Severianus Gabalensis: In theophaniam (11-12)

Ливанъ нарицаеⷮ писанїе І҆ерⷭ҇лиⷨ здеꙵ, и҆ не мни понᲂуждено быти слово. И҆҆езекеи҆ль свѣдѣтеⷧ҇ствᲂуеⷮ ѡ҆ Навꙋходоносорѣ цр҃и, гл҃аше:

ѡ҆релъ великїи, великокрилныи, простръты крилѣ, і҆ испоⷧ҇нь ногтеи, прїиде въ Вавилѡⷩ҇, и҆ поꙗ҆́тъ и҆збран҆н҆аѧ̀ кедра Ливанова, и҆ ѡⷮведе в̾ Вавилонъ.

И҆збран҆н҆аѧ же котораѧ бѧа҆хꙋ; Понеже Седекїю свѧзавъ цр҃ѧ, І҆ѡ҆акима, и҆ сщ҃ен҆н҆иⷦ, і҆ архїереѧ: сїа бо бѧхꙋ избран҆н҆аѧ Ливанова, и҆ ѡⷮведе в̾ Вавилонъ, си́це и҆ зде речесѧ, ꙗ҆ко слава Ливанова дана быⷭ҇ ей. Понеже и҆ сщ҃ен҆н҆ичество І҆ерлⷭ҇имово и҆ прⷪ҇рчьство все преи҆де на І҆ѡ҆а́н҆н҆а, и҆ весь І҆ерлⷭ҇имъ, ѡ҆ставль жертовникъ, и҆схожⷣаше прїати кр҃щенїе І҆ѡ҆а́н҆н҆ово. и҆ преⷣваривъ прⷪ҇ркъ гл҃еть ѡ҆ пꙋстыни І҆ѡ҆рдановѣ, ꙗ҇ⷦ слава Ливанова дана бысть ей и҆ чтⷭ҇ь Кармилова. И҆ котораѧ чтⷭ҇ь; Слыши, ꙗ҆ко в мимотеченїи. Илїа бѣ чтⷭ҇ь Кармилова: И҆лїа бо прⷪ҇ркъ в Кармилѣ прѣбываше. И҆ понеже ᲂу҆бо преⷣи҆де І҆ѡ҆а́н҆н҆ъ

дх҃омъ и҆ силою И҆лїиною

, зриꙵ се реⷱ҇:

дана быⷭ҇ чтⷭ҇ь Кармилова

в пᲂустыни. І҆ѡ҆а́н҆н҆ъ бо бѣ И҆лїа но҆выи в пᲂустыни, о҆ немъⷤ Сп҃съ рече:

а҆́ще хощете прїати, тоꙵ е҆сть И҆лїа, хотѧи прїити.

Понеже ᲂу҆бо и҆́ногаⷣ И҆лїа живѧше в пꙋстыни, нн҃ѣ же І҆ѡ҆нн҃ъ в лѣпотᲂу рече:

слава Ливанова дана быⷭ҇ ей и҆ чтⷭ҇ь Кармилова.

Нынѣ ᲂу҆бо, възлюбленїи, слава ѡ҆́на не пꙋстыню токмо и҆сполни, но и҆ вселен҆н҆ᲂую всю: днⷭ҇ь бо по всеи земли пѣсни и҆ бг҃ословїа. Ѡⷮ с вечера и҆ до нынѣ стоѧ̀тъ чл҃цы, и҆ пѣсньми пѣснь побѣдиша, и҆ бл҃годать показовашесѧ, и҆ е҆стьство не ѡ҆бличашесѧ. И҆ паче в лѣпотᲂу. Ꙗ҆коже бо желѣзо ѡ҆гню съвокꙋпльсѧ, е҆́же ᲂу҆бо бѣ, не ктомᲂу ꙗ҆влѧе҆тсѧ, а҆ е́же не бѣ о҆дѣвае҆тсѧ, не еⷭ҇ство ѡⷮложивъ, но въ е҆стьствѣ свѣтлость прїемь, сїце и҆ мы, сподобльшесѧ Ст҃гл Дх҃а, ѡⷮвергохомсѧ тѣлесныа немощи, и҆ ѡ҆дѣꙗ҆хомсѧ бл҃годатныⷨ дѣи҆ствомъ. Стоꙗ҆ше же цр҃квь свѣтѧшесѧ всю нощь, і҆ и҆сполнѧе҆тсѧ на неи речен҆н҆оѐ:

быⷭ҇ веⷱ҇ръ, и҆ быⷭ҇ ᲂу҆́тро, дн҃ь.

Не и҆мѣѧше нощь тмꙋ: бжⷭ҇твенымъ бо словомъ ѡ҆свѣщашесѧ, по речен҆н҆омᲂу Дв҃домъ:

и҆ нощь просвѣщенїе пищи моеи, ꙗⷦ҇ тма не ѡ҆мрачитсѧ ѡⷮ Тебе, и҆ нощь, ꙗ҆ко дн҃ь просвѣтиⷮсѧ.

Толика бо доброта ѡ҆блиставае҆тъ цр҃квь, ѡ҆сиꙗ҆ваеⷮ же на ню, ꙗ҆коже нѣкїи вѣнець бл҃голѣпїа достои҆нъ вѣнцꙋ цртⷭ҇вїа, е҆гоⷤ дасть Бг҃ъ вселен҆н҆́и.

Ѡⷮ бл҃гаго корене бл҃гаѧ процвѣтцы вѣтвь. Е҆гда же сїа рекᲂу, двои҆цᲂу братїи и҆ согласїе пою цртⷭ҇вїа, а҆́ще и҆ бжⷭ҇твеное и҆́стиньствꙋетъ сло́во: братъ братомъ помогае҆мъ, ꙗ҆ко градъ крѣпокъ, и҆ ꙗ́ко ꙋтвержен҆н҆о цр҃ьствїе. Сїи сᲂуⷮ двѣꙵ маслинѣ тꙋчнѣѝ, е҆́же преⷣстоꙗ҆́тъ Гвⷭ҇и всеѧ землѧ, цвѣти бл҃гочтⷭ҇їа, столпи и҆́стины, ѡ҆стѣнѧю҆ще цр҃квь, понеⷤ и҆ Хс҃ тѣⷯ ѡ҆сѣнѧе҆тъ цртⷭ҇во. А҆́з же виждꙋ вѣтви с коренїемъ бл҃жен҆н҆аго цр҃ѧ, сїаю҆ща с чады: не бѡ ᲂу҆́мре слава праведнымъ,

в памѧⷮ бо вѣчнᲂую бꙋдеⷮ праведникъ

. Зриꙵши ли сїаю҆ща ѡ҆бразомъ свои҆мъ; ѡ҆́бразомъ не бездꙋшнымъ, но ѡ҆́бразоⷨ живымь. Сматрѧю̀ преварившаѧ, и҆ ꙋ҆жасаю҆сѧ: како всѧ расыпа хꙋсѧ ратнаѧ страшилища́; Вѣрнаго великаго цр҃ѧ вѣра ѡ҆́ного ѡⷮц҃а о҆стѣнѧе҆тъ чада црⷭ҇твїа. Бг҃ъ преⷣводѧи о҆ного цр҃ѧ, преⷣводить и҆ плⷣѡ ѡ҆́ного, иⷤ ѡⷮ бл҃гоѡⷣнаго прозѧбшиⷯ корени. Помолиⷨсѧ, братїе, да съхранѧтсѧ свѣтилницы хрⷭ҇тїаньскаго бл҃гочиниѧ̀, вѣтви масанныа̀, дваꙵ свѣтилника бл҃гочтⷭ҇іа, ѡ҆стѣненїа цр҃квьнаѧ̀. Но да не кто възмниⷮ ласканїа быти словеса, но и҆́стин҆н҆ыа вещи. Е҆́и, рече, да чл҃къ ли о҆стѣнѧе҆тъ цр҃квь; И҆ ѕѣло҆. И҆ли не вѣси, ꙗ҆ко Бг҃ъ великаѧ даѧѝ чл҃комъ, мала просить ѡⷮ наⷭ҇: дасть ман҆н҆ᲂу в пᲂустыни, і҆ и́щеⷮ ѡⷮ сщ҃ен҆н҆икъ хлѣбы, гл҃ѧ:

положи на трапезѣ хлѣбы прдⷣⷪ Мною

. Дасть столпъ ѡ҆́гненыи, и҆ рече:

положи свѣщниⷦ преⷣⷪ Мною

. Толикъ и҆сточникъ свѣта дарꙋеⷮ, и҆ свѣщникъ зае҆млеⷮ, да и҆миже А҆́зъ дарꙋю ѡ҆билїе, покажᲂу, а҆ и҆миже Ми просите, бл҃годаренїе и҆сполните. Ѡ҆блистае҆тъ же паки цр҃квь первое ст҃ыми ѡⷮцы. Но подобаеⷮ мѣрꙋ видѣти словесе: мѣра же слова не гл҃ѧѝ, но послꙋшааѝ. Понеже и҆стаꙗ҆ша словеса ваша нетрⷣꙋнымиъ ᲂу҆сердїемь, нꙋжно е҆сть мѣрити сло́во, и҆ зде съставити, и҆ о҆сщ҃атисѧ бжⷭ҇твеною блⷣтїю. Ѡ҆свѣщеваеⷮ же наⷭ҇ Ст҃аѧ Трⷪ҇ца, ѡ҆ч҃ьскоѐ преⷣсѣданїе, всеѧ цр҃кве гобзованїе, и҆ ꙗ҆кѡⷤ цвѣтнаѧ и҆ бл҃гомастныѧ цр҃кїа ѡ҆дежⷣа, сл҃нчьнᲂую̀ лꙋчю прїелюща, и҆ стѣны, и҆ покровы и҆ преⷣстоꙗ҆́щаѧ чл҃ки ѡ҆блистае҆тъ. И҆ ꙗ҆кова а҆́ще бꙋдеⷮ масти добро҆та, тако воздꙋха бл҃гомастїе съдѣловаеⷮ, любо позлащена, любо ѕе́лена, любо багрѧновидна, и҆ли к҆ к҆аковомꙋ любо ꙋ҆крашена еⷭ҇ цвѣтомастїа хитрость, сице и҆ цр҃ко ѡ҆вогда ᲂу҆бо прїемлеⷮ лꙋча прⷪ҇рчьскїа, ѡ҆вогдаⷤ Е҆ѵⷢ҇льскїа блгⷣти дѣи҆ство, ꙗ҆коⷤ тои҆жⷣе статїи по прⷪ҇рчьскомᲂу гласꙋ, пестрыми о҆дежⷣами сїаю҆щи, по речен҆н҆омᲂу:

преⷣста цр҃ца о҆деснꙋю Тебе, в ризаⷯ позлащен҆н҆ахъ о҆дѣꙗ҆на и҆ преи҆спещрена

. Почто е҆́же преⷣста̀, да и҆́стинньствꙋе҆тъ Павелъ, гл҃ѧ:

преⷣстави себѣ славно цр҃квь, не и҆мᲂущи скверны, и҆ли враски, и҆ли что си́цевыⷯ

. Бᲂу́ди же и҆ наⷨ, братїе, бжⷭ҇твеною̀ блгⷣтїю всегда̀ ѡ҆сщ҃ае҆мыⷨ, всест҃омꙋ Бг҃ꙋ славᲂу всылаⷮ ꙵ, ꙗ҆ко Томᲂу подобаеⷮ всѧка слава, чтⷭ҇ь, держава, величество, въ вѣки вѣкомъ. А҆минь.