Itinerarium (6-10)

De Nazareth uenimus in Tabor monte, qui mons exurgit in
medio campestri, terra uiua, tenens circuitum milia sex, ascensum
milia tria, susum contra unum miliarium planus; in quo
sunt tres basilicas, ubi dictum est a discipulo: Faciamus hic
tria tabernacula; in circuitu diuersae ciuitates, quae in Regum
leguntur. De Tabor uenimus ad mare Tiberiadis in ciuitatem,
quae uocata est in tempore Samaria, modo uero dicitur Neapolis,
in qua est puteus, ubi Dominus a Samaritana aquam
petiit, ubi facta est basilica sancti Iohannis; et ipse puteus
est ante cancellos altaris et siclus ibi est, de quo dicitur, quia [*] [*]

Deinde uenimus in ciuitate Tiberiade, iu qua sunt termas
ex se lauantes salsas, nam aqua maris ipsius dulcis est. Qui
maris circat milia sexaginta. Item uenimus in Capharnaum
in domo beati Petri, quae est modo basilica. Exinde transeuntes
per castra uel uicos aut ciuitates uenimus ad duos fontes, hoc
est Ior et Dan, quae in unum iunctae sunt, et uocatur Iordanis,
paruus omnino, qui ingreditur in mare, pertransit aquam maris
totum pelagum et exit in alio litore maris. Reuertentes post
nos uenimus ad locum, ubi Iordanis de mare egreditur. Transiuimus
Iordanem in ipso loco. Venimus in ciuitatem, quae
uocatur Gadera, quae ipsa est Gabaon. In ista parte Iordanis a
ciuitate ad milia tria sunt aquas calidas, quae appellantur termas
Heliae, ubi leprosi mundantur, qui e xenodochio habent de
publicum delicias. Hora uespertina inundantur termae. Ante
ipsum clibanum aquae est solius grandis, qui dum impletus
fuerit, clauduntur omnia ostia, et per posticum mittuntur
intus cum luminaria et incensum et sedent in illo solio tota
nocte, et dum soporati fuerint, uidet ille, qui curandus est, [*] [*]

Et dum descendimus per Galilaeam iuxta Iordanem, tranneuntes
multas ciuitates, quae leguntur, uenimus in ciuitate
metropoli Galilaeae, quae uocatur Scitopolis, in monte posita,
ubi sanctus Iohannes multas uirtutes operatur. Exinde ascendimus
per alia loca Samariae et Iudaeae in ciuitatem Sabastae,
in qua requiescit Heliseus propheta. Descendentes per campestria,
ciuitates uel uicos Samaritanorum; et per plateas,
unde transiuimus siue nos siue Iudaei, cum paleas uestigia
nostra incendentes; tanta illis est execratio utrisque. Christianis
quidem responsum faciunt, ea sane ratione, ut quod habis
emere non tangas, antequam pretium des; quod si tetigeris
et non conparaueris, mox scandalum. Nam foris uico una
condoma habent posita, qui faciunt responsum. Ipsos nummos
in aqua iactas, nam de manu non accipiunt. Et denuntiant tibi,
quando ingrederis: non sputes, et si sputaueris, scandalum [*]

Deinde uenimus in loco, ubi Dominus de quinque panibus
quinque milia populos saciauit, extensa campania, oliueta et
palmeta. Ex hoc uenimus in loco, ubi baptizatus est Dominus
noster. In ipso loco transierunt filii Israhel; ibi et filii prophetarum
perdiderunt securem et ex ipso loco adsumptus
est Helias. In ipso loco est mons Hermon modicus, qui legitur
in psalmo. A pede montis ipsius de fluuio ascendit nubes
hora prima et exeunte sole uenit super Hierusolimam super
basilicam, quae est in Sion, et super basilicam ad monumentum
Domini et super basilicam sanctae Mariae et sanctae
Sofiae, quae fuit praetorium, ubi auditus est Dominus. Super
his locis descendit ros sicut pluuia et colligent eum medici
et in ipso cocuntur omnes confectiones per xenodocia, nam
multi languores sanantur in ipsis locis, ubi cadit ipse ros.
Ipse est enim ros, qui cantatur in psalmo: sicut ros ab Hermon
qui descendit in monte Sion. In illa parte Iordanis
est fons, ubi baptizabat sanctus Iohannes, ad Iordane milia duo.
In ipsa ualle Helias inuentus est, quando ei portabat coruus
panem et carnes. In circuitu uallis illius multitudo heremitarum.

Ibi in proximo est ciuitas quae uocatur Liuiada, ubi [*] [*]