Severianus Gabalensis: In theophaniam (6-10)

Бываеⷮ прⷪ҇ркъ, понеже и҆сказисѧ прⷪ҇рчество ѡⷮ недостои҆ныⷯ, ꙗ҆коⷤ е҆сть писано:

прⷪ҇раⷦ҇ вамъ възвиⷣгнеть Гь҃ Бг҃ъ ѡⷮ братїа ва шеѧ, ꙗ҆коже мене

. Бывае҆тъ а҆пⷭ҇лъ и҆ архїереи по речен҆н҆омоу:

смотрите а҆пⷭ҇ла і҆ архїереѧ званїа вашего І҆с҃а.

Бываеⷮ сщ҃ен҆н҆икъ, ꙗ҆коже рече пѣснопѣвець:

Ты е҆си сщ҃ен҆н҆икъ въ вѣки по чиноу Мелхиседековоу.

Бываеⷮ братъ и҆ слꙋжитель, ꙗ҆коⷤ рече доблественыи Павелъ:

ꙗ҆ко быти Е҆мꙋ первенцоу въ мноѕѣи҆ братїи

и паки:

гл҃ю бо, рече, Ха҃ слꙋжителѧ быти ѡ҆брѣзанїю, въ е҆́же и҆сполнити ѡ҆бѣщанїа ѡ҆ц҃ь

. Всѧкимъ оу҆бо приходить чиномь, и҆ бываеⷮ паки и҆ чтець:

прїемь бо И҆саїю

, чтѧше, ꙗ҆коⷤ сказаеⷮ Е҆ѵⷢ҇лїе, да и҆ прⷪ҇рческїа гласы и҆звѣстить, и҆ цр҃ковныа требища почтеⷮ. Быⷭ҇ и҆ цр҃ь цртⷭ҇воую҆щиⷯ, ꙗ҆коⷤ реⷱ҇ Нафанаи҆лъ:

рав̾ви, Ты е҆си Сн҃ъ Бж҃їи, Ты Цр҃ь е҆си І҆ил҃е.

Но речеⷮ кто негли ѡⷮ преⷣстоꙗ҆́щиⷯ: что ꙋбо ко мнѣ людиноу, а҆́ще прⷪ҇рчьствомъ и҆ апⷭ҇льствоⷨ і҆ архїереиствомъ ѡ҆дѣꙗ҆сѧ; что ко мнѣ, иⷤ в людьскомъ чиноу причтен҆н҆омоу; Паⷱ҇ же оу҆бѡ за всѧ чл҃ки бысть чл҃къ чл҃колюбивыи. А҆́ще ли хощеши Того и҆ людина чиⷩ҇ прїемлюща видѣти Тебе ради, посꙋди в себѣ и҆ смотри хотѧще҆сѧ рещи. И҆спо вѣдательное крⷭ҇тѧи не въ странѣ ли е҆сть сщ҃енника, крщ҃ае҆мыи не в чиноу ли людина е҆сть; Зриꙵ оу҆бо І҆ѡ҆а́н҆н҆а, крщ҃аю҆ща в чинꙋ сщ҃ен҆н҆ика, и҆ крщ҃ае҆ма Ха҃ в чинꙋ людина. Днⷭ҇ь бо, бра́тїе, днесь е҆́же водами и҆сполни смотренїе, не ѡⷮ водъ ѡ҆сщ҃ае҆мъ, но водамъ ѡ҆сщ҃енїе подаѧ. И҆ І҆ѡⷩ҇а и҆сполнѧше ѡ҆́бразъ сщ҃ен҆н҆ическїи, пристꙋпае҆тъ і҆ И҆збавитель вселеныа̀ крщ҃аю҆щемоу вꙵ водѣ І҆ѡ҆а́н҆н҆ꙋ, кр҃щаѧиⷯ в Дс҃ѣ, Цр҃ь къ пртⷣчи, Бг҃ъ къ прⷪ҇ркꙋ. Не не оу҆̀разꙋмѣ достои҆ньства смотренїа, не смѧте е҆го ѡ҆́бразъ тѣлесныи, не прельсти е҆го видимаго зрака невидимагѧ си́ла, ю҆́же и҆ невѣдꙋщимъ проповѣдашꙵ. Свѣтилникъ бо бѣ ст҃ыи, ди́вныи свѣтилникъ, ѡ҆ немьⷤ:

оу҆готоваⷯ свѣтилникъ Хоу҃ Мое҆мꙋ

, прⷪ҇ркоⷨ речесѧ. Свѣтилникъⷤ І҆ѡаⷩ҇ преⷣнарицашесѧ, не понеⷤ Бж҃їю Словеси, свѣтꙋ и҆́стин҆н҆омоу, потреба бѣ е҆́же ѡⷮ свѣтилника приложенїа: сл҃нце бо бѣ праведноѐ, но понеⷤ и҆же въ плоти крые҆маⷢ҇ Га҃ познаваше, ꙗ҆ко в нощи, і҆оу҆деи҆скаго ꙋстрое҆́нїа, свѣⷮ ѡ҆блистаѧ бжⷭ҇твенаго Словеси. Нарицае҆тсѧ свѣтиⷧниⷦ҇ в лѣпотоу.

И҆ зриꙵте дивное, братїе. Е҆гда приде на плоⷮское смотренїе, иⷤ к намъ пришедыи Влⷣка, чл҃кь чл҃колюбїа раⷣ ꙵ бывъ, и҆ стран҆н҆ое чюдо: Бг҃ъ въ чл҃цѣⷯ, в рабеⷯ Влⷣка, Творець со творенми, ѡ҆сщ҃ѧѝ съ ѡ҆сщ҃ае҆мыми, тогда І҆ѡаⷩ҇ проповѣдꙋеⷮ достои҆ньство, и҆ бѣ видѣти преславно і҆ оу҆жасно чюⷣ: свѣтилника, прїемлюща сл҃нце праведноѐ, и҆бо всѣⷯ и҆збавителѧ Га҃ и҆збавленїа требꙋѧ и҆ чл҃къ крⷭ҇ти, не дерзостїю преⷣвосхитивсѧ, но повелѣнїю поработи꙽҇сѧ. Тогда бо, тогда стекошасѧ дваꙵ пророческа гласа:

глаⷭ҇ въпїю́щаго в пꙋстыни

, и҆

глаⷭ҇ на водаⷯ

. Проповѣдникъ и҆́стин҆н҆ыи въпїетъ, и҆

Бг҃ъ славы възгремѣ

. И҆ бѣ тамо поклон҆н҆аѧ Трои҆ца, свою славꙋ ѡ҆блистаю҆щи: Ѡ҆ц҃ь свыше Сн҃а проповѣдꙋѧ, Сн҃ъ низꙋ и҆сполнѧа̀ бжⷭ҇твеное смотренїе, Дх҃ъ Ст҃ыи запечатлѣꙗ̀ бжⷭ҇твенное таи҆ньство. И҆ глⷭ҇а толикъ бываеⷮ свѣдѣтельствꙋю҆щꙋ свыше Ѡⷮц҃ꙋ Свое҆мᲂу Е҆динорѡⷣномᲂу, ꙗ҆коже раздратисѧ нб҃семъ:

въсходѧщꙋ бѡ І҆с҃ꙋ ѡⷮ воды, разраⷣ

443

шасѧ нб҃са

: не бо стерпѣша гласа толикаго свѣдѣтеⷧства, ᲂу҆жасшесѧ бжⷭ҇твенаго смотренїа.

Но зриꙵ чюⷣное: глаⷭ҇ сеи нб҃са раздра, а҆ е҆ретики не ᲂу҆страши.

Сеи еⷭ҇ Сн҃ъ Мои възлюблен҆н҆ыи, Тѡⷢ҇ послꙋшаи҆те.

Понеже преⷣвари законъ проповѣдꙋѧ, и҆ прⷪ҇рцы бл҃говѣстᲂую҆ще, да не кто первымъ ᲂу҆строе҆́нїеⷨ і҆ᲂу҆деи҆скаго сложенїа вземлемъ, ѡⷮтрѧсеⷮ ꙗ҆ремъ е҆ваⷩ҇гельскїа блгⷣти, бжтⷭ҇веныи глаⷭ҇ расꙋждаеⷮ ра́вное ѡⷮ влчнѧго достои҆ньства.

Того послᲂушаи҆те.

Того, кого ꙗ҆́вѣ, ꙗ҆ко Ха҃: и҆сполненїе бо законꙋ Хс҃, и҆сполненїе бл҃гиⷯ І҆с҃ъ. А҆́ще бѡ и҆ преварѧхᲂу закон҆н҆аѧ̀ блⷭ҇вленїа, но не бѧхᲂу съвершена, о҆жидаю҆ще Га҃ нашего, ѡ҆ Немже рече чюⷣныи Павелъ

и҆сполненїе бо законᲂу Хс҃.

И҆ хощеши ли, ѡⷮ вещеи ꙗ҆вьствено тебѣ преⷣставлю и҆́стинᲂу, свѣдѣтельствꙋю҆щᲂу речен҆н҆ымъ; Вонми ѡ҆пасно. Повелѣ Мѡѵꙵсїи законоположитель раздѣлитисѧ о҆бѣма надесѧⷮ колѣнома І҆и҆лѣвѣма, и҆ шесть ᲂубо колѣнъ възведе на горᲂу Гевальскꙋю, шесть же на Гаризїискꙋю горᲂу, и҆ повелѣваеⷮ ᲂу҆́бо ѡ҆нѣмъ блвлⷭ҇ѧти, ѡ҆вѣмъ же проклинати: блⷭ҇влѧти ᲂу҆бо и҆справлѧю҆щиⷯ законъ, проклинати престᲂупаю҆щиⷯ. Что ᲂу҆бо; Ѡ҆ клѧтваⷯ бѣ всѣхъ наводимо запечатлѣнїе:

рекᲂуть бѡ, рече, Левите: проклѧтъ ѡ҆ставлѧаѝ закѡⷩ҇ Га҃ Бг҃а. И҆ рекꙋ вси люⷣеꙵ: а҆миⷩ҇.

И҆ на коеждо заповѣди наⷣлежаше а҆ же а҆минь престꙋпаю҆щимъ ѡ҆ клѧтвѣ. Ѡ҆ блⷭ҇вленїи же рекᲂуⷮ Левите:

блⷭ҇вленъ хранѧи законъ Гн҃ь, блⷭ҇венъ на селѣ, блвⷭ҇нъ въ градѣ, блⷭ҇венъ в брани

, и҆ никакоже а҆минь ни на е҆диномъ ѡⷮ блⷭ҇веныхъ. Что ꙋбо клѧтвѣ ли прїемлюⷮ запечатлѣнїе, блⷭ҇вленїа же не прїемлюⷮ печати; Что ꙋбо, хощеть сложенїе; Что сказꙋе҆тъ гаданїе; Е҆лико ꙋбо мощенъ бᲂудꙋ, потщꙋсѧ прои҆ти, вашею любовїю въскрилѧе҆мъ: и҆зреченїи ᲂу҆бо клѧтвѣ бѣ и҆сполнитель закѡⷩ҇, бл҃говѣстїем же ᲂу҆твердитель І҆с҃ъ. Пребыша блⷭ҇венїа несовершена, понеже подобаше ꙗ҆́же ᲂу҆бо законᲂу своѧ̀ датисѧ закономъ, а҆ ѧ́же е҆ѵⷢ҇льскїа блгⷣти съхранитисѧ. Сего ради пребыша блⷭ҇вленїа, е҆́же а҆минь, приложенїе прочеѐ и҆́щꙋще.

Словесе и҆ да нѣкомᲂу възнепщᲂуеⷮсѧ понꙋждено быти блгⷣтїю, но паⷱ҇ ѡⷮ самоѧ и҆́стины свѣдѣтельствᲂуе҆мо, слыши премдраⷢ҇ Павла, гл҃юща:

Гь҃ Бг҃ь нашь І҆с҃ Хс҃, не бысть в Немь еи꙼ и҆ нѝ, но все в Немь еи꙼ быша. Е҆лика бѡ о҆бѣщанїа Бж҃їа в Немь, еⷤ еи꙼, и҆ самое то еⷤ а҆минь къ славѣ Бж҃їи.

Ѡⷮсюдꙋ е҆сть реченное разᲂумѣти ѡⷮ самого а҆пⷭ҇ла:

ꙗ҆ко мр҃твыⷯ сꙋщихъ наⷭ҇ прегрѣшенїа и҆ неѡ҆брѣзанїемь плоти нашеѧ, с҆ Собою ѡ҆житвори, дарова намъ всѧ прегрѣшенїа, ѡ҆цыстивъ е҆́же на ны рꙋкописанїе.

Понеже ᲂу҆бо всѧко рꙋкописанїе ᲂу҆твержае҆тсѧ и҆ чресь предѣльствоⷨ законописателѧ и҆ пѡⷣписанїемъ заи҆мовавшаго нꙋжно е҆сть, и҆ когда, и҆ гдеꙵ, и҆ како бысть. И҆маⷮ ᲂу҆бо тꙋ преⷣречен҆н҆ꙋю винᲂу, и҆бо законъ ѡⷮрицаше клѧтвы, а҆минь, людемь пѡⷣписᲂуѧ слы́шащиⷨ. І҆с҃ъ бѣ и҆сполненїими блⷭ҇венїи, на І҆ѡрданѣ ꙗ҆́вльсѧ, и҆ прⷪ҇рчество И҆саїю и҆сполнивъ. Гл҃аше бо И҆саїа:

да възрауе҆тсѧ пꙋстыни І҆ѡ҆рданова, ꙗ҆ко слава Ливанова дана бысть еи꙼ и҆ чтⷭ҇ь Кармилова.

Гл҃ъ не ꙗ҆вленъ, ꙗ҆виⷮ же сѧ блгⷣтїю Бж҃їею.