Isagoge (91-95)

Βάσις δὲ τί ἐστι; — Σύνταξις δύο ποδῶν ἢ ποδὸς καὶ καταλήξεως.

Κατάληξις δὲ τί ἐστιν; — Ἡ παντὸς ἐλλείποντος μέτρου τελευταία συλλαβή.

Ῥυθμὸς δὲ τί ἐστι; — (a) Χρόνου καταμέτρησις μετὰ κινήσεως γινομένη ποιᾶς τινος. (b) κατὰ δὲ Dαῖδρον ῥυθμός ἐστι συλλαβῶν κειμένων πως πρὸς ἀλλήλας ἔμμετρος θέσις. (c) κατὰ δὲ Ἀριστόξενον
χρόνος διῃρημένος ἐφʼ ἑκάστῳ τῶν ῥυθμίζεσθαι δυναμένων. (p. 23) (d) κατὰ δὲ Μικόμαχον χρόνων εὔτακτος κίνησις. (e) κατὰ δὲ Αεόφαντον χρόνων σύνθεσις κατὰ ἀναλογίαν τε καὶ συμμετρίαν πρὸς ἑαυτοὺς θεωρουμένων. (f) κατὰ δὲ Δίδυμον φωνῆς ποιᾶς σχηματισμός.
— ἡ μὲν οὗν φωνὴ ποίως σχηματισθεῖσα ῥυθμὸν ἀποτελεῖ, γίνεται δὲ οὖτος ἢ περὶ λέξιν ἢ περὶ μέλος ἢ περὶ σωματικὴν κίνησιν.

Συμπλέκεται δὲ οὗτος ἐκ χρόνων πόσων; — Τριῶν. — Ποίων τούτων χρόνων; — Bραχυσυλλάβου τε καὶ
μακροῦ καὶ ἀλόγου.

Βραχὺς ποῖός ἐστιν; — Ὁ ἐλάχιστος καὶ εἰς μερισμοὺς μὴ πίπτων.

Μακρὸς δὲ ποῖος; — Ὁ τούτου διπλάσιος.

Ἄλογος δὲ ποῖος; — Ὁ τοῦ μὲν βραχέος μακρότερος,
τοῦ δὲ μακροῦ ἐλάσσων ὑπάρχων.

Ὁπόσῳ δέ ἐστιν ἐλάσσων ἢ μείζων διὰ τὸ λόγῳ εἶναι δυσαπόδοτον, ἐξ αὐτοῦ τοῦ συμβεβηκότος ἄλογος ἐκλήθη.