De Helia et Ieiunio (71-75)

Propheta quoque Dauid ait, cum dei circa hominem commemoraret
gratiam: omnia subiecisti sub pedibus
eius, oues et boues uniuersas, insuper et pecora
campi, uolucres caeli et pisces maris, qui perambulant
semitas maris. piscibus dedit, non hominibus
perambulare maris semitam. ad escam tibi mare datum est,
non ad periculum: cibo, non ad mercatum utere. cur tibi
periculum generas de uoluptate ? cur separatioris elementi [*]
profunda rimaris? cur inquietas mundi altiora secreta? cur
postremo saepius sulcare atque exarare fluctus inpatiens nauta
contendis? cur temptas frequenter innoxia aequora, inritas
procellas ? o inexplebilis auaritia mercatorum! cedit tibi et
mare et inquietudinem tuam pelagus non potest sustinere.
denique totiens recurrentibus mercatoribus exaratum: erubesce,
Sidon, dixit mare. tamquam fatigati elementi uox I
ista dicentis est: erubesce, Sidon, hoc est meos fluctus
negotiator arguis, cum sis ipse fluctibus inquietior. erubesce [*]
uel pudore, quoniam periculo non moueris. uerecundiores
uenti sunt quam uestrae cupiditates. illi habent otia sua,
numquam uestra quaerendi studia feriantur. et cum otiosa
tempestas est, numquam uestra otiosa nauigia sunt. uenatur [*] [*]

unda sub remige, quando quiescit a flamine.

non parturiui
inquit nec peperi nec enutriui iuuenes. quid me inquietant
quos nescio, quos non agnosco?\' ite in Cartaginem, [*]
ululate qui inhabitatis insulas! supra dixit: ululate,
naues Cartaginis! Cartaginem etenim Tyrii condiderunt
et ideo Cartaginenses sequuntur luxuriam conditorum transfusa
in se decolora successione nequitiae, pessimorum uitiorum
heredes deteriores. et bene luxuriosos naues dixit. sicut illae
uento ita hi cibo iactantur et uino. insulas repleta potu [*] inhabitant
corpora, naufragiis circumsonant, tunduntur fluctibus
ebrietatis, nec per diem nec noctu quiescunt. horum igitur
mercatorum semen in aqua, in aqua messis fructus est. in
aqua enim labores suos seminant, ut pericula metant, in aqua
illis seges pullulat, in aqua messis exuberat, fructus ipse in
aqua est, numquam tutus et solidus. unde recte ait: \'qui [*] [*]

seminabat in terra non introiuit in negotiationem, immo qui
seminabat in caelo. sed est et bona terra, in qua quicumque [*]
seminauerit fructus ei caelestes orientur.\'

i UI ulate inquit-iterum ait- naues Cartaginis, [*] quoniam
perit munitio uestra. et erit in illa die, relinquetur
Tyrus et infra: eritque post annos LXX Tyrus
uti canticum meretricis. uide quibus uerbis utatur propheta
nec refugiat uerborum istiusmodi uilitatem. nos interdum
refugimus, non quo nobis quam illis lingua sit castior, sed
auctoritas inferior. maior enim uis rerum in talium expressione
sermonum est, ut qui delicta non erubescunt erubescant uel [*]
nomina delictorum. erit inquit Tyrus ut canticum meretricis.
uidete ne cum aliquis illos choros uiderit duci, turpia
uerba cantari, dicat: ecce facta est Tyrus ut canticum meretricis.

oraculum propheticae adnuntiationis impletum. et
subiecit: accipe citharam, uagare, ciuitas meretrix
oblita, bene cithariza multa canta, ut fiat memoria
tui. et erit post LXX annos Tyrus ut canticum meretricis
et uisitationem faciet deus Tyri. unde [*] [*] [*]

possumus et in bono canticum Raab illius meretricis accipere, quae
exploratores Iesu fideli mente suscepit. nam et dominus ait:
cantauimus uobis, et non saltastis et Dauid ait:
cantate domino canticum nouum, cantate domino
omnis terra, hoc est canticum meretricis, quod illa ante
meretrix in Adam et Eua terra cantauit, meretrix in populo
nationum. haec meretrix plurimas meretrices bonas fecit, de
quibus dictum est a domino Iesu ad illum electum et [*] seniorem
populum dei: publicani et meretrices praecedunt
uos in regnum dei.

Ergo quoniam tam misericordem habemus dominum, qui
etiam graui ignoscat errori, conuertamur a uitiis, non recedamus
a lege, praeceptum domini quasi seruuli sedulis studiis
exequamur. quid nobis cum inpuritatibus et inpudicitiis, quid
cum operibus diaboli? audistis hodie m lectione decursa quid [*]
legio dixerit: quid mihi et tibi est, Iesu, fili dei? et
tu dic, si forte uides pugnare aduersum te diaboli temptamenta:
\'quid mihi et tibi est, Belial? ego seruus Christi
sum, illius redemptus sanguine, illi me totum mancipaui.
quid mihi et tibi est? non noui opera tua, nihil tuum quaero,
nihil tuum possideo, nihil tuum desidero.\' quanto magis nos
separari oportet a diabolo, si se ille discernit a Christo? et
si fuimus ei in aliquo obnoxii, iam, non sumus. confugimus [*]
ad medicum. uulnera superiora curauit, et si quid superest [*] [*]

acerbitatis, medella non deerit. etsi quid iniuriae fecimus,
memor non erit qui semel donauit. etsi grauia deliquimus,
magnum medicum inuenimus, magnam medicinam gratiae
eius accepimus; magna medicina enim tollit peccata magna.