ܪܝܫܐ ܕܬܠܬܝܢ ܘܫܒܥܐ܆ ܕܥܠ ܗܝ̇ ܕܟܕ ܐ̣ܘܛܝܟ ܡܢ ܟܘܠܢܫ ܡܬ̣ܪܛܢ ܗܘܐ ܘܡܬ̇ܒܙܚ ܘܡܨܛ̇ܚܐ܇ ܣܒ̣ܪ ܕܡܢ ܐܪ̈ܬܕܘܟܣܘ ܒܠܚܘܕ ܡܨܛ̇ܚܐ ܗܘܐ. ܏ܠܙ ܐܝܟ ܕܡܢ ܡܣܒ̣ܪܢܘܬܐ ܣ̣ܪܝܩܬܐ܆ ܐܬܡ̣ܠܝ ܗܘܐ ܐ̣ܘܛܝܟ ܣܢ̣ܐܬܐ ܘܒܥܠܕܒܒܘܬܐ ܕܠܐ ܡܬ̇ܪܝܚܐ܇ ܠܘܬ ܟܠܗ ܓ̇ܒܐ ܕܡܗ̈ܝܡܢܐ. ܘܐܪܡ̣ܝ ܒܬܪܗܘܢ̣ ܘܣ̣ܡ ܐ̈ܦܘܗܝ ܕܢܥ̣ܛܐ ܘܢܘ̇ܒܕ ܐܢܘܢ. ܟܕ ܠܟܘܠ ܚܕ ܚܕ ܡܢܗܘܢ܆ ܐܩ̣̈ܠܝܣܝܓܕܝܩܘ ܘܣ̣ܩܘܒܝܛܪ̈ܣ ܘܪ̈ܗܘܡܝܐ ܘܩ̣ܠܝܪ̈ܝܩܘ. ܘܟܠܢܝܕܛܘ ܘܫܪܟܐ ܢ̇ܦܠܝܢ ܗܘܘ ܥܠܝܗܘܢ ܒܥܕܢܐ ܕܪ̈ܘܚ̇ܦܝܗܘܢ܆ ܐܝܟ ܒ̈ܠܫ̇ܝܐ ܘܐܝܟ ܒ̣ܪ̈ܒܪܝܐ܆ ܘܠܘ ܐܝܟ ܟܪ̈ܣܛܝܢܐ. ܘܠܒ̇ܟܝܢ ܗܘܘ ܘܡ̇ܢܬܦܝܢ ܘܡ̇ܓܪܓ̣ܪܝܢ ܠܗܘܢ܆ ܘܣ̇ܚܦܝܢ ܡܕܒ̈ܚܝܗܘܢ ܘܫ̇ܕܝܢ ܗܘܘ ܩ̣ܘܪ̈ܒܢܝܗܘܢ܆ ܘܐ̇ܫܕܝܢ ܗܘܘ ܩܘ̈ܕܫܝܗܘܢ. ܘܒ̇ܙܝܢ ܘܚ̇ܛܦܝܢ ܬܫܡ̣ܫܬܗܘܢ܆ ܘܫܪܟܐ ܕܟܠܗܘܢ ܡܐ̈ܢܐ ܕܚܫ̣ܚܬܗܘܢ ܕܡܫ̣ܟܚܝܢ ܗܘܘ ܐ̇ܘ ܟܬܒ̈ܝܗܘܢ. ܘܥܕܡܐ  ܠܡܐ̈ܢܐ ܕܠܒܘ̣ܫܗܘܢ ܘܕܣܐ̣ܘܢܗܘܢ ܚ̇ܛܦܝܢ ܗܘܘ. ܘܐܢ ܬܘܒ ܐ̣ܢܠܘܡܐ ܕܚܫ̣ܚܬܗܘܢ. ܟܕ ܥܠ ܡܕܡ ܕܡܫ̣ܬܟܚ  ܗܘܐ ܠܓܡ̣ܪ ܠܐ ܡ̇ܒܣܝܢ ܗܘܘ܇ ܕܠܐ ܒ̇ܙܝܢ ܗܘܘ ܘܚ̇ܛܦܝܢ ܘܓ̇ܢܒܝܢ. ܘܒܚܪܬܐ ܡ̇ܓܪܓ̣ܪܝܢ ܗܘܘ ܠܗܘܢ܆ ܘܠܟܠ ܕܡ̣ܫܟܚܝܢ ܗܘܘ ܠܘܬܗܘܢ܆ ܘܐ̇ܙܠܝܢ ܚ̇ܒܫܝܢ ܠܗܘܢ ܒܝܬ ܐ̇ܣܝܪ̈ܐ. ܘܬܡܢ ܝܗ̇ܒܝܢ ܗܘܘ ܕܩ̣ܢܝܢ ܘܕܠܐ ܩ̣ܢܝܢ܆ ܘܗܝ̇ܕܝܢ ܢܦ̇ܩܝܢ ܗܘܘ ܡܢ ܬܡܢ. ܘܗܟܢܐ ܚܕ ܚܕ ܟܢܘ̣ܫܝܐ ܒܟܠܝܘܡ̣ ܠܒ̇ܟܝܢ ܗܘܘ. ܐ̣ܝܟܢܐ ܕܟܕ ܡܢ ܣܓ̈ܝܐܐ ܡܬ̣ܪܫܝܢ ܗܘܘ: ܕܐܝܟ ܚ̈ܢܦܐ ܫ̇ܕܝܢ ܗܘܘ ܘܡ̇ܕܝܫܝܢ ܩ̣ܘܪܒܢܐ ܕܟܪ̈ܣܛܝܢܐ܆ ܒܚܪܬܐ̣ ܒܢܘܪܐ ܫ̇ܕܝܢ ܗܘܘ ܘܡ̇ܘܩܕܝܢ ܠܗ. ܘܗܠܝܢ ܟܠܗܝܢ ܒ̈ܝ̣ܫܬܐ ܡܣܬ̇ܥܪ̈ܢ ܗ̈ܘܝ̣ ܕܠܐ ܟܠܝܢ܆ ܥܕܡܐ ܕܠܐ ܐܫܬ̣ܟܚ ܟܢܘ̣ܫܝܐ ܓܠܝ̣ܐܝܬ ܒܟܠܗ̇ ܡܕܝܢܬܐ. ܪܝܫܐ ܕܬܠܬܝܢ ܘܬܡܢܝܐ܆ ܕܥܠ ܦܪ̣ܒܝܢܐ ܥ̣ܒܕܗ ܕܐ̇ܢܕܪܐܘܣ܇ ܗ̇ܘ ܕܡܢ ܩܕܝܡ ܣܩ̇ܠܪܐ ܕܡ̇ܠܟܬܐ ܐ̣ܝܬܘܗܝ ܗܘܐ܀. ܏ܠܚ ܥ̣ܠܬܐ ܗܟܝܠ ܕܟܠܗܝܢ ܗܠܝܢ ܒܝܫ̣̈ܬܐ ܗ̣ܘܐ̣ ܐܢܫ ܦ̣ܪܒܝܢܐ ܥܒ̣ܕܗ  ܕܐ̇ܢܕܪܝܐ. ܗ̇ܘ ܕܟܕ ܫ̇ܪܝ ܪܕܘܦ̣ܝܐ: ܟܕ ܣܩ̇ܠܪܐ ܐ̣ܝܬܘܗܝ ܗܘܐ ܕܡ̇ܠܟܬܐ܆ ܫܒܩ̣ܗ̇ ܠܦܠܛܝܢ ܘܠܦܠܚ̣ܘܬܗ܆ ܘܢܦ̣ܩ ܡܛܠ ܗܝܡܢܘܬܐ ܕܫܪܪܐ. ܘܐܬ̣ܒܙܙ ܘܐܬܚ̣ܒܫ ܒܕܝܪܐ ܕܕܠܡ̣ܛܝܘ܆ ܕܕܠܡ̣̈ܛܝܘ ܘܠܐ ܐܬ̇ܪܦܝ. ܠܗܢܐ ܗܘ̣ܐ ܠܗ ܥܒ̣ܕܐ ܒܪܒ̣ܪܝܐ ܕܗ̣ܘ ܪܒ̇ܝܗ ܘܐ̇ܠܦ̣ܗ ܣ̣ܦܪܐ̣ ܚ̇ܨܝܦܐܝܬ. ܘܡ̣ܗܝܡܢ ܗܘܐ̣ ܒܟܠܗ ܒܝܬܗ. ܘܒܚܪܬܐ ܡ̣ܪܕ ܥܠܘܗܝ܆ ܘܐ̣ܙܠ ܐܫ̣ܠܡ ܠܐ̣ܘܛܝܟ. ܘܣܡ̣ܗ ܕܢܗܘܐ ܡ̇ܣܘܪܐ ܘܦ̣ܪܩܝܢܛܐ܆ ܘܦ̣ܪܩܝܢܘܛܐ ܠܟܠܗܘܢ ܟܗ̈ܢܐ̣ ܘܠܟܠܗܘܢ ܟܢܘ̣̈ܫܝܐ. ܐ̣ܝܟܢܐ ܕܠܥ̇ܛܝܗ ܕܡܪܗ܆ ܕܒ̣̇ܪ ܗܘܐ ܐܩ̣̈ܠܝܣܝܓܕܝܩܘ ܘܐܦ ܣܩ̣ܘܒܝܛܪ̈ܣ ܘܪ̈ܗܘܡܝܐ ܘܩܠܝ̣ܪ̈ܝܩܘ܆ ܘܐ̇ܙܠ ܡ̇ܓ̣ܪܓܪ ܠܟܠܗܘܢ̣ ܘܡ̇ܘܒܠ ܚܒ̇ܫ  ܗܘܐ ܒܝܬ ܐ̇ܣܝܪ̈ܐ܇ ܡܢ ܒܬܪ ܕܒ̇ܙܝܢ ܗܘܘ ܠܗܘܢ ܒܪܒ̣ܪܐܝܬ܇ ܘܫ̇ܒܝܢ ܘܫ̇ܩܠܝܢ ܗܘܘ ܟܠܡܕܡ ܕܐ̣ܝܬ ܗܘܐ ܠܗܘܢ. ܐ̣ܝܟܢܐ ܕܡܢ ܣܓ̈ܝܐܐ܆ ܐܦ ܕܗܒܐ ܣܓܝܐܐ ܫ̇ܩܠܝܢ ܗܘܘ. ܘܗܟܢܐ ܐܦܢ ܐܝܬ ܗܘܐ ܐܝܟ ܕܠܡܐ̣ܡܪ ܕܥ̇ܠܝܠ ܘܡ̇ܛܫ̣ܝ ܗܘܐ ܒܚܪܘܪܐ܆ ܗܢܐ̣ ܢܟܝ̣ܠܐܝܬ ܥܐ̇ܠ ܗܘܐ ܘܠܒ̇ܟ ܠܗ܇ ܘܒܐ̇ܙ ܘܚ̇ܒܫ ܗܘܐ ܠܗ. ܘܗܘ̣ܐ ܗܢܐ ܢܣ̣ܝܘܢܐ ܘܣܛܢܐ: ܠܟܠܗܘܢ ܟܗ̈ܢܐ ܘܠܟܠܗܘܢ ܟܢܘ̣̈ܫܝܐ܆ ܘܠܟܠܗܘܢ ܡܗ̈ܝܡܢܐ ܕܒܡܕܝܢܬ ܡ̇ܠܟܘܬܐ. ܘܐܦ ܠ̣ܢ ܥܡ ܫܪܟܐ. ܐ̣ܝܟܢܐ ܕܕܠܐ ܬ̇ܢܘܝ ܘܕܠܐ ܣ̣ܟܐ ܐ̈ܢܝܢ ܕܢܬ̈ܬ̇ܢܝܢ ܒܝ̣ܫ̈ܬܐ ܕܗܢܐ ܣܥ̣ܪ ܠܟܠܗ̇ ܥܕܬܐ ܕܡܗ̈ܝܡܢܐ.  ܪܝܫܐ ܕܬܠܬܝܢ ܘܬܫܥܐ܆ ܕܥܠ ܚܬܐ ܚ̣ܕܐ ܕܝܪܝܬܐ ܘܥܠ ܐ̈ܓܘܢܐ ܕܓܢܒܪܘܬܐ ܕܐܬܟ̣ܬܫܬ݀܇ ܕܐܬܟ̣ܬܫܬ݀ܝ ܘܒܟܠܗܘܢ ܙܟ̣ܬ݀ ܘܐܬܢ̣ܨܚܬ݀.܀. ܙܟ̣ܬ݀ܝ ܘܐܬܢ̣ܨܚܬ݀ܝ ܏ܠܛ ܐ̇ܚ̈ܘܬܐ ܗܟܝܠ ܗܠܝܢ ܦܓܪ̈ܢܝܬܐ ܐ̣ܝܬܝܗܝܢ ܗ̈ܘܝ܆ ܐ̣ܝܟܢܐ ܕܟܕ ܗ̣ܢܝܢ ܫܒ̇ܪ̈ܬܐ ܐܡ̣ܗܝ̣ܢ ܡܝ̣ܬܬ݀. ܡܝ̣ܬܬ݀ܝ ܘܐܒܘܗܝ̣ܢ ܐܪܡ̣ܝ ܐ̈ܢܝܢ ܒܕܝܪܐ. ܘܡܝ̣ܬ̣ ܘܐܦ ܗ̣ܘ. ܘܫܒ̣ܩ ܠܗܝܢ ܗ̇ܢܘ ܕܝܢ ܠܕܝܪܗܝܢ܆ ܟܠܡܕܡ ܕܩܢ̣ܐ ܗܘܐ. ܘܟܕ ܥܒ̣ܪ ܙܒܢܐ ܘܪ̈ܒ̣ܝ ܘܐ̈ܬ̣ܝ ܠܩܘ̇ܡܬܐ܆ ܐ̣ܕܪܟ ܪܕܘܦ̣ܝܗ ܕܝܘܚܢܢ.  ܘܒܬܪܗ̣ ܕܐ̣ܘܛܝܟ. ܘܟܕ ܐ̇ܠܨܝܢ ܗܘܘ ܠܟܠܗ̇ ܕܝܪܐ ܕܬܣ̣ܒ ܡܢܗܘܢ ܩ̣ܘܪܒܢܐ܆ ܠܒ̣ܟܘܢ ܡܢܗܝ̣ܢ ܘܦ̇ܠܓ̣ܘ ܐ̈ܢܝܢ ܒܕܝܪ̈ܬܐ ܒܡܕܝܢܬܐ. ܗܠܝܢ ܕܝܢ ܬܪ̈ܬܝܢ ܐܚ̈ܘܬܐ̣ ܐܝܟ ܐ̇ܕܡܘܣ ܩ̈ܝ̣ܡܢ ܗ̈ܘܝ. ܘܝܬܝܪܐܝܬ̣ ܗ̇ܝ ܩܫܝܫܬܐ. ܐ̣ܝܟܢܐ ܕܟܠ ܫ̈ܢ̣ܕܝܢ ܘܟܠ ܐܘ̈ܠܨܢܝܢ ܕܚܒ̣̈ܘܫܝܐ ܐ̈ܠܝ̣ܨܐ ܘܕܟܦ̣ܢܐ ܘܕܨܗ̣ܝܐ ܡ̇ܥܒܪܢ ܗܘܘ ܥܠܝܗ̇. ܟܕ ܗ̣ܝ ܝܬ̇ܝܪܐܝܬ ܡܬ̇ܥܠܡܐ ܗܘܬ ܘܙܗ̇ܝܐ ܘܪܬ̇ܚܐ ܒܗܝܡܢܘܬܐ. ܘܡ̇ܟܣܐ ܘܡ̇ܚܣܕܐ̣ ܠܟܠܗܝܢ ܗܠܝܢ ܕܚܒܝ̣ܫܐ ܗܘܬ ܒܕܝܪܗܝܢ. ܘܐ̇ܡܪܐ܆ ܕܐ̣ܢܬܝܢ ܘܟܠܗܘܢ ܟܗ̈ܢܝܟܝܢ܆ ܘܟܠܗܘܢ ܒ̈ܢܝ ܨܒܝܢܟܝܢ܆ ܢܘܟܪ̈ܝܬܐ ܐ̣ܢܬܝܢ ܠܬܠܝܬܝܘܬܐ ‏  ܩܕܝܫܬܐ. ܐܝܟ ܡ̇ܢ ܕܪܒܝ̣ܥܝܘܬܐ ܚܠܦܝܗ̇ ܐ̇ܚ̣̈ܝܕܢ ܐ̣ܢܬܝ̣ܢ ܘܥܡ ܣܘܢܗܕܣ ܕܟܠܩܕܘܢܐ܇ ܗ̇ܝ ܕܒܐܣܟܡܐ ܡ̇ܚܪܡܐ ܠܢܣܛܘܪܝܣ܇ ܒܥܒ̇ܕܐ ܕܝܢ ܘܒܫܪܪܐ ܗܝܡܢܘܬܗ ܐ̇ܚܝ̣ܕܐ܇ ܘܬܪ̈ܝܢ ܟܝ̈ܢܝܢ  ܐܟܘܬܗ ܡ̇ܘܕܝܐ. ܘܐܢܬܝܢ ܥܡܗ̣̇ ܘܟܠ ܕܫ̇ܠܡܝܢ ܠܗ̇. ܘܗܟܢܐ̣ ܟܠܗܝܢ ܐ̈ܙܕܟ̣ܝܢ ܡܢܗ̇. ܘܥ̈ܠ̣ܝܢ ܩ̈ܒ̣ܠ ܠܐܦܝܣܩܦܐ̣ ܟܕ ܩ̈ܥ̇ܝܢ. ܕܐܢ ܠܐ ܠܡ ܦܩ̇ܕܬ ܕܬܫܬ̣ܩܠ ܗ̇ܝ ܢܣ̣ܝܘܢܐ ܡܢܢ܆ ܬܗܘܐ ܝ̇ܕܥ̣ ܕܟܠܢ ܢ̇ܦܩܝܢܢ ܡܢ ܕܝܪܢ. ܠܐ ܓܝܪ ܡ̣ܫܟܚܝܢ ܚܢܢ ܡܣ̇ܝܒܪܝܢܢ ܨܥ̇ܪ̈ܝܗ̇ ܘܚ̈ܣ̣ܕܝܗ̇ ܘܕ̇ܪܫܗ̇. ܘܗܟܢܐ ܫܠ̣ܚ ܠܐܟܣܪܟܐ ܕܕܝܪ̈ܝܬܐ܆ ܕܢܫ̣ܕܪ ܘܢܕܘ̣ܢܗ̣̇ ܘܢܫܬ̇ܢܕܘܢ ܒܗ̇. ܘܢ̇ܦܩܘܢܗ̇ ܘܢ̇ܪܡܘܢܗ̇ ܒܕܝܪܐ ܐܚܪܬܐ ܕܩܫ̣ܝܐ ܡܢ ܗ̇ܝ̣ ܘܢܬ̈ܦ̇ܩܕܢ ܕܢܫ̈ܬ̇ܢܕܢ ܒܗ̇ ܥܕܡܐ ܕܢܫ̇ܥܒܕܢܗ̇. ܐ̣ܝܟܢܐ ܕܟܕ ܐ̣ܙܠ ܠܘܬܗ̇ ܠܘܬܗ ܣܥ̇ܘܪܐ ܕܐܟ̣ܣܪܟܐ: ܘܫ̇ܪܝܘ ܪܫ̇ܝܢ ܘܓ̇ܙܡܝܢ ܥܠܝܗ̇܆ ܡ̇ܫ̣ܠܛܐܝܬ ܗ̣ܝ ܓܚ̣ܟܬ݀ ܥܠܝܗܘܢ. ܟܕ ܡ̇ܗܠܐ ܒܗܘ̣ܢ ܘܐ̇ܡܪܐ. ܡ̇ܢܐ ܚ̈ܢܦܐ ܘܩ̈ܛ̇ܘܠܐ. ܥܠܝ ܡܚܝ̣ܠܬܐ ܡ̇ܓܙܡܝܢ ܐ̣ܢܬܘܢ܆ ܐܢ ܥܕܡܐ ܠܓ̇ܙܡܐ ܒܠܚܘܕ ܐ̣ܬ̣ܝܬܘܢ: ܘܠܐ ܩ̇ܛܠܝܢ ܐܢܬܘܢ ܐܝܟ ܥ̇ܝܕܟܘܢ ܘܕܗ̇ܘ ܕܫܕܪ̣ܟܘܢ܆ ܠܐ ܐܝ̣ܬܝܟܘܢ ܒ̈ܢܝܢܫܐ܆ ܘܠܐ ܚܫ̣ܝܒܝܢ ܐܢܬܘܢ ܠܝ܇ ܕܒܚ̣̈ܝܐ ܐܝ̣ܬܝܟܘܢ. ܐ̣ܝܟܢܐ  ܕܟܕ ܗܠܝܢ ܐܝܟ ܕܠܓܡܠܐ̣ ܒܪܘܓܙܐ ܒܚܘܛܪܐ ܚ̇ܒܛܝܢ ܗܘܘ ܠܗ̇܆ ܘܗ̣ܝ̣ ܝܬܝܪܐܝܬ ܡ̇ܗܠܐ ܗܘܬ ܒܗܘܢ܆ ܘܡ̇ܚܪܡܐ ܠܗܘܢ ܘܩ̇ܪܝܐ ܠܗܘܢ܆ ܐ̣ܘ ܠܟܘܢ ܚ̈ܢܦܐ ܪ̈ܕܘ̇ܦܐ ܘܩ̈ܛ̇ܘܠܐ ܕܟܪ̈ܣܛܝܢܐ. ܟܕ ܥܠ ܩܛܠ̣ܗ̇ ܡ̇ܙܡܢܐ ܗܘܬ ܠܗܘܢ. ܟܕ ܐܡ̇ܪܐ܆ ܕܐ̣ܢܬܘܢ ܚ̈ܢܦܐ ܐܢܬܘܢ̣ ܘܠܘ ܟܪ̈ܣܛܝܢܐ. ܟܪ̈ܣܛܝܢܐ ܓܝܪ ܠܟܪ̈ܣܛܝܢܐ̣ ܠܐ ܪܕ̇ܦܝܢ. ܐܠܐ ܐ̣ܢܬܘܢ ܥܠ ܢܦܫܟܘܢ ܡ̇ܚܘܝܢ ܐܢܬܘܢ ܕܚ̈ܢܦܐ ܐܢܬܘܢ܆ ܘܥ̇ܒܕܐ ܕܚܢܦܘܬܟܘܢ̣ ܐ̣ܢܬܘܢ ܡ̇ܚܘܝܢ ܐܢܬܘܢ.܀.܀.܀. ܐ̣ܝܟܢܐ ܕܟܕ ܐܦ ܗܠܝܢ ܐܙܕܟ̣ܝܘ ܡܢܗ̇܆ ܓ̇ܪܓܪܘ̣ ܘܐܘܒ̣ܠܘ ܚܒ̣ܫܘܗ̇ ܒܕܝܪܐ ܐܚܪܬܐ. ܟܕ ܦܩ̣ܕܘܢ ܕܢܫ̈ܬܢܕܢ ܒܗ̣̇ ܩܫ̣ܝܐܝܬ. ܐ̣ܝܟܢܐ ܕܟܕ ܩܠܝܠ ܝܘܡ̈ܬܐ ‏ ܥܒ̣ܕܬ݀܆ ܥܒ̣ܕܬ݀ܝ ܫ̇ܪ̈ܝܢ ܩ̈ܥ̇ܝܢ ܘܥ̇ܪ̈ܩܢ ܡܢܗ̣̇ ܡܢܗ̣ ܘܐܦ ܗܠܝܢ. ܘܗܟܢܐ ܒܕܝܪ̈ܬܐ ܣܓܝܐ̈ܬܐ ܐ̇ܪܡ̇ܝܘܗ̣̇ ܘܠܐ ܐܫ̣ܟܚܘ ܚܝ̇ܠܗ̇. ܘܦܩ̣ܕ ܐ̣ܘܛܝܟ ܕܠܗܪܟܐ ܠܡ̣ ܠܥܕܬܐ ܐ̇ܝܬ̣ܝܘܗ̇ ܐ̇ܝܬ̣ܐܘܗ̇  ܘܟܕ ܗܠܝܢ ܫܡ̇ܥܘܢ ܕܒܝܬ ܐܟ̣ܣܪܟܐ܆ ܥ̣ܠܘܢ̣ ܘܐܡ̣ܪܘ ܠܗ ܠܐ̣ܘܛܝܟ. ܕܬܗܘܐ ܝ̇ܕܥ ܡܪܝ ܕܐܢ ܬܐ̣ܬܐ ܠܘܬܟ܆ ܘܠܫܢܗ̇ ܠܐ ܦ̇ܣܩܬ܆ ܐ̇ܘ ܪܝܫܗ̇ ܠܐ ܫ̇ܩܠܬ܆ ܠܐ ܫ̇ܒܩܐ ܨ̇ܥܪܐ ܐ̇ܘ ܒ̣ܙܚܐ܇ ܕܠܐ ܒܐ̈ܦܝܟ ܡܨ̇ܚܝܐ. ܘܟܕ ܒ̇ܠܥܐ ܘܡܬܢ̇ܓܕܐ܆ ܝܬܝܪܐܝܬ ܡ̇ܘܣܦܐ ܟܕ ܥܬ̣ܝܕܐ ܠܩ̣ܛܠܐ̣ ܘܠܗܝ̣ܩܐ ܠܡ̇ܘܬܐ. ܒܚܪܬܐ ܕܝܢ ܟܕ ܐ̇ܥ̣ܠܘܗ̇ ܠܥܕܬܐ ܘܐܬ̇ܚܠܦܘܢ ܥܠܝܗ̇ ܣܓ̈ܝܐܐ: ܘܐ̇ܣܓ̣ܝܘ ܥܠܝܗ̇ ܠܘ̇ܚ̈ܡܐ ܘܓ̈ܙ̇ܡܐ܆ ܒܟܠܗܘܢ̣ ܐܝܟ ܕܒܡ̣̈ܝܬܐ ܕܠܐ ܢܦܫܐ ܐܗ̣ܠܬ݀. ܘܐܟܣ̣ܬ݀ ܒܣܓܝܐ̈ܬܐ܆ ܥܕܡܐ ܕܟܠܗܘܢ ܒܟܠܕܘܟ ܐܙܕܟ̣ܝܘ ܡܢܗ̇. ܘܒܚܪܬܐ̣ ܫܪ̣ܐܘܗ̇ ܕܬܐ̣ܙܠ ܠܕܝܪܗ̇. ܐ̣ܝܟܢܐ̣ ܕܥܠ̣ܬܐ ܕܦܘ̇ܢܝܐ ܗ̣ܘܬ ܠܟܠܗ̇ ܕܝܪܗ̇܆ ܟܕ ܠܐ ܬܘܒ ܐܪܡ̣ܝܘ ܥܠܝܗܝܢ. ܟܕ ܡܢ ܐܓ̈ܘܢܝܗ̇ ܟ̇ܘܙܝܢ ܐܡ̇ܪܝܢ ܗܘܘ܆ ܕܐܢ ܠܡ ܚܕܐ ܚܬܐ ܡܢ ܗ̇ܝ ܕܝܪܐ: ܒܗܠܝܢ ܟܠܗܘܢ ܐܓ̈ܘܢܐ ܩܡ̣ܬ݀ ܘܠܐ ܐܬܪܦ̣ܝܬ݀܆ ܟܕ ܟܠܗܘܢ ܢܫ̇ܬ̈ܘܝܢ܆ ܡܢ̣ܘ ܡܨ̣ܐ ܚܝ̇ܠܗܝܢ. ܪܝܫܐ ܕܐܖ̈ܒܥܝܢ. ܕܥܠ ܡ̇ܥܢܝܬܐ ܕܚܡܫܒܫܒܐ    ܕܪܐܙܐ ܕܒܥ̣ܐ ܐ̣ܘܛܝܟ ܕܢܚ̇ܠܦ܇ ܗ̇ܝ ܕܡܢ ܥܝ̇ܕܐ ܩܕܡܝܐ ܒܟܠܗܝܢ ܥ̈ܕܬܐ ܡܫܬ̇ܡܫܐ ܗܘܬ܇ ܘܢܣ̣ܝܡ ܕܝܠܗ. ܏ܡ ܟܕ ܗܟܝܠ ܥܫܝܢܐ ܐ̣ܘܛܝܟ ܐܝܟ ܕܒܫܪܟܐ ܐܙܕ̣ܪܟܠ ܡܫ̇ܩܠܐܝܬ: ܕܡ̇ܠܦܢܐ ܗ̣ܘ ܠܗ ܢܚ̇ܘܐ: ܘܟܕ ܥܝ̇ܕܐ ܕܬܫܡ̣̈ܫܬܐ ܕܥ̈ܕܬܐ ܕܡܢ ܒܪܫ̣ܝܬ ܕܢܫ̣ܪܐ ܘܢܒ̇ܛܠ ܐܬ̇ܦܪܣ: ܘܐܒ̇ܕܢܐ ܕܝܠܗ ܢܩ̣ܒܘܥ ܘܢܩ̣ܝܡ: ܗ̇ܘ ܕܒ̈ܦ̣ܛܩܐ ܟܬ̣ܒܗ ܒܚܡܫܐ ܒܫܒܐ ܕܪܐܙܐ: ܘܫ̣ܕܪܗ ܠܟܠܗܝܢ ܥ̈ܕܬܐ: ܘܦܩ̣ܕ ܕܟܕ ܗ̇ܝ ܡ̇ܥܢܝܬܐ ܕܡܢ ܒܪܫܝܬ ܡܬ̇ܒܛܠܐ: ܗ̇ܝ ܕܝܠܗ ܬܫܬ̇ܡܫ܆ ܟܕ ܓ̇ܙܡ ܘܡܬ̇ܠܚܡ ܥܠ ܐܝܠܝܢ ܕܡ̇ܡܪܚܝܢ ܕܗܝ̇ ܩܕܡܝܬܐ    ܢܫ̇ܡܫܘܢ܇ ܘܢ̇ܪܦܘܢ ܗ̇ܝ ܕܝܠܗ. ܐ̇ܝܟܢܐ ܕܠܘ ܒܠܚܘܕ ܩܠ̣ܝܪܘܣ ܕܟܠܗܝܢ ܥ̈ܕܬܐ ܘܕܥܘܡܪ̈ܐ ܕܕܝܪܝܘܬܐ: ܕܓܒܪ̈ܐ ܘܕܢܫ̈ܐ ܐܫܬܓ̣ܫܘ ܘܐܬ̇ܕܠܚܘ ܒܗܕܐ܆ ܐܠܐ ܘܐܦ ܟܠܗ̇ ܡܕܝܢܬܐ̣ ܘܟܠܗ̇ ܣܘܢ̣ܩܠܝܛܘܣ. ܥܕܡܐ ܠܐ̣ܝܟܐ ܕܩ̇ܪܝܒܐ ܗܘܬ ܕܬܗܘܐ ܣܛܣܝܣ ܪܒܬܐ ܥܠܘܗܝ܇ ܠܘ ܒܠܚܘܕ ܡܢ ܥ̈ܕܬܐ ܘܕܝܪ̈ܬܐ܇ ܐܠܐ ܘܐܦ ܡܢ ܟܠܗ̇ ܡܕܝܢܬܐ. ܐ̣ܝܟܢܐ ܕܥܕܡܐ ܠܡ̇ܠܟܐ܇ ܗܠܝܢ ܒܝܕ ܐܢܫܐ ܡܢ ܣܘܢܩ̣ܠܝܛܘܣ ܢܬ̈ܝ̇ܕܥܢ. ܗ̣ܘ ܕܝܢ ܐܦܝܣܩܦܐ܆ ܟܕ ܚܦ̣ܝܛܐܝܬ ܒܚܐ̣ܦܐ ܕܚܡ̣ܬܐ ܥܠ ܗܘܐ ܠܘܬ ܡ̇ܠܟܐ ܕܢܩ̣ܒܘܠ ܠܗ ܥܠ ܗܠܝܢ܆ ܗܝ̇ܕܝܢ ܟܐ̣ܐ ܒܗ ܟܐ̇ܬܐ ܩܫ̣ܝܬܐ ܟܕ ܐܡ̇ܪ܇ ܕܥܕܡܐ ܠܡ ܠܐܡܬܝ܇ ܠܐ ܡ̇ܛܟܣܬ ܢܦܫܟ ܘܝ̇ܬܒܬ ܫ̇ܠܝܬ܇ ܕܗܐ ܫܓ̣ܫܬܗ̇ ܘܕܠܚ̇ܬܗ̇ ܠܟܠܗ̇ ܡܕܝܢܬܐ. ܐ̇ܝܟܢܐ ܓܝܪ ܐܢܬ ܡܨ̣ܝܬ ܕܬܚ̇ܠܦ ܠܗܘܢ ܥ̈ܝ̇ܕܝܗܘܢ ܩ̈ܕܡܝܐ. ܘܚ̣ܙܝ ܕܕܡ ܢܪܓ̣ܡܘܢܟ. ܐܡ̇ܪ ܠܗ. ܡܪܝ ܐܢܐ ܣܡ̇ܬ ܡܢ ܕܝܠܝ̣ ܕܣ̇ܓܝ ܦ̇ܚܡܐ ܛܒ ܡܢ ܗܝ̇ ܩܕܡܝܬܐ. ܐܡ̇ܪ ܠܗ ܡ̇ܠܟܐ܆ ܗ̣ܘܝ ܝ̇ܕܥ̣ ܕܡܢ ܫܡܝܐ ܐܠܘ ܐ̇ܚܬ̣ܬܗ̇ ܠܡܥܢܝܬܟ܆ ܠܓܡ̣ܪ̣ ܠܐ ܡܩ̇ܒܠܝܢ ܠܗ̇. ܙܠ̣ ܬ̣ܒ ܒܥܕܬܟ܆ ܘܐܬ̇ܢܩܦ ܠܐܝܠܝܢ ܕܡܢ ܐܒ̈ܗܬܐ ܩ̈ܕܡܝܐ ܒܗ̇ ܐܬܬܣ̣ܝܡ. ܘܗܟܢܐ ܬܟ̣ܣܗ ܡܢ ܚܐ̣ܦܗ ܘܒܛܠ̣ܘ ܓ̇ܙܡ̈ܘܗܝ ܘܫܠ̣ܝܘ. ܪܝܫܐ ܕܐܪ̈ܒܥܝܢ ܘܚܕ܆ ܕܥܠ ܐܝܠܝܢ ܕܒܚܪܬܐ ܬܘܒ  ܡܢ ܒܬܪ ܟܘܠܗܘܢ ܢܣܝ̈ܘ̣ܢܘܗܝ ܓܕܫ̣ܝܗܝ ܠܝܘܚܢܢ܇ ܗ̇ܘ ܕܡܬ̣ܩܪܐ ܗܘܐ ܕܥܠ ܚ̈ܢܦܐ. ܏ܡܐ ܝܘܚܢܢ ܕܝܢ ܗܢܐ ܕܡܬܩ̣ܪܐ ܗܘܐ ܕܥܠ ܚ̈ܢܦܐ: ܕܐ̣ܝܬܘܗܝ ܗܘܐ ܐܦܝܣܩܘܦܐ ܕܐܦ̣ܣܘܣ: ܡܢ ܒܬܪ ܟܠܗܘܢ ܢܣ̣̈ܝܘܢܐ ܘܚܒ̣̈ܘܫܝܐ ܘܪ̈ܕܘܦ̣ܝܐ ܘܐܟ̣ܣܘܪ̈ܝܘܣ ܕܣܒ̣ܠ: ܒܚܪܬܐ ܡܬ̣ܬܒܥ ܗܘܐ ܕܢܬܠ ܟܪܛܝܣܐ ܕܦ̣ܪܣܛܝܘܢ ܚܕ ܕܝܗ̣ܝܒ ܗܘܐ ܠܗ ܡܢ ܩ̇ܠܝܢܝܩܐ ܦ̣ܪܦܘܣܝܛܐ   ܦ̣ܪܘܦܣܝܛܐ ܕܡ̇ܠܟܐ ܘܦܛܪܝܩܝܘܣ: ܗ̇ܘ ܕܟܕ ܫܩ̣ܠܗ ܗ̣ܘ ܝܘܚܢܢ܆    ܐ̇ܦ̣ܩ ܥܠܘܗܝ ܢܦ̣ܩ̈ܬܐ ܣܓܝܐ̈ܬܐ̣ ܘܚ̇ܕܬܗ. ܘܒܢ̣ܐ ܒܗ ܥܕܬܐ̣ ܘܥܒ̣ܕ ܒܗ ܓ̇ܣܛܪ̈ܢܣ ܬܠܬ̣ ܘܫܡ̇ܗܗ ܕܝܪܐ. ܘܟܕ ܗܘ̣ܐ ܪܕܘܦ̣ܝܐ ܡܢ ܝܘܚܢܢ܆ ܫܩ̣ܠܗ̇ ܡܢܗ ܠܕܝܪܐ ܕܫܡ̇ܗ܆ ܘܣ̣ܡ ܒܗ̇ ܣܘܢܗ̈ܕܝܛܐ܆ ܘܫ̣ܕܝܗܝ ܠܓ̇ܙܪܬܐ ܕܝܡܐ ܠܐܟ̣ܣܘܪܝܐ. ܘܟܕ ܡܝ̣ܬ ܝܘܚܢܢ ܘܥܠ ܐ̣ܘܛܝܟ܆ ܬ̇ܒܥ ܗܘܐ ܠܗ ܕܢ̣ܬܠ ܠܗ ܕܘܐ̣ܪܐܐ ܕܝܠܗ ܕܦܪܣܛܝܘܢ. ܘܫܪܟܐ ܕܟܪ̈ܛܝܣܐ ܕܝܠܗ ܕܦܪܣܛܝܘܢ. ܘܠܘ ܒܠܚܘܕ̣ ܐܠܐ ܘܬܫܡܫܬܐ ܘܟܬ̈ܒܐ ܘܫܪܟܐ ܕܨܒ̈ܘܬܐ ܕܡܢ  ܒܬܪ ܪܕܘܦ̣ܝܐ ܘܐܘܠܨܢܐ ܕܝܘܡ̈ܬܐ ܣܓ̈ܝܐܐ܆ ܠܒ̣ܟܗ ܘܚܒ̣ܫܗ ܒܝܬ ܐ̇ܣܝܪ̈ܐ. ܟܕ ܬܒ̣ܥ ܘܫܩ̣ܠ ܐܢܘܢ ܡܢܗ ܠܟܪ̈ܛܝܣܐ ܟܠܗܘܢ ܕܦ̣ܪܣܛܝܘܢ. ܘܟ̇ܢ̣ܫ ܥܠܘܗܝ ܟܕ ܚܒ̣ܝܫ܆ ܠܟܠܗ̇ ܐ̣ܣܦܝܪ ܕܐ̣ܩ̈ܠܝܣܝܓܕܝܩܐ ܟܠܗܘܢ ܘܥ̈ܠܡ̇ܝܐ ܟܕ ܕܝ̇ܢܝܢ ܥܡܗ: ܡܛܘܠ ܬܫܡ̣ܫܬܐ ܘܫܪܟܐ. ܟܕ ܗ̣ܘ ܐܬ̇ܚܝܠ ܡܢ ܛܝܒܘܬܐ: ܘܐܡ̇ܪ ܗܘܐ ܠܗܘܢ܆ ܕܐ̇ܝܕܐ ܐܪܐ ܬܫܡ̣ܫܬܐ̣ ܘܐ̇ܝܠܝܢ ܨ̣ܒ̈ܘܬܐ ܬܒ̇ܥܝܢ ܐܢܬܘܢ. ܗܠܝܢ ܕܝܗܒ̣ܬܘܢ ܬܡܢ܈ ܐ̇ܘ ܐܢܬܘܢ ܐ̇ܘ ܐܚܪܝܢ܆ ܗ̇ܘ ܕܝܗ̣ܒ ܠܝ ܬܫܡ̣ܫܬܐ܆ ܦܚ̇ܡܐ ܠܗ ܕܢܐܬܐ ܢܬ̣ܒܥ ܢܬ̇ܬܒܥ ܡܢܝ. ܗܐ ܓܝܪ ܟܠܗܘܢ ܕܝܩ̣̈ܝܘܡܛܐ ܕܦ̣̇ܪܣܛܝܘܢ ܕܐܫܬܟܚ̣ܘ ܠܝ܆ ܒܥ̣ܘܠܐ ܘܒܚܛܘ̣ܦܝܐ̣ ܕܠܐ ܕܚ̣ܠܬ ܐܠܗܐ ܫܩ̣ܠܬܘܢ. ܩ̣ܪܘ̣ ܘܚ̣ܙܐܘܢ. ܐܝܬ ܒܗܘܢ ܫܡܐ ܕܕܝܪܐ: ܘܐܢ ܬܫܡ̣ܫܬܐ ܟܬܝ̣ܒܐ ܒܗܘܢ ܕܩܒ̇ܠܬ܆ ܘܗ̇ܝ ܕܝܢ ܡܬܬ̣ܒܥ ܐܢܐ. ܐܢܐ̣ ܓܝܪ ܟܕ ܒܝܫ̣ܐܝܬ ܥܒ̇ܕܬ܇ ܫܡ̇ܗܬܗ̇ ܕܝܪܐ. ܘܐܢ ܕܝܢ ܠܐ܆ ܐܦܠܐ ܕܝܪܐ ܐ̣ܝܬܘܗܝ ܗܘܐ. ܘܗܟܢܐ ܒܝܕ ܥܘܕܪܢܐ ܕܐܠܗܐ̣ ܟ̇ܚ̣ܕ ܐܢܘܢ. ܘܬܟ̣ܘ ܡܢܗ̣ ܟܠܗܘܢ ܡܢ ܗܠܝܢ. ܬܒ̣ܥܘܢ ܕܝܢ ܘܫܩ̣ܠܘܢ ܡܢܗ ܠܚ̈ܡܐ̣ ܚܡܫ. ܕܙܒ̣̈ܝܢܢ ܗ̈ܘܝ ܠܗ̣ ܒܬܠܬܡܐܐ ܕܪ̈ܝܟܘܢܐ. ܕܝܪ̈ܝܟܘܢܐ ܟܕ ܐܡ̇ܪܝܢ܆ ܕܗܠܝ̣ܢ ܒܫܡܐ ܕܕܝܪܐ ܙܒ̣ܢܬ. ܘܟܕ ܐ̣ܝܬܘܗܝ ܒܚ̣ܒܘܫܝܐ ܝܗ̣ܒ ܦ̣ܪܣܛܝܘܢ܆ ܘܗܝ̇ܕܝܢ ܐܫܬ̣ܪܝ ܘܢܦ̣ܩ ܡܢ ܐܘܠܨܢܐ ܕܚܒ̣ܘܫܝܐ.