ܪܝܫܐ ܕܐܖ̈ܒܥܝ̣ܢ ܕܥܠ ܐ̈ܦܝܣܩܦܐ ܣܘܢܗ̈ܕܝܛܐ ܕܗ̣ܘܘ ܒܐܠ̣ܟܣܢܕܪܝܐ. ܏ܡ ܡܢ ܒܬܪ ܕܝܢ ܕܡ̇ܠ̣ܝ ܒܐܦܝܣܩܦܘܬܐ ܕܐܠ̣ܟܣܢܕܪܝܐ: ܝܘܚܢܢ ܗ̇ܘ ܕܡܢ ܦܛܪܝܩܝܘܣ ܕܗܘ̣ܐ ܒܡܕܝܢܬ ܡ̇ܠܟܘܬܐ: ܘܐܫܬ̇ܕܪ ܠܬܡܢ ܫ̈ܢܝܐ ܘܡܝ̣ܬ: ܘܐܬ̣ܩܪܝ ܡܢ ܒܬܪܗ܆ ܐܢܫ ܕܫܡܗ̣ ܐܘ̣ܠܓܝܘܣ ܐܟ̣ܣܢܕܟܪܐ ܡܢ ܐܢܛܝܟܝܐ. ܘܗܘ̣ܐ ܬܡܢ ܦܦܐ܆ ܒܫܢܬ ܬܠܬ ܕܙܟ̇ܝܐ ܛܒ̣ܪܝܘܣ.܀.܀. ܕܡ̣ܪܘܣ ܕܝܢ ܕܝܘ̈ܠܝܢܣܛܐ ܐ̣ܝܬܘܗܝ ܗܘܐ̣ ܕܪܐܬܐܣ܇ ܗ̇ܘ ܕܡܢ ܫ̈ܢܝܐ ܣܓܝܐ̈ܬܐ ܥܒ̣ܝܕ ܗܘܐ ܘܝܬ̇ܒ ܬܡܢ.܀. ܕܡ̣ܪܣ ܬܘܒ ܕܒܝܬ ܬܐܕܘܣܝܣ ܒܬܪ ܙܒܢܐ ܕܡ̇ܘܬܗ܆ ܠܘܩܕܡ ܗ̣ܘܐ ܐܢܫ ܕܫܡܗ̣ ܬܐܕܘܪܘܣ ܡ̇ܕܒܪܢܐ ܣܘܪܝܝܐ.܀.܀. ܘܟܕ ܝܠ̣ܦܘ ܩܠ̣ܝܪ̈ܝܩܘ ܘܫܪܟܐ ܡܢ ܗܢܐ̣ ܗܦ̣ܟܘ. ܘܟܕ ܠܐ ܩܒ̇ܠܘܗܝ ܕܠܐ ܛܟ̣ܣܐ ܩܢܘܢܝܐ܆ ܐ̣ܙܕܪܟܠܘ ܘܥܒ̣ܕܘ ܐܚܪܢܐ ܠܥܠ ܡܢܗ܆ ܕܫܡܗ̣ ܦܛܪܘܣ. ܘܟܕ ܗܢܐ ܡ̇ܠܝ ܘܥܒ̣ܕ ܝܬܝܪ ܡܢ ܬܡ̈ܢܐܝܢ ܐܦܝ̈ܣܩܘܦܝ̣ܢ ܡܝ̣ܬ. ܘܥܒ̣ܕܘܢ ܠܐܢܫ ܣܘܪܝܝܐ܆ ܕܫܡܗ̣ ܕܡܝ̣ܢܐ ܘܦܫ̣ܘ̣ ܟܕ ܣܕ̣ܝܩܝܢ.܀. ܪܝܫܐ ܕܐܪ̈ܒܥܝܢ ܘܚܕ܆ ܥܠ ܐ̈ܦܝܣܩܘܦܐ ܕܗ̣ܘܘ ܒܐܢܛܝܟܝܐ ܡܢ ܦܠܘܝܢܐ ܘܣܐܘܪܐ. ܏ܡܐ ܒܐܢܛܝܟܝܐ ܗܟܝܠ ܪܒܬܐ ܕܣܘܪܝܐ: ܒܝ̈ܘܡܝ ܐܢܣܛܣ ܡ̇ܠܟܐ܆ ܗ̣ܘܐ̣ ܦܠܘܝܢܐ. ܗܢܐ ܕܐܬܟ̣ܣܣ ܒܗܪܣܝܣ ܕܬܪ̈ܝܝ ܟ̈ܝܢܐ܆ ܘܐܫ̣ܬܕܝ ܡܢ ܟܘܪܣܝܗ. ܟܕ ܗ̣ܘܐ̣ ܫ̈ܢܝܐ. ܘܒܬܪ ܗܢܐ ܗ̣ܘܐ̣ ܣܐܘܪܐ ܐܪܬܕܘܟܣܐ. ܘܠܒ̣ܟ ܫ̈ܢܝܐ̣ ܫܬ. ܘܒܪܝܫܗ̇ ܕܡ̇ܠܟܘܬܗ ܕܝܘܣܛܝܢܐ ܣܒܐ ܗ̇ܘ ܩܕܡܝܐ܆ ܢܦ̣ܩ ܡܢ ܟܘܪܣܝܗ. ܘܒܬܪ ܫ̈ܢܝܐ ܕܗ̣ܘܐ ܒܡ̣ܕܒܪܐ ܕܐܓ̣ܘܦܛܘܣ̣ ܡܝ̣ܬ ܬܡܢ. ܬܡ‍ ܘܟܕ ܫ̇ܢܬܐ ܚܕܐ ܗܘ̣ܬ ܐܢܛܝܘܟܝܐ ܕܠܐ ܐܦܝܣܩܦܐ܆ ܒܚܪܬܐ̣ ܢܚ̣ܬ ܦܘܠܐ ܝܗܘܕܝܐ܇ ܕܐ̣ܝܬܘܗܝ ܗܘܐ ܦ̣ܪܡܘܢܪܐ ܕܛ̇ܘܒܢܝܬܐ ܐ̣ܘܦܡܝܐ ܒܟܠܩܕܘܢܐ. ܗܢܐ ܐܚ̣ܬ ܕܘܦ̣ܛܝܟܘܢ ܕܟܬ̣ܝܒܐ ܒܗ ܣܘܢܗܕܣ ܠܡܕܢܚܐ. ܘܟܕ ܐܝܟ ܫ̈ܢܝܐ ܬܪ̈ܬܝܢ ܠܒ̣ܟ܆ ܐ̣ܬܝ̣ܕܥ ܕܐ̣ܝܬܘܗܝ ܢܣܛܘܪܝܢܐ܆ ܘܐܫ̣ܬܕܝ ܘܐܦ ܗ̣ܘ̣ ܘܢܦ̣ܩ.܀.܀. ܘܒܬܪ ܗܢܐ܆ ܐ̣ܘܦܪܘܣ ܒܪ ܫܡ̇ܪ̈ܝܐ. ܘܒܫܢܬܐ ܫܒ̣ܝܥܝܬܐ ܕܝܠܗ̣ ܐܬܗܦ̣ܟܬ݀ ܐܢܛܝܘܟܝ ܒܙܘ̇ܥܐ̣ ܘܡܝ̣ܬ ܒܗ̇.܀.܀. ܒܬܪ ܕܝܢ ܗܢܐ ܬܘܒ܆ ܗ̣ܘܐ ܐܦܪܝܡ ܐܡ̇ܕܝܐ ܒܪ ܐ̇ܦܝܢܐ ܪܕܘ̇ܦܐ ܒܝ̣ܫܐ ܝܬ̇ܝܪ ܡܢ ܦܘܠܐ ܘܐ̣ܘܦܪܘܣ. ܘܚ̣ܝܐ ܫ̈ܢܝܐ̣ ܘܡܝ̣ܬ.܀. ܘܒܬܪ ܗܢܐ ܗ̣ܘܐ ܕܘܡ̣ܢܝܢܐ ܪܗܘܡܝܐ̣ ܠ‍ .܀. ܘܒܬܪ ܗܢܐ ܗܘ̣ܐ ܐܢܣܛܣ. ܗ ‍ܣܛܣ ܕܐ̣ܝܬܘܗܝ ܗܘܐ ܐܦܝܩܪܝܣܪܐ ܗܘ ‍ܦܝܩܪܝܣܪܐ ܕܐܠܟ̣ܣܢܕܪܝܐ. ܕܐܠܟ̣ܣ‍ ܘܥܠ ܗܢܐ ܪܟ̇ܒ ܖ̈ܟ̇ܒܘ ܥܠܘܗܝ ܥ̈ܠܠ̣ܬܐ ܝܘܣܛܝܢܐ ܗ̇ܘ ܐܚܪܝܐ܆ ܘܐܦܩ̣ܗ ܘܐܫܬ̇ܕܪ ܚܠܦܘܗܝ ܐܢܫ ܪܝܫ ܕܝܪܐ ܕܛܘܪ ܣܝܢܝ ܕܫܡܗ ܓܪܝܓܘܪ.܀.܀. ܘܬܘܒ ܘܬܘ ܗܠܝܢ ܕܠܘܩܒܠ ܣܘܢܗܕܣ ܣܘ ܕܟܠܩܕܘܢܐ ܕ ܘܢܐ ܠܘܩܕܡ ܒܬܪ ܙܒܢܐ ܣܓܝܐܐ܆ ܥܒ̣ܕܘܢ ܒܕܘܟܬ ܣܐܘܪܐ܆ ܠܣܪܓܝܣ. ܐܢܫ ܕܒܓܢܣ̣ܗ ܐ̣ܝܬܘܗܝ ܗܘܐ̣ ܬ̇ܠܝ̣ܐ. ܘܟܕ ܡ̇ܠ̣ܝ ܐܝܟ ܬܠܬ ܫ̈ܢܝܢ܆ ܡܝ̣ܬ̣ ܒܡܕܝܢܬ ܡ̇ܠܟܘܬܐ̣ ܐ̇ܝܟܐ ܕܐܦ ܗ̣ܘܐ.܀.܀.܀. ܒܬܪ ܕܝܢ ܙܒܢܐ ܬܘܒ܆ ܗ̣ܘܐ ܒܬܪܗ ܦܘܠܘܣ ܐܢܫ ܐܠ̣ܟܣܢܕܪܝܐ ܣܘ̣ܢܩܠܘܣ ܕܬܐܕܣܝܣ ܕܐܠܟ̣ܣܢܕܪܝܐ. ܗ̇ܘ ܕܒܦܘܩܕܢܗ ܘܒܝ̣ܕܥܬܗ̣ ܗ̣ܘܐ ܒܝܘܡ̈ܬܐ ܒܝ̣̈ܫܐ. ܗܢܐ ܕܒ̣ܣܕܩܐ ܕܗ̣ܘܐ ܒܝܬ ܠܗ ܠܛ̇ܘܒܢܐ ܝܥܩܘܒ܆ ܥܕܬܐ ܕܡܗ̈ܝܡܢܐ ܐܣܬ̣ܕܩܬ̣̇ ܘܠܬܪ̈ܬܝܢ ܦ̈ܠܓ̇ܘܢ ܗ̣ܘܬ. ܘܒܩܖ̈ܒܐ ܘܒܬ̈ܟܬ̇ܘܫܐ ܕܠܐ ܡܬ̈ܪܝܚܝܢ܆ ܬܪ̈ܝܗܘܢ ܓ̇ܒ̈ܐ̣ ܥܡ ܚ̈ܕܕܐ ܢܦܠ̣ܘ. ܘܗܠܝܢ ܬܘܒ ܕܠܩ̣ܘܒܠܗ ܕܦܘܠܐ: ܒܬܪ ܡ̇ܘܬܗ ܕܝܥܩܘܒ܆ ܐܚܪܢܐ ܦܛܪܝܪܟܐ ܒܐܢܛܝܟܝܐ ܠܐܢܫ ܕܫܡܗ ܦܛܪܘܣ ܐܩܝ̣ܡܘ: ܕܠܐ ܢܡ̇ܘܣ ܕܡܢ ܩ̇ܠܝܢܝܩܘܣ ܡܕܝܢܬܐ.܀.܀. ܘܗܠܝܢ ܗܟܢܐ ܗ̣̈ܘܝ̣ ܩܠܝܠܐܝܬ ܥܕܡܐ ܠܗܫܐ ܕܗܠܝܢ ܡܬ̈ܟܬ̇ܒܢ܇ ܕܐ̣ܝܬܝܗ̇ ܫܢܬ ܬܡܢܡܐܐ ܘܬܫܥܝܢ ܘܬܪ̈ܬܝܢ. ܪܝܫܐ ܕܐܪ̈ܒܥܝܢ ܘܬܪ̈ܝܢ܆ ܕܥܠ ܐ̈ܦܝܣܩܦܐ ܕܗ̣ܘܘ ܒܩܘܣܛܢܛܝܢܦܘܠܝܣ܇ ܒܝ̈ܘܡܝ ܡ̇ܠܟܘܬܗ ܕܝܘܣܛܢܝܢܐ. ܏ܡܒ ܒܩܘܣܛܢܛܝܢܦܘܠܝܣ ܡܢ ܒܬܪ ܐ̣ܦܦܢܝܣ܆ ܐܬ̣ܕܒܪ ܠܐܦܝܣܩܦܘܬܐ ܐܢܬ̣ܝܡܘܣ. ܗܢܐ ܕܐ̣ܝܬܘܗܝ ܗܘܐ ܡܢ ܩܕܝܡ܆ ܐܦܝܣܩܘܦܐ ܕܛܪܦܙܘܢ̣ܛܐ ܕܛܪܦܘܙܢ̣ܛܐ ܡܕܝܢܬܐ. ܘܐܬ̣ܩܪܝ ܠܡܕܝܢܬ ܡ̇ܠܟܘܬܐ.܀.܀.܀. ܘܟܕ ܗ̣ܘܐ ܒܗ̇ ܙܒܢܐ ܕܫ̈ܢܝܐ܆ ܟܕ ܐܬܩ̣ܪܝ ܗܘܐ ܣܐܘܪܐ ܕܐܢܛܝܟܝܐ ܡܢ ܐܓܝ̣ܦܛܘܣ ܒܝܕ ܦܘܩܕܢܗ ܕܝܘܣܛܝܢܝܢܐ: ܕܢܡ̇ܠܠܘܢ ܡܛܠ ܚܕܝܘܬܐ: ܘܐܝ̣ܠܦ ܐܢܬ̣ܝܡܘܣ ܒܝܕ ܕܪܫ̇ܗ ܕܣܐܘܪܐ ܥܠ ܣ̣ܘܪܚܢܗ̇ ܘܡܥܩ̇ܡܘܬܗ̇ ܕܣܘܢܗܕܣ ܕܟܠܩܕܘܢܐ: ܘܥܠ ܓ̇ܘ̈ܕܦܘܗܝ ܕܠܐܘܢ ܕܒܛܘܡ̣ܣܗ܆ ܫܒ̣ܩܗ ܠܬܪܘܢܘܣ ܕܡܕܝܢܬ ܡ̇ܠܟܘܬܐ܆ ܘܢܦ̣ܩ ܘܐܬ̇ܚܝܕ ܥܡ ܣܐܘܪܣ ܘܬܐܕܣܝܣ ܕܐܠܟ̣ܣܢܕܪܝܐ. ܒܬܪ ܕܝܢ ܗܢܐ ܝܬ̣ܒ ܥܠ ܬܪܘܢܘܣ ܕܡܕܝܢܬ ܡ̇ܠܟܘܬܐ܆ ܐܢܫ ܡܐ̣ܝܢܐ ܐܠ̣ܟܣܢܕܪܝܐ. ܕܐ̣ܝܬܘܗܝ ܗܘܐ̣ ܐܟ̣ܣܢܕܟܪܐ ܕܐܟ̣ܣܢܕܘܟܝܢ ܕܫܡܫܘܢ. ܘܟܕ ܗܢܐ ܡ̇ܠܝ ܫ̈ܢܝܐ܆ ܢܦ̣ܩ ܡܢ ܥܠܡܐ. ܘܩ̣ܡ ܒܬܪܗ ܐܢܫ ܥܠܝܡܐ ܕܝܪܝܐ ܐܦ̣ܩܪܝܣܪܐ ܕܐܡ̣ܣܝܐ ܕܫܡܗ̣ ܐ̣ܘܛܘܟ. ܐ̇ܝܟܢܐ ܕܟܕ ܗܢܐ ܠܒ̣ܟ ܐܝܟ ܫ̈ܢܝܐ ܬܪ̈ܬܥܣܪܐ܆ ܐܫܬ̣ܕܝ ܘܢܦ̣ܩ ܡܢ ܟܘܪܣܝܗ. ܘܗ̣ܘܐ ܒܬܪܗ̣ ܝܘܚܢܢ. ܐܢܫ ܣ̣ܘܪܝܝܐ ܡܢ ܣ̣ܪܡܝܢ ܩ̣ܪܝܬܐ ܕܒܒܝܬ ܐܢܛ̈ܝܘܟܝܐ. ܗܢܐ ܕܟܕ ܗ̣ܘܐ܆ ܥܒ̣ܕ ܩ̇ܬܪܣܝܣ ܕܐ̣ܘܛܘܟܐ̣ ܘܐ̣ܘܛܘܟܐ ܕܝܠܗ. ܘܟܕ ܡ̇ܠܝ ܝܘܚܢܢ ܬܪ̈ܬܥܣܪܐ ܫ̈ܢܝܢ ܘܦ̣ܠܓܗ̣̇ ܡܝ̣ܬ. ܘܬܘܒ ܐܬܩ̣ܪܝ ܐ̣ܘܛܘܟ̣ ܐ̣ܘܛܝܘܟ̣ ܘܗܦ̣ܟ ܠܟܘܪܣܝܗ. ܫܠ̣ܡ ܣ̣ܦܪܐ ܩܕܡܝܐ ܕܬܫ̣̈ܥܝܬܐ ܕܥܕܬܐ. ܕܐܣܬ̇ܝܟܘ ܒܗ ܪ̈ܝܫܐ ܐܪ̈ܒܥܝ̣ܢ ܘܬܪ̈ܝܢ. ܬܘܒ ܣ̣ܦܪܐ ܕܬܪ̈ܝܢ ܕܬܫ̈ܥ̣ܝܬܐ ܕܐܩ̣ܠܣܝܣܛܝܩܐ. ܕܐܝܬ ܒܗ ܪ̈ܝܫܐ̣ ܚܡܫܝܢ ܘܬܪ̈ܝܢ܆ ܕܐ̣ܝܬܝܗܘܢ̣ ܗܠܝܢ. ܏ܐ ܪܝܫܐ ܩܕܡܝܐ܆ ܥܠ ܗ̇ܝ ܕܟܕ ܚܙ̣ܘ ܐܦܝ̈ܣܩܘܦܐ ܕܐܬܢ̣ܟܠܘ ܘܐܬ̇ܕܓܠܘ ܒܗܘܢ܇ ܦܣ̣ܩܘ ܡܢ ܫܘܬ̇ܦܘܬܐ ܕܣܘܢܗ̈ܕܝܛܐ. ܏ܒ ܕܬܪ̈ܝܢ܆ ܕܥܠ ܦܘܠܘܣ ܦܛܪܝܪܟܐ܆ ܘܥܠ ܡ̇ܟܬܒܢܘܬܐ ܕܥܒ̣ܕ ܘܐܬܠܒ̣ܟܬ݀. ܏ܓ ܕܬܠܬܐ܆ ܕܥܠ ܣ̣ܛܦܢܐ ܐܦܝܣܩܦܐ ܕܩ̣ܘܦܪܘܣ̣ ܘܥܠ ܩ̇ܪܝܬܗ ܕܦܘܠܘܣ̣. ܏ܕ ܕܐܖ̈ܒܐ܆ ܕܥܠ ܝܘܚܢܢ ܕܥܠ ܚ̈ܢܦܐ. ܏ܗ ܕܚܡܫܐ܆ ܕܥܠ ܐܘ̈ܠܨܢܐ ܘܢ̣ܣ̈ܝܘܢܐ ܕܐܕܪܟ̣ܘܗܝ ܠܗ ܠܝܘܚܢܢ. ܏ܘ ܕܫܬܐ܆ ܕܥܠ ܚ̣ܙܘܐ ܕܙܒ̈ܢܝܢ ܣܓ̈ܝܐ ܢ ܐܬܚ̣ܙܝ ܠܗ ܠܝܘܚܢܢ. ܏ܙ ܕܫܒܥܐ܆ ܕܥܠ ܐܟ̣ܣܘܪܝܐ ܕܝܠܗ ܕܝܘܚܢܢ. ܏ܚ ܕܬܡܢܝܐ܆ ܕܥܠ ܥ̣ܪܘܩܝܗ ܕܦܘܠܘܣ ܡܢ ܒܝܬ ܐܦܝܣܩܘܦܝܘܢ. ܏ܛ ܕܬܫܥܐ܆ ܕܥܠ ܡ̇ܫܒܚܐ ܐ̇ܢܕܪܐܘܣ ܣܩ̇ܠܪܐ ܕܡ̇ܠܟܬܐ܆ ܘܥܠ ܐܓ̈ܘܢܐ ܕܐܬܟ̇ܬܫ. ܏ܝ ܕܥܣܪ̈ܐ܆ ܕܥܠ ܣ̣ܘܦܝܐ ܡ̇ܠܟܬܐ ܕܥܡ ܐܪ̈ܬܕܟܣܘ ܥܕܡܐ ܠܩܕܡ ܬܪ̈ܬܝܢ ܫ̈ܢܝܐ ܕܬ̇ܡܠܟ ܡ̇ܬܩܪܒܐ ܗܘܬ. ܏ܝܐ ܕܚܕܥܣܪ̈܆ ܕܥܠ ܬܠܬܐ ܗ̈ܘܦܛܘ ܕܥ̇ܙܝܘ ܘܐܦ ܗ̣ܢܘܢ ܘܩܡ̣ܘ ܘܐܬ̇ܟܬܫܘ ܓܢܒܪܐܝܬ. ܏ܝܒ ܕܬܪ̈ܥܣܖ̣̈ ܕܥܠ ܪ̈ܘܪܒܢܝܬܐ ܬܪ̈ܬܝܢ ܕܥ̇ܙܝܝܢ ܘܐܦ ܗ̣ܢܝܢ ܘܐܬܟ̇ܬܫܝܢ ܚܠܝ̣ܡܐܝܬ. ܏ܝܓ ܕܬܠܬܥܣܪ̈܆ ܕܥܠ ܣܪܓܝܣ ܘܣܪܓܝܣ ܩܫ̈ܝܫܢܐ ܕܝܠܢ܆ ܘܥܠ ܢܓ̣̈ܕܐ ܘܚܒ̈ܘ̣ܫܝܐ ܕܣ̣ܒܠܘ. ܏ܝܕ ܕܐܪ̈ܒܬܥܣܪ̈܆ ܕܥܠ ܐ̇ܢܕܪܐܘܣ ܩܫܝܫܐ ܚܒ̣ܝܫܐ. ܏ܝܗ ܕܚܡܫܬܥܣܪ̈܆ ܕܥܠ ܕܝ̣ܩܘܢܝܐ ܕܗܠܝܢ ܕܡܣ̣ܚܝܢ ܡܣ̣̈ܟܢܐ ܘܟ̣ܪ̈ܝܗܐ. ܏ܝܘ ܕܫܬܬܥܣܪ̈܆ ܕܥܠ ܕܝܩ̣ܢܝܐ ܐܚܪܬܐ ܪܒܬܐ.܀. ܏ܝܙ ܕܫܒܬܥܣܪ̈܆ ܕܥܠ ܗܝ̇ ܕܡܢ ܗܝ̇ ܕܝܢ ܒܟܠ ܕܘܟ ܪ̈ܕܘܦ̣ܝܐ ܐܬܬ̣ܥܝܪ̈ܘ.܀. ܏ܝܚ ܕܬܡ̇ܢܬܥܣܪ̈܆ ܕܥܠ ܐܝܠܝܢ ܕܡܢ ܩܬܘܠܝܩܐ ܕܕܐ̇ܘܝܢ ܡܕܝܢܬܐ ܪܒܬܐ ܕܐ̇ܪܡܝܢ ܕܦܪ̈ܣܝܐ ܘܕܥܡܗ ܡ̈ܬ̇ܬܢܝܢ ܗ̈ܘܝ.܀.܀. ܏ܝܛ ܕܬܫܬܥܣܪ̈܆ ܕܥ̣ܠ ܐܝܠܝܢ ܕܡܢ ܡ̈ܓܘ̣ܫܐ ܪ̈ܘܪܒܢܝ ܡ̇ܠܟܘܬܐ ܕܦܪ̈ܣܝܐ܇ ܠܘܬ ܡ̇ܠܟܗܘܢ ܐܬܐ̣ܡܪ ܘܐܣ̣ܬܥܪ. ܏ܟ ܕܥܣܖ̈ܝܢ܆ ܕܥܠ ܫ̣̇ܘܪܝ ܡܬ̇ܓܪܝܢܘܬܗ ܕܟܣ̣ܪܘܢ ܡ̇ܠܟܐ ܕܦܪ̈ܣܝܐ ܕܥܠ ܟܪܣܛܝܢܘܬܐ. ܏ܟܐ ܕܥܣܖ̈ܝܢ ܘܚܕ. ܕܥܠ ܐܝܠܝܢ ܕܡܢ ܒܬܪܟܢ ܐܣܬ̣ܥܪ ܡܢܗ ܕܟܣ̣ܪܘܢ ܒܐ̇ܪܡܢܝܐ ܕܦܪ̈ܣܝܐ. ܏ܟܒ ܕܥܣܪ̈ܝܢ ܘܬܪ̈ܝܢ܆ ܥܠܝܗܝܢ ܕܗܠܝܢ ܕܡܢ ܩܬܘܠܝܩܐ ܘܕܥܡܗ ܡܬ̈ܬ̇ܢܝܢ ܗ̈ܘܝ̣ ܘܫܪܟܐ. ܏ܟܓ ܕܥܣܪ̈ܝܢ ܘܬܠܬܐ܆ ܕܥܠ ܗ̇ܝ ܕܟܕ ܐܬ̣ܘ ܐܦܝܣ̈ܩܘܦܐ ܐ̇ܪ̈ܡܢܝܐ ܕܒܦ̣ܫܝܛܘܬܐ ܥ̣ܠܘܢ ܘܐܬ̇ܩܪܒܘܢ. ܏ܟܕ ܕܥܣܪ̈ܝܢ ܘܐܪ̈ܒܥܐ܆ ܕܥܠ ܐܝܠܝܢ ܕܒܚܪܬܐ ܐܣܬ̣ܥܪ ܟܕ ܐ̇ܫܠ̣ܡܘܢ ܐ̇ܪ̈ܡܢܝܐ.܀. ܏ܟܗ ܕܥܣܪ̈ܝܢ ܘܚܡܫܐ܆ ܕܥܠ ܡ̇ܪܕܘܬܐ ܕܚܝ̣ܠܬܐ ܘܩܫ̣ܝܬܐ ܕܐܕܪܟ̣ܬ̇ܗ ܠܝܘܚܢܢ. ܏ܟܘ ܕܥܣܪ̈ܝܢ ܘܫܬܐ܆ ܕܥܠ ܫܘܦ̣ܠܐ ܘܫܘ̇ܢܩܐ ܕܕܝܢ̣ܐ ܟܐܢܐ ܕܐܕܪܟ̣ܗ ܠܝܘܚܢܢ ܣ̣ܪܡܝܐ܆ ܥܡ ܗܝ̇ ܕܡܢ ܫܐܕܐ ܡ̣ܬܪܕܦ. ܗܘܐ ܏ܟܙ ܕܥܣܪ̈ܝܢ ܘܫܒܥܐ܆ ܕܥܠ ܗܝ̇ ܕܗ̣ܘ ܝܘܚܢܢ ܥܩ̣ܪ ܘܐ̇ܚ̣ܬ ܟܠܗܘܢ ܝܘܩ̈ܢܐ ܕܐܖ̈ܬܕܘܟܣܘ. ܏ܟܚ ܕܥܣܪ̈ܝܢ ܘܬܡܢܝܐ܆ ܕܥܠ ܬܐܕܘܠܐ ܫܡܫܐ ܪܕܘ̇ܦܐ. ܏ܟܛ ܕܥܣܪ̈ܝܢ ܘܬܫܥܐ܆ ܕܥܠ ܩܣ̣ܛܘܪ ܕܡ̇ܠܟܐ. ܏ܠ ܕܬܠܬܝܢ܆ ܕܥܠ ܗܝ̇ ܕܟܕ ܐܬ̇ܚܝܕܝܢ ܥܕܬ̈ܐ ܕܐܪ̈ܬܕܟܣܘ ܒܪܕܘܦ̣ܝܐ. ܏ܠܐ ܕܬܠܬܝܢ ܘܚܕ܆ ܕܥܠ ܩ̇ܪܝܬܗ ܘܡ̇ܥܠܬܗ ܕܐ̣ܘܛܝܟ. ܏ܠܒ ܕܬܠܬܝܢ ܘܬܖ̈ܝܢ܆ ܕܥܠ ܐܝܠܝܢ ܕܡܢ ܐ̇ܪܟܕܝܩܘܢ ܕܪܗܘܡܐ ܐܬ̈ܡ̇ܠܠܝ. ܏ܠܓ ܕܬܠܬܝܢ ܘܬܠܬܐ܆ ܕܥܠ ܗ̇ܝ ܕܟܕ ܐܬܩ̣ܪܝ ܐ̣ܘܛܘܟ. ܏ܠܕ ܕܬܠܬܝܢ ܘܐܪ̈ܒܥܐ܆ ܕܥܠ ܝܘܩ̈ܢܘܗܝ ܕܝܘܚܢܢ ܕܐ̇ܚ̣ܬ ܐ̣ܘܛܝܟ. ܏ܠܗ ܕܬܠܬܝܢ ܘܚܡܫܐ܆ ܕܥܠ ܟܬܒܐ ܕܪܒܝܥ̣ܝܘܬܐ. ܗ̇ܢܘ ܕܝ̣ܢ ܕܬܪ̈ܝܢ ܟܝ̈ܢܐ ܕܥܒ̣ܕ ܐ̣ܘܛܝܟ. ܏ܠܘ ܕܬܠܬܝܢ ܘܫܬܐ܆ ܕܥܠ ܗ̇ܝ ܕܐܬܗ̣ܦܟ ܗܘܐ ܐ̣ܘܛܝܟ ܠܗܪܣܝܣ ܕܗܠܝܢ ܕܟ̇ܦܪܝܢ ܒܩܝ̣ܡܬܐ ܕܦܓܪ̈ܐ. ܏ܠܙ ܕܬܠܬܝܢ ܘܫܒܥܐ܆ ܕܥܠ ܗ̇ܝ ܕܟܕ ܐ̣ܘܛܝܟ ܡܢ ܟܠܢܫ ܡܬ̣ܪܛܢ ܗܘܐ. ܏ܠܚ ܕܬܠܬܝܢ ܘܬܡܢܝܐ܆ ܕܥܠ ܦܪܒܝܢܐ ܥܒ̣ܕܗ ܕܐ̇ܢܕܪܐܣ ܣܩ̇ܠܪܐ. ܏ܠܛ ܕܬܠܬܝܢ ܘܬܫܥܐ܆ ܕܥܠ ܚܬܐ ܚ̣ܕܐ ܕܝܪܝܬܐ. ܏ܡ ܕܐܖ̈ܒܥܝܢ܆ ܕܥܠ ܡ̇ܥܢܝܬܐ ܕܚܡܫܐ ܒܫܒܐ ܕܪ̈ܐܙܐ ܕܪܐܙܐ ܕܒܥ̣ܐ ܐ̣ܘܠܝܟ ܢܚ̇ܠܦ. ܏ܡܐ ܕܐܪ̈ܒܥܝܢ ܘܚܕ܆ ܕܥܠ ܐܝܠܝܢ ܕܒܚܪܬܐ ܬܘܒ ܡܢ ܒܬܪ ܟܘܠܗܘܢ ܢܣ̣ܝ̈ܘܢܘܗܝ ܓ̣ܕܫܗ ܠܝܘܚܢܢ ܗ̇ܘ ܕܡܬܩ̣ܪܐ ܗܘܐ ܕܥܠ ܚ̈ܢܦܐ. ܏ܡܒ ܕܐܪ̈ܒܥܝܢ ܘܬܪ̈ܝܢ܆ ܕܥܠ ܦܘܠܐ. ܏ܡܓ ܕܐܪ̈ܒܥܝܢ ܘܬܠܬܐ܆ ܕܥܠ ܠܝ̣ܒܠܘܢ. ܏ܡܕ ܕܐܪ̈ܒܥܝܢ ܘܐܪ̈ܒܥܐ܆ ܕܥܠ ܕܐ̇ܘܛܪܝܣ ܕܒܬܪ ܦܘܠܐ. ܏ܡܗ ܕܐܪ̈ܒܥܝܢ ܘܚܡܫܐ܆ ܕܥܠ ܩܘܢܕܘܒ̈ܕܝܛܐ. ܩܘܢܕܘܒ̈ܕܢܛܐ ܏ܡܘ ܕܐܪ̈ܒܥܝܢ ܘܫܬܐ܆ ܕܥܠ ܕܝܪ̈ܝܐ ܩ̈ܦܘܕܩܝܐ. ܏ܡܙ ܕܐܪ̈ܒܥܝܢ ܘܫܒܥܐ ܕܥܠ ܐܪܬܕܘܟܣܝܐ ܚܒܝ̣ܟܬܐ. ܏ܡܚ ܕܐܪ̈ܒܥܝܢ ܘܬܡܢܝܐ ܕܥܠ ܦܝ̣̈ܠܐ. ܏ܡܛ ܕܐܪ̈ܒܥܝܢ ܘܬܫܥܐ̣ ܕܥܠ ܝܩ̣ܕܢܐ. ܏ܢܢ ܕܚܡܫܝ̣ܢ ܕܡ̇ܘܕܥ ܥܠ̣ܬܐ ܗ̇ܝ ܕܐܢ ܡܫ̣ܬܟܚ ܥܘܗܕܢܐ ܕܚܕ ܪܝܫܐ ܒܪ̈ܝܫ̣ܐ ܣܓ̈ܝܐܐ. ܏ܢܐ ܕܚܡܫܝܢ ܘܚܕ܆ ܕܥܠ ܗ̇ܝ ܕܟܕ ܐ̣ܘܛܝܟ ܡܢ ܗܪܣܝܣ ܗܘܐ ܕܣܡ̈ܒ̇ܛܝܢܐ ܒܚܪܬܐ ܠܗܪܣܝܣ ܐܚܪܬܐ ܐܬ̣ܪܡܝ. ܏ܢܒ ܕܚܡܫܝܢ ܘܬܪ̈ܝܢ܆ ܥܠ ܗ̇ܝ ܕܗܘ̣ܐ ܠܘܩܒܠ ܗ̇ܝ ܕܐܨܛܠܒ̣ܬ ܚܠܦܝܢ. ܪܝܫܐ ܩܕܡܝܐ܆ ܕܥܠ ܗܝ̇ ܕܟܕ ܚܙ̣ܘ ܐܦܝ̈ܣܩܘܦܐ ܕܐܬ̇ܕܓܠܘ ܒܗܘܢ܇ ܦܣ̣ܩܘ ܘܗܦ̣ܟܘ ܡܢ ܫܘܬ̇ܦܘܬܗܘܢ ܕܬܪ̈ܝܝ ܟܝ̈ܢܐ. ܏ܐ ܟܕ ܗܟܝܠ ܬܘܒ ܠܬܫܥ̣ܝܬܐ ܕܐܦܝ̈ܣܩܦܐ ܗܠܝܢ ܕܢܣ̣̈ܝܘܢܐ ܣܓ̈ܝܐܐ ܕܚܒ̈ܘ̣ܫܝܐ ܬܠܝܬ̈ܝܐ ܘܫܪܟܐ ܣܒ̣ܠܘ ܬܘܒ ܢܗܦܘܟ܆ ܗܠܝܢ ܕܩܠܝܠ ܡܢ ܣܓ̇ܝ ܥܠܝܗܘܢ ܒܣ̣ܦܪܢ ܩܕܡܝܐ ܐ̇ܘ̣ܕܥܢ. ܐ̣ܝܟܢܐ ܕܐ̣ܝܟܢܐ ܕܐܝܟ ܕܒܛܟ̣ܣܐ ܕܣ̣ܕܝܪܘܬܐ ܕܗܠܝܢ܆ ܬܡܢ ܚ̇ܫܚ ܗܘܐ. ܗܠܝܢ ܕܟܕ ܚ̣ܙܘ ܡܢ ܩܕܝܡ ܕܐܬ̇ܕܓܠܘ ܒܗܘܢ: ܘܐܬܥܒ̣ܪ̈ܘ ܫܘ̈ܘ̇ܕܝܐ ܣܓ̈ܝܐܐ ܕܡ̈ܘܡܬܐ ܣܓܝܐ̈ܬܐ ܕܗܘ̣ܘ ܕܗܘ̣ܐ ܠܘܬܗܘܢ ܡܛܠ ܫܘܡ̇ܠܝܐ ܕܚܕܝܘܬܐ: ܡܢ ܒܬܪ ܬܪ̈ܬܝܢ ܙܒ̈ܢܝܢ ܕܐܫܬ̇ܘܬܦܘ ܢܟܝܠ̣ܐܝܬ: ܘܗ̣ܘܘ ܒܚܫܐ ܘܒܐ̣ܒܠܐ ܘܐܘܠܨܢܐ ܕܠܐ ܣ̣ܟܐ: ܘܐ̣ܘ̈ܠܝܬܐ ܘܡ̣ܪ̈ܩܕܬܐ ܡ̇ܪ̈ܝܪܬܐ܆ ܗܝܕܝܢ ܒܚܪܬܐ ܦܣ̣ܩܘ ܘܓ̣ܙܪ̈ܘ ܥܠ ܢܦܫܗܘܢ܆ ܕܬܘܒ ܠܓܡ̣ܪ ܫܘܬ̇ܦܘܬܐ ܕܥܡܗܘܢ ܕܬܪ̈ܝܝ ܟܝ̈ܢܐ̣ ܠܐ ܬܗܘܐ ܠܗܘܢ ܠܥܠܡ܇ ܥܕܡܐ ܠܡ̇ܘܬܐ ܕܣܝܦܐ ܘܕܢܘܪܐ ܐܢ ܢܬ̇ܡܛܘܢ. ܗܕܐ ܕܐܦ ܡܛܘܠܬܗ̇܆ ܚܡ̣ܬܐ ܩܫ̣ܝܬܐ ܥܠܝܗܘܢ ܘܪܘܓܙܐ ܪܒܐ ܗ̣ܘܐ. ܘܠܐܟܣܘܪܝܐ ܕܬܠܬ̣ ܟܠܗܘܢ ܐܫܬ̣ܕܝܘ. ܟܠܚܕ ܡܢܗܘ̣ܢ ܒܦܢ̣ܝܬܗ. ܐ̣ܝܟܢܐ ܕܕܠܐ ܒܙܥܘܪ ܡܒ̣ܥܕܝܢ ܗܘܘ ܡܢ ܚ̈ܕܕܐ܇ ܟܕ ܓ̇ܙܪ̈ܐ ܩܫ̣̈ܝܐ ܘܡ̇ܪ̈ܝܪܐ ܐܬܓ̣ܙܪ̈ܘ ܥܠܝܗܘܢ܆ ܐܝܟ ܕܐܦ ܡܢ ܩܕܝܡ ܐ̇ܘ̣ܕܥܢ. ܘܗ̣ܘܘ ܒܐܘܠܨܢܐ ܡ̇ܪܝܪܐ ܘܓܠܝ̣ܙܘܬܐ ܕܝܕܘ̈ܥܐ ܘܪܚܝ̇ܩܘܬܐ ܕܩ̇ܕ̈ܝܒܐ܆ ܥܕܡܐ ܕܐܦ ܠܡ̇ܘܬܐ ܐܬܡܛܝܘ.