De Benedictionibus Patriarcharum Liber Unus (11-15)

sed in hoc quoque errant Iudaei. isti enim
causas doloris sui praestiterant patri adserentes se in illa licet[*]
aetate iuuenili uindices laesae fuisse pietatis et uiolatae casas
ultores. quod utique sanctus Iacob condemnare non poterat,
quia non passi sunt inultam sororem suam loco esse meretricis,
quae et uirginitatem amiserat et uindictae solacium non habebat,
maxime cum ipse sic factum probauerit, ut cum Sicimam
possideret, in morte donaret eam filio suo dilectissimo Ioseph
dicens ad eum: do tibi Sicimam praecipuam super
omnes fratres tuos. quam accepi de manibus [*] Amorraeorum
in machaera mea et arcu. quod factum negari
non potest, interpretari tamen possumus per Sicimam umeros
significari, per umeros opera. heredem ergo bonorum operum
sanctum Ioseph prae ceteris elegit, cuius opera fratres aequare
non poterant.

quis enim facta Christi potuit adaequare ? tum
praeterea immaculatus et castus de hoc terreno deuorsorio et [*] [*]

Tribus igitur sunt quae designanturnominibus patriarcharum,
quia de tribu Svmeon scribae sunt, de tribu Leui principes
sacerdotum, qui perfecerunt nequitiam suam in domini passione
mensuram omnem paternae inpietatis inplentes. ipsi consilium [*]
cogitauerunt aduersum dominum Iesum, ut occiderent eum,
sicut Esaias dicit: uae animae ipsorum, quia cogitauerunt
consilium malum aduersum se dicentes:
alligemus iustum, quia inutilis est nobis. ipsi occiderunt
prophetas et apostolos adnuntiantes domini salutaris
aduentum, passionis eius et resurrectionis gloriam praedicantes.
ipsi postea in sua cupiditate. quia terrena flagitia desiderabant
diuina consortia refugientes, corporis castimoniam, sobrietatem [*]
mentis, contemptum pecuniae, lucrum gratiae, subneruauerunt
taurum, illum uidelicet cornua producentem et ungulas, quem
uident pauperes et laetantur, quoniam uerbo dei exaltauit
cornum populi sui, quo et inimicos reppulit et praemium coronae
caelestis emeruit. hic est taurus, quo ecclesia figuratur in
luna tunc plenior, cum uelut cornibus nixa taurinis spatium [*] [*] [*]

tamen prophetiae huic etiam gratiam [*]
uidetur benedictionis adiungere. nam et ad primogenitum
Ruben dicendo: nonefferuescasut aqua peccatum statuit,
quia aqua mundare magis delicta mentesque nostras ab omni
solet uitiorum feruore reuocare, et iterum dicendo ad Symeon
et Leui: diuidam uos in Iacob et dispergam in
Istrahel ostendit gentium congregatione redimendos; percusso
enim pastore grex ille dispersus est, qui fuerat ante conlectus,
ut qui non erat introiret et sic omnis Istrahel saluus fieret. [*]
et maxime propter tribum Leui debemus hoc credere, quia
ex ea tribu dominus Iesus uidetur secundum corporis susceptionem
genus ducere. ex qua tribu sunt sacerdotes Leui et
Nathan, quos sanctus Lucas in euangelii libro, quem ipse
scripsit, inter maiores domini conputauit. sacerdos enim patris
et princeps omnium sacerdotum, sicut scriptum est: tu es
sacerdos in aeternum, sacerdotalis originis successionem
debuit uindicare.

unde et Moyses benedixit hanc tribum dicens: [*]
date Leui sortem suffragii sui et ueritatem eius
uiro sancto. benedixit Moyses etiam tribum Ruben, sicut
habes scriptum: uiuat Ruben et non moriatur et sit
multus in numero. neque enim benedixisset, si secundum
patriarchae sententiam benedictionis scisset indignos. certe
quod strictim ille praeteriit iste conpleuit. [*] [*]