Itinerarium (7)

Deinde uenimus in ciuitate Tiberiade, iu qua sunt termas
ex se lauantes salsas, nam aqua maris ipsius dulcis est. Qui
maris circat milia sexaginta. Item uenimus in Capharnaum
in domo beati Petri, quae est modo basilica. Exinde transeuntes
per castra uel uicos aut ciuitates uenimus ad duos fontes, hoc
est Ior et Dan, quae in unum iunctae sunt, et uocatur Iordanis,
paruus omnino, qui ingreditur in mare, pertransit aquam maris
totum pelagum et exit in alio litore maris. Reuertentes post
nos uenimus ad locum, ubi Iordanis de mare egreditur. Transiuimus
Iordanem in ipso loco. Venimus in ciuitatem, quae
uocatur Gadera, quae ipsa est Gabaon. In ista parte Iordanis a
ciuitate ad milia tria sunt aquas calidas, quae appellantur termas
Heliae, ubi leprosi mundantur, qui e xenodochio habent de
publicum delicias. Hora uespertina inundantur termae. Ante
ipsum clibanum aquae est solius grandis, qui dum impletus
fuerit, clauduntur omnia ostia, et per posticum mittuntur
intus cum luminaria et incensum et sedent in illo solio tota
nocte, et dum soporati fuerint, uidet ille, qui curandus est, [*] [*]

aliquam uisionem, et dum eam recitarit, abstinentur ipsae
termae septem diebus et intra septem dies mundatur. Nam
et ibi mortuus est Iohannes de Placentia, maritus Teclae.
Ipse fluuius calidus, qui uocatur Gadera, descendit torrens et
intrat in Iordanem, et ex ipso Iordanis ampliatur et fit maior.