Onomasticon (15-19)

Orech ciuitas regni Nemrod in Babylone.

Ur Chaldaeorum ubi mortuus est Aran frater Abraae, cuius hodieque,
sicut Iosefus refert, tumulus ostenditur. et super hoc quid nobis itur, in libris Hebraicarum quaestionum diximus.

Ulammaus, pro quo in Hebraeo scriptum habet Luza. eadem est
autem quae et Bethel, sicut supra dixi. sed et quaedam uilla nomine.

Ullama in duodecimo Diocaesareae lapide ostenditur contra solis ortum

Olibama ciuitas principum Edom.

Odollam. diximus de hac et supra. cuius meminit Esaias.

Othon ubi secundo filii Israel castra metati sunt, egredientes de Socchoth iuxta desertum, quando de Aegypto sunt profecti.

Ofer. et hanc cepit lesus rege ipsius interfecto.

[*][*] [*]

Ooli eiuitas in tribu Aser. Ofra. uia Ofra ducens ad terram Soal.

Hucusqtte per Ο breuem litteram legimus, exin per extensum legamus elemenlum.

Us, unde fuit lob de regione Ausitide. sed et unus de posteris
Esau appellabatur Us, de quo in libris Hebraicarum quaestionum diximus.

Petra eiuitas Arabiae in terra Edom, quae cognominata est Iecthael, et a Syris Recem dicitur.

Rooboth eiuitas Assyriorum, quam aedificauit Assur egrediens de terra Sennaar. et de hoc in libris Hebraicarum quaestionum plenius imus.

Rooboth urbs alia iuxta fluuium ubi erat rex Edom. et usque
hodie est praesidium in regione Gebalena et uicus grandis qui hoc uocabulo nuneupatur.

Ramesse urbs quam aedificauerunt filii Israel in Aegypto. olim autem et uniuersa prouincia sie uocabatur, in qua habitauit Iacob una cum liberis suis.

Roob quam transierunt exploratores qui ab Iesu filio Naue missi sunt, et usque hodie uicus Rooba in quarto lapide Scythopoleos sic uocatur, qui et Leuitis separatus fuit.

Rafaca in deserto ubi filii Israel castra metati sunt.

Rafidim locus in deserto iuxta montem Choreb, in quo de petra
fluxere aquae, cognominatusque est tentatio, ubi et Iesus aduersum Amalec dimicat prope Faran.

[*][*] [*]

Rathma in deserto castra filiorum Israel.

Remmonfares, ubi filii Israel castra metati sunt.

Ressa castra filiorum Israel.

Ramoth in tribu Gad, ciuitas sacerdotalis et fugitiuorum in terra
Galaaditide. nunc autem est uicus in quinto decirno miliario Filadelfiae contra orientem.

Recem. haec est Petra ciuitas Arahiae, in qua regnauit Rocom
quem interfecerunt filii Israel, dicitur autem ipse rex quoque Madiam.

Remmon in tribu Symeonis siue Iudae. hodieque est uicus nomine Remmon iuxta Aeliam contra aquilonem in quinto decimo eius miliario.

Rogel nomen fontis in tribu Beniamin.

Rama in tribu Beniamin ciuitas Saulis in sexto miliario ab Aelia ad septentrionalem plagam contra Bethel. meminit huius et Ieremias.

Recem in tribu Beniamin.

Remmon. petra Remmon in tribu Symeonis siue Zabulon.

Rabboth in tribu Issachar. est usque hodie alia uilla Rebbo in finibus Eleutheropoleos ad solis ortum.

Rethom in tribu Issachar.

Roob in tribu Aser ciuitas separata Leuitis.

Rama in tribu Aser usque ad ciuitatem munitam Tyriorum.

Rama in tribu Nefthalim.

idcirco eadem nomina uiculorum tribubus uariis assignantur, quid cum id nos unum nomen sonore uideantur, apud Hebraeos diuersis scripta
sunt litteris.

Reccath in tribu Nefthalim.

Ruma, quae et Arima, ubi sedit Abimelech, sicut in libro Iudicum scriptum est. quae nunc appellatur Remfthis. est autem in finibus Diospoleos. et α plerisque Arimathaea nunc dicitur.

[*][*]

Remmath ad quam Dauid praedae partem misit.

Rachel, et ad hanc Dauid spoliorum partem misit.

Remmoth Galaad uilla trans Iordanem iuxta fluuium Iaboc. diximus
de hac et supra.

Rabbath ciuitas regni Aramon, nunc Filadelfia. cuius meminit [*] Ιeremias.

Roos quam pertransiuit Dauid, pro qua Aquila et Symmachus interpretantur arcem.

Rogellim unde fuit Berzelli Galaadites amicus Dauid.

Rafaim uallis Allofylorum ad septentrionalem plagam Ierusalem.

Remman ciuitas regum Syriae iuxta Damascum.

Reth. hanc percussit Asa rex.

Rathem, pro quo Aquila interpretatur ἄρκευθον, id est iuniperum,
Symmachus umbraculum.

Remmon. huius meminit Esaias in uisione contra Moab.

Rasef ciuitas Syriae.

Rafeth urbs Assyriorum in regione Theman, de qua in Esaia scribitur.

Rebla in terra Emath, unde uictor Farao adductum Ioachaz transtulit
Aegyptum.

Remma mons in Esaia. pro quo Aquila interpretatur mons Emmona, Symmachus in Armenia. est et uilla Remmus in Daroma. porro in Regnorum libris Remmam domus dicitur idoli Damasceni.

Reblatha regio Babyloniorum siue urbs, quam nunc Antiochiam uocant.

Ramale, pro quo Aquila interpretatur exaltabitur. scriptum in [*] [*]

[*] Zacharia. est autera et alias locus in tribu Beniamin iuxta Bethleem, de quo dicitur: »uox in Rama audita«, et de hoc in libris Hebraicarum lestionum plenius dicitur.

Rhinocorura ciuitas Aegypti cuius meminit Esaias. sciendum av quod hoc uocabulwm in libris Hebraicis non habetur, sed α Septuagi interpretibus propter notitiam loci additum est.

Quod in libro Hebraicorum nominum diximus, hoc etiam nunc in S
litterae uidetur titulo praenotandum, apud Hebraeos tria esse S, hoc Samech et Sade et Sin. quae cum apud Graecos et Latinos sono simili
proferantur, in sua lingua aliler atque aliter resonant. unde acoidii ut eadem nomina apud nos diuersum sonare uideantur, et plus quam ceterae litterae haec habeat. non enim ex una, sed ex tribus litteris loca et urbes et uiculi describuntur.

Sidon urbs Foenices insignis, olim terminus Chananaeorum ad aquilonem respiciens et postea regionis Iudaeae. cecidit autem in sortem tribus Aser, sed non earn possedit, quia hostes nequaquam ualuit expellere.

Sennaar campus Babylonis in quo turris exstructa est. unde egresus
Assur aedificauit Nineuen. meminit huius loci Iosefus in primo antiquitatum libro ita scribens: »de campo qui in Babylonia regione appellatur Sennaar narrat Estiaeus historicus dicens: quidam sacerdotum profugi de templo Enyalii Iouis sacra rapientes in Sennaar campum Babyloniae.«

[*][*] [*]

Sychem et Salem, quae Latine et Graece Sicima uocata est, ciuitas Iacob nunc deserta. ostenditur autem locus in suburbanis Neaspoleos iuxta sepulcrum Iosef. quam subuertit Abimelech et seminauit in ea salem, sicut in libro Iudicum scriptum est. postea uero instaurata est
ab Ieroboam, ut Regnorum narrat historia. et sita est in finibus tribus Efraim. sed et filius Emmor appellabatur Sychem, a quo et locus nomen acceperat. fuit autem et altera Sychem in monte Efraim, ciuitas fugitiuorum. Sennaar. unde fuit Amarfal, qui aduersus reges Sodomorum bellum
gessit.

Sodoma ciuitas impiorum diuino igne consumpta iuxta mare mortuum.

Seboim. et haec ciuitas impiorum in aeternos ein eres dissoluta iuxta urbem quondam Sodomam.

Sofera mons orientis in India, iuxta quem habitauerunt filii Iectan

filii Eber, quos Iosefus refert a Cofene flumine et Indiae regionibus usque ad id locorum peruenisse, ubi appellatur regio Ieria. sed et classis Salomonis per triennium hinc quaedam commercia deportabat.

Soora urbs iuxta Sodomam quae et Segor et Zoara, de qua et supra diximus.

Saue ciuitas antiqua in qua habitauerunt Ommaei gens ualida, super regionem Sodomae, quam excidit Chodollagomor.

Seir mons in terra Edom, in quo habitauit Esau, in regione Gebalena, quae ex eo quod Esau pilosus esset et hispidus, Seir, hoc est pi- [*] [*]

[*] losi, numen accepit in quibus locis ante habitauit Chorraeus, quem interfecit Chodollagomor. meininit montis Seir et Esaias in uisione Idumaeae.

Salem ciuitas Sicimorum quae est Sychem. sed et alia uilla osti ditur usque in praesentem diem iuxta Aeliam contra occidentalem plagam hoc nomine, in octauo quoque lapide a Scythopoli in campo u Salumias appellatur. Iosefus uero Salem esse affirmat in qua regnauit Melchisedec. quae postea dicta est Solyma, et ad extremum Ierosolymae nomen accepit.

Sur ubi inuenit angelus ancillam Sarrae Agar inter Cades et Barad. extenditur autem desertum Sur usque ad mare rubrum, quod ad Aegypti confinia peruenit. porro Cades solitudo est super urbem Petram. sed et scriptura desertum Cades contra faciem Aegypti extendi memorat. ad quod primum uenere Hebraei rubro mari transuadato.

Segor, quae et Bala et Zoara, una de quinque ciuitatibus Sodomorum, ad preces Lot de incendio reseruata. quae usque nunc ostenditur. meminit huiud Esaias in uisione contra Moab. de qua et supra diximus.

Scenae, id est tabernaeula, locus in quo habitauit Iacob regressus de
Mesopotamia, qui lingua Hebraica appellatur Socchoth.

Socchoth. prima mansio filiorum Israel in deserto, postquam de Aegypto sunt profecti, antequam mare transirent rubrum.

Sin desertum inter mare rubrum et solitudinem Sina. nam de deserto
Sin filii Israel uenerunt in Rafidim et a Rafidim in desertum Sina [*] [*]

[*] iuxta montem Sina, ubi Moyses tabulas legis accepit. desertum autem Sin idem dicit esse scriptura quod et Cades; sed hoc iuxta Hebraeos, ceterum in Septuaginta interpretibus non habetur.

Seimona, castra filiorum Israel in deserto.

Safar. mons Safar in deserto castra filiorum Israel.

Sattim. ubi pollutus est populus in fornicatione filiarum Moab. est autem iuxta montem Fogor, unde et Iesus exploratores ad inuestigandam et noscendam misit Iericho.

Sabama. ciuitas Moab in terra Galaad, quae cecidit in possessionem tribus Ruben. meminit huius et Esaias iu uisione contra Moab.

Selcha ciuitas regis Og in regione Basanitide.

Senna. terminus Iudaeae. et usque hodie ostenditur in septimo lapide Ierichus contra septentrionalem plagam uilla nomine Magdalsenna,
quod interpretatur turris Senna.

Sefama terminus Iudaeae ad solis ortum.

Sadada terminus Iudaeae.

Someron. et hanc cepit Iesus, rege illius interfecto. dicunt autem
nunc pro ea Sebasten uocari oppidum Palaestinae, ubi sancti loannis baptistae reliquiae conditae sunt, legimus in Regnorum libris quod Amri rex Israel emerit montetn Semeron a quodam Semer, et aedificauerit in uertice eius ciuitatem. quam ex nomine domini appellauerit Semeron.

[*] [*]

Seira. et hanc cepit Iesus.

Selcha. ciuitas in regione Basanitide.

Sior. locus contra faciem Aegypti. sed et hodie ostenditur uilla nomine Sior inter Aeliam et Eleutheropolim in tribu Iudae. super hoc
in libris Hebraicarum quaestionum plenius dici dicitur.

Saorth. in tribu Ruben super Iordanem.

[*]

Sachoth. in tribu Gad super Iordanem.

Safon. in tribu Gad super Iordanem.

[*]

Sacharona. in tribu Iudae.

Samen, in tribu Iudae.

Saal, in tribu Iudae siue Symeonis.

Secelec quam Anchus rex alienigenarum dedit ad inhabitandum Dauid. est autem in Daroma sortis Iudae siue Symeonis.

Sansana. in tribu Iudae.

Selei. in tribu Iudae.

Saara. uicus in finibus Eleutheropoleos contra septentrionem pergentibus Nicopolim quasi in decimo miliario in tribu Dan siue Iudae.

Soccho in tribu Iudae. sunt autem usque hodie uiculi duo pergentibus Aeliam de Eleutheropoli in nono miliario uiae publicae, unus in
monte et alter in campo situs, qui Socchoth nuncupantur.

Sarain. in tribu Iudae.

Senam. in tribu Iudae.

Safir uilla in montanis sita inter Eleutheropolim et Ascalonem in tribu Iudae.

Soccho. de qua et supra dictum est. dicuntur autem Samaritani qui de Babylone profecti sunt, hunc uiculum condidisse.

Scacha in tribu Iudae.

Selo in tribu Efraim, in quo loco arca testamenti mansit et tabernaculum
domini usque ad tempora Samuelis. est autem in decimo
miliario Neaspoleos in regione Acrabbitena. sed et Iudae patriarchae filium Selom appellatum legimus.

[*][*] [*]

Sechem in tribu Manasse, cinitas sacerdotalis et fugitiuorum in monte Efraim: ubi sepelierunt ossa losef. de qua et supra diximus.

Sames, id est fons Sames, in tribu Beniamin, pro quo Aquila interpretatur fontem solis.

Semri in tribu Beniamin.

Sela in tribu Beniamin.

Sabee in tribu Symeonis.

Sarid terminus Zabulon.

Sams, pro quo Theodotion et Symmachus transtulerunt solis.

Semron in tribu Zabulon.

Sunem in tribu Issachar. et usque hodie uicus ostenditur nomine Sulem in quinto miliario montis Thabor contra australem plagam.

Seon siue Soen in tribu Issachar. hodieque ostenditur uilla iuxta montem Thabor.

Sasima terminus Issachar.

Sior in tribu Aser.

Senanim. quercus pertinens ad terminum Nefthalim.

Sorec in tribu Dan, ubi Sampson fuisse legimus, iuxta Esthaol. de qua iam supra dictum est.

Sames in tribu Dan. de qua et supra memoraui sub nomine Bethsamis.

Salabim in tribu Dan. usque hodie uicus grandis ostenditur in finibus Sebastenis nomine Salaba.

Sefeth locus Chananaeorum.

Sirotha quo confugit iudex Aod. diximus et supra de Seira.

Sur Oreb, quod Aquila interpretatur petra Oreb.

Selmon mons quem conscendit Abimelech aduersus Sicimam dimicans.

[*] [*]

Sefina, pro quo Aquila et Syramachus interpretantur aquilonem.

Sorech nomen torrentis, de quo loco fuit Dalila illa Sampsonis. sed et usque hodie ad septentrionalem plagam Eleutheropoleos uicus ostenditur nomine Cafavsorech iuxta uillam Saraa, unde d Sampson fuit.

Sofim mons Efraim in loco Armathem.

Salisa quam pertransiit Saul.

Senna nomen petrae.

Saalim uilla quam pertransiit Saul. in finibus Eleutheropoleos contra
occidentem, Septem ab ea milibus distans.

Sthif ubi Samuel inuenit Saul.

Sabim ubi Saul proeliatus est.

Sonam unde fuit illa mulier Sonamitis. est autem usque hodie uicus in finibus Sebastae in regione Acrabbitena uocabulo Sanim.

Sofamoth ad quem locum misit Dauid.

Seira nomen putei a quo Ioab fecit reuerti principem exercitus Abenner.

Suba cuius regem percussit Dauid.

Sarthan quae est ad radices Iezrael.

Sofera quae et Sofir, unde ueniebant naues Salomonis. de qua et
supra diximus. est mons orientis pertinens ad Indiae regionem.

Sarara ciuitas pergentibus Edom.

Saba ciuitas regalis Aethiopiae, quam Iosefus a Cambyse rege Meroen cognominatam ex sororis uocabulo refert.

Sela ubi percussus est Ioas.

Saffaruaim de quibus locis Assyrii transmigrantes ha bitauerunt in
Samaria, et ab ipsis Samaritanorum gens sumpsit exordium. meminit horum et Esaias.

Sademoth ubi Iosias rex idolorum signa combussit.

[*] [*]

Sarepta oppidulum Sidoniorum in uia publica situm, ubi habitauit quondam Elias.

Saron, cuius et Esaias meminit dicens: »in paludes uersus est Saron«. usque in praesentem autem diem regio inter montem Thabor et
stagnum Tiberiadis Saronas appellatur. sed et a Caesarea Palaestinae usque ad oppidum Ioppe omnis terra quae cernitur, dicitur Saronas. Sefela, sicut scribit Esaias. pro quo Aquila campestrem, Symmachus uallem interpretatur. usque hodie omnis regio iuxta Eleutheropolim campestris et plana quae uergit ad aquilonem et occidentem Sefela
dicitur.

Sennaar, pro quo Aquila Sennaam, Symmachus interpretatur uberem. meminit huius Michaeas profeta.

Sedrach terra Damasci. legimus in Zacharia. Sion mons urbis Ierusalem.

Samaria ciuitas regalis in Israel, quae nunc Sebaste nuncupatur. sed et omnis regio quae circa eam fuit, a ciuitate quondam nomen acceperat.

Sor Tyrus, metropolis Foenices in tribu Nefthalim.

Soene ciuitas Tbebaidis, sicut scribit Iezechiel.

Sais ciuitas Aegypti, cuius meminit Iezecbiel. a qua et Saites pagus.

Sadala terminus Iudaeae, sicut scribit Iezechiel.

Sabarim inter Damascum et Emath, sicut scribit Iezechiel.

Salisa, pro quo Aquila interpretatur triennalem. meminit huius Ieremias.

[*][*] [*]

Sychar ante Neapolim iuxta agrum quem dedit Iacob filio suo Iosef, in quo dominus noster atque saluator secundum Euangelium Ioannis Samaritanae mulieri ad puteum loquitur, ubi nunc ecelesia faricata est.

[*]

Tigris fluuius de paradiso exiens iuxta scripturae fidem, pergensque contra Assyrios, et post multos circuitus, ut uult Iosefus, in mare rubrum influens. uocatur autem hoc nomine propter uelocitatem instar bestiae nimia pernicitate currentis.

Terebinthus in Sicimis, sub qua abscondit Iacob idola iuxta Neapolim.

Tina in tribu Iudae.

Telem in tribu Iudae.

Tesan in tribu Iudae.

Tyrus in tribu Nefthalim.

Tabatb ubi pugnatum est aduersus Madiam.

Tob terra in qua habitauit Iefthae.

Tofeth in ualle filiorum Ennom, ubi populus Israel gentium simulacra ueneratur. est autem locus in suburbanis Ierusalem.

Tanis ciuitas Aegypti, sicut Iesaias et Iezecbiel scribunt.

Tafnas ciuitas Aegypti. lege Osee et Iezechielem et Ieremiam. in hac habitauerunt Iudaei qui ob metum Babyloniorum cum Ieremia
fucrerant.

[*] [*]

Trachonitis regio siue Ituraea, cuius tetrarches fuit Filippus iuxta Euangelium Lucae. diximus de hac et supra. est autem trans Bostram Arabiae ciuitatem in deserto contra australem plagam quasi ad Damascum respiciens.

Hucusque per Τ simplicem litteram legerimus, uerum quoniam quae sequuntur apud Hebraeos non ex Teth, sed ex Thau id est ex Theta Gr scribuntur, cum aspiratione legere debemus.