De Benedictionibus Patriarcharum Liber Unus (32-35)

Daniudicabitpopulumsuumtaniquaiuunatribus
Istrahel. et factus est Dan ipsi serpens in uia [*]
sedens et\' in semita mordens calcaneum equi, et [*] [*]
cadet eques retrorsum salutem expectans a domino.
simplex quidem intellectus hoc habet, quod etiam Dan tribus
iudicem dederit in Istrahel. etenim post Iesum Naue iudices
fuerunt plebis de diuersis tribubus. fuit autem et Samson de
tribu Dan et iudicauit uiginti annis. sed non hunc prophetia
significat, sed antichristum, qui futurus ex tribu Dan saeuus
iudex et tyrannus inmanis iudicabit populum. tamquam serpens
in uia sedens deicere temptabit eos qui uiam ambulent ueritatis, [*]
supplantare cupiens ueritatem. hoc est enim mordere equi
calcaneum, ut ueneni suffusione equus saucius et uulneratus
dente serpentis leuet calcaneum suum, sicut Iuda proditor
temptatus a diabolo leuauit super dominum Iesum calcaneum
suum. ut deiceret equitem, qui se deiecit, ut omnes leuaret.
cecidit igitur non prostratus in faciem quasi dormitans, sed
retrorsum, ut a superioribus ad priora se extendens a domino [*]
expectaret salutem; sciebat enim se resuscitandum et ideo
iacentem Adam expectabat erigere.

unde nos cum bene in uia
currimus, caueamus necubi serpens lateat in semita et subruat
uestigium equi, hoc est corporis nostri et deiciat subito equitem
dormientem. nam si uigilemus, cauere debemus aliquatenus
et morsus declinare serpentis. non ergo nos opprimat somnus
neglegentiae, somnus saeculi, non opprimat somnus diuitiarum, [*]
ne et de nobis dicatur: obdormierunt somnum suum, [*] [*]

et nihil inuenerunt omnes uiri diuitiarum. sed sunt
et equites dormientes, de quibus scriptum est: dormitauerunt
qui ascenderunt equos. si auaritia pectus tuum
uulneret, si libido inflammet, dormis eques, et ideo corpus
tuum, hoc est equum tuum non potes refrenare. uigila ergo,
ut etiamsi deiectus fueris, hoc est mortuus fueris, non
obdormias. qui enim obdormiunt somnum suum nihil inueniunt;
tu autem expecta salutem a domino, uenturam respice, ut [*]
gratiam resurrectionis inuenias. dormiebat Iudas: denique
uerba Christi non audiebat. dormiebat ludas et quidem
somnum diuitiarum, qui mercedem de proditione quaerebat.
uidit eum dormientem diabolus et oppressum auaritiae somno
graui: misit se in cor eius, uulnerauit equum, deiecit equitem,
quem separauit a Christo.

hanc trib um benedixit Moyses dicens:
Dan catulus leonis et effugiet ex Basan, hoc est ex[*]
confusione. unde secundum Graecum magis intellegere debemus,
ex quo Latinus transtulit, quod Dan ipse factus sit serpens
in uia sedens. Dan iudicium interpretatur, et ideo graue
periculum iudicii tribus ista subiit, cui serpens inlapsus
antichristus est, qui currentem suis sauciaret uenenis. sed
tamen ipsa tribus liberabitur a confusione, cum fuerit confessa
equitem resurgentem, qui ait: qui me confusus fuerit [*] [*]

coram hominibus, confundam et ego eum coram
patre meo, qui caelis est. qui autem me confessus
fuerit coram hominibus, confitebor et ego eum
coram patre meo, qui in caelis est.

Gad, temptatio temptabit eum, et ipse temptabit [*]
eos secus pedes. temptatio est congregatio et astutia
scribarum et sacerdotum, qui dominum Iesum de tributo
Caesaris et de Iohannis baptismate, ut docuit scriptura, temptabant,
quibus dominus Iesus in sua iustitia temptamentum
retorsit. secus pedes, hoc est continuo sine ulla [*] deliberatione
referens, quo temptantes magis ipse concluderet. dicentibus
enim: in qua potestate haec facis? non ad quaesita
respondit, sed etiam ipse proposuit dicens: interrogabo uos
et ego unum uerbum. quod si dixeritis mihi, et ego uobis
dicam in qua potestate haec facio. iterum dicentibus:
licet tributum dare Caesari an non? ait: quid me temptatis,
hypocritae? ostendite mihi nomisma census.
et offerentes iterum interrogauit: cuius est imago et superscriptio?
dicunt ei: Caesaris. ibi igitur eos ligauit ipsorum [*]
sermonibus, ipsorum obligatione constrinxit — tunc ait illis:
reddite quae sunt Caesaris Caesari et quae sunt
dei deo —, ut contra uerba sua uenire non possent. denique
mirati abierunt ab eo. sed non est mirum, si secus pedes
» respondebat, qui ante pedes uidebat.