De Singularitate clericorum (1-5)

Promiseram quidem nobis ante tempus epistolam, filii carissimi,
quae omnium morum instituta de lege commendans summatim omnia
Contineret quaecumque uniuersis clericis generaliter ad dirigendam
regulam competunt disciplinae. sed quia nunc feminarum commoratione
uulgariter inter uos quidam ignominiae deuoluti sunt, etiam de hac re
specialiter uobis Domini correptione scribere compulsus sum: qui
miserum me pro uestra neglegentia cum seueritate conueniens mandare
praecepit, ne clerici cum feminis commorentur. et licet haec
admonitio sola litterarum mearum auctoritate sufficeret, tamen ne me
somniatorem inrideat quisquam, sicut Ioseph fratres inriserunt,
scripturarum addimus firmitatem, ut omnes sciant hoc etiam modo
per reuelationem Dominum iubere, quod litteris cognoscitur ante iussisse,
nec nos esse adulterantes uerbum Domini aut uolentes iactanter
de reuelationibus gloriari, sed sic ante conspectum Domini referendo
non mentiri quod loquimur: sicut a Domino confidimus nos non [*]

Ad uos nunc exhortatio nostra conuertitur quos nolumus experiri
talia praecipitia ruinarum. metuite quantum potestis eiusmodi casus
exitia et in ista subuersione labentium nos experimenta perterreant.
nimium praeceps est qui transire contendit conspexerit alium [*] [*]

Difficile quis uenenum bibet ot uiuet. uerendum est dormienti in
ripa, ne cadat, cum dicat apostolus: qui se putat stare uideat
ne cadat. in hac parte expedit bene timere quam male fidere. et
utilius est infirmum se homo cognoscat ut fortis existat, quam fortis
uideri uelit, et infirmus emergat. de qua re praesumptores obiurgat
apostolus dicens: si qui putat se aliquid esse, cum nihil
sit, se ipsum inplanat. pro certo inplanator proprius suam [*] [*]

Quantumcumque fuerit unusquisque longius ab aduersis, tantum
non sentit aduersa. minus uoluptatibus stimulatur, qui non est, ubi frequentia
est uoluptatum. et minus auaritiae molestias patitur qui
diuitias non uidet, si admittimus apostolum pollicentem: qui uolunt,
inquit, diuites fieri, incidunt in temptationem et muscipula
et desideria multa et inutilia et noxia, quae
mergunt hominem in perditionem et in interitum. non
aliter temptationibus subiacet qui iunctus est feminae, in qua nihil est
aliud nisi quod feriat proximantem. aculeus peccati facta est forma
feminea, et mortis condicio non aliunde surrexit nisi de muliebri substantia.
quod Salomon ad nostram sollicitudinem memorat dicens:
a muliere factum eat initium peccati, et propter hanc
omnes morimur. inde mortales tenemur nec timemus. quid si iam
inmortales essemus? per mulierem liberauit nos equidem Christus,
sed unde adhuc morimur formidare debemus. tunc liberatio ipsa constabit
in femina, si a nobis mors reuincatur quae per feminam uenerat.
ceterum si adhuc per mulierem circa nos scandala dominantur,
liberationis Christi fecimus pro certo dispendium: siquidem in futurum
spes ista libertatis manet quam fidei nostrae Christum credimus contulisse,
ut tunc nobis omnino mulier non noceat, cum et ipsa mors
fuerit euacuata. nam si modo putamus nos intemptabiles esse muliebribus
iaculis, nihil ergo restat caelestibus regnis. non inmerito tales
sensus apostolus increpat dicens: iam satiati estis, iam diuites
facti estis: sine nobis regnatis, et utinam regnetis.
tempus ergo adhuc luctaminis geritur et mors per feminam adhuc
usque grassatur. mentior, si non uidemus exinde interitus plurimorum.
quanti et quales episcopi et clerici simul et laici post confessionum
uictoriarumque calcata certamina, post magnalia et signa uel
mirabilia usque quaque monstrata noscuntur cum his omnibus naufragasse,
cum uolunt in naui fragili nauigare ? quantos leones domuit una [*] [*] [*] [*]

Ante noe ista tractantur, et nnllis terroribus coercemur: quid faceremus,
si opinionibus tantummodo gestas historias audiremus? sed
haec est semper incredulitas humanae duritiae, ut non solum audiendo
sed etiam uidendo non credat alteros interisse, nisi et se ipsam uideat
interire: nec sociorum mortibus quatitur, dum illos promeritos ant
inualidos opinatur. se autem multum mereri aut multum ualere fiducialiter
putat, nesciens praeberi cunctis exempla, cum fuerint quibusdam
inrogata supplicia, sicut Dominus in euangelio proponit et
dicit: pntatis\\quod hi Galilaei prae omnibus Galilaeis
fuerunt peccatores qui talia passi sunt? non. dico uobis:
nisi paenitentiam habueritis, similiter perietis
sicut illi supra quos cecidit turris in Siloa, et occidit
eos. putatis quoniam et ipsi debitores fuerunt prae
omnibus hominibus habitantibus in Hierusalem? non.
dico uobis: si non paenitueritis, similiter perietis.