De Noe (78-80)

quasi deo quod imperiale
est sequestrauit, quod beneficii nominauit. et sumpsit a
bestiis et a uolatilibus mundis et obtulit inquit
holocausta. littera euidens est quod ea quae incontaminata
sunt debemus offerre, in quibus affectus reluceat offerentis,
altior autem interpretatio hoc habet, quod bestiae mundae [*] [*]

Nunc uero consideremus diligentius quid sit quod ait quia
dixit dominus deus recogitans: non adiciam maledicere
terram propter opera hominum, quia permanet
cor hominis diligenter super mala a iuuentute.
non ergo adhuc addet percutere omnem carnem, sicut
fecit, omnibus diebus terrae. etsi uindicauerat in hominum
genus, tamen cognouerat quia uindicta legis ad timorem
proficit et cognitionem doctrinae magis quam ad naturae [*] commutationem,
quae corrigi in aliquibus potest, in omnibus mutari
non potest. uindicauit ergo dominus ut timeremus, pepercit
ut reseruaremur, et uindicauit semel ad exemplum timoris,
pepercit m reliquum, ne dominaretur semper amaritudo peccati,
simul quia si quis peccata cupiat frequentius uindicare,
asper magis quam censorius habetur. ideoque dicit deus: non
adiciam maledicere terram propter opera hominum, [*]
id est quia pietatem suam circa uniuersitatem hominum uoluit
declarare et tamen securitatem et neglegentiam quandam
mentibus humanis adferre non debuit, in paucos uindicat, plures
reseruat. deinde cum dicit: non adiciam, ostendit quod
ableuet magis aerumnas hominum quam ingrauet sciens quod
penitus peccata hominum auferri non queant, tamquam in
prouerbio ut si quis reti subtili haurire aquam cupiat, sic qui
malitiam ei pectoribus hominum conetur auferre.