Severianus Gabalensis: In theophaniam (1-5)

Да ѿверзаю҆тсѧ всѧ оу҆ста днⷭ҇е къ бл҃гословїю, и҆ да воспоеⷮ всѧко слово иⷤ съ нб҃се восїавшаго Бж҃їа Сло́ва. Всѧкъ ꙗ҆зыкъ да вѣщаеⷮ, всѧка дш҃а да ликоствꙋеⷮ, всѧ землѧ да поеⷮ: днⷭ҇е бо словеса свѣта сн҃ы свѣта ѡ҆свѣщае҆тъ. Да согласꙋю҆ть съ нбⷭ҇ными земльнаѧ, да поюⷮ с премирными силами ꙗ҆же в мирѣ видимаѧ: и҆́стинѣ бо ꙗ҆́вльшисѧ и҆ Цр҃ю нбⷭ҇номꙋ пришеⷣшоу, всѣмь подобаеⷮ стещисѧ въ ѡ҆́бщеѐ Влⷣки всѣⷯ и҆сповѣданїе. Хвⷭ҇о пришествїе вселен̾нѣи всеи бл҃годѣѧ́нїе. Хвⷭ҇о пришествїе мира всего свобожⷣенїе. Хс҃ въспѣвае҆тсѧ, и҆ миⷬ҇ ѡ҆сщ҃ае҆тсѧ. Хс҃ проповѣдꙋе҆тсѧ, и҆ всѧка дш҃а нбⷭ҇ною любовїю ѡ҆дѣвае҆тсѧ. Свидѣтельствꙋеⷮ ми словеси и҆скꙋсъ вещїи.

Вижⷣь ми бг҃олѣпноѐ се цр҃кве оу҆строе҆нїе, вижⷣь ми нбⷭ҇наго неоу҆гасимꙋ свѣщꙋ, вижⷣь тѣлесное еⷭ҇ство ретѧщесѧ а҆́гг҃льскомꙋ слꙋженїю. Ѡⷮц҃ы ѡⷮ землѧ сꙋще, и҆ на земли живꙋще, и҆ ѡⷮ землѧ питаю҆щесѧ, небеснымъ сопротѧꙁаю҆тсѧ: такова бѡ цркви Бж҃їа. Жительствоуе҆тъ на земли, чин же и҆́мать нбⷭ҇ныⷯ вещеи. Что дѣло иⷤ на нбⷭ҇си а҆́гг҃ломъ; е҆́же Бг҃ꙋ слꙋжити. Что дѣло е҆́же на земли прпⷣбныхъ; е҆́же Бг҃а въспѣвати. И҆хже оу҆бо е҆диночⷭ҇тно и҆ достои҆ньство. Сего раⷣꙵ бл҃жен҆н҆ыи Дв҃дъ, дх҃овнꙋю оу҆дарѧа цѣвницꙋ, и҆ спⷭ҇нїю бг҃ословїа проповѣдꙋа̀, пѣⷭ҇ гл҃аше, ꙗ҆коⷤ нынѣшнеѐ припѣваѧ:

Бж҃е силъ, ѡ҆брати ны, и҆ ꙗ҆ви лице своѐ, и҆ спⷭ҇ни бꙋдеⷨ.

Не оуⷤ прїи҆де Цр҃ь славы, и҆ пртⷣчѧ цр҃ьствїа проповѣдахоу:

пасы І҆илⷠ҇ѧ

оу҆пасе бо, рече, люⷣꙵ своѧ рꙋкою Мои҆сеѡ҆вою и҆ Аа҆ронею

и҆збра бѡ, реⷱ҇, и҆ Дв҃да, раба Свое҆го, пасти І҆ил҃ѧ, достоꙗ҆́нїе Своѐ

пасыи І҆ил҃ѧ, вонми, наставлѧа̀, ꙗ҆ко ѡ҆вчѧ, І҆о́сифа.

пастырѧ

Что ꙋбѡ̀; не е҆́ще ли разꙋмѣлъ е҆си достои҆ньство; И҆зьꙗ҆влю тебѣ

Сѣдѧи на херꙋвиме, ꙗ҆висѧ, възвиⷣгни силꙋ Твою̀, и҆ прїиди, да ны спасеши

Хотѧ же и҆ прⷪ҇ркъ плѡⷣ показати пастырьскаго пришествїа:

възвⷣигни силꙋ Твою, рече, и҆ прїиди, да ны сп҃сеши