Commentarii in Apocalypsin (1.7-1.8)

[*] Septem autem ecclesiae, quas nominatim uocabulis suis [*] [*]

uocat, ad quas (et) epistolas facit, non quia illae solae (sint)
ecclesiae aut principes, sed quia quod uni dicit, omnibus
dicit; nihil enim differet, utrum quis uexillationi, paucorum
militum numero, an per eam toto exercitu loquatur. denique
siue in Asia siue in toto I [fol. 3V] orbe, Sjeptem ecclesias
omnes et septem nominatas unam esse catholicam Paulus docuit:
primum quidem, ut seruaret (ipse) et ipsum, septem ecclesiarum
non excessit numerum, sed scripsit ad Romanos, ad Corinthios.
ad Ephesios, ad Tessalonicenses, ad Galatas, ad Philippenses,
ad Colossenses; postea singularibus personis scripsit, ne excederet
numerum septem ecclesiarum, et in breui contrahens
praedicationem suam ait ad Timotheum: ut scias qualiter
debeas conuersari in aede dei aut quae sit ecclesia
uiui dei. hunc typum a spiritu sancto per Esaiam praedicari
legimus de septem mulieribus, quae adprehenderunt [*] [*]
hominem unum. unus autem homo Christus est, non ex semine
natus. septem mulieres ecclesiae sunt, panem accipientes
suum et tunicis suis uelatae, quae petunt auferri inproperium
suum, ut inuocetur nomen illius super illas —
\'panem\' autem: spiritum sanctum, qui nutrit in uitam aeternam:
(\'suum\'): per credulitatem sibi promissum. ut tunicas
suas\' id est sibi promissas, quibus cooperiri optant; denique
ait Paulus: oportet hanc fragilitatem inuiolantiam
et mortale hoc uestiri inmortalitatem: \'auferri inproperium
suum\': inproperium est peccatum pristinum quod
aufertur in baptismo et incipit uocari homo Christianus, quod
est: inuocetur nomen tuum super nos. in his ergo septem
ecclesiis puta fieri de una ecclesia.

Pro qualitate fidei et electionis aut ad eos scripsit, qui et
laborant in saeculo et operantur de frugalitate laboris sui et
patientes sunt et, cum uideant quosdam homines in ecclesia [*] [*]

dissipatores et pestiferos, ne dispersio fiat, portant illos —
admonet tamen eos de amore, in quo fides desit, ut agant
paenitentiam —: aut ad eos qui locis crudelibus inhabitant inter
persecutores et perseuerant esse fideles; aut ad eos qui
humiliter instructi in fide fortiter perseuerant; aut ad eos qui
sub praetextu misericordiae inlicita peccata in ecclesia inducendo
docent alios ea facere; (aut ad eos qui sunt in ecclesia
faciles; aut ad eos qui neglegentes nomine tantum Christiani
sunt:) aut arguit eos qui student scripturas et laborant cognoscere
arcana praedicationis et dei opus facere nolunt, id
est misericordiam et amorem. omnibus paenitentiam denuntiat,
omnibus iudicium adnuntiat.