Ad Novatianum (11-15)

Denique hoc in euangelio conprobatur, ubi illa mulier peccatrix
describitur, quae uenit ad domum cuiusdam Pharisaei, ubi erat
Dominus uocatus cum discipulis, portans uas unguenti: quae stetit
ad pedes Domini et lacrimis suis lauit pedes eius et capillis extersit
et oscula infixit, ut excitaretur illic Pharisaeus et diceret: hic
esset propheta, sciret quae et qualis esset ista mulier
quae eum tangit, quia peccatrix est. unde in continenti
Dominus peccatorum remissor et paenitentium receptor ait:
Petre, habeo tibi aliquid dicere. at ille respondit
dicens: magister, dic. et Dominus: duo debitores fuerunt
cuidam feneratori, unus qui ei debebat denarios
quingentos et alius quinquaginta: et cum non haberent
unde soluerent, ambobus donauit. et interrogauit:
quis eorum plus diligit? et respondit Petrus: utique
ille cui plus donauit, et adiecit dicens: uides istam
mulierem? introiui in domum tuam, osculum mihi
non dedisti: haec autem non cessauit osculando pedes
meos. pedes meos non lauasti: haec autem lacrimis
suis lauit et capillis extersit. oleo pedes
meos non uncxisti. haec autem uncxit. propter quod
dico tibi, Petre, quia remittuntur illi peccata eius.
ecce Dominus utrisque debitoribus larga sua pietate debitum concedit.
ecce delicta donantem, ecce mulierem peccatricem paenitentem flentem
deprecantem et remissam peccatorum accipientem.

Erunbesce iam nunc, si fieri potest, Nouatiane, desine argumentis
tuis impiis incautos decipere, desine unius capituli praescriptione
terrere. legimus et adoramus nec praetermittimus caelestem Domini
Sententiam qui ait negaturum se negantem, numquid et paenitentem?
et quid ego tamdiu de miserationibus probare singula [*] [*]

Oro, non legisti: nolite gloriari, et nolite loqui excelsa,
et ne exeat magniloquentia ex ore uestro, quoniam
erigit a terra pauperem et ab sterquilino erigit
inopem et sedere facit eum cum potentibus populi?
non legisti: tu qui stas uide ne cadas? non legisti: quia Dominus
superbis contrasistit, humilibus autem dat
gratiam? non legisti: qui se extollit humiliabitur? non [*] [*]

:0 te impium scelestumque, haeretice Nonatiane, qui post tot et
tanta in ecclesia a quibusdam retro uoluntarie commissa crimina,
quae et tu ipse in domo Dei priusquam apostata esses cognoueras,
et haec posse aboleri de memoria succedente bono utique docueras,
secundum fidem scripturae dicentis: quia si conuersus fuerit
facinorosus ab omnibus facinoribus suis. quae commisit
et iustitiam fuerit secutus, uita aeterna uiuet .
et non morietur in facinore suo — delicta enim quae commisit,
abolebuntur de memoria succedentibus bonis factis —: tu
hodie retractas an debeant lapsorum curari uulnera, qui nudati a
diabolo ceciderunt, uiolentia aquae quam suo ore serpens
emisit post mulierem. sed quid dicam? ait apostolus:
laudo uos? in hoc non laudo: quia non in melius, sed
in peius uenistis. ubi enim sunt aemulationes et dissensiones
in uobis, nonne carnales estis et secundum hominem
ambulatis? nec nos quidem mirari oportet, cur iste
Nouatianus tam nefanda tam grauia in personam lapsorum exercere
nunc audeat, quandoquidem habemus exempla praeuaricationis huius
praecedentia. Saul ille bonus praeter cetera postea liuore euertitur
et contra Dauid omnia aduersa et inimica agere molitur. ludas ille
inter apostolos electus qui semper in domo Dei unanimis et fidelis
ipse postmodum Deum prodidit. praedixerat quidem et Dominus
multos esse uenturos sub pellibus ouium rapaces lupos. qui sunt isti
rapaces lupi, nisi sensu subdolo conspirantes ad infestandum gregem
Christi ? sicut legimus apud Zachariam positum: ecce ego suscito
pastorem in terra, qui quod auersum est non uisitabit
et carnes electorum manducabit et talos illorum
torquebit. similiter et per Ezechielem increpat huiusmodi [*] [*]

Quis ista loquitur ? utique ille qui relictis nonaginta nouem ouibus
quaesiuit illam quae de suo errauerat grege, sicut Dauid dicit:
erraui uelut ouis quae perit, quam inuentam Christus
redit umero suo portans peccatricem delicatam: qui gaudens et
exultans uocatis amicis et domesticis ait: conlaetamini mihi,
quoniam inuenta est ouis mea quae perierat. dico, inquit,
uobis quia tale gaudium erit in caelo super
peccatorem paenitentiam agentem. et subiungens ait:
aut quae mulier habens denarios decem et cum perdiderit
ex eis unum, non accendit lucernam et tota
die domum suam emundat quaerens donec inueniat? [*] [*] [*] [*]