De Nabuthae (71-73)

accipe aliud uerius. et indigno seruauit dominus tenorem [*] [*]

sententiae suae, sed beneficia circa se diuina ipse non tenuit.
intulerat bellum rex Syriae. uictus est et seruatus ad ueniam,
captiuus quoque libertate donatus et remissus ad regnum est. [*]
quod fuit diuinae sententiae non solum euasit Achab, sed
etiam triumphauit, quod ipsius ignauiae hostem sibi, a quo
uinceretur, armauit. et certe fuerat monitus a propheta
dicente: cognosce et uide quid facias, monitus inquam
erat eo quod Syriae regis pueris deberetur gratiae caelestis
auxilium, quoniam dixisset: deus montium deus Istrahel
et non deus Baal. propter hoc inquit obtinuerunt pro
nobis. et ideo inquit si non plene obtinuerimus eos, [*]
in locum Syriae regis satrapas constitue, ut uirtutem
illis et potentiam regis auferret.

denique primo congressu
uicit, ut fugaret hostem, secundo uicit, quando captum imperio
suo reddidit. qua causa uincendi eius euidens resultauit
oraculum dicente uno ex filiis prophetarum ad proximum
suum: occide me. et noluit homo occidere eum. et
dixit: eo quod non oboedisti uerbo domini, ecce
tu recedis a me, et interficiet te leo. et recessit
ab eo, et inuenit eum leo et interfecit eum. et post
hoc alius propheta adstitit ante regem Israhel et dixit ad [*]
eum: haec dicit dominus: quoniam dimisisti tu
uirum exterminationis de manu tua, ecce anima [*] [*] [*]

tua pro anima illius et populus tuus pro populo
illius.

liquet igitur his oraculis quod dominus etiam circa
indignos promissa sua seruet, sed impios aut stultitia sua
opprimi aut alia praeuaricatione damnari, etiamsi primae
praeuaricationis laqueos euaserint. sed oportet nos taliter
agere, ut digni bono opere omnipotentis dei promissa accipere
mereamur. [*]