De Noe (66-68)

Quid praeterea sibi uelit quod tenuit septem diebus aliis
columbam et iterum dimisit eam, nisi ut aduertas quod bonum [*]
sapientis optimumque propositum semper sibi etiam alios [*] [*]

adiungere studet, errantes emendare, corrigere uagantes? si
quem in principio resilire conspexerit, tamen commutandi eius
et corrigendi non desperat profectum. sicut enim- bonus
medicus, etsi tempus medicinae non sit, tamen uisitationis
speculam ante praemittit, deinde non neglegit iustae expectationis
excubias et paulisper passionibus cedens operitur
facultatem medendi, quae ubi fuerit oblata, suum non intermittit
officium: ita ergo et sapiens uerbis ac disputationibus
tamquam medicus medicamentis contrarias curare desiderat [*]
passiones. et quia in omnibus remedio diuini fauoris utendum
est, ideo septem expectauit dies, quibus mundus omnis de
scribitur absolutus et operatori requies ministrata, ut ex illo
auctore omnium sumeretur disciplina operationis humanae.

Regressa est igitur columba ad uesperam habens [*]
folium oleae et ramum in ore suo. non otiose et
uesperam posuit et regressam et habentem folium oleae et
ramulum in ore suo, ut non fugitantem uirtutem arbitreris
profectus futuri, si quos possit adquirere, neque rursus tamquam
sine lumine eam fuisse cognoscas et quibusdam tenebris [*]
occultam, sed diurno candore fulgentem expectasse usque ad
occasum diei ac sic ad eum regressam. apud quem etiam
uesperi tenebras habere non posset. folium quoque quod secum
detulit, etsi breue illud folium detulisse uideatur, spem eorum
quos sui paeniteret erroris etsi non magnam, aliquam tamen
significauit; folium enim sine uirgulto esse non poterat. ergo
quasi germinantis correctionis licet non magnum, aliquod [*]
tamen uexit insigne et folium oleae, in qua arbore oliua [*] [*]
generatur, ex qua oleum conficitur, quo materiale hoc lumen
fouetur et tenebrarum fugatur obscuritas. quid autem magis
quam lumen familiare uirtuti est? folium ergo et ramulus
insigne est correctionis, correctio autem quasi radicem sui
paenitentiam habet, quae paenitentia non potest in turbidis,
sed in iis qui iam spiritalem sermonem acceperint germinare.
in ore quoque non frusta ramulus oleae uidetur esse delatus, [*]
eo quod uirtus et sapientia in sermone sui habeat claritudinem
et ipsa statim specie lumen eius effulgeat, maxime cum pacifica
loquitur, quoniam hunc quoque ramulum pacem petentes
praeferre consuerunt. tulit ramulum, eo quod simplicitas puritate
et sinceritate semina quaedam auribus nostris utilitatis
infundit et bonae doctrina uirtutis aut ad instantiam prouocat
et inuitat ad praemium bonae sibi conscium disciplinae aut [*]
gerendae paenitentiae et sequendae conuersationis cupiditatem
inicit peccatori.

Unde praeterea cognouerit sanctus Noe quia defecerit aqua
a terra, sicut scriptum est, considerandum uidetur. primo
omnium secundum litteram, quia potuit intellegere siccum
an umidum folium esset allatum, deinde quoniam non
est huiusmodi columba, ut fructus latentes sub aqua possit
eruere. sed utrum illud folium ante diluuium fuerit exortum
an tempore diluuii contuendum est tibi. si ante diluuium, uir [*] [*]

iustus gauisus est fructum de ueteri semine aliquem [*] reseruatum
et inde collegit misericordiae insigne diuinae, quod
iam diluuium remouisset, quae fructum demonstraret, cui non
potuissent nocere diluuia. si diluuii tempore natum est folium.
aduertit utique iustus noua semina misericordiae fruticasse
caelestis, ut radices arborum uiuerent et quasi resumpta
anima fetus germinarent uetustos atque in adsuetos partus
redirent, quorum indicium praemissa folia demonstrarent.