Itinerarium Hierosolymitanum‏ (586-589)

1 Syna, ubi fons est in quem mulier si lauerit,

2 grauida fit.

3 Ciuitas Maximianopoli mil XVII

4 Ciuitas Stradela..........................mil X

5 Ibi sedit Achab rex et Helias prophetauit; ibi est

6 campus, ubi Dauid Goliat occidit.

7 Ciuitas Sciopoli mil XII

1 Aser, ubi fuit uilla Iob..............mil VI

2 Ciuitas Neapoli...........................mil XV

[*][*][*]

Inde ad pede montis ipsius locus est,
cui nomen est Sechim. Ibi positum est monumentum, ubi
positus est Ioseph in uilla, quam dedit ei Iacob pater eius.
Inde rapta est et Dina filia Iacob a filiis Amorreorum. Inde
passus mille locus est, cui nomen Sechar, unde descendit
mulier Samaritana ad eundem locum, ubi Iacob puteum fodit,
ut de eo aquam impleret, et dominus noster Iesus Christus
cum ea locutus est; ubi sunt et arbores platani, quas plantauit
Iacob, et balneus, qui de eo puteo lauatur.

Inde milia XXVIII euntibus Hierusalem in parte sinistra
est uilla, quae dicitur Bethar. Inde passus mille est locus,
ubi Iacob, cum iret in Mesopotamia, addormiuit, et est ibi
arbor amigdala, et uidit uisum, et angelus cum eo luctatus
est.

Ibi fuit rex Hieroboam, ad quem missus fuit propheta,
ut conuerteretur ad deum excelsum, et iussum fuerat prophetae,
ne cum pseudoprophetam, quem secum rex habebat, manducaret,
et quia seductus est a pseudoprophetam et cum eo
manducauit rediens, occurrit prophetae leo in uia et occidit
eum leo.

[*] Fit a Caesarea Palestina Hierusalem usque milia CXVI,
mutationes IIII, mutationes IIII.

Sunt in Hierusalem piscinae magnae duae ad latus templi,
id est una ad dextera, alia ad sinistra, quas Salomon fecit,
interius uero ciuitati sunt piscinae gemellares, quinque porticos
habentes, quae appellantur Betsaida. Ibi aegri multorum
annorum sanabantur. Aqua autem habent hae piscinae in
modum coccini turbatam.