Oratio II (1-5)

Domine sancte pater hagios Deus, ad te legaui animam meam, Deus
meus, quis enim maior est ? tibi semper gratias et laudem referam
Deus Abraham, Deus Isaac, Deus Iacob, Deus patrum nostrorum,
Deus prophetarum, Deus apostolorum, Deus martyrum, qui fuisti
ante mundi dispositionem, Deus uiuorum, qui uenturus es iudicare
uiuos et mortuos: qui es Deus uerax, qui sedes super Cherubim et
Seraphim, qui prospicis abyssos, qui uides cuncta priusquam nascantur,
qui habes potestatem mortificare et iterum uiuificare, qui habes
potestatem de arido uiride facere. tu omnium Deus dominator, [*] [*]

Vaa pocestis meis, Domine. eum te leuaueris confringere terram,
sub qua fissura petrarum me absconsurus sum ab ante uirtutem
tuam aut cui monti dicturus sum: cade super me, et cui colli dicam:
tege me ab ante metum Domini mei, cum te leuaueris confringere
terram ? rogo te, Domine, subueni mihi: noli secundum actum meum
me iudicare: nihil enim in praeceptis tuis parui. exaudi me orantem.
sicut exaudisti Ionam de uentre ceti, sic et me exaudias et eicias me
de morte ad uitam. sicut Niniuitae induerunt se cinerem et cilicium
et paenitentiam egerunt, exomologesin facientis ante conspectum
tuum pro uniuersis peccatis meis, qui es amator paenitentiae, miserere
mei. sed et Dauid dicit: Domine propter nomen tuum dele
peccatum meum. et ego deprecor maiestatem tuam ut deleas
uniuersa peccata mea, exaudi me orantem, sicut audisti tres pueros
de camino ignis ardentis Ananiam Azariam et Misael: et misisti angelum
tuum cum roribus tuis, et confusus est Nabuchodonosor [*] [*] [*]

Te deprecor pater omnipotens, qui in fine temporum commemoratns
es nostri: misisti nobis Iesum Christum filium tuum Deum et
Dominum nostrum, natum de Maria uirgine de spiritu sancto, adnuntiante
Gabrielo angelo, per quem nos liberasti de periculo mortis
inminentis.

Te deprecor filium Dei uiui, qui fecisti tam magnalia: in Cana
Galilaeae de aqua uinum fecisti, propter filios Israel qui caecis oculos
aperuisti, qui surdos audire fecisti, qui paralyticos ad sua membra
reuocasti, qui soluisti linguas blaesorum, a daemonio uexatos sanasti,
clodos currere fecisti uelut ceruos, mulierem a profluuio sanguinis
liberasti, mortuos suscitasti, super aquas pedibus ambulasti, [qui
Petro labenti manum tradidisti] qui mare fundasti et terminum ei
posuisti, qui dixisti: hucusque uenies et te hic confringes in tua
uirtute. te deprecor filium summi Dei propter uniuersa commissa [*]

Tibi adstant angeli et archangeli numerus inaestimabilis, timentes et
pauentes honorem et uirtutem tuam, clamantes uoce magna dicentes:
sanctus sanctus sanctus Dominus Deus Sabaoth. tu ipse nobis
testamentum fecisti et pollicitus es dicens: petite et accipietis, quaerite
et inuenietis, pulsate et aperietur uobis. quodcumque a patre
meo petieritis in nomine meo, ego in tuo nomine peto ut accipiam.
ego quaero ut inueniam, ego pulso ut aperiatur mihi. paratus sum
propter nomen tuum uictimam sanguinis effundere et quodcumque
tormentum sustinere. tu es adiutor meus: defende me ab aduersaria
parte, angelus tuus lucis protegat me, quoniam tu dixisti: quidquid
credentes petieritis per orationem, dabitur uobis.