Liber de Aleatoribus (7)

Vnde haec sacrilega meditatio, unde hoc crimen, anctorum testimonio
conprobamus. cum enim quidam studio litterarum bene eruditus
multum meditando hoc malum et tam perniciosum studium adinuenit,
instinctu * * diaboli qui eum artibus suis repleuerat: hanc ergo
artem ostendit quam et colendam sculpturis cum sua imagine fabricauit.
statuit itaque imaginem speciei suae cum nominis sui subscriptione
suggerente sibi inimico, qui ut hanc artem excogitaret in
pectore subiecit. sic ergo se in imagine perniciosa demonstrans alto
se quodam loco condidit, in sinus suos hanc aleae tabulam gestans,
ut quasi ipso lusor et adinuentor huius malitiae appareret, cuius [*] [*]

nomen a Dei semis nominari non debet (sic enim in nomine turpis
est quomodo in factis iniquus), et quisque Dei seruus aleae tabulam
amplectitur auctoris nomine uocaretur. ille enim cum se in statunculis
et simulacris formaret, aliud crimen adinuenit, quo se ab imitatoribus
suis colendum diceret, sacrificandi sibi legem terminauit, ita ut
qui uellet studio eius adhaerere non ante manum in tabulam porrigeret,
nisi auctori eius prius sacrificasset. inde factum est, ut olim
qui homo fuerat et facinoris admissionis adulter, post mortem a
profanis et errantibus sub fictioso nomine deitatis coli meruerit.