ܪܝܫܐ ܕܥܣܪ̈ܐ܆ ܕܥܠ ܐܝܠܝܢ ܕܓܕܫ̣ ܒܕܝܪ̈ܬܐ ܕܓܒܪ̈ܐ ܘܕܢܫ̈ܐ̇ ܒܗ ܒܚܐܦܐ ܒܥ̇ܪܝܪܝܐ ܕܪܕܘܦ̣ܝܐ. ܏ܝ ܕܝܪ̈ܬܐ ܬܘܒ ܕܓܒܪ̈ܐ ܘܕܢܫ̈ܐ ܕܐ̣ܝܬܝܗܝܢ ܕܐ̣ܝܬܝܗܘܢ ܒܗ̇ ܒܡܕܝܢܬ ܡ̇ܠܟܘܬܐ: ܘܒܟܘܠܗܘܢ ܚ̣ܕܪ̈ܝܗ̇ ܘܦ̣ܢ̈ܝܬܗ̇: ܐܝܠܝܢ ܕܡܢܗܝܢ ܬ̇ܩ̈ܝܦܢ ܗ̈ܘܝ ܒܥܡ̇ܘܪ̈ܝܗܝܢ: ܘܝܬܝܪܐܝܬ ܕܢܫ̈ܐ ܗܠܝܢ ܕܡܢ ܫ̇ܘܪܝܐ ܪ̈ܕܝ̣ܦܢ ܗ̈ܘܝ: ܡܢ ܐ̇ܢܛܝܘܟܝܐ ܘܐ̣ܝܣܘܪܝܐ ܘܩܝܠܝܩܝܐ ܘܩܦܕܘܩܝܐ: ܘܫ̣ܪܟܐ ܕܐܬܪ̈ܘܬܐ ܕܡ̈ܟܢ̣ܫܢ ܗܘ̈ܝ ܠܢܝܚܬ ܠܢܝܚ‍ ܢܦܫܐ ܬܐܕܘܪܐ ܡ̇ܠܟܬܐ: ܕܡܢܗܘܢ ܕܥܘܡܪ̈ܐ ܥ̇ܒܪܝܢ ܗܘܘ ܠܡܢܝܢܐ ܠܡ‍ ܐ ܕܬܠܬܡܐܐ ܐ̇ܚ̈ܘܢ: ܐܕ̣ܪܟܬ݀ ܕܝܢ ܘܠܗܠܝܢ ܡܢ ܫܠ̣ܝ ܟܘܟ̣ܝܬܐ ܘܥ̇ܠܥܠܐ ܕܪܕܘܦ̣ܝܐ܆ ܘܚܦ̣ܝܬ݀ ܐ̈ܢܝܢ ܥܢܢܐ ܥ̇ܛܘܪܬܐ ܘܥܪܦ̣ܠܐ ܡ̇ܕܘܕܢܝܬܐ ܕܪܕܘܦ̣ܝܐ. ܗ̇ܢܘ ܕܝ̣ܢ ܕܩܠ̣ܝܪ̈ܝܩܘ ܥܡ ܥ̇ܠܡ̈ܝܐ ܘܩܘܡ̇ܢܛܪ̈ܝܣܐ. ܘܛܟ̣ܣ̈ܐܘܛܐ ܕܥܡ ܕܘܡ̣̈ܣܬܝܩܐ ܕܗܘܦܪܟܐ ܕܡܕܝܢܬܐ܇ ܕܡܫܬ̇ܕܪܝܢ ܗܘܘ ܥܠܝܗܝܢ: ܘܒܚܐ̣ܦܐ ܒܥ̇ܪܝܪܝܐ ܐܬ̣ܟܪܟܘܢ ܐܢ̈ܝܢ ܠܕܝܪ̈ܬܐ܇ ܘܒܕܡ̣ܘܬܐ ܕܣܝ̣ܥܬܐ ܕܕܐ̣̈ܒܐ ܕܥܐ̇ܠܝܢ ܘܢ̇ܦܠܝܢ ܒܛܝ̇ܪܐ ܕܐܡ̣ܪ̈ܐ܇ ܫ̇ܘܪܝܢ ܗܘܘ ܘܥܐ̇ܠܝܢ ܘܐܦ ܗ̣ܢܘܢ ܚܒ̇ܠܐܝܬ ܠܟܠ ܚܕ ܡܢ ܥܘܡܪ̈ܐ ܗܠܝܢ܇ ܥܠ ܦܐ̣ܪ̈ܬܗ ܕܡܫܝܚܐ܇ ܟܕ ܛܥ̣ܝܢܝܢ ܩܠܝ̣ܕ̈ܝܩܘ ܩ̣ܘܪ̈ܒܢܝܗܘܢ܇ ܘܡ̇ܓܪܓܪܝܢ ܘܡ̇ܢܬܦܝܢ ܠܗܝܢ܇ ܕܢܐ̣̈ܬܝܢ ܢܬ̇ܩܪ̈ܒܢ ܡܢܗܘܢ. ܟܠܗܝܢ ܕܝܢ ܐܝܟ ܨ̣ܦܪ̈ܐ ܡܢ ܩܕܡ ܢ̈ܨ̣ܐ ܥ̇ܪ̈ܩܢ ܗ̈ܘܝ ܘܛ̈ܦܣܢ̣ ܒܓܘ̈ܢܘܬܐ. ܟܕ ܡ̈ܝܠܠܢ ܘܐܡܪ̈ܢ܆ ܕܠܐ ܡܨ̣ܝܢܢ ܕܢܬ̇ܩܪܒ ܡܢ ܣܘܢܗܕܘܣ ܕܟܠܩܕܘܢܐ܇ ܗ̇ܝ ܕܡ̇ܦܠܓܐ ܠܗ ܠܡܫܝܚܐ ܐܠܗܢ ܠܬܪ̈ܝܢ ܟ̈ܝܢܝܢ ܡܢ ܒܬܪ ܚܕܝܘܬܐ܇ ܘܪܒܝ̣ܥܝܘܬܐ ܚܠܦ ܬܠܝܬܝܘܬܐ ܩܕܝܫܬܐ ܡ̇ܠܦܐ. ܘܗܟܢܐ ܒܙ̇ܘ̈ܥܦܐ ܘܢ̇ܘܬ̈ܦܐ ܡܢܗܘܢ ܡܬ̇ܓܪ̈ܓܪܢ ܗ̈ܘܝ ܠܡܬ̇ܩܪܒܘ. ܟܕ ܐ̣ܝ̈ܕܝܗܝܢ ܠܥܠ ܡܢ ܪ̈ܝܫ̣ܝܗܝܢ. ܘܟܕ ܐ̈ܠ̇ܝܢ ܗ̈ܘܝ ܡ̈ܝ̇ܒܠܢ ܗ̈ܘܝ ܒܐ̣ܝ̈ܕܝܗܝܢ. ܟܕ ܙ̇ܥ̈ܩܢ ܒܩܠܐ ܕܐܝܠ̣ܠܬܐ ܘܡ̣ܪ̈ܩܕܬܐ ܘܩܠܐ ܪܡ̇ܐ ܘܥ̇ܪ̈ܩܢ. ܘܗܟܢܐ ܡܢ ܩܛܝ̣ܪ ܒܦܘܡ̈ܝܗܝܢ ܩ̣ܘܪܒܢܐ ܡܬ̇ܬܪܡܐ ܗܘܐ܆ ܟܕ ܣܓܝܐ̈ܬܐ ܡܢܗܝܢ ܒܩ̈ܠܐ ܕܝ̈ܠܠܬܐ ܡܬ̇ܐܡܪ̈ܢ ܗ̈ܘܝ. ܡܢܗܝܢ ܕܝܢ ܢܦܫܗܝܢ ܥܠ ܐ̈ܦܝܗܝܢ ܥܠ ܐܪܥܐ ܫ̇ܕ̈ܝܢ ܗ̈ܘܝ̣ ܗ̈ܘ ܘܡ̇ܚܪ̈ܡܢ ܗ̈ܘܝ ܠܟܠ ܕܬܒ̇ܥ ܠܗܝܢ ܕܢܬ̇ܩܪܒܢ ܕܢܬ̇ܩܪܒ‍ ܒܩܛܝ̣ܪܐ. ܘܗܟܢܐ ܠܡܢܗܝܢ ܕܠܡܢܗܝܢ ܫܥ̇ܒܕܘ ܫܥ̇ܒܕ ܘܠܟܠ ܕܐܬܚ̣ܪ̈ܝ ܕܐܬܚ̣ܪ̈ܝܘ ܠܘܩܒܠܗܘܢ ܘܠܐ ܐܬܛܦܝܣ܆ ܐܬܛܦܝܣܘ܆ ܦܪ̣ܫܘ ܦܪ̣ܫ‍ ܘܓ̇ܪܓܪܘ ܘܐܦܩ̣ܘ ܐܢܝܢ ܡܢ ܥܘܡܪ̈ܝܗܝܢ. ܘܐܫ̣ܬܠܡ ܘܐܫ̣ܬܠ‍ ܒܐܝ̈ܕܐ ܕܛܟ̣ܣ̈ܝܘܛܐ ܕܪ̈ܗ̇ܘܡܝܐ܇ ܟܕ ܡ̈ܬ̇ܢܬܦܢ ܡ̈ܬ̇ܢܬ ܘܡ̈ܬ̇ܒܣܒܣܢ ܡܢܗܘܢ܇ ܘܡܬ̣ܕܒܪ̈ܢ ܠܡܕܝܢܬܐ܇ ܘܡ̈ܬ̇ܦܠܓܢ ܠܒ̈ܬܐ܇ ܘܠܒܝܬ ܚܒ̈ܘ̣ܫܝܐ ܡ̇ܫ̈ܚ̣ܠܦܐ ܟܕ ܐܝܟ ܐܝܠܝܢ ܕܡܬ̇ܐܡܪ̈ܢ ܗ̈ܘܝ܇ ܕܐܝܟ ܕܡܢ ܪ̈ܟܫܐ ܐܘ̈ܫ̣ܢܐ ܥܗ̇ܪ̈ܐ ܒܗܝܢ ܡܣܬ̇ܥܪ̈ܢ ܗ̈ܘܝ ܡܢ ܣܓ̈ܝܐܐ܇ ܐܝܟ ܕܡܢ ܠܘܬܢ ܕܝܠܢ ܒܫܠ̣ܝܐ ܢܬ̇ܚ̈ܦܝܢ܇ ܐܝܟ ܡ̇ܢ ܕܢܛܝ̣ܪ ܗܘ ܕܝܢ̣ܗܝܢ ܠܕܝ̇ܢܐ ܕܟܐܢܘܬܐ܇ ܕܗ̣ܘ ܢܕ̣ܘܢ ܕܝܢ̣ܗܝܢ܇ ܘܢܬܒ̣ܥ ܬܒܥ̣ܬܗܝܢ. ܘܗܟܢܐ ܘܒܗܢܐ ܛܟ̣ܣܐ ܒܥ̇ܪܝܪܝܐ ܘܒ̇ܪܒܪܝܐ܆ ܒܟܠܗܘܢ ܥܘܡܪ̈ܐ ܕܓܒܪ̈ܐ ܥܡ ܕܢܫ̈ܐ ܡܣܬ̇ܥܪ̈ܢ ܗ̈ܘܝ. ܪܝܫܐ ܕܚܕܥܣܪ ܕܥܠ ܝܘܚܢܢ ܐܦܝܣܩܦܐ ܕܡܕܝܢܬܐ܆ ܘܥܠ ܐܝܠܝܢ ܕܡܢ ܚܘ̇ܦܛܐ ܕܒܝܫ̣ܘܬܗ ܡܣܬ̇ܥܪ̈ܢ ܗܘ̈ܝ.܀. ܡ̇ܚܦܛܢܐ ܗܟܝܠ ܘܡ̇ܪܒܝܢܐ ܘܣ̇ܥܘܪܐ ܕܗܠܝܢ ܟܠܗܝܢ ܒ̈ܝ̣ܫܬܐ̣ ܝܘܚܢܢ ܐ̣ܝܬܘܗܝ ܗܘܐ. ܗ̇ܘ ܕܐܬܐ̣ܡܪ ܕܐ̣ܝܬܘܗܝ ܗܘܐ ܪܝܫܐ ܕܥܕܬܐ ܕܡܕܝܢܬܐ. ܗܢܐ ܕܡܢ ܡ̣ܪܬܐ ܣܓܝܐܬܐ ܕܒܝ̣ܫܘܬܗ܆ ܥܐ̇ܠ ܗܘܐ ܘܡ̇ܩܛܪܓ̣ ܘܫ̇ܓܪ ܠܗ ܠܡ̇ܠܟܐ ܒܪܘܓܙܐ܇ ܥܠ ܓ̇ܒܐ ܟܠܗ ܕܡܗ̈ܝܡܢܐ. ܘܢ̇ܦܩ ܗܘܐ̣ ܟܕ ܡ̇ܦܣܢܘܬܐ ܥܠܝܗܘܢ ܫ̇ܩܠ ܗܘܐ. ܘܒܝܕ ܒ̈ܢܝ ܨܒܝܢܗ̣ ܟܠܗ̇ ܫܘܚ̣ܬܐ ܕܒܝ̣ܫܘܬܗ܇ ܥܠ ܟܠܗܘܢ ܬܓ̣ܡ̈ܐ ܕܡܗ̈ܝܡܢܐ ܕܒܟܠ ܕܘܟܐ ܐ̇ܫܕ ܗܘܐ. ܘܠܘ ܒܠܚܘܕ ܕܒܡܕܝܢܬܗ ܘܒܫܘܠܛܢܗ܆ ܐܠܐ ܘܐܦ ܠܐܬܪ̈ܘܬܐ ܐܚܪ̈ܢܐ ܟܬ̇ܒ ܗܘܐ܇ ܘܡ̇ܕܠܚ ܘܡܥܝ̣ܪ ܫܓ̈ܘ̣ܫܝܐ ܘܪ̈ܕܘܦ̣ܝܐ ܘܒܝ̣ܫ̈ܬܐ. ܐ̣ܝܟܢܐ ܕܡܟܝܠ̣ ܗ̣ܘ ܩܢܘ̣ܡܐܝܬ ܢܦ̇ܩ ܗܘܐ܇ ܘܡܬܟ̣ܪܟ ܒܕܝܪ̈ܬܐ ܟܠܗܝܢ ܕܓܒܪ̈ܐ ܘܕܢܫ̈ܐ ܘܐܦ ܒܒ̈ܬܐ܇ ܘܥ̇ܨܐ ܗܘܐ ܘܐ̇ܠܨ ܠܘܬ ܫܘܬ̇ܦܘܬܐ ܕܥܡܗ ܠܡܐ̣ܬܐ. ܘܠܐܝܠܝܢ ܕܡܬܚ̣ܪܝܢ ܗܘܘ ܠܩܘܒܠܗ: ܘܐܢ ܓܒܪ̈ܐ ܘܐܢ ܢ̈ܫܐ: ܐܢ ܕܝܪ̈ܝܐ. ܐ̇ܘ ܩܠܝ̣ܪ̈ܝܩܘ ܐ̇ܘ ܕܝܪ̈ܝܬܐ܆ ܒܪܘܓܙܐ ܚ̇ܪܡܐ ܕܠܐ ܪ̈ܚ̣ܡܐ ܦܩ̇ܕ ܗܘܐ: ܘܡܫ̇ܕܪ ܘܚ̇ܒܫ ܗܘܐ ܠܗܘܢ ܠܟܠܗܘܢ ܚܕܚܕ ܒܕܝܪ̈ܬܐ܇ ܘܦܣ̇ܩ ܗܘܐ ܥܠܝܗܘܢ ܦܣ̈ܩ̇ܐ ܩ̈ܫ̣ܝܐ ܕܡ̇ܘܬܐ. ܐܫ̣ܟܚ ܕܝܢ ܕܢ̇ܛܥܐ ܘܢܥܝ̣ܪ ܘܢܥ̣ܒܕ܆ ܘܠܗܘܢ ܠܡ̈ܠܟܐ ܙܟ̈ܝܐ܆ ܐܝ̣ܟܢܐ ܕܐܦ ܗ̣ܢܘܢ ܢܬ̣ܪܡܘܢ ܠܗ܇ ܘܢܦ̣ܩܘܢ ܚܕ ܒܬܪ ܚܕ ܢܬ̇ܟܪܟܘܢ ܒܕܝܪ̈ܬܐ. ܐ̣ܝܟܢܐ ܕܠܘܩܕܡ ܗ̣ܘ ܩܢ̣ܘܡܐܝܬ ܐ̇ܙܠ ܗܘܐ ܥܡ ܩܠ̣ܝܪ̈ܝܩܘܗܝ܆ ܘܥ̇ܒܕ ܗܘܐ ܟܢܘ̣̈ܫܝܐ ܘܩ̇ܘ̈ܕܫܐ ܒܕܝܪ̈ܬܐ܇ ܟܕ ܡ̇ܟܪܙ ܗܘܐ ܒܗܝܢ ܠܣܘܢܗܕܘܣ ܦܠ̣ܝܓܬܐ܇ ܘܩ̇ܒܥ ܒܗܝܢ ܝܘܩ̈ܢܘܗܝ ܕܝܠܗ܇ ܘܣܐ̇ܡ ܒܗܝܢ ܩܠܝ̣ܪ̈ܝܩܘ ܕܢܗܘܘܢ ܡ̇ܩܪ̈ܒܝܢ ܒܟܘܠ ܚܕ ܒܫܒܐ ܘܟܘܠ ܥܐܕܐ ܘܕܘܟܪܢܐ ܩ̣ܘܪܒܢܐ. ܘܒܝܘܡ ܐܚܪܝܢ ܬܘܒ ܡܢ ܒܬܪܗ܆ ܗ̣ܘ ܡ̇ܠܟܐ ܩܢܘܡܗ ܡܬ̣ܟܪܟ ܗܘܐ ܒܗܝܢ ܒܕܝܪ̈ܬܐ. ܘܬܘܒ ܒܬܪܗ ܠܝܘܡ ܐܚܪܝܢ܆ ܘܐܦ ܡ̇ܠܟܬܐ ܗܟܘܬ. ܟܕ ܐܦ ܡ̇ܘܗ̈ܒܬܐ ܝܗ̇ܒܝܢ ܗܘܘ܆ ܘܕܝܪ̈ܝܐ ܣܝ̇ܡܝܢ ܗܘܘ܇ ܠܐܝܠܝܢ ܕܐܬܛܦ̣ܝܣܘ ܐ̇ܘ ܡܬ̇ܛܦܝܣܝܢ ܗܘܘ ܠܗܘܢ. ܠܐܝܠܝܢ ܕܝܢ ܕܡܬ̣ܚܪܝܢ ܗܘܘ܆ ܠܐܟ̣ܣܘܪ̈ܝܘܣ ܘܠܒܝܬ ܚܒ̈ܘ̣ܫܝܐ ܐ̈ܠ̣ܝܨܐ ܡ̇ܫܕܪܝܢ ܗܘܘ܆ ܐ̇ܘ ܠܫ̈ܢ̣ܕܐ ܕܒܦ̣ܪ̈ܛܘܪܝܐ ܕܒܦ̣ܪ̈ܘܛܘܪܝܐ ܡܫ̣ܠܡܝܢ ܗܘܘ ܕܠܐ ܪ̈ܚ̣ܡܐ܇ ܘܠܢ̣ܓ̈ܕܐ ܘܠܐ̈ܘܠܨܢܐ ܡ̇ܪ̈ܝܪܐ ܘܩ̣ܫ̈ܝܐ ܡܬ̇ܝܗܒܝܢ ܗܘܘ ܚܡܬ̣ܢܐܝܬ ܒܟܒ̣ܕܐ ܡ̇ܪܝܪܬܐ.܀. ܪܝܫܐ ܕܬܪ̈ܥܣܪ ܕܥܠ ܟܗܢܘܬܐ ܕܐܪ̈ܬ̇ܕܟܣܐ܇ ܕܫ̇ܪܐ ܗܘܐ ܗ̣ܘ ܝܘܚܢܢ܇ ܕܠܐ ܡ̇ܚܫܒܬܐ ܘܕܠܐ ܒܙܕܩ̣ܐ ܘܕܠܒܪ ܡܢ ܩ̈ܢܘܢܐ܇ ܘܥ̇ܒܕ ܠܗܘܢ ܡܢ ܕܪܝܫ ܒܟܗܢܘܬܐ ܕܣܘܢܗ̈ܕܝܛܐ܇ ܗ̇ܢܘ ܕܝܢ̣ ܕܬܪ̈ܝܝ ܟܝ̈ܢܐ. ܏ܝܒ ܟܕ ܗܟܝܠ ܐܦܝܣܩܘܦܐ ܗ̇ܘ ܕܡܢ ܪܘܚܐ ܕܛܢ̣ܢܐ ܕܣܩܘ̣ܒܠܝܘܬܐ ܡܠ̣ܐ ܗܘܐ: ܘܡܢ ܚܐܦ̣ܐ ܘܚܡ̣ܬܐ ܕܒ̣ܝܪ ܗܘܐ: ܐܝܟ ܙܢ̣ܐ ܕܗ̇ܘ ܕܒܚ̣ܙܝܐ ܕܥ̈ܝܢܘܗܝ ܓ̣ܗܪ ܗܘܐ܆ ܗܟܢܐ̣ ܘܗܢܐ܇ ܟܕ ܡܢ ܚܫܐ ܕܒܥܠܕܒܒܘܬܐ ܒܢܦܫܗ ܐ̇ܓܗ̣ܪ ܗܘܐ: ܘܒܕܡ̣ܘܬ ܪܘ̣ܝܐ ܐܡ̣ܪܚ: ܕܡܢ ܒܬܪ ܕܠܣܓ̈ܝܐܐ ܟܗ̈ܢܐ ܕܡܢ ܐܪ̈ܬܕܟܣܘ: ܒܟܘܠܗ̇ ܛ̣ܪܘܢܘܬܐ ܒܥ̇ܪܝܪܬܐ ܘܐ̇ܢܢܩܐ ܐܫ̣ܟܚ ܕܢܫ̇ܥܒܕ ܘܢ̣ܕܒܪ ܐܢܘܢ ܒܩ̣ܛܝܪܐ ܠܫܘܬ̇ܦܘܬܗ: ܡܢ ܒܬܪ ܕܐܬ̇ܩܪܒܘ ܘܐܬ̇ܩܒܠܘ ܡܢܗ ܒܛܟ̣ܣܐ ܕܟܗܢܘܬܗܘܢ: ܟܕ ܩܫ̈ܝܫܐ ܐܝܟ ܩܫ̈ܝܫܐ ܡܢܗ ܐܬ̇ܩܒܠܘ: ܘܒܟܠܗ ܛܟ̣ܣܐ ܥܡ ܩܫ̈ܝܫܐ ܕܝܠܗ ܡܬ̣ܩ̇ܪܒܝܢ ܗܘܘ: ܘܒܣ̣ܕܪܐ ܥܡܗܘܢ ܒܐ̣ܝܪܛܝܘܢ ܝܬ̇ܒܝܢ ܗܘܘ: ܘܡ̇ܫ̈ܡܫܢܐ ܬܘܒ ܗܟܢܐ: ܟܕ ܟܠܗ ܛܟ̣ܣܐ ܕܡ̇ܫܡܫܢܘܬܐ ܥܡ ܗܠܝܢ ܕܝܠܗ ܐܦ ܗ̣ܢܘܢ ܡܫ̇ܡܠܝܢ ܗܘܘ: ܠܘ ܚܕܐ ܙܒ̣ܢ ܒܠܚܘܕ ܘܬܪ̈ܬܝܢ: ܐܠܐ ܥܕܡܐ ܠܬܠܬܝܢ ܘܫܬ ܙܒ̈ܢܝܢ ܒܟܠܗܝܢ ܣܘ̣ܢ̈ܟܣܝܣ ܕܥܐܕܐ: ܘܕܡܢ ܒܬܪܟܢ ܥܡܗ ܒܗ ܒܛܟ̣ܣܐ ܕܟܗܢܘܬܗܘܢ ܫܡ̇ܫܘ: ܘܫ̇ܡܠܝܘ ܟܠܗ ܛܟ̣ܣܐ ܕܟܗܢܘܬܐ܆ ܗܝܕܝܢ ܡܢ ܒܬܪܟܢ ܣܠ̣ܩ ܠܗ ܚܘ̣ܫܒܐ ܕܒܥ̇ܪܝܪܝܘܬܐ܇ ܐܝܟ ܡ̇ܢ ܕܐܝ̣ܬܘܗܝ ܗܘܐ ܘܐܦ ܛܠܝܐ ܥ̇ܠܝܡܐ܇ ܘܬ̇ܙܝܙܐܝܬ ܟܕ ܡܫܬ̇ܩܠ ܒܫܘ̣ܒܗܪܐ܇ ܘܪܘ̣ܐ ܒܫܘܠܛܢܐ ܘܒܡ̇ܫܩܠܘܬܐ܇ ܦܩ̣ܕ ܟܕ ܐܡ̇ܪ. ܕܟܠܗܘܢ ܠܡ ܗܠܝܢ ܕܫܠ̣ܡܘܢ ܠܢ ܡܢ ܗܠܝܢ ܕܠܩ̣ܘܒܠܢ܇ ܦܩ̇ܕܝܢ ܕܢܫ̣ܬܪܘܢ ܡܢ ܟܗܢܘܬܗܘܢ ܩܕܡܝܬܐ ܘܢܗܘܘܢ ܟܗ̈ܢܐ ܡܢܢ ܡܢ ܕܪܝܫ܇ ܘܗܟܢܐ ܡܟܝܠ ܠܟܠܗܘܢ ܫ̣ܪܐ܇ ܡܢ ܒܬܪ ܕܟܗ̇ܢܘ ܥܡܗ ܘܩܕܡܘܗܝ ܬܠܬܝܢ ܘܫܬ ܙܒ̈ܢܝܢ܇ ܒܗ̇ ܒܟܗܢܘܬܗܘܢ ܩܕܡܝܬܐ ܗܝ̇ ܕܡܢ ܐܪ̈ܬܕܟܣܘ܇ ܘܥܒ̣ܕ ܐܢܘܢ ܗ̣ܘ ܡܢ ܕܪܝܫ ܠܟܠܗܘܢ ܕܐܫ̇ܬܘܬܦܘ ܠܗ܇ ܟܕ ܫܓܝ̣ܫܝܢ ܘܡ̇ܕܠܚܝܢ ܘܡ̇ܚܪܡܝܢ ܠܗ ܘܡ̇ܓܕܦܝܢ ܥܠܘܗܝ܇ ܘܥܠ ܟܗܢܘܬܗ ܕܕܠܐ ܢܡ̇ܘܣ. ܘܠܡܢܗܘܢ ܣ̣ܡ ܐܢܘܢ ܒܩܠ̣ܝܪܘܣ ܕܝܠܗ̇ ܕܥܕܬܐ܆ ܟܕ ܣܓ̈ܝܐܐ ܘܡܢ ܒ̈ܢܝ ܨܒܝܢܗ ܡ̇ܬܥܕܠܝܢ ܗܘܘ܇ ܒܥ̣ܒܪ ܢܡ̇ܘܣܐ ܘܕܠܒܪ ܡܢ ܟܠܗ ܛܟ̣ܣܐ ܩܢܘܢܝܐ ܕܒܝ̣ܫܐܝܬ ܗܘ̣ܐ ܡܢܗ ܘܒܥ̇ܪܝܪܐܝܬ. ܟܕ ܐܦ ܠܐ ܣܦ̣ܩܬ݀ ܠܗ ܒܝܫ̣ܬܐ: ܕܗ̣ܘ ܒܩܢܘܡܗ ܣܥ̣ܪ ܘܫ̇ܡܠܝ܆ ܐܠܐ ܘܐܦ ܬܘܒ ܟܬ̣ܒ ܠܐܬܪ̈ܘܬܐ܆ ܘܚ̇ܦ̣ܛ ܠܐ̈ܦܝܣܩܦܐ܇ ܕܐܦ ܗܢ̣ܘܢ ܒܕܡ̣ܘܬܗ ܘܐܟܘܬܗ ܢܬ̇ܚܫܚܘܢ. ܟܕ ܡܬ̇ܛܟܢ ܘܡܬ̇ܦܪܣ܆ ܕܠܐ ܢܗܘܐ ܗ̣ܘ ܒܠܚܘܕܘܗܝ ܡܬܥ̣ܕܠ ܘܡܬ̣ܪܫܐ܇ ܡܛܠ ܗܠܝܢ ܕܕܠܐ ܢܡ̇ܘܣ ܘܕܠܐ ܛܟ̣ܣܐ ܡܢܗ ܐܣܬ̣ܥܪ܆ ܐܠܐ ܘܕܢܗܘܘܢ ܫܟܝ̣ܚܝܢ ܐܚܪ̈ܢܐ ܕܥܡܗ ܚܒܝ̣ܫܝܢ ܬܚ̣ܝܬ ܥ̣ܕܠܝܐ ܘܡ̇ܪܫܘܬܐ. ܪܝܫܐ ܕܬܠܬܥܣܪ̈܆ ܕܥܠ ܚܙܘܐ ܕܠܠܝܐ ܕܐܝܟ ܕܒܓܠ̣ܝܢܐ ܗ̣ܘܐ ܨܝܕ ܐܢܫ ܛ̇ܘܒܢܐ ܡ̇ܝܬܪܐ܇ ܥܠ ܐܝܠܝܢ ܕܒܥܓܠ ܓܠܝ̣ܐܝܬ ܒܥܒ̇ܕܐ ܐܣܬ̣ܥܪ. ܏ܝܓ ܠܐܢܫ ܗܟܝܠ ܛ̇ܘܒܢܐ ܡ̇ܝܬܪܐ: ܩ̇ܕܡ ܐܬܓ̣ܠܝ ܒܚ̣ܙܘܐ ܕܠܠܝܐ܆ ܥܠ ܐܝܠܝܢ ܕܡ̣ܚܕܐ ܕܠܐ ܬܘܗܝܐ܇ ܒܥܒ̇ܕܐ ܓ̣ܕܫ ܒܥܕܬܗ ܕܐܠܗܐ.܀. ܚ̣ܙܐ ܗܘܐ ܓܝܪ܆ ܕܛܘ̣ܪܐ ܚܕ ܐܝܬ ܗܘ̣ܐ ܪܒܐ܆ ܕܡܬ̣ܚܐ ܐܝܬ ܗܘܐ ܠܗ̣ ܣܓܝܐܐ. ܒܓ̇ܒܗ ܕܝܢ ܕܗܢܐ ܬܝܡܢܝܐ܆ ܫܬ̣ܠܐ ܪܒܐ ܐܝܬ ܗܘܐ̣ ܕܥܕ̈ܬܐ ܣܓܝܐ̈ܬܐ. ܕܒܣ̣ܕܪܐ ܚܕܐ ܒܬܪ ܚܕܐ ܒ̈ܢ̣ܝܢ ܗ̈ܘܝ̣ ܥܕܡܐ ܠܡ̣ܬܚܐ ܣܓܝܐܐ. ܘܣܒ̈ܝ̣ܣܢ ܘܫܦܝܪ̈ܢ ܘܦ̇ܐ̈ܝܢ ܗ̈ܘܝ̣ ܘܣܓܝܐ̈ܢ. ܘܚ̣ܙܐ ܗܘܐ ܕܡܢ ܫܠܝ܆ ܗܐ ܡ̣ܛܐ ܝܘܚܢܢ ܐܦܝܣܩܦܐ ܕܡܕܝܢܬ ܡ̇ܠܟܘܬܐ܆ ܥܡ ܩܠ̣ܝܪܘܣ ܘܥܡܐ ܣܓܝܐܐ ܕܥܡܗ܆ ܘܪܗ̣ܛ ܥܠܝܗܝܢ ܒܚܐ̣ܦܐ܆ ܘܫ̇ܪܝ ܡܥ̇ܩܪ ܘܡ̇ܣܚܦ ܠܟܠܗܝܢ ܥܕ̈ܬܐ ܗܠܝܢ. ܘܥܩ̣ܪ ܘܣ̣ܚܦ ܐܦ ܡܕܒ̈ܚܝܗܝܢ ܕܟܠܗܝ̣ܢ ܥܕܡܐ ܕܫ̇ܠ̣ܡ ܐ̈ܢܝܢ. ܐ̣ܝܟܢܐ ܕܡܚ̣ܕܐ ܒܬܪ ܚ̣ܙܘܐ ܗܢܐ ܡܢ ܒܬܪ ܝܘܡ̈ܬܐ ܙܥܘܪ̈ܐ܆ ܗ̣ܝ ܗܕܐ̣ ܒܥܒ̇ܕܐ ܐܫܬܡ̣ܠܝܬ݀܇ ܟܕ ܢܦ̣ܩ ܘܥܩ̣ܪ ܘܣ̣ܚܦ ܠܟܠܗܘܢ ܟܢ̈ܘ̣ܫܝܐ ܣܒ̈ܝ̣ܣܐ ܕܥ̈ܕܬܐ ܕܡܗ̈ܝܡܢܐ܇ ܕܒܗ̇ ܒܡܕܝܢܬܐ ܘܒܟܠܗܘܢ ܚ̣ܕܪ̈ܝܗ̇ ܐܝܟ ܓܠ̣ܝܢܐ ܘܐܝܟ ܚ̣ܙܘܐ ܗ̇ܘ ܕܩ̣̇ܕܡ ܐܬܓ̣ܠܝ܇ ܘܠܥܒ̇ܕܐ ܓܠ̣ܝܐܝܬ ܒܥܓܠ ܢܦ̣ܩ.܀. ܪܝܫܐ ܕܐܪ̈ܒܬܥܣܖ̈܆ ܕܥܠ ܦܘܠܐ ܐܦܝܣܩܘܦܐ ܐ̇ܣܝܢܐ. ܏ܝܕ ܦܘܠܘܣ ܗܟܝܠ ܗܢܐ ܕܐܦ ܩܕܡ ܩܠܝܠ ܒܥܘܗܕܢܐ ܕܥܠܘܗܝ ܡܢ ܠܥܠ ܐܬ̇ܚܫܚܢ: ܕܐ̣ܝܬܘܗܝ ܗܘܐ ܡܢ ܐܬܪܐ ܕܩ̣ܪܝܐ: ܕܐܦܝܣܩܘܦܐ ܥܒ̣ܝܕ ܗܘܐ ܘܡ̇ܫ̣ܡܗ ܘܡ̇ܫ̣ܡܗ̇ ܗܘܐ: ܕܐܦ̣ܪܘܕܝܣܝܕܐ ܡ̣ܛܪܦܘܠܝܣ ܕܩ̣ܪܝܐ: ܣܒܐ ܫܦܝ̣ܐ ܘܦܫ̣ܝܛܐ܆ ܗܢܐ ܟܕ ܒܕܝܪܗ ܒܫܠܝ̣ܐ ܝܬ̇ܒ ܗܘܐ: ܐܝܟ ܕܩ̇ܕܡܢ ܐ̇ܘ̣ܕܥܢ܆ ܫ̣ܕܪ ܗ̣ܘ ܝܘܚܢܢ ܦܛܪܝܪܟܐ܆ ܘܠܒ̣ܟܗ ܘܐ̇ܥ̣ܠܗ ܒܦܪ̈ܙܠܐ܆ ܘܚܒܫ̣ܗ ܒܒܝܬ ܐܦܝܣܩܦܝܘܢ ܕܝܠܗ. ܘܟܕ ܐ̇ܠܨ ܠܗ ܡ̇ܪܝܪܐܝܬ܆ ܫܥ̇ܒܕܗ ܠܫܘܬ̇ܦܘܬܐ ܕܥܡܗ. ܘܗ̇ܝܕܝܢ ܫ̣ܕܪܗ ܠܒܪ ܠܗ ܠܐܬܪܐ. ܘܟ̣ܬܒ ܘܦܩ̣ܕ ܠܗ̇ܘ ܕܐܝܬ ܒܗ̇ ܒܡܕܝܢܬܐ܆ ܕܢܫ̣ܪܝܘܗܝ ܡܢ ܐܦܝܣܩܘܦܘܬܗ܆ ܘܡܢ ܕܪܝܫ ܢܥ̣ܒܕܗ ܐܦܝܣܩܦܐ ܒܐܢܛܝܘܟܝܐ ܡܕܝܢܬܐ ܕܩ̣ܪܝܐ. ܗܕܐ̣ ܕܐܦ ܒܥܒ̇ܕܐ ܐܬܓܡ̣ܪܬ݀. ܘܫܪܘܗܝ ܘܫܕܪ ܘܗܝ ܘܟܕ ܐܝܟ ܕܣܒ̣ܪܘ ܫ̇ܠܚܘܗܝ ܕܫ̇ܠܚܘܗܝ ܡܢ ܟܗܢܘܬܗ܆ ܗܝ̇ܕܝܢ ܐܝܟ ܕܠܫܚ̣ܝܡܐ ܥܒ̣ܕܘܗܝ ܡܢ ܕܪܝܫ. ܘܗܟܢܐ ܗܘ̣ܐ ܚܣ̣ܕܐ ܘܡ̇ܘܝܩܐ ܘܠܗܘܢ ܠܗܠܝܢ܆ ܘܐܦ ܠܗܠܝܢ ܕܝܠܗ. ܘܩ̇ܪܝܢ ܗܘܘ ܠܗ ܩܠܝ̣ܪ̈ܝܩܘܗܝ̣ ܨܒܝ̣ܥ ܬܪ̈ܬܝܢ ܙܒ̈ܢܝܢ.܀.