De Disciplina et bono pudicitiae (6-10)

Hanc sententiam Christus quando uxorem dimitti non nisi ob adulterium
dixit interrogatus tantum honorem pudicitiae dedit. hinc nata
est illa sententia: adulteras non sinetis uiuere. hinc apostolus
dicit: haec est uoluntas Dei ut abstineatis uos a
fornicatione. hinc et illud dicit: membra Christi membris
meretricis non esse iungenda. hinc traditur satanae in [*] [*] [*] [*]

interitum carnis qui proculcato iure pudicitiae uitia carnis exercet. hinc
merito regnum caelorum non tenent adulteri, hinc est quod omne
peccatum extra corpus dicit esse, solum adulterum peccare in suum
corpus: hinc ceterae praeceptorum auctoritates quas nunc recolere
omnes non est necesse apud uos praesertim qui illas nostis frequenter
et facitis, quae licet descripta non sint, queruli tamen de illis non
potestis esse. adulter enim non habet excusationem aut habere potuit,
quia ducere licebat uxorem.

Sed sicut matronis iura praescripta sunt quae ita sunt nexae, ut
diuelli inde non possint, uirginitas uero et continentia extra omne ius
sunt: nihil ad uirginitatem de matrimoniorum legibus pertinet, altitudine
sua transcendit omnes, si ulla praua hominum leges ausa
supergredi conantur. uirginitas aequat se angelis: si uero exquiramus,
etiam excedit, dum in carne luctata uictoriam etiam contra
naturam refert quam non habent angeli. uirginitas quid aliud est
quam futurae uitae gloriosa meditatio? uirginitas neutri est sexus,
uirginitas est perseuerans infantia, uirginitas est uoluptatum triumphus,
uirginitas filios non habet, sed quod plus est filiorum contemptum
habet, non habet fecunditatem sed non habet orbitatem, felix
quod est extra partus dolorem felicior est autem extra funerum filiorum
calamitatem. uirginitas quid aliud est quam soluta libertas? [*]

maritum non habet dominum. uirginitas affectionibus omnibus soluta
est, non matrimoniis est dicata, non saeculo, non liberis. persecutionem
non potest timere, dum illam de securitate potest prouocare.

Sea quia pudicitiae nobis breuiter sunt exposita praecepta, iam
pudicitiae ponamus exemplum. plus enim proficitur, cum in rem praesentem
uenitur, nec de uirtute dubitatur, quando quod praecipitur
etiam exemplis sancitur. exemplum pudicitiae a Ioseph coepit. adolescens
Hebraeus generosus de patre, generosior de innocentia, ob
inuidiam. reuelationum distractus a fratribus Ismaelitis in domum
deuenerat hominis Aegyptii. obsequio et innocentia et tota seruitutis
fide facilem et beneuolum in se animum sui prouocauerat domini,
cuius facies se et tam sermo liberalis quam aetas omnibus accommodata.
sed ista generositas ab uxore domini aliter quam decebat
accepta est: in domus parte secreta et sine arbitris latebra facinoribus
accommodata putauit se pudicitiam adolescentis incontinens mulieris
inpudicitia nunc promissis nunc minis posse superare. et cum
retentus est uestibus eo quod moliretur fugam propter tanti facinoris
audaciam ipsas uestes relinquens et corporis nudi sinceritatem
habiturus innocentiae testem ad crimen inpudicitiae suae inpudens
mulier adicere non dubitauit calumniam: et ceteris et marito calida [*] [*] [*]

et feruens spreto desiderio suo conquesta est dolore simulato, quod
Hebraeus adolescens uim sibi molitus fuisset inferre quam ipsa conata
fuerat inrogare. maritalis ardor rerum inscius et uxoris accusatione
gran iter inflammatus incenditur. pudicus uero iuuenis quia delicto
conscientiam non miscuit, in imum carceris truditur. sed sola non est
in oarcere pudicitia: nam est cum Ioseph Deus et nocentes dantur
in manu eius, quia ipse innocens fuerat. somniorum praeterea obscura
dissoluit, quia spiritus in temptatione uigilabat, et per dominum
liberatur a uinculis. qui in domo minor cum periculo fuerat, regiae
domus sine periculo dominus effectus est: generositati suae redditus
fructum pudicitiae et innocentiae Deo iudice a quo meruerat accepit.

Sed non minus ex parte diuersa aliud nobis pudicitiae simile d.e
continentia feminarum exoritur exemplum. fuit, ut legimus, Susanna
filia Helciae, uxor Ioachim pulcherrima facie, pulchrior moribus. hanc
nullum ad decorem conmendabat species: simplex enim erat. excoluerat
pudicitia et cum pudicitia sola natura. hanc ex senioribus duo
coeperant deperire, nihil memores nec diuini timoris sed nec suae
annis iam marcescentis aetatis: ita illos in flagrantia transactae iuuentutis
incendia recidiuae libidinis fiamma reuocabat: pudicitiae latrones
amorem confitentur, sed oderant. resistenti minantur calumnias, [*] [*]

adulterii se dicunt accusatores uoto adulteri. inter duos libidinis
scopulos auxilium de Domino petebat, quia uiribus corporis repugnare
non ualebat. et exaudiuit de caelo clamantem ad se pudicitiam Dominus,
et cum iniquitate obpressa duceretur ad poenam, uidit inimicorum
liberata uindictam. bis uictrix et in periculo suo tam funeste
totiens consaepta et libidinem euasit et mortem. infinitum erit si
exempla prosequar plura: his duobus contentus sum, praesertim cum
omnibus sit uiribus per istos pudicitia defensata.

Non illos emollire potuit inuita generosi sanguinis memoria quae
in quosdam licentia lasciuiae est ministra, non decor corporis et apte
positorum figura membrorum quae suggerit plerumque ut quasi flos
quidam properantis uelociter transiturae aetatis porrectae uoluptatis
occasione pascatur, non anni primi uirentis et maturioris aetatis, cum
rudis adhuc sanguis aestuans naturae flammas accendat et in
medullis uersata caeca incendia ad remedium uerum etiam per periculum
pudoris itura: non ulla latebrarum et sine ullo conscio tuta
quae quibusdam putatur occasio, quae maxima uis est admittendi
sceleris, dum deliberationibus occurrit inpunitas: non posita necessitas
de auctoritate iubentium et in temeritate participum atque
sociorum, quo genere franguntur etiam recta saepe consilia: non
praemia ipsa et bonitas, non accusationes, non minae, non poenae, non [*]

mortes: nihil tam saeuum, tam durum, tam triste, quam cecidisse de
alto pudicitiae gradu. digni tanto iudicis diuini praemio, quorum alter
regio paene throno inlustraretur, altera concordia mariti dotata inimicorum
mortibus redimeretur. haec sunt et his similia semper nobis
ante oculos exempla. ponenda, his paria diebus noctibusque meditanda.