De Benedictionibus Patriarcharum Liber Unus (56-57)

Decem milia inquit Ephraem et milia Manasse, [*]
id est: et Iudaeorum et gentium dominetur et ex utroque
populo adquirat sibi ecclesiae plenitudinem. ideoque dextram
suam super Ephraem posuit sanctus Iacob, eo quod legis
dicentem illam in Canticis canticorum: fraternus meus
candidus et rubeus, electus de decem milibus.
denique etiam iuuenculae Dauid Mariae auctorem, ex cuius
successione Christus est natus per uirginis partum, in decem
milibus praedicabant, Saul autem in milibus, cum reuerentiae [*]
gratia circa regem magis praeponderare debuissent. qui ergo
cornum Christi exaltauerit confessus eius gloriam ipse quoque
accipit cornua. unde etiam sancti unicornui dicti sunt in
psalmi uersiculo: et dilectus tamquam filius unicornuorum.
etenim sicut animal huiusmodi, cum ei oriuntur
cornua, processum plenioris significat aetatis, ita cum e capite
quodam nostrae animae cornua pullulare coeperint, processum
uidentur perfectioris significare uirtutis et tamdiu crescunt, [*]
quamdiu conpleantur. hoc cornu dominus Iesus comminuit
gentes, ut superstitionem obtereret, salutem redderet, sicut
ipse ait: percutiam et sanabo. ideoque tamquam imitator [*] [*]

tauri huius propheta dicit: in te inimicos nostros uentilabimus,
id est altitudinem omnem eleuantem se
aduersus dei scientiam destruentes. et ideo iuxta
legem munda animalia cornua habent; lex enim spiritalis est. [*]
qui enim possunt saeculi huius inlecebras uerbo dei et uirtutis
obseruantia propulsare cornibus uelut quibusdam capitis sui
armis uidentur esse muniti. meritoque et tuba cornea dicitur
uirtus sermonis mirabilis, quae bonos milites Christi accendit
ad proelium, ut de hoste diabolo manubias reportemus. in
acie igitur sumus et plurimos ex nobis uidemus in aduersariis
castris esse captiuos. ii nobis iugo grauissimo seruitutis
exuendi sunt.

Plurimos lupos habet diabolus, quos ad Christi oues dirigit. [*]
et ideo intellegibilis Ioseph, ut oues seruaret suas, ipsum
inimicum uenientem ad diripiendas oues rapuit lupum Paulum[*]
faciens ex persecutore doctorem. de quo dicit Iacob, sicut
scriptum est: Beniamin lupus rapax, mane edet adhuc
et ad uesperum diuidet escam principibus. lupus
erat, cum dispergeret et deuoraret oues ecclesiae: sed qui
lupus uenerat pastor est factus. lupus erat cum Saulus esset,
quando intrabat in domos et uiros ac mulieres trahebat in
carcerem. lupus erat, quando spirans minas et homicidia in
discipulos domini petebat epistulas a principibus sacerdotum, [*] [*] [*]
ut inuaderet seruulos Christi. quem tamquam lupum nocturnis
tenebris oberrantem offusa Iesus luce caecauit. ideo Rachel
cum pareret Beniamin, uocauit nomen eius filius doloris
mei futurum prophetans ex ea tribu Paulum, qui adficeret
filios ecclesiae persecutionis suae tempore et graui matrem
dolore uexaret. sed tamen idem postea principibus escam
posteriore diuisit tempore euangelizans gentibus dei uerbum
et plurimos ad fidem prouocans, qui eo disputante sicut [*]
legatus Pauli proconsulis et Publius princeps domini gratiam
receperunt.