De Dominica Oratione (11-15)

Quanta autem Domini indulgentia, quanta circa nos dignationis
eius et bonitatis ubertas, ut sic nos uoluerit orationem
celebrare in conspectu Dei, ut Dominum patrem uocemus et ut
est Christus Dei filius sic et nos Dei filii nuncupemur: quod
nomen nemo nostrum in oratione auderet adtingere, nisi ipse
nobis sic permisisset orare. meminisse itaque, fratres dilectissimi,
et scire debemus quia quando patrem Deum dicimus
quasi filii Dei agere debemus, ut quomodo nos nobis placemus
de Deo patre, sic sibi placeat et ille de nobis. conuersemur quasi
Dei templa, ut Dominum in nobis constet habitare. nec sit degener
actus noster ab spiritu, ut qui spiritales et caelestes esse
coepimus non nisi spiritalia et caelestia cogitemus et agamus,
quia et ipse Dominus Deus dixit: eos qui clarificant me
clarificabo: et qui me spernent spernentur, beatus
quoque apostolus iii epistula sua posuit : non estis uestri,
empti enim estis pretio magno. clarificate et portate
Deum in corpore uestro.

Post hoc dicimus: sanctificetur nomen tuum, non quod
optemus Deo ut sanctificetur orationibus nostris, sed quod petamus
mus a Domino ut nomen eius sanctificetur in nobis. ceterum a
quo Deus sanctificatur qui ipse sanctificat? sed quia ipse dixit:: [*] [*]

Sequitur in oratione: adueniat regnum tuum. regnum
etiam Dei repraesentari nobis petimus, sicuti et nomen eius ut
in nobis sanctificetur postulamus. nam Deus quando non regnat,
aut aput eum quando incipit quod et semper fuit et esse non desinit
? nostrum regnum petimus aduenire a Deo nobis repromissum,
Christi sanguine et passione quaesitum, ut qui in saeculo
ante seruiuimus postmodum Christo dominante regnemus, sicut
ipse pollicetur et dicit: uenite, benedicti patris mei, [*] [*] [*]

Addimus quoque etdicimus: fiat uoluntas tua in caelo
et in terra, non ut Deus faciat quod uult, sed ut nos facere
possimus quod Deus uult. nam Deo quis obsistit quominus quod
uelit faciat? sed quia nobis a diabolo obsistitur quominus per
omnia noster animus adque actus Deo obsequatur, oramus et
petimus ut fiat in nobis uoluntas Dei: quae ut fiat in nobis, opus
est Dei uoluntate id est ope eius et protectione, quia nemo suis [*] [*]

Yoluntas autem Dei est quam Christus et fecit et docuit. humilitas
in conuersatione, stabilitas in fide, uerecundia in uerbis,
in factis iustitia, in operibus misericordia, in moribus disciplina,
iniuriam facere non nosse et factam posse tolerare, cum
fratribus pacem tenere, Dominum toto corde diligere, amare in
illo quod pater est, timere quod Deus est, Christo nihil omnino . [*] [*]