De Tobia (76-80)

hoc pignus
in hac saeculi nocte reddatur, hoc uestimento in his mundi
tenebris induatur. hoc pignus illius dominicae sortis est, non
illius contrariae. legimus enim duas sortes in Leuitico, de
quibus dictum est: unam domino facies, alteram transmissori.
transmissor sortem suam ad faeneratores transmisit,
serui domini in sorte sunt Christi. in hac sorte constitutus
Aaron contrariae sortis exclusit aerumnam, cum inter
duas partes populi constitutus mortem a defunctis serpere in [*]
sortem uiuorum sui corporis non permisit obiectu. huius
sortis bonum pignus est uerbi amictus. hanc uobis tunicam
nemo auferat, debitores, hanc tunicam nulli oppigneretis, si
uultis numquam turpitudinem sustinere, ut dormiatis inter
cleros sicut Aaron, dormiatis inter duo testamenta, ut dormiatis
somnum resurrectionis et uos reparare possitis. hoc est
uestimentum. quod etiamsi oppigneraueris, recipiendum san-_
ctus Solomon in Prouerbiis suadet dicens: aufer [*] [*] [*]

sapientiae
uestimentum est ex illis indumentis, quae ex bysso et purpura
sapientia sibi fecit, hoc est: indumentum fidei constat
ex praedicatione caelestium et dominicae sanguine passionis:
bysso aetheria figurantur, purpurae specie mysterium sacri
sanguinis declaratur, quo regnum caeleste confertur. denique
uestimentum sapientiae significari superiora indicant; praemisit
enim dicens: sapiens esto, fili, ut laetetur cor
tuum et infra duos uersus ait: inprudentes autem [*]
superuenientes damnum pendent. aufer uestimentum
tuum. aufer igitur, ne damnum excipias inprudentiae, ne exutum
te proprio uestimento nequissimus ille communis faenerator
agnoscens confusionem tui detegere conetur opprobrii
et persuadeat tibi, ut te foliis tegas et nudum te esse conspiciens
in dei uerearis uenire conspectum.

Redde inquit proximo in tempore, coangusta [*] uerbum
et fideliter age cum illo, et in omni tempore
inuenies quod tibi necessarium sit. non amat multis
innocentia se defendere. Susanna uocis adsertione non eguit:
uerbum coangustauit ad dominum et statim adipisci meruit
castitatis propriae testimonium. plurima presbyteri loquebantur,
qui laborabant uerborum fuco obducere ueritatem, sed non
filia Iuda. tacuit aput homines, locuta est deo. erubescenda
erat in plebe ipsa defensio muliebris et,- dum pudor [*] [*]

coangusta ergo uerbum, ut redhibitio creditori, non lingua
respondeat, siue mystice: coangusta uerbum, hoc est consumma;
uerbum enim consummans et breuians faciet
dominus super terram, hoc est ei multis ratiociniis adbreuiata
tibi summa conueniat. deducito quod expensis diuersis est [*]
erogatum, ut saluum habeas quod supersit, quomodo dominus
de multis dispensationibus Iudaeorum ex multo illo ratiocinio
peccatorum consummauit tandem atque breuiauit, ut reliquiae
saluae fierent per electionem gratiae et seruarentur ad semen,
per quos intermortuam spem synagogae resuscitaret.