De Singularitate clericorum (36-40)

Sciant nunc adempta sibi esse parentalia patrocinia qui huc atque
illuc recurrentes contradictionum latebras quaerunt, ne umquam feminis
careant: et quia undique defensionis suffragio deseruntur, in nouissimo
cunctis argumentis exhaustis sententiam Pauli apostoli opitulari
sibi opinantur et dicunt: tu qui es, ut de seruo alieno
iudices? agnoscit equidem Paulus apostolus constitutionis suae
uerba prolata, sed constitutionarios et prolatores ipsos ignorat. illis
enim contulit defensionem qui nullam partem legis inpugnant, et ipsis
tribuit patrocinium qui ex uoto suo aliquid faciunt nec quicquam [*] [*] [*]

ecclesiastici iuris inpediunt. ius tractat t uiuendi et non edendi arbitrium
uniuscuiusque confirmans. de similibus iussit neminem iudicari, quae
uoluntati singulorum auctoritas diuina concedens in utraque parte
faciendi et non faciendi clementer indulsit. illos autem ecclesiasticis
tribunalibus subdidit quos transgressores ordinariae transgressionis
nulla inpunitas excusauit, ut qui passim (tu qui es, ut de seruo
alieno iudices\' aduersum nos ueluti libellum contradictorium
proferant, rationale simul et certum recognoscant quod accepimus ab
eodem Paulo apostolo repulsorium. praecipimus, inquit, uobis
fratres in nomine Domini nostri Iesu Christi, ut separetis
uos a fratribus ambulantibus inordinate et
non secundum traditionem quam accepistis a nobis.

Euasimus ut opinor tanta ligamina quaestionum, quibus amatores
eunuchos am plexus feminei ligauerunt, qui peruersis interpretationibus
decreta legalia demutare coguntur et malunt audiri proponentes
uana et fabulosa commenta, quam magis ipsi quae uera sunt audiant:
quos Paulus apostolus adnuntiat dicens: a ueritate quidem auertent
auditum, ad fabulas conuertentur. quicquiduoluntadhuc
exquirant, ut obsistant pro mulieribus ueritati. uictoriam non habent
apud quos contra Esdram mulier potius quam ueritas uicit. uos autem
filii carissimi non tantum persuasione sed etiam potestate conuenio.
tale deliramentum despicite, quorum quaestiones Paulum apostolum
scitis ubique damnasse, sicut ad Romanos scripsit dicens : rogo nos,
fratres, diligenter obseruare eos qui dissensiones et
offendicula praeter doctrinam quam uos didicistis
aut dicunt aut faciunt, et declinate ab ipsis. sic et
Timotheo delegat: noli, inquit, uerbis contendere: nihil [*] [*] [*] [*]

enim utile est, nisi in subuersionem audientium. sollicite cura te
ipsum probabilem exhibere Deo, operarium
inreprehensibilem, recte tractantem uerbum ueritatis.
stulta autem et inania eloquia deuita: multum enim
proficiunt ad impietatem et sermo eorum sicut cancer
serpit. atque ut ostenderet clericis disponendis ad euacuandas quaestiones
quae sit doctrina conueniens, etiam Tito sic insinuat dicens:
tu autem loquere quae conueniunt sanae doctrinae,
maiores natu sobrios esse, prudentes, sanos in fide,
in caritate, in patientia sincera. ergo auditiones simplices
oboedientia uestra suscipiat et uersipellem contradictionum uitate
fallaciam. purum iter uestris gressibus mundate et supra spinas et
tribulos nolite calcare, ne bonum semen non possit nobis propter spinarum
frutices sanctitatis fructus afferre. unde propheta Hieremias
sic hortatur et docet dicens: nolite, inquit, serere in spinis.
circumcidite uos Deo uestro, circumcidite praeputium
cordis uestri. abscidenda sunt ergo de agro uestro cuncta quae
pungere et lacerare consueuerunt, ne animus agricultoris in possessione
sua malignis sentibus inseratur. et amputanda sunt nobis uniuersa
quaecumque igniferi fomitis sulphurantibus flammis scatens fornax
ebullientis carnis exaestuat, ne uel tenuis quidem scintilla seruata
maiora conflet incendia. quod Salomon manifestat dicens : ab scintilla
una augetur ignis. auertite occasiones inpuras, quibus
interiora pectoris penetrantur, ut liquida in nobis perspicuitas honoretur.
contenti estote singularitatem laboriosam pro pudore seruando
potius sustinere, quam sine labore ad dedecus peruenire.

Contemplamini quid sit populo sancto praeesse et considerate quale
sit diuinis sacramentis insistere. altariis placere debent qui altariis [*] [*]

uiuunt, et talis conuenit sinceritatis cura sacratis qualia sunt sacra ipsa
quibus exhibent officia seruitutis, ne circa Dominum offendant ipsi
quod tractant aut circa populum incipiant inpedire quod praedicant.
propter quod Paulus apostolus sic testificatur et dicit: et omnia,
inquit, sustinemus, ne quod inpedimentum demus euangelio
Christi. et iterum: nemini dantes ullam offensionem,
ut non uituperetur ministerium nostrum. hac
igitur institutione uobis quam plurimum laborandum est de iis, quibus
ad manifestandam grauitatem singularitas magis quam parilitas testis
. uera est. respicite quanta mala conuersatio parilitatis huius adquirat,
quae non nisi corruptionem seminat, pullulat uitia, cupiditatem concipit,
ignominiam parit, rabiem concitat, porrigit furiam, lasciuiam
pascit, petulantiam nutrit, casus exaltat, ruinas aedificat; ripas erigit,
praecipitia instruit, periculis nauigat, naufragiis uelificat, perditione
gaudet, interitum fouet, confusionem mercatur, thesaurizat opprobrium,
criminationes exaggerat, accusationes inflammat et cateruatim
semel in fascem glomerans numerosas indagines captionum per infinita
dedecorum multiplices mortes inuehit in perniciem perditorum.

Tot itaque et tantas strages calamitatis et pessimae conuersationis
nemo prosternit, nemo calcat, nemo funestat, nisi singularis castitas
sola quae munimem inuictum est sanctimoniae et expugnatio fortis
infamiae, fortitudinis firmitas et lasciuiae petulantis infirmitas, probitatis
praesidium et inprobitatis excidium, animae uictoria et corporis
praeda, ubertas gloriarum et captiuitas criminum, pronuba sanctitatis
et repudium turpitudinis, sinceritatis indicium et abolitio
scandalorum, exercitium continentiae et euacuatio tota luxuriae, pax
secura uirtutum et debellatio quieta bellorum, puritatis culmen et libidinis
carcer, honestatis portus et ignominiae naufragalis locus, uirginitatis
mater et hostis inmunditiae, lorica pudoris et spolium [*] [*]

probrositatis, corruptionis exitium, murus rigoris et destructio uulgaritatis,
seueritatis gladius, triumphator et occisor dissolutionis, armatura
uirium et exarmatio fluxurarum, integritatis dignitas et fornicationis
addictio, claritatis fastigium et dedecoris praecipitium, uoluntas bonorum
operum et afflictio uitiorum, refrigerium pudicitiae et poena
petulantiae, adquisitio triumphorum \'et facinorum detrimentum, requies
salutis et perditionis exilium, uita spiritus et carnis interitus,
status qualitatis angelicae, funus humanae substantiae. huius retinaculis
omnis obscoenitas frenatur et compedibus eius calces furentis
libidinis statuuntur. in hac uelut in scopulo franguntur impetus qualescumque
sanguinis inundantis et in illa sedatur spumans tumoris
insania corporalis. quae dum sibi subtrahit adminicula concupiscentiae,
mortua membra sua cognoscitur baiulare: de quibus apostolus
Paulus praemonet dicens: mortificate ergo membra uestra,
quae sunt super terram, fornicationem immunditiam
libidinem concupiscentiam malam et auaritiam, quae
est idolorum seruitus, propter quae uenit ira Dei.

Ab his omnibus nonnisi splendido singularitatis cultro castratur
humana natura, ut inlibatos spadones ad conuiuium sanctitatis
desponsante circumcisione introducat. cui sanctitas ita promisit
anuli sui nuptiale signaculum, ut sine ipsa uirginitas
resignetur, quae se sola contenta cupidinem domat mentemque
castificat, concupiscentiam subigit, desideria. ardoris extinguit,
artus debilitat, corpus ancillat, et ita carnalia crucifigit, ut
tam masculus quam femina uideatur in conuersatione mentiri, dum
illos operatione utriusque sexus abscidit: aut neutrum faciens de duobus
tertiam formam conferre gloriatur ambobus, ut ante resurrectionem
resurrectionis imaginem ad instar angelorum meditari noscatur. quod [*] [*]

promittens Dominus in futurum, qui digni habentur, inquit,
saeculi illius et resurrectionis a mortuis, neque nubent
neque nubentur, neque enim morientur. namsunt
similes angelis Dei: quia resurrectionis filii sunt.
hoc exigit sancta singularitas meritorum, ut antequam transflguretur
iam transfigurata cernatur in angelicae claritatis aspectum, quae
omnia sibi amputans concupiscentiae certamina depraedatur: cuius
laudes Salomon exsequitur dicens: me Ii use s t esse sine filiis
cum claritate. inmortalitas eat enim in memoria illius,
quae et apud Deum nota est et apud homines. cum
praesens est imitantur illam, et desiderant eam cum
se abduxerit: et in perpetuum coronata triumphat
incoinquinatorum certaminum proelium uincens.