Ad Novatianum (4-6)

Sumamus iam nunc et secundam personam columbae ex area
emissae diluuii scilicet tempore, quando omnes abyssi proruperunt,
quando cataractae caeli patefactae sunt super terram, propter facinora
hominum quae cotidie excrescebant coram Domino, sicut Moyses dixit:
et uidit Dominus Deus redundasse nequitias hominum
super terram et quod omnes in malum recordarentur
a principio dierum suorum, et dixit: perdam hominem
quem feci a facie terrae, ab homine usque ad pecus,
et a reptilibus usque ad uolatilia caeli. emittitur ergo
tempore cataclysmi columba ex arca aquis uiolenter toto orbe terram
infestantibus.

Illa area. figuram ecclesiae, sicut superius diximns, portabat, quae
uerberabatur hinc atque inde aquis insurgentibus tantum. cataclysmus
ergo ille qui sub Noe factus est figuram persecutionis quae per
totum orbem nunc nuper supereffusa ostendit. aquis autem diruptis
cataractis undique conuenientibus et excrescentibus significabat gentes
quae ad uastandam ecclesiam excreuerunt. sicut Apocalypsis
docet dicens: aquas quas uidisti populi sunt et gentes
et regna. columba autem illa quae pedibus suis requiem habere non
poterat lapsorum imaginem portabat, qui inmemores diuinarum praedicationum
uel simpliciter ignorantes uel audaciter dissimulantes
ceciderunt : quorum ruinam Dominus in euangelio futuram his uerbis
significauerat dicens: qui audit uerba mea et non facit ea [*] [*]

Quod autem requiem pedibus columba illa, sicut superius diximus,
inuenire non poterat, hoc significabat uestigia negantium hoc est
sacrificatorum, lubrici ueneno serpentis sauciata in lapsum conuersa:
quae ulterius non possent super aspidem et basiliscum conscendere
et draconem et leonem calcare. quam potestatem tradidit Dominus
discipulis suis, sicut in euangelio ait. ecce do uobis potestatem
calcandi super omnem uirtutem inimici et super serpentes
et scorpiones, et non nocebunt uos. istis igitur
tot et tantis malignis spiritibus infestantibus et in lapsorum necem
insurgentibus prouisa est uulneratis salutis uia ut quibuscumque
uiribus possent toto se corpore protrahere, castris suis recipere, quibus
recepti possent medellis spiritalibus uulnera sua curare. recepta
igitur columba paucis etiam diebus interiectis iterato emittitur ex
arca: quae reuersa non tantum firma uestigia sed et insignia suae
pacis atque uictoriae per illa oleae folia quae suo ore portabat ostendit.
duplex ergo illa emissio duplicem nobis persecutionis temptationem
ostendit: prima in qua qui lapsi sunt uicti ceciderunt,
secunda in qua hi ipsi qui ceciderunt uictores extiterunt. nulli enim
nostrum dubium uel incertum est, fratres dilectissimi, illos qui prima
acie id est Deciana persecutione uulnerati fuerunt hos postea id est
secundo proelio ita fortiter perseuerasse, ut contemnentes edicta [*] [*]