ܪܝܫܐ ܕܬܠܬܝܢ ܘܚܡܫܐ܆ ܥܠ ܛ̇ܘܒ̈ܢܐ ܐܓ̈ܘ̣ܦܛܝܐ ܕܐܬܩ̣ܪ̈ܝܘ ܘܐܦ ܗ̣ܢܘܢ ܠܡܕܝܢܬ ܡ̇ܠܟܘܬܐ܇ ܕܥܠ ܥ̣ܬ̈ܝܕܬܐ ܢܒ̇ܕܩܘܢ ܗܘܘ. ܏ܠܗ ܙܒ̈ܢܝܢ ܣܓ̈ܝܐܢ ܬܘܒ ܐܫܬ̇ܕܪ ܐܫܬ̇ܕܪܘ ܠܐܓ̣ܝܦܛܘܣ܆ ܘܐܬܩ̣ܪ̈ܝܘ ܘܐܬ̣ܘ ܝܚ̈ܝܕܝܐ ܣܓ̈ܝܐܐ ܗܠܝܢ ܕܣ̣ܒܝܪܝܢ ܗܘܘ܇ ܕܝ̇ܕܥܝܢ ܟ̣ܣܝ̈ܬܐ܇ ܘܡܬ̇ܒܝܢܝܢ ܥܠ ܥܬ̣̈ܝܕܬܐ ܐܝܟ ܕܢܘ̇ܕܥܘܢ ܕܟܡܐ ܫ̈ܢܝܐ ܚ̇ܝܐ ܡ̇ܠܟܐ ܘܡ̇ܠܟܬܐ܇ ܘܡܢܐ ܥܬ̣ܝܕ ܕܢܗܘܐ ܒܡ̇ܠܟܘܬܗ܆ ܘܫܪܟܐ ܕܕܐܝܟ ܗܠܝܢ. ܐ̣ܝܟܢܐ ܕܡܢܗܘܢ ܟܕ ܥܠ ܗܠܝܢ ܡܬ̇ܬܒܥܝܢ ܗܘܘ܆ ܡܫܬ̣ܐܠܝܢ ܗܘܘ ܟܕ ܡ̇ܘܕܝ̣ܢ ܕܠܐ ܝ̇ܕܥܝܢ ܡܕܡ. ܡ̇ܡܠܠܝܢ ܗܘܘ ܕܝ̣ܢ ܥܠ ܡ̇ܪܬܝܢܘܬܐ ܘܕܝܢ̣ܐ ܘܙܕܝܩܘܬܐ. ܕܟܕ ܗܠܝܢ ܢܣܬ̇ܥܪ̈ܢ܆ ܗܢ̣ܝܢ ܡ̇ܖ̈ܥܝܢ ܠܐܠܗܐ̣ ܘܡ̇ܩܪ̈ܒܢ ܠܘܬܗ.܀.܀. ܐ̣ܝܟܢܐ ܕܗܠܝ̣ܢ ܠܐ ܐܬ̇ܩܒܠܘ܇ ܕܠܐ ܐܬ̣ܪ̈ܡܝܘ ܠܡ̣ܬܠ ܦܬܓܡܐ ܫܘ̣ܦܪܢܐܝܬ ܐܝܟ ܕܐܬ̣ܬܒܥܘ. ܘܡܚ̣ܕܐ ܐܫܬ̣ܪܝܘ ܘܐܬ̣ܕܚܩܘ ܡܢ ܡܕܝܢܬܐ ܠܡܐ̣ܙܠ ܠܐܬܪܗܘܢ.܀. ܐܚܪ̈ܢܐ ܕܝܢ ܟܕ ܫ̇ܦܪܝܢ ܠܒ̈ܢܝܢܫܐ܆ ܐܬܪ̈ܡ̣ܝܘ ܠܪܦ̣ܝܘܬܐ ܕܥܠ̣ܬܐ ܗ̇ܝ ܕܒܚܪܬܐ ܐܬܟܣ̣ܬ݀. ܘܗܠܝܢ ܐܬܠܒ̣ܟܘ ܒܐܝܩܪܐ܆ ܘܒܢܝ̈ܚ̇ܐ ܘܒܕܐ̣̈ܫܢܐ ܕܡܐ̣ܟܘܠܬܐ ܗ̇ܘܝܢ ܗܘܘ̣ ܙܒܢܐ ܣܓܝܐܐ. ܘܗܠܝ̣ܢ ܙܒ̈ܢܝܢ ܣܓ̈ܝܐܢ ܐܣܬܥ̣ܪ̈ܝ ܗ̈ܘܝ. ܪܝܫܐ ܕܬܠܬܝܢ ܘܫܬܐ܆ ܥܠ ܕܝܪ̈ܬܐ ܕܓܒܪ̈ܐ ܘܕܢ̈ܫܐ܇ ܕܡܢ ܒܬܪ ܕܐܬ̣ܕܒܪ̈ܘ ܩܛܝ̣ܪܐܝܬ܇ ܘܫܠܡ̣ܘ ܙܥܘܪ̈ܐ ܡܢܗܘܢ܇ ܘܐܦ ܒܚܪܬܐ ܗܦ̣ܟܘ. ܏ܠܘ ܟܕ ܓܝܪ ܐܬܕܒ̣ܪ̈ܝ ܐܬܕܒ̣ܪ̈ܘ ܩܛܝ̣ܪܐܝܬ ܘܕܠܐ ܢܡ̇ܘܣ: ܕܝܪ̈ܬܐ ܟܠܗܝܢ ܗܠܝܢ ܕܐܬܐ̣ܡܪ ܡܢ ܠܥܠ: ܘܙܥܘܪ̈ܐ ܕܒܗܝܢ ܐܫܬ̇ܘܬܦܘ: ܘܫܪܟܐ ܐܫ̣ܬܕܝܘ ܒܕܝܪ̈ܬܐ ܐܚܪ̈ܢܝܬܐ܆ ܘܒܟܠ ܦ̣ܢ̈ܝ̣ܢ ܗ̣ܢܘܢ ܩܠ̣ܝܪ̈ܩܘ ܐܬܣ̣ܝܡܘ. ܕܒܟܠ ܚ̣ܕܐ ܚ̣ܕܐ ܡܢܗܝ̣ܢ ܢܗܘܘܢ ܡܩ̇ܪܒܝܢ ܩ̣ܘܪ̈ܒܢܐ܆ ܘܝܗ̇ܒܝܢ ܠܗܠܝܢ ܕܫ̇ܠܡܝܢ. ܘܫܡܐ ܕܣܘܢܗܕܣ ܒܗܝܢ ܐܬܟ̣ܬܒ܆ ܘܐܬܟ̣ܪܙ. ܘܝܘ̈ܩܢܐ ܕܟܘܠܗܘܢ ܐܒܗ̈ܬܐ ܐܪ̈ܬܕܟܣܘ̣ ܐ̇ܚܬ̣ ܝܘܚܢܢ܆ ܘܝܘܩ̈ܢܘܗܝ ܕܝܠܗ ܩܒ̣ܥ ܒܟܠ ܕܘܟܐ. ܗܠܝ̣ܢ ܕܐܝܟ ܕܥܒ̣ܕ ܐܬܦ̣ܪܥ ܡܢ ܐܠܗܐ. ܡܢ ܒܬܪ ܓܝܪ ܡ̇ܘܬܗ ܡ̇ܪܝܪܐ ܘܡ̇ܫܢܩܐ: ܘܡ̇ܥܠܬܗ ܕܐ̣ܘܛܘܟ ܗ̇ܘ ܕܐ̣ܝܬܘܗܝ ܗܘܐ ܩܕܡܘܗܝ ܕܥܠ̣ ܬܘܒ ܒܬܪ ܡ̇ܘܬܗ܆ ܡܬ̇ܥܩܪܝܢ ܗܘܘ ܝܘܩ̈ܢܘܗܝ̣ ܘܕܐ̣ܘܛܘܟ ܒܕܘܟܬܗܘܢ ܡܬ̣ܩܒܥܝܢ ܒܥ̈ܕܬܐ. ܘܟܠܗܝܢ ܕܝܪ̈ܬܐ ܕܢܫ̈ܐ ܗܠܝܢ܆ ܗܦ̣ܟܝܢ ܐܝܟ ܕܒܣܘܓܐܐ̣ ܘܗ̣̈ܘܝ ܐܪ̈ܬ̣ܕܟܣܬܐ. ܡܢܗܝܢ ܕܝܢ ܦܫ̣̈ܝܢ ܛ̈ܠܝ̣ܬܐ ܙܥܘܪ̈ܝܬܐ܆ ܘܥ̇ܐ̈ܠܢ ܗ̈ܘܝ ܒܟܠ ܝܘܡ̈ܬܐ̣ ܕܡܬ̇ܩܪ̈ܒܢ ܒܣܘܢܗܕܘܣ܆ ܘܠܒ̈ܫ̇ܢ ܗ̈ܘܝ ܐܣܟܡܐ ܕܕܝܪܝܘܬܐ܆ ܘܡܬ̇ܩܪ̈ܒܢ ܗ̈ܘܝ ܡܢ ܩܠ̣ܝܪ̈ܝܩܘ. ܗܠܝܢ ܕܝܢ ܦܣ̣ܩܝܢ ܓܠ̣ܝܐܝܬ܆ ܘܠܐ ܡܬ̇ܩܪ̈ܒܢ ܗ̈ܘܝ̣ ܘܐܦ ܠܐ ܚܕܐ ܡܢܗܝܢ. ܘܝܬ̇ܝܪܐܝܬ̣ ܡܢ ܒܬܪ ܡ̇ܘܬܗ ܕܝܘܚܢܢ. ܪܝܫܐ ܕܬܠܬܝܢ ܘܫܒܥܐ܆ ܥܠ ܗ̇ܝ ܕܝܘܚܢܢ ܩܕܡ ܡ̇ܘܬܗ ܐܫܬ̇ܐܠ ܡܢ ܪܚ̇ܡ ܠܡܫܝܚܐ ܩܣ̣ܪ ܡܛܠ ܐܪ̈ܬܕܟܣܘ.܀.܀. ܏ܠܙ ܘܩܕܡ ܡ̇ܘܬܗ ܗܟܝܠ ܕܝܘܚܢܢ: ܟܕ ܒܪܕܘܦ̣ܝܐ ܕܟܪ̈ܣܛܝܢܐ ܪܘ̣ܐ ܗܘܐ ܒܛܢ̣ܢܐ ܕܪܘܓܙܐ: ܘܠܗ̣ܝܩ ܗܘܐ ܐܝܟ ܕܐܒ̣ܐ ܠܕܡܐ ܕܐܡ̣ܪ̈ܐ܆ ܥܠ ܗܘܐ ܠܘܬ ܡ̇ܫܝܢܐ ܘܒܗ̣ܝܠܐ ܩ̣ܣܪ ܛܒ̣ܪܝܣ. ܟܕ ܚܦ̣ܝܛ ܗܘܐ ܕܒܛܢ̣ܢܐ ܕܪܘܓܙܐ܆ ܘܐܦ ܠܗ̣ ܒܕܡ̣ܘܬܗ ܕܝܠܗ ܢܫ̣ܓܪܗ. ܘܟܕ ܒܣܓܝܐ̈ܬܐ ܐܬ̇ܚܫܚ ܠܘܬܗ ܥܠ ܡܗ̈ܝܡܢܐ܆ ܫܐ̇ܠܗ̣ ܟܕ ܐܡ̇ܪ. ܕܨ̇ܒܐ ܐܢܐ ܕܫܪܪܐ ܬ̇ܦܢܐ ܠܝ܇ ܥܠ ܐܝܠܝܢ ܕܡܫ̇ܐܠ ܐܢܐ ܠܟ. ܚ̈ܢܦܐ ܐܝܬܝܗܘܢ܆ ܗܠܝܢ ܕܡ̇ܚܦܛ ܐܢܬ ܠܝ ܕܐ̇ܪܕܘܦ ܐܢܘܢ.܀.܀. ܗ̣ܘ ܕܝ̣ܢ ܠܐ ܐܫܟ̣ܚ ܕܢ̇ܕܓܠ. ܐܡ̇ܪ ܠܗ. ܕܚ̈ܢܦܐ̣ ܠܐ ܐ̣ܝܬܝܗܘܢ. ܐܡ̇ܪ ܠܗ. ܘܐܠܐ݃ ܗܪ̈ܛܝܩܘ ܐ̣ܝܬܝܗܘܢ܆ ܐܡ̇ܪ ܠܗ. ܘܐܦܠܐ ܡܪܝ ܗܪ̈ܛܝܩܐ ܐ̣ܝܬܝܗܘܢ. ܐܡ̇ܪ ܠܗ. ܗܐ ܡܕܝܢ ܐܝܟ ܕܐܢܬ ܣܗ̣ܕܬ ܥܠܝܗܘܢ̣ ܟܪ̈ܣܛܝܢܐ ܐ̣ܝܬܝܗܘܢ. ܗ̣ܘ ܬܘܒ̣ ܐܡ̣ܪ. ܟܪ̈ܣܛܝܢܐ ܡ̣̇ܢ ܟܪ̈ܣܛܝܢܐ ܐܢܘܢ. ܐܡ̇ܪ ܠܗ. ܘܐܢ ܐܝܟ ܣܗܕܘܬܟ ܟܪ̈ܣܛܝܢܐ ܐܢܘܢ܆ ܐ̇ܝܟܢܐ ܠܝ ܡ̇ܚܦܛ ܐܢܬ܇ ܕܪܕ̇ܘܦܐ ܐ̇ܗܘܐ ܕܟܪ̈ܣܛܝܢܐ܇ ܐܝܟ ܕܘܩܠ̣ܝܛܝܢܣ ܘܫܪܟܐ ܕܡ̈ܠܟܐ ܚ̈ܢܦܐ. ܙܠ ܬ̣ܒ ܒܥܕܬܟ̣ ܘܫܠ̣ܝ. ܘܠܐ ܬܘܒ ܬ̇ܫܚܘܩ ܠܢ ܒܗܠܝܢ. ܘܗܟܢܐ ܐܫܬ̇ܗܝ ܚܐ̣ܦܐ ܕܒܥ̇ܪܝܪܝܘܬܗ܆ ܥܕܡܐ ܕܪܘܓܙܐ ܕܡܢ ܫܡܝܐ ܐܕܪܟ̣ܗ܇ ܐܝܟ ܕܡܢ ܠܥܠ ܐ̇ܘ̣ܕܥܢ܇ ܘܡܢ ܚ̈ܝܐ ܕܬܢܢ ܛܠ̣ܩ. ܘܒܬܪ ܗܢܐ ܬܘܒ ܐܝܟ ܕܡܢ ܠܥܠ ܐ̇ܘ̣ܕܥܢ܆ ܟܕ ܥ̣ܠ ܐ̣ܘܛܝܟ ܘܫ̇ܪܝܘ ܫ̇ܓܪܝܢ ܠܗ ܩܠ̣ܝܪ̈ܝܩܘ ܗܠܝܢ ܕܡܥ̇ܕܝܢ ܗܘܘ ܒܒ̣ܙܬܐ ܘܒܚ̣ܛܘܦܝܐ܆ ܫܩ̣ܠ ܘܐܦ ܗ̣ܘ ܘܥ̣ܠ ܠܘܬܗ ܕܒܗ̣ܝܠܐ ܛܒ̣ܪܝܣ ܩܘܣܛܢܛܝܢܘܣ ܩܣܪ ܟܕ ܐܡ̇ܪ ܠܗ ܣܓܝܐ̈ܬܐ̣ ܥܠ ܟܠܗ ܓ̇ܒܐ ܕܡܗ̈ܝܡܢܐ.܀. ܦܢ̇ܝ ܕܝܢ ܘܐܦ ܗ̣ܘ ܠܘܬܗ̣ ܟܕ ܐܡ̇ܪ. ܕܣ̇ܦܩܝܢ ܠܢ ܩܪ̈ܒܐ ܕܒܪ̈ܒܪܝܐ܇ ܕܡܢ ܟܠ ܓ̇ܒ̈ܝܢ ܚ̣ܕܝܪ̈ܝܢ ܠܢ. ܠܐ ܬܘܒ ܡܫ̣ܟܚܝܢܢ܇ ܕܩܪܒܐ ܐܚܪܢܐ ܢܥ̣ܝܪ ܥܠ ܟܪ̈ܣܛܝܢܐ. ܙܠ̣ܘܢ ܬܒ̣ܘܢ̣ ܘܫ̣ܠܘ. ܘܐܢ ܐܪܐ ܒܡܠܬܐ ܐ̇ܘ ܒܡ̇ܪܬܝܢܘܬܐ ܡܫܟ̣ܚ ܐܢܬ ܕܬ̇ܦܝܣ܆ ܘܐܢ ܕܝܢ ܠܐ ܫܒ̣ܘܩ ܐܢܘܢ. ܘܠܐ ܬ̇ܪܕܘܦ ܐܢܘܢ ܘܠ̣ܢ ܠܐ ܬܫܚ̣ܘܩ܇ ܕܪܡ̣ܝܢܢ ܒܢ̣ܣܝ̈ܘܢܐ ܕܩܪ̈ܒܐ ܕܡܢ ܟܠ ܓ̇ܒ̈ܝܢ. ܘܗܟܢܐ ܘܐܦ ܗ̣ܘ ܕܫܥܬܐ ܟܡ̣ܣ̣ ܘܫܠ̣ܐ.܀. ܪܝܫܐ ܕܬܠܬܝܢ ܘܬܡܢܝܐ܆ ܥܠ ܕܐܦ ܡܢ ܟܕ ܚ̣ܝ ܗܘܐ ܝܘܚܢܢ܇ ܗ̣ܢܘܢ ܟܢ̣ܘ̈ܫܝܐ ܕܐܪ̈ܬܕܟܣܘ ܥ̇ܙܝܘ ܒܚܪܬܐ ܘܩܡ̣ܘ. ܏ܠܚ ܗ̣ܢܘܢ ܗܟܝܠ ܟܢܘ̣ܫ̈ܝܐ ܟܠܗܘܢ ܕܐܪ̈ܬܕܟܣܘ ܕܡܢ ܝܘܚܢܢ ܣ̣ܪܡܝܐ ܐܬܥ̣ܩܪ̈ܘ ܗܘܘ ܘܐܬܬ̣ܚܕܘ: ܟܕ ܫ̣ܕܪ ܗܘܐ ܐܠܗܐ ܥܠܘܗܝ ܡ̇ܪܕܘܬܐ ܕܪܘܓܙܐ ܩܫ̣ܝܐ ܕܡܢ ܫܡܝܐ܆ ܟܠܗܘܢ ܫ̇ܪܝܘ ܡ̇ܥܙܝܢ ܘܦܬ̇ܚܝܢ ܘܦܬ̇ ܚܝܢ ܠܗܘܢ. ܘܐܦ ܠܘܩܕܡ ܒܕܚ̣ܠܬܐ ܘܒܫܠ̣ܝܐ̣ ܘܒܩܠܝܠ ܩܠܝܠ܆ ܘܐܦ ܟܕ ܚ̣ܝ ܩ̇ܒܠܘ ܗܘܘ ܬ̇ܘܣ̈ܦܬܐ ܘܐܬ̇ܪܒܝܘ. ܝܬ̇ܝܪܐܝܬ̣ ܟܕ ܒܡ̣ܚܘܬܐ ܕܪܘܓܙܐ ܒܠ̣ܥ ܗܘܐ܇ ܘܡܟܝܠ ܥܦܐ ܗܘܢܗ ܒܢܘܪܐ ܕܡ̇ܘܬܐ ܕܐ̇ܚܝ̣ܕܐ ܗܘܬ ܒܠܒܗ ܘܡܫܬ̇ܠܗܒܐ ܒܡ̣̈ܥܘܗܝ. ܐ̣ܝܟܢܐ ܕܒܚܪܬܐ ܗܠܝܢ ܒ̈ܢܝ ܨܒܝܢܗ ܘܡ̇ܫ̈ܡܫܢܐ ܕܒ̣ܝܫܬܗ܆ ܟܕ ܝ̇ܕܥܝܢ ܗܘܘ ܨܒܝܢܗ ܥܐ̇ܠܝܢ ܗܘܘ̣ ܘܐܡ̇ܪܝܢ ܠܗ. ܕܗܐ ܬܘܒ ܗܠܝܢ ܒܥ̈ܠܕܒܒܝܗ̇ ܕܥܕܬܐ ܘܕܣܘܢܗܕܘܣ܆ ܦܬ̣ܚܘܢ ܒܝܬ ܟܢܘ̈ܫ̣ܝܝܗܘܢ܆ ܘܐܬ̇ܦܬܝܘ ܝܬܝܪ ܡܢ ܕܒܩܕܡܝܬܐ. ܘܚ̇ܕܝܢ ܒܟ̣ܘܪܗܢܟ̣ ܘܡܨ̇ܠܝܢ ܠܡ̇ܘܬܟ. ܘܐܢ ܦ̇ܩܕܬ ܠܢ܆ ܚ̣ܢܢ ܝܬ̇ܝܪ ܡܢ ܕܒܩܕܡܝܬܐ ܡܫܬ̇ܢܕܝܢܢ ܒܗܘܢ̣ ܘܡܣ̣ܒܠܝܢܢ ܠܗܘܢ ܒܝ̈ܫ̣ܬܐ.܀.܀. ܗ̣ܘ ܕܝܢ ܒܚܡ̣ܬܐ ܘܒܩܠܐ ܪܡ̇ܐ܆ ܢܨ̇ܐ ܗܘܐ ܥܡܗܘܢ̣ ܟܕ ܐܡ̇ܪ. ܕܙܠܘ ܠܟܘܢ ܡܢܝ ܩ̣ܛ̈ܘܠܐ.. ܘܣܒ̣ܥܘܢ ܡܢ ܫ̣ܘܦܠܝ. ܐ̣ܢܬܘܢ ܕܝܢ ܝܬ̇ܝܪܐ ܐܝܬ̣ܝܬܘܢܢܝ ܠܗܢܐ ܫܘܦ̣ܠܐ ܘܕܘ̣ܘܢܐ. ܘܕܘܘܐ̣ܢܐ ܣ̇ܦ̈ܩܢ ܠܘ̈ܛܬܐ܇ ܗܠܝܢ ܕܪܘܓܙܐ ܕܡܢ ܫܡܝܐ ܐ̇ܥ̣ܝܪ ܐܢ̈ܝܢ ܘܐ̇ܝܬ̣ܝ ܐ̈ܢܝܢ ܐ̇ܥ̣ܝܪܝܢ ܘܐ̇ܝܬ̣ܝܝܢ ܥܠܝ. ܦܘ̣ܩܘܢ ܡܢ ܩܕܡܝ. ܘܠܐ ܬܘܒ ܐܢܫ ܗܢܐ ܫܪܒܐ ܢܝ̇ܬܐ ܩܕܡܝ. ܘܗܟܢܐ ܢܦ̇ܩܝܢ ܗܘܘ ܡܢ ܠܘܬܗ܆ ܟܕ ܡܪܟ̣ܢܝܢ. ܘܡܢ ܩܕܡ ܡ̇ܘܬܗ ܕܝܢ ܐܝܟ ܕܐܡ̣ܪܢ܆ ܘܬܘܒ ܡܢ ܒܬܪ ܒܬܪ. ܡ̇ܘܬܗ. ܗ̇ܘ ܕܗܘ̣ܐ ܒܥܓܠ܆ ܒܝܬ ܟܢ̈ܘ̣ܫܝܐ ܕܡܗ̈ܝܡܢܐ܆ ܡܟܝܠ ܒܦܪܗܣܝܐ ܣܓܝܐܬܐ̣ ܕܠܐ ܕܚܠ̣ܬܐ ܟܢܫ̇ܝܢ ܗܘܘ.܀. ܪܝܫܐ ܕܬܠܬܝܢ ܘܬܫܥܐ܆ ܥܠ ܕܝܪܐ ܕܡܬ̇ܩܪܝܐ ܕܩ̇ܬܪܐ ܕܒܐܬܪܐ ܕܒܝ̣ܬܘܢܝܐ. ܏ܠܛ ܕܝܪܐ ܗܟܝܠ ܗܕܐ ܕܩ̇ܬܪܐ܆ ܐܬܒ̣ܢܝܬ݀ ܡܢ ܢ̇ܪܣܝ ܟܕ ܐ̣ܝܬܘܗܝ ܗܘܐ̣ ܟ̇ܪܛܘܠܪܐ ܕܡ̇ܠܟܐ ܒܦܠܛܝܢ: ܩܕܡ ܕܢܐ̣ܙܠ ܗܘܐ ܠܪܗܘܡܐ܆ ܐܝܟ ܡ̇ܢ ܕܡ̇ܛܝ̣ܒ ܗܘܐ ܕܢܦ̇ܘܩ ܡܢ ܦܠܛܝܢ܆ ܘܢܐ̣ܙܠ ܢܣ̇ܦܪ ܪܝܫܗ̣ ܘܢܥ̣ܡܪ ܘܢܥ̣ܡܖ̣̈ ܒܗ܇ ܣ̣ܡ ܒܗ̇ ܕܝܢ ܕܝܪ̈ܝܐ ܕܪ̈ܕܝܦ̣ܝܢ ܗܘܘ ܡܢ ܩܦܕܘܩܝܐ܆ ܟܕ ܩܘܪ̈ܝܐ ܠܐ ܙܥܘܪ ܙ̣ܒܢ ܠܗ̇: ܘܥܕܬܐ ܬܡ̣ܝܗܬܐ ܒܢ̣ܐ ‍ܢ̣ܐ ܒܗ̇܇ ܘܐ̣ܟܣܢܕܟܝܢ ܥܒ̣ܕ ܒܗ̇܇ ܘܦܪ̈ܘܣܕܢ ܕܠܐ ܙܥܘܪ ܐܩ̣ܢܝܗ̇. ܘܗܟܢܐ ܐܫܬ̇ܕܪ ܠܪܗܘܡܐ܆ ܟܕ ܒܝܕ ܥܘܕܪܢܐ ܕܐܠܗܐ ܕܠܘ̣ܐ ܗܘܐ ܠܗ܆ ܐܬܢܨܚ ܒܙܟ̈ܘܬܐ ܪ̈ܘܪܒܬܐ ܕܩܪ̈ܒܐ ܣܓ̈ܝܐܐ.܀.܀. ܘܬܡܢ ܒܗܘܢ ܒܐܬܪ̈ܘܬܐ܆ ܢܦ̣ܩ ܡܢ ܥܠܡܐ. ܘܐܬ̣ܘ ܓܪ̈ܡܘܗܝ ܘܐܬܬ̣ܣܝܡܘ ܒܗ̇ ܒܕܝܪܐ܆ ܟܕ ܡ̈ܠܟܐ ܐܘܒ̣ܠܘ ܣܡ̣ܘܗܝ ܒܗ̇ ܘܩ̇ܕܫܘܗܝ.܀.