Itinerarium (26-30)

Exeuntibus nobis de Siloa uenimus in agrum, qui conparatus
est de pretio Domini, qui uocatur Acheldemach, hoc est ager
sanguinis, in quo sepeliuntur omnes peregrini. Inter ipsas
sepulturas cellulas seruorum dei; uiri multi uirtutum. Poma
et uineas inter ipsa monumenta per loca.

Reuertentibus nobis in ciuitatem uenimus ad piscina natatoria,
quae habet quinque porticus, ex quibus una habet
basilicam sanctae Mariae, in qua multae fiunt uirtutes. Nam
ipsa piscina modo redacta est in stercore et ibi lauantur
omnia, quae sunt necessaria in ciuitate. Vidimus et in uno
angulo tenebroso catenam ferream, cum qua se laqueauit infelix
ludas. Item exeuntibus nobis ad portam maiorem uenimus ad
sanctum Isicium, qui ibidem in corpore iacet, ubi etiam et
panes erogantur ad homines pauperes et peregrinos, quod
deputauit Helena.

Yia, quae ducit Bethlem, ad tertium miliarium de [*] [*] [*]

De ipso loco usque Bethlem milia tria. Bethlem locus
splendidissimus; serui dei multi; spelunca, ubi natus est Dominus,
in qua est ipsum praesepium ornatum ex auro et argento;
die noctuque intus luminaria. Os uero speluncae ad ingrediendum
angustum omnino. Hieronymus presbyter in ipso oie
speluncae ipsam petram sculpiuit et monumentum sibi fecit,
ubi et positus est. Continuo medium miliarium a Bethlem in
suburbio Dauid ibi iacet in corpore, simul et Salomon filius
ipsius, duo monumenta. Quae basilica ad sanctum Dauid
appellatur. Nam et infantes, quos occidit Herodes, in ipso
loco habent monumentum et omnes in unum requiescunt et
aperitur et uidentur ossa ipsorum. Ante Bethlem est monasterium
muro cinctum, in quo est multitudo monachorum
congregata.

De Bethlem autem usque ad ilicem Mambre sunt milia XXIV,
in quo loco iacent Abraham et Isaac et Iacob et Sarra, sed [*]