὐδὲ μάτην ὑπὸ τοῦ Θεοῦ τῶν ὅλων ἀποκαλύπτεται. ἡ εἰκὼν
σχήματα, ἀλλ’ οὐ πράγματα ἔχει. τοιοῦτος δὲ ὁ παρὼν βίος, οὐδὲν ἔχων διαρκὲς οὐδὲ μόνιμον.

Περὶ τῆς εἰκόνος τῆς χρυσῆς καὶ τοῦ συγκαλέσαι πάντας ἐλθεῖν.