De Noe (33-34)

tertium illud est quia rationis expertia non propter
se, sed propter hominem generata sunt animalia; hominis
enim causa esse praecepta sunt, ut eorum subiectione humana
praestaret condicio. denique gratiae hominis adtribuit
propheta dicens: omnia subiecisti sub pedibus eius, [*] [*] [*] [*]

oues et boues uniuersas, insuper et pecora campi,
uolucres caeli et pisces maris, quia propter ipsum illa
omnia, alia propter utilitatem, alia delectationis gratia, alia
uoluptatis. consequens ergo erat, ut cum deleretur homo a
facie terrae, propter quem facta sunt, etiam illa pari [*] delerentur
occasu. haec secundum simplicem lectionis expositionem.

t Altior autem et profundior interpretatio illud adtexit, quod
ubi anima mole passionum curuatur graui et quasi diuersarum
cupiditatum aestu mergitur, terrenae omnes cogitationes
et concupiscentiae in praeceps ruunt, quia peccator unusquisque
quo grauiora flagitia commiserit eo fit insolentior.
namque usu atque exercitatione inprobitas augetur et [*] inpunitate
nutritur audacia. recedit itaque ab omni respectu honestatis
et in eo terrena moriuntur omnia letalis peccati acerbitate,
quae uera et perpetua morte peccatorem deleat; nemo
enim grauius moritur quam qui peccato uiuit. moriuntur in
eo passiones singulae, moritur uisus, qui peccatum adnuntiat,
qui intendit mulieri fallaci, qui capitur alieni uultus decore,
quem oculi meretricis ligauerint, quem aspectus inlaqueauerit[*]
fornicariae. an non uidetur mori qui sibi libidinis telum
inpresserit, qui spontaneus in foueam mortis inrueiit? moritur
et auditus, cum refert crimina, cum sollicitantis adulteri sermonem
adnuntiat, cum inserit animis uerba meretricis, quae
seducit iuuenem multo blandimento sermonis, laqueis autem
labiorum suorum inligat eum. moritur uox silentio, si non
confiteatur deo: moritur multiloquio, quia scriptum est tibi:
ex multiloquio non effugies peccatum: moritur per [*] [*] [*]

iracundiam, cum praetergreditur mensuram ultionis: