In Hieremiam Prophetam Libri Sex (1.22.2-1.23.1)

duo autem populus dei fecit aduersa: primum,
ut relinquerent deum, qui est fons uitae et praeceptum
dedit dicens: ego dominus deus tuus, qui eduxi te de
terra Aegypti; secundum, quod in eodem loco scriptum
est: non sint tibi di in conspectu meo; pro quo secutus
est daemonas, quos dissipatas cisternas uocat eo, quod
dei mandata seruare non ualeant.

et hoc attendendum, quod
fons perpetuus est et uitales habet aquas, cisternae autem et
lacus uel de torrentibus uel ex aquis turbidis terrae conplentur
et pluuiis. portas autem caelorum illas uocat, de quibus et
in uicesimo tertio psalmo scriptum est: leuate, portae,
capita uestra, et introibit rex gloriae; pro quo LXX
transtulerunt: leuate portas, principes, uestras, de
quibus plenius suo dicetur loco.

quodque Aquila et Symmachus
\'caelos\', LXX uero et Theodotio \'caelum\' interpretati
sunt, nullum moneat. Hebraicum enim \'samaim\' communis est [*] [*]

[*]Numquid seruus est Israhel aut uernaculus?
Puto ex hoc loco in superbiam elatos saluatori dixisse Iudaeos:
semen Abraham sumus et nemini umquam
seruiuimus;