Severianus Gabalensis: In theophaniam (5-6)

Хотѧ же и҆ прⷪ҇ркъ плѡⷣ показати пастырьскаго пришествїа:

възвⷣигни силꙋ Твою, рече, и҆ прїиди, да ны сп҃сеши

. Сп҃сово бѡ҆ ꙗ҆вленїе и҆сточникъ всѧкого еⷭ҇ бл҃годѣѧнїа. Ꙗ̑висѧ оу҆бо и҆збавитель вселен҆н҆ыа, всѧ въспрїемь в Себе за е҆́же Томоу подобною бл҃гостїю. Понеже видѣ всѣⷯ, ꙗ҆́же на нб҃си, ѡⷮпаⷣшиⷯ, и҆ сщ҃еньство, еⷤ да І҆ил҃ю, и҆ прⷪ҇рчество всѧ и҆зрѧднаѧ Тои ѡ҆бновлѧеⷮ Собою своѧ дары. И҆ како; Слыши.

Бываеⷮ прⷪ҇ркъ, понеже и҆сказисѧ прⷪ҇рчество ѡⷮ недостои҆ныⷯ, ꙗ҆коⷤ е҆сть писано:

прⷪ҇раⷦ҇ вамъ възвиⷣгнеть Гь҃ Бг҃ъ ѡⷮ братїа ва шеѧ, ꙗ҆коже мене

. Бывае҆тъ а҆пⷭ҇лъ и҆ архїереи по речен҆н҆омоу:

смотрите а҆пⷭ҇ла і҆ архїереѧ званїа вашего І҆с҃а.

Бываеⷮ сщ҃ен҆н҆икъ, ꙗ҆коже рече пѣснопѣвець:

Ты е҆си сщ҃ен҆н҆икъ въ вѣки по чиноу Мелхиседековоу.

Бываеⷮ братъ и҆ слꙋжитель, ꙗ҆коⷤ рече доблественыи Павелъ:

ꙗ҆ко быти Е҆мꙋ первенцоу въ мноѕѣи҆ братїи

и паки:

гл҃ю бо, рече, Ха҃ слꙋжителѧ быти ѡ҆брѣзанїю, въ е҆́же и҆сполнити ѡ҆бѣщанїа ѡ҆ц҃ь

. Всѧкимъ оу҆бо приходить чиномь, и҆ бываеⷮ паки и҆ чтець:

прїемь бо И҆саїю

, чтѧше, ꙗ҆коⷤ сказаеⷮ Е҆ѵⷢ҇лїе, да и҆ прⷪ҇рческїа гласы и҆звѣстить, и҆ цр҃ковныа требища почтеⷮ. Быⷭ҇ и҆ цр҃ь цртⷭ҇воую҆щиⷯ, ꙗ҆коⷤ реⷱ҇ Нафанаи҆лъ:

рав̾ви, Ты е҆си Сн҃ъ Бж҃їи, Ты Цр҃ь е҆си І҆ил҃е.