Precationes (1.15-1.27)

urn:cts:latinLit:stoa0045.stoa026.perseus-lat2:1.15-1.27

Refs	`{'start': {'reference': '1.15', 'human_reference': 'Book 1 Line 15'}, 'end': {'reference': '1.27', 'human_reference': 'Book 1 Line 27'}}`
Ancestors	`[{'reference': '1'}]`
Children	`[]`

plain text • XML

sementem Notus umificet, sit bruma nivalis,

dum pater antiqui renovatur Martius anni.

IANE, VENI: NOVUS ANNE, VENI: RENOVATE VENI, SOL.

Spiret odorato florum nova gratia Maio,

Iulius et segetes coquat et mare temperet Euris,

Sirius ardentem non augeat igne Leonem,

discolor arboreos variet Pomona sapores,

v.1.p.50

mitiget autumnus, quod maturaverit aestas,

et genialis hiems parta sibi dote fruatur,

pacem mundus agat nec turbida sidera regnent.

IANE, VENI: NOVUS ANNE, VENI: RENOVATE VENI, SOL.

Nulla tuos, Gradive, offendat stella penates,

quae non aequa tibi; non Cynthia, non celer Arcas