Itinerarium. Recensio Altera. (6-10)

De Nazareth uenimus in monte Tabor, qui mons exiit in
medio campestri, terra uiua, tenens circuitum milia VI, ascensum
milia Illa, sursum ad unum miliarium planum, in quo sunt
tres ecclesiae-, ubi dictum a discipulo est: Faciamus hic tria
tabernacula). In circuitu diuersae ciuitates, quae in Regum
leguntur. De Tabor uenimus ad mare Tyberiadis in ciuitatem,
quae alio tempore appellata est Samaria, modo uero dicitur Neapolis,
in qua puteus est, ubi Dominus a muliere Samaritana
aquam petiit, et ibi facta est basilica sancti Iohannis, et ipse
puteus est ante cancellos altaris et situla, de qua dicitur, quod
Dominus biberit, et multi aegri ibi ueniunt et sanantur.

Deinde uenimus in ciuitate Tyberiade, in qua sunt termae
salsae. Nam aqua maris ipsius dulcis est, quae mare circat milia
VIII. Deinde uenimus in Capharnaum in domo beati Petri, quae
est modo basilica. Inde transeuntes per castra uel uicos aut
ciuitates uenimus ad duos fontes, scilicet Ior et Dan, quae
in unum confluunt et uocitatur Iordanis. Paruus ingreditur [*] [*]

Et tunc descendimus per Galileam iuxta Iordanen transeuntes
multas ciuitates, quae leguntur, uenimus in ciuitate metropoli
Galileae, quae uocatur Scitopolis, in monte posita, ubi sanctus
multas operatur uirtutes. Exinde descendimus per alia loca
Samariae et Iudeae in ciuitate Sabastea, in qua requiescit
Heliseus propheta. Descendentes per campestria, ciuitates uel
uicos Samaritanorum et plateas, unde transiuimus, uenientes
post nos Iudaei, cum paleas uestigia nostra incendentes. Tanta
illis est exsecratio utrisque; Christianis quidem responsum
faciunt. Attamen, ut, quod ab illis emere uis, non tangas,
priusquam pretium des; quod si tetigeris et non comparaueris,
mox scandalizabuntur. Nam foris uico habent condoma una
posita, qui ipsius faciunt responsum; nummos autem non
accipiet de manu tua, sed tu in aqua proicies eos et denuntiant
tibi, quando ingrediaris. Tunc uero noli expuere; si [*]

Deinde uenimus in loco, ubi Dominus de quinque panibus
et duobus piscibus quinque milia hominum satiauit extra
paruulis et mulieribus, extensa campania, oliueta et palmeta.
Exinde uenimus ad locum, ubi baptizatus est Dominus. In
ipso loco filii Israhel transierunt Iordanem et filii prophetarum
perdiderunt securem. Et ex ipso loco Helias assumptus est
in caelum ibique mons Hermon modicus, qui legitur in psalmo.
Ad pedes montis ipsius ascendit de fluuio nubes; ora prima,
oriente sole Hierusolimam uenit super basilicam, quae est in
Syon, et super basilicam sanctae Mariae ad sancta Soffia, quae
fuit praetorium, ubi auditus est Dominus. Super his locis
descendit ros sicut pluuia et colligunt eam medici et in ipso
quocuntur omnes confectiones per synodochia. Nam multi
languores sanantur ibi, ubi cadit ipse ros; ipse est enim ros, de
quo propheta canit Dauid: Sicut ros Hermon, qui descendit
in Syon. In illa ripa Iordanis est fons, ubi baptizabat sanctus
Iohannes; inde usque Iordane milia duo. In ipsa ualle inuentus
est Helyas, quando ei coruus deferebat panem et carnes. In
circuitu autem uallis ipsius multitudo heremitarum.

Et ibi prope est ciuitas, quae uocatur Salamiada, ubi remanserunt
duo semis tribus Israel, priusquam transirent Iordanem,
in quo loco sunt termae ex se leuantes, quae uocantur termae
Moysi. Ubi etiam et leprosi mundantur, et ibi est dulcissimus
aquae fons, quae bibitur pro catarcium et multos sanat languores.
Non longe a mare salinarum, in qua Iordanis ingreditur [*] [*]