De civitate dei (1.7)

CAPUT VII. Quod in euersione Urbis, quae aspere gesta sunt. de consuetudine acciderint belli; quae uero cle- menter, de potentia prouenerint nominis Christi.

Quidquid ergo uastationis trucidationis depraedationis concremationis
adflictionis in ista recentissima Romana clade
commissum est, fecit hoc consuetudo bellorum; quod autem
nouo more factum est, quod inusitata rerum facie inmanitas
barbara tam mitis apparuit, ut amplissimae basilicae inplendae
populo cui parceretur eligerentur et decernerentur, ubi nemo
feriretur, unde nemo raperetur, quo liberandi multi a miserantibus
hostibus ducerentur, unde captiuandi ulli nec a crudelibus
hostibus abducerentur: hoc Christi nomini, hoc Christiano
tempori tribuendum quisquis non uidet, caecus, quisquis uidet
nec laudat, ingratus, quisquis laudanti reluctatur, insanus est.
Absit, ut prudens quisquam hoc feritati inputet barbarorum.
Truculentissimas et saeuissimas mentes ille terruit, ille frenauit. [*]

e mirabiliter temperauit, qui per prophetam tanto ante dixit:
isitabo in uirga iniquitates eorum et in flagellis
peccata eorum; misericordiam autem meam non
dispergam ab eis.