The Goddesse of Surrye (1-5)

In Surrye, not fer fro the Ryvere Eufrate, is a Cytee that Holy highte and holy is in sothe, for it is of Iuno Assurien.[*] Yit I wene that the cyteene hadde not this name atte firste, whan that it was founded, but of olden tyme it was other, and after,” whan here servys of the Goddesse wex gret, it was their chaunged to this. Touching this cytee I purpos me to seyn alle that is in it, and I schalle speke of the customes that thei folwen in here rytes, and the feste dayes that thei kepen, and the sacrifises that thei perfourmen. And I schalle reherce alle the tales that men tellen of hem that establisschede the holy place, and how that the temple was bylded. And I that write am Assurien,[*] and of that that I devyse you, some partie saughe I with mine owne eyen, and some partie I lerned be informacioun fro _ the prestes, that is to seyn, tho thynges that I descryve that weren beforn min owne tyme.

Of alle peples whereof wee knowen, Egyptyens weren firste, as men seyn, for to taken conceyte of

But auncientlye amonges Egyptyens weren temples withouten symulacres. And in Surrye ben temples almost als olde as tho in Egypte, of the whiche I have seen the moste, and namely the temple of Hercules in Tyre, not that Hercules that Grekes preysen in here songes, but that oon wherof I speke is moche elder, and is Tyres patroun.[*]

In Phenicye is another grete temple that men of Sidon kepen. Thei seyn, it is of Astarte, and Astarte, I trowe, is Luna the Mone.[*] But oon of the prestes tolde me, it belongeth to Europe, Cadmus suster. Sche was Agenor the Kinges daughter ; and after that sche vanisched, Phenicyens yafen hir that temple for worschipe and maden a storie of hir, that sithe sche was fair, love coveytede hir, and transformed his lyknesse in to a bole, and than ravissched hir awey and bar hir on his bac to Crete. That same storie I herde of othere Phenicyens also ;

And Phenicyens han an other maner servys, not Assuryen but Egyptyen, that cam from Elyople into Phenicye. I have not seen it, but it also is gret and auncien.[*]